ᐃᖃᓗᐃᑦ, ᓄᓇᕗᑦ − ᐊᒃᑑᕝᕙ 19, 2021 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᖁᕕᐊᓱᑉᐳᑦ ᓇᓗᓇᐃᕐᓯᔭᕆᐊᔅᓴᖅ ᐱᒋᐊᖅᑎᑦᑎᓂᖏᓐᓂᒃ ᑐᖏᓕᐊᓂ ᐊᕐᕌᒍᒥ ᕿᑭᖅᑕᓂ ᕿᒧᒃᓯᖅᑎᓄᑦ ᐱᓕᕆᐊᕐᒥᑦ (QQP) ᐋᖅᑭᓱᖅᑕᐅᓯᒪᔪᖅ ᐃᑲᔫᑎᐅᒍᒫᕐᓂᐊᖅᑐᓂ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐋᖅᑭᐅᒪᑎᑦᑎᓂᕐᒥᒃ ᕿᒧᔅᓯᖁᑎᖏᓐᓂᒃ.

ᑖᓐᓇ ᐱᖓᓱᓂᑦ−ᐊᕐᕌᒍᓂᑦ ᐆᑦᑐᕋᐅᑕᐅᓪᓗᓂ ᐱᓕᕆᐊᖅ ᑮᓇᐅᔭᖃᖅᑎᑦᑎᒍᑕᐅᕙᑦᑐᖅ ᕿᑭᖅᑕᓂ ᓄᓇᓕᓐᓂᑦ ᐃᓄᓐᓂᑦ ᕿᒧᔅᓯᖁᑎᖃᕐᐸᒌᖅᑐᓄᑦ. ᐊᑐᓂᑦ ᐱᓇᓱᐊᖃᑕᐅᔪᓐᓇᖅᑐᑦ ᑐᔅᓯᕋᖅᑐᑦ ᑐᓂᔭᐅᖃᑦᑕᓂᐊᖅᑐᑦ $3,000ᓂᑦ ᐊᑕᐅᓯᐊᕐᓗᑎᒃ ᐊᑭᓕᐅᑎᓂᑦ. ᑖᓐᓇ ᐱᓕᕆᐊᖅ ᐃᓚᒋᔭᐅᒻᒪᑦ ᕿᑭᖅᑕᓂᒃᑯᑦ ᐃᖅᑲᓇᐃᔮᕆᕙᑦᑕᖏᓐᓄᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑏᑦ ᒥᔅᓵᓅᖓᔪᓂᑦ.

“ᑐᖏᓕᐊᓂ−ᐊᕐᕌᒍᒋᓕᖅᑕᖓᓂ ᑖᓐᓇ ᐱᓕᕆᐊᖑᓂᖓ ᑲᔪᓯᑎᑦᑎᕙᓪᓕᐊᔪᑦ ᐊᕐᕌᓂ ᑲᔪᓯᑦᑎᐊᕐᓂᕆᔪᔭᖓᓂᒃ,” ᐅᖃᖅᑐᖅ ᕿᑭᖅᑕᓂᒃᑯᑦ ᐊᖏᔪᖅᑳᖓᑦ, ᐅᓛᔪᒃ ᐊᑭᓱᒃ, “ᑲᔪᓯᑎᑦᑎᓂᖅ ᐊᑐᖅᑕᐅᑎᑦᑎᒋᐊᒃᑲᓂᕐᓂᕐᒥᒃ ᕿᒧᔅᓯᖁᑎᖃᖃᑦᑕᓂᕐᒥᒃ ᓄᓇᑦᑎᓐᓂ ᐊᑑᑎᖃᓪᓚᕆᒻᒪᑦ ᐊᑐᓕᖅᑎᑦᑎᓂᕐᒥᒃ ᐊᑐᓕᖁᔨᔾᔪᑕᐅᓯᒪᔪᖤᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ.”

ᕿᑭᖅᑕᓂ ᓄᓇᓖᑦ ᐃᓄᐃᑦ ᕿᒻᒥᓖᑦ ᑕᓪᓕᒪᓂᑦ ᐅᖓᑖᓂᓘᓐᓃᑦ ᑐᔅᓯᕋᖃᑦᑕᕈᓐᓇᖅᑐᑦ ᑮᓇᐅᔭᓂᑦ, ᐃᓚᒋᔭᐅᓪᓗᑎᒃ ᑕᐃᒃᑯᐊ ᑐᔅᓯᕋᓚᐅᕐᓯᒪᔪᑦ 2020ᑎᓪᓗᒍ. ᑐᔅᓯᕋᐅᑦ ᐱᔭᐅᔪᓐᓇᖅᑐᖅ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓂ ᐅᕙᙵᑦ:www.qia.ca/qikiqtani-qimuksiqtiit-project ᐅᕝᕙᓘᓐᓃᑦ ᑎᑎᕋᕐᕕᐅᔪᓐᓇᖅᑐᑦ ᐃᑲᔪᖅᑎᖃᕐᓗᑎᒃ ᓄᓇᔅᓯᓐᓂ ᑐᓴᐅᒪᑎᑦᑎᔨᑦᑎᓐᓂᒃ ᐅᕝᕙᓘᓐᓃᑦ, ᐅᖄᓚᖃᑦᑕᕐᓗᓯ ᐅᕗᖓ 867-975-8441.

ᒪᑐᕕᔅᓴᓕᒃ ᑐᔅᓯᕋᕐᕕᔅᓴᖅ ᑏᓰᕝᕙ 31, 2021ᒥ. ᐊᖏᖅᑕᐅᔪᑦ ᑐᔅᓯᕋᕐᓯᒪᔪᑦ ᑐᓂᔭᐅᖃᑦᑕᓂᐊᖅᑐᑦ ᑮᓇᐅᔭᓂᑦ ᔮᓐᓄᐊᓕ 31, 2022 ᖃᓂᒋᔭᖓᓂ. ᑖᓐᓇ ᐆᑦᑐᕋᐅᑕᐅᓪᓗᓂ ᐱᓕᕆᐊᖅ ᐊᐅᓚᓂᖃᕐᓂᐊᖅᑐᖅ ᒫᑦᓯ 2023ᖑᕋᓱᓐᓂᖓᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᒋᒍᒃ:

ᐅᐃᓪ Hᐊᑉᑭᓐᔅ
ᑐᑭᒧᐊᑦᑎᑦᑎᔨᖓᓐᓄᑦ ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.975.8413
1.800.667.2742