ᓇᓗᓇᐃᖅᑕᐅᓯᒪᔪᑦ ᖃᐅᔨᒃᑲᐃᔾᔪᑏᑦ ᓂᕈᐊᕐᓇᐅᑉ ᐊᑯᓐᓂᖓᒍᑦ−ᓂᕈᐊᕐᓇᐅᓛᖅᑐᒥᒃ: ᓇᓗᓇᐃᖅᑕᐅᓪᓚᑦᑖᕐᓯᒪᙱᑦᑐᑦ ᓂᕈᐊᕋᔅᓴᐅᓛᖅᑐᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᓇᓗᓇᐃᖅᑕᐅᓯᒪᔪᑦ ᖃᐅᔨᒃᑲᐃᔾᔪᑏᑦ ᓂᕈᐊᕐᓇᐅᑉ ᐊᑯᓐᓂᖓᒍᑦ−ᓂᕈᐊᕐᓇᐅᓛᖅᑐᒥᒃ
ᐋᒡᒌᓯ 14, 2020
ᖃᐅᔨᒃᑲᐃᕗᒍᑦ ᓂᕈᐊᖅᑎᐅᔪᓂᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ (ᕿᑭᖅᑕᓂᒃᑯᓐᓄᑦ) ᓂᕈᐊᕐᓇᐅᑉ ᐊᑯᓐᓂᖓᒍᑦ−ᓂᕈᐊᕐᓇᐅᓛᖅᑐᒥᒃ ᓯᑎᐱᕆ 21, 2020ᓕᖅᑲᑦ.
ᓇᓗᓇᐃᖅᑕᐅᓪᓚᑦᑖᕐᓯᒪᙱᑦᑐᑦ ᓂᕈᐊᕋᔅᓴᐅᓛᖅᑐᑦ ᐅᑯᐊᖑᕗᑦ:
ᓄᓇᓕᓐᓂᑦ ᑲᑎᒪᔨᔅᓴᐅᓂᕐᒧᑦ − ᐃᒡᓗᓕᒃ
ᐃᐅᕋᔅᒪᔅ ᐃᕙᓗ
ᓇᑕᓕᓄ ᐱᐅᒐᑦᑐᒃ
ᓗᐃ ᑕᐹᕐᔪᒃ
ᓂᕈᐊᕋᔅᓴᐃᑦ ᐱᕕᖃᕐᓂᐊᖅᑐᑦ ᐋᒡᒌᓯ 17, 2020ᖑᕋᓱᓐᓂᖓᓂ, 5ᒧᑦ ᐅᓐᓄᓴᒃᑯᑦ ᓄᓇᓕᐅᔪᑦ ᓯᕿᙳᔭᖓ ᒪᓕᑦᑐᒍ ᐲᖅᑕᐅᑎᑦᑎᔪᓐᓇᓂᕐᒧᑦ ᓂᕈᐊᕋᔅᓴᓕᐅᖅᑕᐅᓯᒪᓂᖏᓐᓂᒃ. ᓇᓗᓇᐃᖅᑕᐅᓪᓚᑦᑖᕐᓯᒪᔪᓂᑦ ᑭᒃᑰᓂᐊᕐᒪᖔᑕ ᓴᖅᑭᑎᑦᑎᓕᕋᔭᖅᑐᑦ.
ᓂᕈᐊᖃᑕᐅᔪᒪᓛᕈᕕᑦ ᑲᓇᑕᒥᐅᑕᐅᔭᕆᐊᖃᖅᑐᑎᑦ, ᐅᑭᐅᖃᕐᓗᑎᑦ 16ᓂᑦ ᓂᕈᐊᕐᓇᐅᓕᖅᑲᑦ, ᐃᓅᓗᑎᑦ ᐊᑎᓕᐅᖅᑕᐅᓯᒪᓗᑎᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ ᐊᒻᒪᓗ ᓄᓇᖃᓪᓚᑦᑖᕐᓗᑎᑦ ᐃᒡᓗᓕᒻᒥ.
ᓂᕈᐊᕐᕕᔅᓴᐃᑦ ᒪᑐᐃᓛᖅᑐᑦ ᐃᒡᓗᓕᒻᒥ 10ᒥ ᐅᓪᓛᒃᑯᑦ 7ᒧᑦ ᐅᓐᓄᒃᑯᑦ ᓄᓇᓕᐅᔪᑦ ᓯᕿᙳᔭᖓ ᒪᓕᑦᑐᒍ ᓯᑎᐱᕆ 14ᒥ ᓯᕗᓂᐊᒍᑦ ᓂᕈᐊᕆᐊᖅᑐᓛᕈᒪᔪᓄᑦ ᐊᒻᒪᓗ ᓯᑎᐱᕆ 21ᒥ, ᓂᕈᐊᕐᓇᐅᓛᖅᑐᒥ.
ᑐᑭᓯᒋᐊᒃᑲᓐᓂᕈᒪᒍᔅᓯ ᑐᑭᓯᒋᐊᕐᕕᐅᖃᑦᑕᕐᓕ:
ᐹᓪ ᐅᑲᓕᖅ ᐊᓪᓚᕝᕕᐊᓂ ᓂᕈᐊᖅᑐᓕᕆᓂᕐᒧᑦ ᐊᖏᔪᖅᑳᑉ
ᓂᕈᐊᖅᑐᓕᕆᓂᕐᒧᑦ ᐊᖏᔪᖅᑳᖅ ᐊᔮᔮ ᑐᓴᐅᒪᖃᑦᑕᐅᑎᑎᑦᑎᔩᑦ
ᐅᖄᓚᐅᑖ 867-222-5549 ᓈᑎᐊ ᓯᑰᓐ/ᔭᐃᓴᓐ ᕌᕗᑦᔅ
ᐃᕐᖐᓈᖅᑕᐅᑖ: qiacro@ayaya.ca ᐅᖄᓚᐅᑖ: 867-222-1484
ᐃᕐᖐᓈᖅᑕᐅᑖ: nadiac@ayaya.ca