ᑲᑐᔾᔨᖃᑎᒌᒃᑯᑦ ᓄᓇᓕᓐᓂᑦ ᑐᓴᕋᓱᑦᑐᑦ ᑕᓪᓗᕈᑎᐅᑉ ᐃᒪᖓᑕ ᒥᔅᓵᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐊᖑᓯᒪᑲᐃᓐᓇᓂᐊᖅᑐᑦ ᒥᔅᓵᓄᑦ
ᓴᖅᑭᖅᑕᐅᕕᖓᑕ ᐅᓪᓗᖓ: ᔫᓂ 4, 2018
ᐱᓕᕆᓂᖅ: ᑲᑐᔾᔨᖃᑎᒌᒃᑯᑦ ᓄᓇᓕᓐᓂᑦ ᑐᓴᕋᓱᑦᑐᑦ ᑕᓪᓗᕈᑎᐅᑉ ᐃᒪᖓᑕ ᒥᔅᓵᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐊᖑᓯᒪᑲᐃᓐᓇᓂᐊᖅᑐᑦ ᒥᔅᓵᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᑲᑎᒪᑎᑦᑎᖃᑦᑕᕐᓂᐅᓴᒻᒪᑕ ᑕᓪᓕᒪᓂᑦ ᕿᑭᖅᑕᓂ ᓄᓇᓕᓐᓂᑦ ᐱᔾᔪᑎᖃᖅᑐᑎᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᓕᐊᖑᓯᒪᑲᐃᓐᓇᓂᐊᖅᑐᓂᑦ ᑕᓪᓗᕈᑎᐅᑉ ᐃᒪᖓᓂ ᓴᐳᔾᔨᕕᓕᐊᖑᒍᒪᔪᒧᑦ (NMCA).
ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂᑦ, ᓄᓇᕗᑦ ᒐᕙᒪᒃᑯᖏᓐᓂᑦ ᐊᒻᒪᓗ ᒥᕐᖑᐃᓯᕐᕕᓕᕆᔨᒃᑯᓐᓂᑦ ᑲᓇᑕᒥ ᓄᓇᓕᓐᓂᑦ ᑲᑎᒪᑎᑦᑎᖃᑦᑕᓂᐊᖅᑐᑦ ᖃᐅᓱᐃᑦᑐᕐᒥ ᐊᐅᓱᐃᑦᑐᕐᒥᓗ ᔫᓂᐅᓕᖅᑲᑦ. ᐃᖅᑲᓇᐃᔭᖅᑎᕗᑦ ᑲᑎᒪᖃᑎᖃᖃᑦᑕᓂᐊᖅᑐᑦ Hᐊᒪᓚᒃᑯᓐᓂᑦ, ᐊᖑᓇᓱᑦᑐᓕᕆᔨᒃᑯᓐᓂᑦ, ᓄᓇᓕᓐᓂᑦ ᓄᓇᓕᕆᓂᕐᒧᑦ ᑲᑎᒪᔨᕋᓛᕐᓂᑦ, ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᕐᓂᑦ, ᐃᓅᓱᑦᑐᓂᑦ ᐃᓕᓐᓂᐊᕐᕕᐊᓗᓐᓂᑦ, ᓄᓇᖃᖅᑐᑐᖃᐃᑦ ᖃᐅᔨᒪᔭᖏᓐᓂᒃ ᐱᔭᕆᐊᑭᓕᑎᑦᑎᔨᓂᑦ ᐊᒻᒪᓗ ᑐᙵᓱᑦᑎᑦᑎᓗᑎᒃ ᒪᑐᐃᖓᑎᑦᑎᖃᑦᑕᕐᓗᑎᒃ ᓄᓇᓕᓐᓄᑦ.
ᑕᒪᓐᓇ ᐃᓚᒋᔭᐅᒻᒪᑦ ᓄᓇᓕᓐᓂᑦ ᑲᑎᒪᑎᑦᑎᓂᐅᖃᑦᑕᓂᐊᖅᑐᓄᑦ ᑕᓪᓕᒪᓂᑦ ᓯᔾᔭᕐᐸᓯᐊᓂ ᓄᓇᓕᓐᓂᑦ. ᑲᑎᒪᑎᑦᑎᔭᕇᔪᔪᑦ ᒥᑦᑎᒪᑕᓕᒻᒥ ᐃᒃᐱᐊᕐᔪᒻᒥᓗ ᒪᐃᖑᑎᓪᓗᒍ. ᑲᑎᒪᑎᑦᑎᒍᒫᕐᓂᐊᕐᒥᔪᑦ ᑲᖏᖅᑐᒑᐱᒻᒥ ᔪᓚᐃ ᐱᒋᐊᓕᕋᑖᖅᑎᓪᓗᖏᑦ.
ᑲᑎᒪᑎᑦᑎᖃᑦᑕᕐᓃᑦ ᑐᑭᓯᒋᐊᒃᑲᓐᓂᕈᑕᐅᕗᑦ ᑕᓪᓗᕈᑎᐅᑉ ᐃᒪᖓᑕ ᒥᔅᓵᓄᑦ ᖃᐅᔨᓴᕈᑕᐅᓯᒪᔪᑦ ᒥᔅᓵᓄᑦ ᐅᓂᒃᑳᓕᐊᖑᓯᒪᒧᓂᑦ ᐱᔭᕇᖅᑕᐅᔪᔪᓂᑦ ᕖᕝᕗᐊᓕ 2017ᖑᑎᓪᓗᒍ. ᐱᕕᖃᖅᑎᑦᑎᓂᐊᕐᖓᑕ ᓄᓇᓕᓐᓂᑦ ᖃᐅᔨᓇᓱᓪᓗᑎᒃ ᖃᓄᖅ ᐃᓱᒪᒋᔭᖃᕐᒪᖔᑕ ᑐᑭᓯᒋᐊᕐᕕᖃᕐᓂᖏᓐᓂ ᐊᔪᕐᓇᔾᔮᖏᒻᒪᖔᖅ ᖃᐅᔨᓴᕐᓂᕐᒧᑦ ᐅᓂᒃᑳᓕᐊᖑᓯᒪᔪᓂᑦ ᐊᑐᖅᑕᐅᓯᒪᓂᖏᓐᓂᒃ ᐊᒻᒪᓗ ᖃᓄᖅ ᑕᒪᑐᒧᖓ ᐱᕙᓪᓕᐊᓯᒪᒻᒪᖔᑕ ᐅᓂᒃᑳᓕᐅᕈᑕᐅᓯᒪᔪᑦ ᑕᐃᒫᒃ.
ᑐᙵᓱᑦᑎᑎᓪᓗᑎᒃ ᐅᐸᑦᑕᐅᖃᑦᑕᕈᓐᓇᓂᐊᕐᓂᖏᑦ ᐱᕕᖃᕈᑕᐅᓂᐊᑐᑦ ᑲᑐᔾᔨᖃᑎᒌᒃᑯᓐᓄᑦ, ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ ᑐᓴᕈᑕᐅᓗᓂ ᑕᓪᓗᕈᑎᐅᑉ ᐃᒪᖓᑕ ᒥᔅᓵᓄᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᐅᑲᐃᓐᓇᓂᐊᖅᑐᓂᑦ ᐊᒻᒪᓗ ᓄᐊᑦᑎᓗᑎᒃ ᑐᓴᖅᑕᖏᓐᓂᒃ ᓄᓇᓕᓐᓂᑦ ᓄᓇᓕᓐᓂᑦ ᐱᔾᔪᑕᐅᔪᑦ ᒥᔅᓵᓄᑦ, ᐱᔭᕆᐊᑐᓂᖏᓐᓂᒃ ᐊᒻᒪᓗ ᐱᓇᓱᐊᕋᔅᓴᐅᓂᐊᖅᑐᓂᑦ ᐱᔾᔪᑎᒋᓪᓗᒍ ᐊᐅᓚᑦᑎᓂᖅ ᑕᒪᑐᒥᖓ ᑲᓇᑕᒥ ᑕᕆᐅᕐᒥ ᓴᐳᔾᔨᕕᐅᓂᐊᖅᑐᒥᒃ.
ᑕᓪᓗᕈᑎᐅᑉ ᐃᒪᖓᓄᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑏᑦ (ᐊᖏᕈᑏᑦ) ᐋᖅᑭᓯᒪᔪᑦ ᐋᔩᖃᑎᒌᒍᑕᐅᓂᐊᖅᑐᑎᒃ ᒥᕐᖑᐃᓯᕐᕕᓕᕆᔨᒃᑯᓐᓄᑦ ᑲᓇᑕᒥ ᒫᑦᓯ 2019 ᖃᓂᒋᔮᓄᑦ ᑎᑭᓪᓗᒍ.
ᓇᒥ/ᖃᖓᒃᑯᓪᓗ ᓄᓇᓕᓐᓂᑦ ᑲᑎᒪᓂᐅᓂᐊᖅᑐᑦ:
ᖃᐅᓱᐃᑦᑐᖅ, ᔫᓂ 4ᒥ 6ᒧᑦ
ᔫᓂ 4, 1 – 2 ᐅᓐᓄᓴᒃᑯᑦ: ᐃᓕᓐᓂᐊᕐᕕᐊᓗᒻᒥ ᐅᓂᒃᑳᕆᐊᖅᑐᕐᓗᑎᒃ ᐃᓕᓴᕕᒻᒥ
ᔫᓂ 5, 1 – 4:30 ᐅᓐᓄᓴᒃᑯᑦ: ᓄᓇᓕᓐᓄᑦ ᒪᑐᐃᖓᑎᑦᑎᓗᑎᒃ ᐱᙳᐊᕐᕕᒻᒥ ᐅᐸᒐᔅᓴᐅᓗᑎᒃ
ᔫᓂ 5, 7 – 9 ᐅᓐᓄᒃᑯᑦ: Hᐊᒪᓚᒃᑯᓐᓂᑦ ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᐊᓪᓚᕝᕕᐊᓂ
ᐊᐅᓱᐃᑦᑐᖅ, ᔫᓂ 6ᒥ 8ᒧᑦ
ᔫᓂ 6, 11 – 12 ᐅᓐᓄᓴᒃᑯᑦ: ᐃᓕᓐᓂᐊᕐᕕᐊᓗᒻᒥ ᐅᓂᒃᑳᕆᐊᖅᑐᕐᓗᑎᒃ ᐃᓕᓴᕕᒻᒥ
ᔫᓂ 6, 1:30 – 4 ᐅᓐᓄᓴᒃᑯᑦ: Hᐊᒪᓚᒃᑯᓐᓂᑦ ᑲᑎᒪᖃᑎᖃᕐᓗᑎᒃ Hᐊᒪᓚᒃᑯᑦ ᐊᓪᓚᕝᕕᐊᓂ
ᔫᓂ 6, 7 – 9 ᐅᓐᓄᒃᑯᑦ:ᓄᓇᓕᓐᓄᑦ ᒪᑐᐃᖓᑎᑦᑎᓗᑎᒃ ᐅᐸᒐᔅᓴᐅᓗᑎᒃ
ᑖᒃᑯᐊ ᐅᓪᓗᐃᑦ/ᓯᕿᙳᔭᒃᑯᓪᓗ ᖃᑦᑎᒨᖅᑲᑦ ᐋᖅᑭᓯᒪᕕᖏᑦ ᐊᓯᔾᔨᑐᐃᓐᓇᕆᐊᓖᑦ ᓯᓚ/ᐃᖏᕐᕋᒍᓐᓇᐃᓕᓐᓂᖅᑲᑕ ᐱᔾᔪᑎᒋᓪᓗᒍ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᓰᒪ ᓴHᐊ ᔨᐅᕋHᐃ
ᑐᑭᒧᐊᑦᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
szerehi@qia.ca
867.975.8413
1.800.667.2742
