ᓄᓇᓕᓐᓂᑦ ᐊᐅᓚᔾᔭᐃᒋᐊᕐᓂᕐᒧᑦ ᐱᓕᕆᐊᖅ (ᐱᓕᕆᐊᖅ) ᑮᓇᐅᔭᓂᑦ ᐃᑲᔫᑎᖃᖃᑦᑕᓲᖅ ᐱᓕᕆᐊᓅᖓᔪᓂᑦ ᒪᑯᓂᖓ: ᓄᓇᓕᓐᓂᑦ ᐱᓕᕆᔪᓐᓇᕐᓯᑎᑦᑎᕙᓪᓕᐊᓂᕐᒥᒃ; ᐊᑐᖅᑎᑦᑎᒋᐊᒃᑲᓂᕐᓂᕐᒥᒃ ᐃᓄᐃᑦ ᐃᓕᖅᑯᓯᖓᓐᓂᒃ; ᑮᓇᐅᔭᓕᐅᕋᓱᐊᕈᑎᔅᓴᓂᑦ; ᐃᓅᓯᓕᕆᓂᕐᒥᒃ; ᐋᓐᓂᐊᖅᑐᓕᕆᓂᕐᒥᒃ ᐊᒻᒪᓗ ᐃᓅᓯᖃᑦᑎᐊᓂᕐᒥᒃ; ᐊᒻᒪᓗ ᐊᕙᑎᓕᕆᓂᕐᒥᒃ ᓴᐳᔾᔨᓂᕐᒥᒃ. ᐱᓕᕆᐊᕐᒥ ᑮᓇᐅᔭᑦ ᐊᑐᖅᑐᔅᓴᑦ ᑮᓇᐅᔭᓂᑦ ᓂᖏᕈᑎᒋᕙᑦᑕᖏᓐᓃᙶᕐᐸᑦᑐᑦ ᑲᑐᔾᔨᖃᑎᒌᒃᑯᑦ ᑎᒥᖁᑎᖏᓐᓂ: ᕿᑭᖅᑖᓗᒃ ᑯᐊᐳᕇᓴᓐ ᐊᒻᒪᓗ ᓄᓇᓯ ᑯᐊᐳᕇᓴᓐ.
ᐃᓚᒌᒃᑐᓄᑦ ᓄᓇᓕᓐᓄᓪᓗ ᐱᕙᓪᓕᐊᔾᔪᑎᔅᓴᐃᑦ ᑮᓇᐅᔭᑦ ᐋᖅᑭᑦᑕᐅᓚᐅᕐᓯᒪᔪᑦ ᐃᓚᒃᑯᑦ 12 ᒪᓕᑦᑐᒍ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᔅᓴᖏᓐᓄᓪᓗ ᐊᖏᕈᑎᓂᑦ (ᐊᖏᕈᑎᓂᑦ) ᑖᒃᑯᓇᙵᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᐹᕕᓐᓛᓐᑯᓐᓂ. ᑲᑐᔾᔨᖃᑎᒌᒃᑯᑦ ᐋᖅᑮᔅᓱᐃᓚᐅᕐᓯᒪᔪᑦ ᐋᖅᑭᓯᒪᓂᕆᓂᐊᖅᑕᖏᓐᓂᒃ ᑮᓇᐅᔭᓄᑦ ᐊᒻᒪᓗ ᑲᒪᒋᔭᖃᕐᐸᑦᑐᑎᒃ ᑖᒃᑯᓂᖓ.
ᑮᓇᐅᔭᑦ ᐊᑐᐃᓐᓇᐅᕗᑦ ᐅᑯᓄᖓ ᑲᑐᔾᔨᖃᑎᒌᑦ, ᑲᑎᒪᔨᕋᓛᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᓄᓇᓕᓐᓄᑦ ᐃᒃᐱᐊᕐᔪᒻᒥ, ᑲᖏᖅᑐᒑᐱᒻᒥ, ᓴᓂᕋᔭᒻᒥ, ᐃᒡᓗᓕᒻᒥ, ᒥᑦᑎᒪᑕᓕᒻᒥᓪᓗ. ᐱᓕᕆᐊᑦ ᓂᕈᐊᖅᑕᐅᔪᑦ ᑕᑯᑎᑦᑎᓂᐊᖅᑐᑦ ᓈᒻᒪᑦᑐᓂᑦ ᐊᑦᑐᐃᓂᓕᓐᓂᑦ ᐃᓄᓐᓄᑦ ᕿᑭᖅᑖᓘᑉ ᐅᐊᓐᓇᖓᓂ ᓄᓇᓕᓐᓂᑦ ᑐᕌᒐᖃᖅᑐᑎᒃ ᐊᓐᓇᐅᒪᔪᓐᓇᕐᓂᖏᓐᓂᒃ, ᐃᓚᒌᑦᑎᐊᕐᓂᖏᓐᓂᒃ, ᐊᒻᒪᓗ ᐃᖅᑲᓇᐃᔮᔅᓴᓄᑦ ᐊᑐᐃᓐᓇᐅᓂᖏᓐᓂᒃ.
ᐱᓇᓱᐊᕈᒪᓐᓂᕈᔅᓯ ᑮᓇᐅᔭᓂᑦ ᐊᐅᓚᑦᑎᔾᔪᑎᒋᓂᐊᖅᑕᓯᓐᓂᒃ ᐱᓕᕆᐊᕐᒥᑦ ᐃᓄᑑᔾᔨᓗᑎᑦ ᐅᕝᕙᓘᓐᓃᑦ ᐱᓕᕆᖃᑎᖃᕐᓗᑎᑦ ᑲᑐᔾᔨᖃᑎᒋᓂᐊᖅᑕᕐᓂᒃ ᐱᓇᓱᐊᕈᑏᑦ ᐱᔪᓐᓇᖅᑕᑎᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᑦᑎᓐᓂ, ᐅᖄᓚᓗᑎᑦ ᑲᑐᔾᔨᖃᑎᒌᒃᑯᑦ ᐊᓪᓚᕝᕕᖓᓐᓄᑦ ᐃᖃᓗᓐᓂ, ᐅᕝᕙᓘᓐᓃᑦ ᐊᖅᑯᑎᒋᓗᒍ ᑲᑐᔾᔨᖃᑎᒌᒃᑯᑦ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ.
ᑐᑭᓯᒋᐊᒃᑲᓐᓂᕈᒪᒍᕕᑦ:
