ᓄᑖᑦ ᑲᑐᔾᔨᖃᑎᒌᒃᑯᓐᓂ ᐃᓕᓐᓂᐊᕈᓯᐊᔅᓴᑦ
ᑲᑐᔾᔨᖃᑎᒌᒃᑯᑦ ᐃᓕᓯᓯᒪᔪᑦ $200,000ᓂᑦ/ᐊᕐᕌᒍᑕᒫᑦ ᐃᓕᓐᓂᐊᕈᓯᐊᔅᓴᐅᖃᑦᑕᓂᐊᖅᑐᓂᑦ ᐃᓄᓐᓄᑦ ᐃᓕᓐᓂᐊᖅᑎᓄᑦ ᕿᑭᖅᑕᓂ ᓄᓇᓕᓐᓄᑦ ᐃᓕᓐᓂᐊᕆᐊᖃᑦᑕᓂᐊᖅᑐᓄᑦ ᓯᓚᑦᑐᓴᕐᕕᓐᓄᑦ. ᐊᑐᓂᑦ ᐃᓕᓐᓂᐊᕈᓯᐊᖅᑖᖅᑎᑕᐅᔪᑦ ᐱᔪᓐᓇᖃᑦᑕᓂᐊᖅᑐᑦ $2,500ᓂᑦ/ᐃᓕᓐᓂᐊᕐᓇᐅᓕᕋᐃᑉᐸᑦ ᐊᕐᕌᒍᒥ.
ᒪᓕᑦᑕᐅᖃᑦᑕᕆᐊᖃᕐᓂᐊᖅᑐᑦ ᓄᑖᓄᑦ ᑲᑐᔾᔨᖃᑎᒌᒃᑯᓐᓂ ᐃᓕᓐᓂᐊᕈᓯᐊᔅᓴᓄᑦ:
- ᑐᔅᓯᕋᖅᑐᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ ᐊᐅᑦᑕᔫᖃᕆᐊᓖᑦ ᐃᓚᒋᔭᐅᔾᔪᑎᒥᒃ
- ᑐᔅᓯᕋᖅᑐᑦ ᐃᓅᔭᕆᐊᓖᑦ ᓄᓇᕗᒥ ᐊᖏᖃᑎᒌᒍᑎᑎᒍᑦ ᐃᓚᒋᔭᐅᓗᑎᒃ ᕿᑭᖅᑕᓂ ᓄᓇᓕᓐᓂᑦ ᓄᓇᖃᕐᓗᑎᒃ
- ᑐᔅᓯᕋᖅᑐᑦ ᐃᓕᓐᓂᐊᖅᑎᐅᔭᕆᐊᓖᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᕕᐅᕙᑦᑐᓂᑦ
ᐊᐱᖅᑯᑎᔅᓴᐃᑦ ᐃᓕᓐᓂᐊᕈᓯᐊᔅᓴᑦ ᒥᔅᓵᓄᑦ ᐊᐱᖅᑯᑕᐅᖃᑦᑕᕈᓐᓇᖅᑐᑦ ᐅᕗᖓ: scholarship@qia.ca
ᑐᔅᓯᕋᐅᑏᑦ ᑎᑎᕋᕐᕕᔅᓴᐃᑦ ᐱᔭᔅᓴᐅᕗᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᑎᓐᓂ.
ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᑦ
ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᑦ ᐱᔭᔅᓴᐅᕗᑦ ᐃᓄᓐᓄᑦ ᐃᓕᓐᓂᐊᖅᑎᓄᑦ ᕿᑭᖅᑕᓂ ᓄᓇᓕᓐᓃᙶᕐᓯᒪᔪᓄᑦ ᐃᓕᓐᓂᐊᖅᑐᓄᑦ ᓯᓚᑦᑐᓴᕐᕕᓐᓂᑦ. ᕿᑭᖅᑕᓂᒃᑯᑦ ᓯᕗᓪᓕᐸᐅᑦᑎᐅᔾᔨᓲᑦ ᑐᔅᓯᕋᐅᑎᓂᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑐᓂᑦ ᐃᓕᓐᓂᐊᓂᐊᖅᑐᓂᑦ ᐊᑐᖅᑎᑦᑎᒋᐊᒃᑲᓐᓂᕈᑕᐅᓂᐊᖅᑐᓂᑦ ᐃᓄᑦᑎᑐᑦ ᐅᖃᐅᓯᕐᒥᒃ ᐃᓕᖅᑯᓯᕐᒥᓪᓗ.
ᐊᕐᕌᒍᑕᒫᑦ ᐃᓕᓐᓂᐊᕈᓯᐊᔅᓴᐅᕙᑦᑐᑦ ᐊᒥᓲᓂᓖᑦ $5,000.00.
ᒪᓕᑦᑕᐅᖃᑦᑕᕆᐊᓖᑦ ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᖅᑖᕋᓱᓐᓂᕐᒧᑦ:
- ᑐᔅᓯᕋᖅᑐᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓄᑦ ᐃᓚᒋᔭᐅᔾᔪᑎᖃᕆᐊᓖᑦ ᐊᑐᖅᑐᒥᒃ
- ᑐᔅᓯᕋᖅᑐᑦ ᐃᓅᔭᕆᐊᓖᑦ ᓄᓇᕗᒥ ᐊᖏᖃᑎᒌᒍᑎᑎᒍᑦ ᐃᓚᒋᔭᐅᓗᑎᒃ ᕿᑭᖅᑕᓂ ᓄᓇᓕᓐᓂᑦ ᓄᓇᖃᕐᓗᑎᒃ
- ᑐᔅᓯᕋᖅᑐᑦ ᐃᓕᓐᓂᐊᖅᑎᐅᔭᕆᐊᓖᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᕕᐅᕙᑦᑐᒥ ᓯᑎᐱᕆᒥ ᔮᓐᓄᐊᓕᒥᓪᓗ ᐃᓕᓐᓂᐊᕐᕕᐅᓂᐊᖅᑐᓂᑦ
- ᓯᕗᓪᓕᐅᔾᔭᐅᖃᑦᑕᓂᐊᖅᑐᑦ ᐃᓕᓐᓂᐊᖅᑏᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᓂᐊᖅᑕᒥᓂᒃ ᐊᑐᖅᑎᑦᑎᒋᐊᒃᑲᓂᕐᓂᐊᖅᑐᓂᑦ ᐃᓄᑦᑎᑐᑦ ᐅᖃᐅᓯᕐᒥ ᐃᓕᖅᑯᓯᕐᒥᓪᓗ
- ᐃᓕᓐᓂᐊᖅᑏᑦ ᐋᖅᑭᐅᒪᑎᑦᑎᔭᕆᐊᓖᑦ ᐃᓕᓐᓂᐊᕈᑎᖏᓐᓂᒃ ᐊᖑᒻᒪᑎᑎᑦᑎᐊᕐᓗᑎᓪᓗ ᖁᕝᕙᓯᓐᓂᕆᔭᕆᐊᓕᖏᓐᓄᑦ ᐃᓕᓐᓂᐊᖅᑕᖓᓂ
ᐊᐱᖅᑯᑎᔅᓴᐃᑦ ᐃᓕᓐᓂᐊᕈᓯᐊᔅᓴᑦ ᒥᔅᓵᓄᑦ ᐊᐱᖅᑯᑕᐅᖃᑦᑕᕈᓐᓇᖅᑐᑦ ᐅᕗᖓ: scholarship@qia.ca
ᑐᔅᓯᕋᐅᑏᑦ ᑎᑎᕋᕐᕕᔅᓴᐃᑦ ᐱᔭᔅᓴᐅᕗᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᑎᓐᓂ.
