ᓄᓇᕗᑦ ᑐᙵᕕᒃᑯᑦ ᑎᒥᖓᑦᑕ (ᑐᙵᕕᒃᑯᑦ) ᓄᓇᕗᒥ ᐊᖑᓇᓱᒃᑎᑐᓄᑦ ᐃᑲᔫᑎᔅᓴᖏᑦ ᓴᖅᑭᖅᑕᐅᓯᒪᔪᑦ ᐃᑲᔫᑕᐅᒍᒫᕐᓂᐊᖅᑐᑎᒃ ᐃᓄᓐᓄᑦ ᐊᖑᓇᓱᒃᑎᓄᑦ.

ᐃᑲᔫᑎ ᐃᑲᔫᑎᖃᕈᒫᕐᓂᐊᕐᓯᒪᔪᖅ ᐊᑐᖅᑕᐅᖏᓐᓇᖁᓪᓗᒋᑦ ᐊᒻᒪᓗ ᓯᕗᒧᐊᑦᑎᑕᐅᖁᓪᓗᒋᑦ ᐃᓄᐃᑦ ᐊᖑᓇᓱᖃᑦᑕᓂᕐᒧᑦ ᐃᓕᖅᑯᓯᖏᑦ, ᐊᑐᖃᑦᑕᕐᓯᒪᔭᑐᖃᖏᑦ ᐊᒻᒪᓗ ᐱᖅᑯᓯᖏᑦ ᑮᓇᐅᔭᓂᑦ ᐃᑲᔫᑎᖃᕐᓗᑎᒃ ᐊᖑᓇᓱᖃᑦᑕᓂᕐᒧᑦ ᑐᕌᖓᔪᓂᑦ. ᐃᑲᔫᑎᖃᕐᒥᔪᖅ ᑳᖃᑦᑕᖁᔨᒐᑎᒃ ᐃᓄᓐᓂᑦ ᓄᓇᕗᒻᒥᐅᓂᑦ.

ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑏᑦ ᐅᑯᐊᖑᕗᑦ:

ᐊᖑᓇᓲᑎᓄᑦ ᓱᓇᒃᑯᑖᓄᑦ ᐃᑲᔫᑎ

ᐊᖑᓇᓲᑎᓄᑦ ᓱᓇᒃᑯᑖᓄᑦ ᐃᑲᔫᑎ ᐃᓄᓐᓄᑦ ᓄᓇᕗᒻᒥᐅᓄᑦ ᐃᑲᔪᖅᑕᐅᔭᕆᐊᓕᓐᓄᑦ ᑮᓇᐅᔭᓂᑦ ᐃᑲᔫᑎᖃᖅᑯᑦ ᐊᖑᓇᓲᑎᓂᑦ ᓱᓇᒃᑯᑖᓂᑦ ᓴᓇᕐᕈᑎᓂᓪᓗ ᓂᐅᕕᖃᑦᑕᕈᓐᓇᓂᕐᓴᐅᖁᓪᓗᒋᑦ, ᐃᓚᒋᔭᐅᖃᑦᑕᕈᓐᓇᓂᐊᕐᖓᑕ ᐱᖅᑯᓯᖅᑎᒍᑦ ᐊᖑᓇᓱᓐᓂᐅᕙᑦᑐᓂᑦ.

ᑐᔅᓯᕋᖅᑐᖅ ᐃᓱᒪᒋᔭᐅᓂᐊᖅᑐᖅ ᐃᑲᔪᖅᑕᐅᔭᕆᐊᖃᕐᓂᖓᓂᒃ ᑮᓇᐅᔭᓄᑦ ᐃᑲᔪᖅᑕᐅᔭᕆᐊᖃᖅᑲᑦ ᓂᐅᕕᐅᑎᔅᓴᓂᑦ ᐊᖑᓇᓲᑎᓂᑦ ᐃᑲᔫᑎᒋᓂᐊᖅᑕᖏᓐᓂᒃ ᐃᓚᖏᓐᓄᑦ ᐊᒻᒪᓗ/ᐅᕝᔭᓘᓐᓃᑦ ᓄᓇᖅᑲᑎᖏᓐᓄᑦ. ᑐᔅᓯᕋᖅᑐᑦ ᐃᓱᒪᒋᔭᐅᒋᐊᕈᓐᓇᕐᒥᔪᑦ ᐃᑲᔪᖅᑕᐅᔭᕆᐊᖃᕐᓂᖏᓐᓂᒃ ᓱᓇᒃᑯᑖᖏᓐᓂᒃ ᐊᓯᐅᔨᓐᓂᕈᑎᒃ ᐱᔭᕆᐊᑐᔪᒃᑰᖅᑐᒥᓂᐅᒍᑎᒃ ᓯᓚ ᐱᔾᔪᑎᒋᓪᓗᒍ.

ᑮᓇᐅᔭᖃᖅᑎᑦᑎᖃᑦᑕᓂᐊᖅᑐᑦ ᑖᒃᑯᐊ ᐱᖓᓱᑦ ᐊᖅᑯᑎᒋᓗᒋᑦ:

• ᒥᑭᓂᕐᓴᓄᑦ ᐊᖑᓇᓲᑎᓄᑦ
• ᐊᑦᑕᓇᖅᑕᒦᔾᔭᐃᒃᑯᑎᓄᑦ ᐃᑲᔫᑎ
• ᐱᓂᕐᓗᑦᑐᖃᕐᓂᖅᑲᑦ ᐊᓐᓇᒃᑐᕈᑏᑦ

ᑐᔅᓯᕋᐅᑏᑦ ᑎᑎᕋᕐᕕᔅᓴᐃᑦ ᐊᖑᓇᓲᑎᓄᑦ ᓴᓇᒃᑯᑖᓄᑦ ᐃᑲᔫᑎᓂᑦ:

ᓄᓇᓖᑦ ᐊᖑᓇᓱᑦᑎᑦᓯᓂᖓᓐᓄᑦ ᐃᑲᔫᑏᑦ

ᓄᓇᓖᑦ ᐊᖑᓇᓱᑦᑎᑦᓯᓂᖓᓐᓄᑦ ᐃᑲᔫᑏᑦ ᑮᓇᐅᔭᖃᖅᑎᑦᑎᒍᑕᐅᔪᑦ ᐃᑲᔫᑎᐅᓪᓗᑎᓪᓗ ᑲᑐᔾᔨᖃᑎᒌᓄᑦ ᐅᕝᕙᓘᓐᓃᑦ ᑲᑐᔾᔨᔪᓄᑦ ᐃᓚᒋᔭᐅᒍᒪᔪᓄᑦ ᓄᓇᓖᑦ ᐊᖑᓇᓱᑦᑎᑦᓯᓂᖏᓐᓄᑦ. ᐱᓇᓱᐊᖃᑕᐅᔪᓐᓇᖅᑐᑦ ᑲᑐᔾᔨᖃᑎᒌᑦ ᒪᑯᐊᖑᕗᑦ ᑎᒥᙳᖅᑎᑕᐅᓯᒪᔪᑦ ᓲᕐᓗ Hᐊᒪᓚᒃᑯᑦ, ᐊᖑᓇᓱᑦᑐᓕᕆᔨᒃᑯᑦ, ᐊᕕᑦᑐᕐᓯᒪᓂᐅᔪᓂᑦ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᒻᒪᓗ ᑮᓇᐅᔭᓕᐅᕋᓱᐊᖅᑎᐅᒐᑎᒃ ᑲᑐᔾᔨᖃᑎᒌᑦ. ᑎᒥᙳᖅᑎᑕᐅᓯᒪᙱᑦᑐᑦ ᐊᒻᒪᓗ ᑲᑐᔾᔨᖃᑎᒌᓪᓚᑦᑖᖑᙱᑦᑐᑦ ᐊᖑᓇᓱᑦᑏᑦ ᐱᓇᓱᐊᕈᓐᓇᕐᒥᔪᑦ. ᐃᖅᑲᓇᐃᔭᕐᕕᖁᑎᓖᑦ ᐱᓇᓱᐊᖃᑦᑕᕈᓐᓇᔾᔮᖏᑦᑐᑦ ᑮᓇᐅᔭᓂᑦ ᑖᒃᑯᓇᙵᑦ ᐃᑲᔫᑎᓂᑦ. ᑮᓇᐅᔭᐃᑦ ᐊᒥᓲᓂᖏᑦ ᒪᓕᖃᑦᑕᓂᐊᕐᒥᔪᑦ ᓄᓇᓖᑦ ᐊᒥᓲᓂᖏᓐᓂᒃ, ᑐᔅᓯᕋᐅᑕᐅᓯᒪᔪᖅ ᐊᖑᓇᓱᒍᑕᐅᒍᒪᔪᖅ, ᐊᒻᒪᓗ ᐊᒥᓲᓂᖏᑦ ᐊᖑᓇᓱᑦᑏᑦ ᐃᓚᒋᔭᐅᓂᐊᖅᑐᑦ.

ᑐᔅᓯᕋᐅᑏᑦ ᑎᑎᕋᕐᕕᔅᓴᐃᑦ ᓄᓇᓖᑦ ᐊᖑᓇᓱᑦᑎᑦᓯᓂᖏᓐᓄᑦ ᐃᑲᔫᑎᓂᑦ:

ᑐᔅᓯᕋᐅᓯᐅᕈᒪᒍᔅᓯ ᑖᒃᑯᓇᒥᑦ ᐃᑲᔫᑎᓂᑦ ᐅᕝᕙᓘᓐᓃᑦ ᑐᑭᓯᒃᑲᓐᓂᕈᒪᒍᔅᓯ ᑖᒃᑯᐊ ᒥᔅᓵᓄᑦ, ᐊᑏ ᑐᑭᓯᒋᐊᖃᑦᑕᕆᔅᓯ ᐅᕗᖓ:

ᓄᓇᕗᒻᒥ ᐊᖑᓇᓱᑦᑎᓄᑦ ᐃᑲᔫᑎᓂ ᑲᒪᔨᒧᑦ

ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ

ᐅᖄᓚᐅᑖ: 867-645-5419 Fax: 867-645-5414

ᐅᖓᓯᑦᑐᒥᒃ-ᐊᑭᖃᙱᑐᒃᑯᑦ: 888-236-5400

nhsp@tunngavik.com

NUNAVUT HARVESTERS SUPPORT PROGRAM

P.O. BOX 280

RANKIN INLET, NU X0C 0G0

ᐅᕝᕙᓘᓐᓃᑦ ᖃᐅᔨᒋᐊᕐᓗᓯ ᑐᙵᕕᒃᑯᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓐᓂ