ᐅᓪᓗᖅ ᓴᖅᑭᖅᑕᐅᔪᖅ:  ᒪᐃ 14, 2018

ᑭᓱᒧᑦ: ᓴᖅᑭᖅᑕᐅᔪᖅ ᕿᑭᖅᑕᓂᒃᑯᑦ ᖃᕆᓴᐅᔭᒃᑯᑦ ᓄᓇᒥᒃ ᐊᑐᕐᓂᕐᒧᑦ ᑎᑎᕋᕐᕕᒃ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᖅᑕᓂ) ᖃᕆᓴᐅᔭᒃᑯᑦ ᓄᓇᒥᒃ ᐊᑐᕐᓂᕐᒧᑦ ᑐᒃᓯᕋᐅᑎᓂᒃ ᑎᑎᕋᕐᕕᖓ ᑐᒃᓯᕋᐅᓯᐅᖅᑐᓂᒃ ᑐᓂᓯᖃᑦᑕᕕᒃᓴᐅᔪᖅ ᑕᒪᐃᓐᓂᒃ ᓄᓇᒥᒃ ᐊᑐᕐᓂᕐᒧᑦ ᐱᔪᓐᓇᐅᑎᓂᒃ ᑐᒃᓯᕋᐅᑎᓂᒃ ᖃᕆᓴᐅᔭᒃᑯᑦ.

ᓄᑖᖅ ᐊᑐᕋᑦᓴᖅ ᓱᑲᓐᓂᕐᓴᐅᔪᖅ ᐊᒻᒪᓗ ᑲᔪᓯᐊᓂᕐᓴᐅᓪᓗᓂ ᑐᒃᓯᕋᐅᓯᐅᕐᓂᕐᒧᑦ. ᑖᑦᓱᒧᖓ ᐊᑐᕋᑦᓴᒧᑦ ᐱᔾᔪᔾᔭᐅᔪᑦ ᑐᓂᓯᑐᐃᓐᓇᖃᑦᑕᕐᓂᐊᕈᓐᓃᖅᑐᑦ ᑐᒃᓯᕋᐅᑎᓂᒃ ᖃᕆᓴᐅᔭᒃᑯᑦ ᑭᓯᐊᓂᓕᑦᑕᐅᖅ ᖃᐅᔨᒋᐊᖃᑦᑕᕈᓐᓇᕐᓂᐊᓕᖅᑐᑦ ᖃᓄᐃᓕᕐᒪᖔᖅ ᐱᓕᕆᐊᖓ. ᑐᓴᐅᒪᔾᔪᑎᓕᒫᓄᑦ ᑎᑎᕋᕐᓯᒪᔪᐃᓪᓗ ᐊᒃᑐᐊᔪᑦ ᐱᓕᕆᐊᒧᑦ ᑎᒍᒥᐊᖅᑕᐅᓂᐊᖅᑐᑦ ᐊᑕᐅᓯᕐᒥ, ᐊᑐᐃᓐᓇᐅᓯᐊᖅᑐᒥ ᖃᕆᓴᐅᔭᒃᑯᑦ.

ᑎᑎᕋᕐᕕᒃ ᕿᑭᖅᑕᓂᒃᑯᓐᓄᑦ ᖃᐅᔨᒪᒍᑕᐅᖃᑦᑕᓂᐊᖅᑐᖅ ᑐᒃᓯᕋᕐᓯᒪᔪᓂᒃ ᐳᓛᕆᐊᕐᓯᒪᔪᓂᒃ ᐅᑉᕙᓘᓐᓃᑦ ᐃᖅᑲᓇᐃᔭᖅᑐᓂᒃ ᐃᓄᐃᑦ ᓄᓇᖁᑎᖏᓐᓂ ᓲᕐᓗ ᖃᐅᔨᓴᖅᑏᑦ, ᐳᓚᕋᑎᑕᖅᑏᑦ ᐅᒥᐊᕐᔪᐊᑦ ᐊᒻᒪᓗ ᐅᔭᕋᓐᓂᐊᕋᑦᓴᓯᐅᖅᑏᑦ. ᕿᑭᖅᑕᓂᒃᑯᑦ ᐊᑐᕈᓐᓇᖅᑕᖓ ᑖᓐᓇ ᑐᓴᐅᒪᔾᔪᑎ ᖃᐅᔨᒃᑲᐃᒍᑎᒋᓗᒍ ᓄᓇᓕᖕᓂ ᐱᓕᕆᔪᖃᕐᓂᖓᓂᒃ ᓄᓇᖏᓐᓂ ᐃᒪᖏᓐᓂᓘᓐᓃᑦ.

ᖃᕆᓴᐅᔭᒃᑯᑦ ᐊᐅᓚᓂᖓᒍᑦ ᐃᕐᖐᓐᓇᖅ ᐃᖅᑲᐃᑎᑦᓯᒋᐊᕈᑎᑕᖃᕐᒥᔪᖅ ᐱᔾᔪᔾᔭᐅᔪᑦ ᐅᓂᒃᑳᓕᐅᕐᓯᒪᒋᐊᖃᕐᓂᖏᓐᓄᑦ ᐃᓱᓕᑉᕕᒃᓴᓂᒃ ᐊᒻᒪᓗ ᖃᐅᔨᓴᕐᕕᒃᓴᖏᓐᓂ ᑎᑎᕋᖅᑕᐅᓯᒪᒋᐊᓖᑦ ᐱᔭᐅᕕᒃᓴᖏᓐᓂ ᐱᔭᐅᓯᒪᒐᓗᐊᕐᒪᖔᑕ.

ᖃᕆᓴᐅᔭᒃᑯᑦ ᐊᐅᓚᓂᖓ ᐃᓇᖐᓂᐊᖅᑐᖅ ᐸᐃᑉᐹᒃᑰᖓᖃᑦᑕᓚᐅᖅᑐᒥᒃ, ᑭᓯᐊᓂ, ᐸᐃᑉᐹᒃᑰᖓᔪᑦ ᑐᒃᓯᕋᐅᑏᑦ ᓱᓕ ᐱᔭᐅᖃᑦᑕᓂᐊᖅᑐᑦ ᖃᓪᓗᓈᑎᑑᖅᑐᑦ ᐃᓄᒃᑎᑑᖅᑐᓪᓗ ᑕᐃᒃᑯᓇᓐᖓᑦ ᐊᑐᐃᓐᓇᖃᓐᖏᑦᑐᓂᒃ ᐃᑭᐊᖅᑭᔾᔪᑎᓂᒃ.

ᓄᑖᖅ ᖃᕆᓴᐅᔭᒃᑯᑦ ᑐᒃᓯᕋᐅᓯᐅᕐᕕᒃᓴᖅ ᐱᔭᐅᔪᓐᓇᖅᑐᖅ ᕿᑭᖅᑕᓂᒃᑯᑦ ᐃᑭᐊᖅᑭᕕᖓᓂ ᐊᒻᒪᓗ ᐅᕙᓐᖓᑦ http://qia.strata360.com/app/.

ᑖᓐᓇ ᓇᓗᓇᐃᖅᑐᕐᓯᒪᔪᖅ ᒪᑉᐱᒐᕐᒥ ᑭᖑᓪᓕᒥ ᓚᐃᓴᓂᒃ ᐊᑐᖅᑐᐊᓂᕐᒧᓪᓗ ᕿᑭᖅᑕᓂᒃᑯᑦ ᒪᓂᒪᑎᑕᓕᒫᖏᓐᓂᒃ. ᐅᓄᕐᓂᕐᓴᑦ ᓇᓗᓇᐃᒃᑯᑕᖅ 1-ᒦᖃᑦᑕᖅᑐᑦ ᓄᓇᒥᒃ ᐊᑐᕐᓂᕐᒧᑦ ᓚᐃᓴᖏᑦ ᑮᑕᑲᐃᓐᓇᖅ−ᐋᖅᑭᑦᓯᒪᔪᑦ, ᖃᖓᐅᓕᕋᐃᒻᒪᑦ ᐱᓕᕆᐊᖑᖃᑦᑕᖅᑐᑦ ᑕᒫᓂ ᖃᓂᒋᔮᓂᓘᓐᓃᑦ ᐃᓄᐃᑦ ᓄᓇᖁᑎᖏᓐᓂ.

ᑐᒃᓯᕋᐅᓯᐅᕐᓯᒪᔪᑦ ᐊᕕᑦᑐᕐᓯᒪᓂᖏᑎᒍᑦ ᐊᑐᐃᓐᓇᐅᔪᑦ ᖃᕆᓴᐅᔭᒃᑯᑦ ᓄᓇᒥᒃ ᐊᑐᕐᓂᕐᒧᑦ ᑐᒃᓯᕋᐅᑎᓄᑦ ᑎᑎᕋᕐᕕᖕᒥ:

ᑐᑭᓯᒋᐊᒃᑲᓂᕐᕕᒃᓴᖅ ᖃᐅᔨᒋᐊᕐᕕᒋᓗᒍ:

ᓰᒪ ᓴᕼᐊ ᔨᐅᕆᕼᐃ

ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ

szerehi@qia.ca

(867) 975.8413

1.800.667.2742