ᐃᓚᒋᔭᐅᔪᒪᓇᔭᖅᑐᓂᒃ ᕿᑭᖅᑕᓃᒃᑯᑦ ᐃᓄᖕᓂᒃ ᐃᖅᑲᓇᐃᔭᕈᓐᓇᖅᑐᓄᑦ ᖃᐅᔨᒋᐊᕐᕕᐅᔪᓐᓇᖅᑐᒥ ᖃᕆᓴᐅᔭᒨᖅᑕᐅᓂᐊᖅᑐᓂᒃ, ᑐᑦᑕᕐᕕᒃ
ᓴᖅᑭᑎᑕᐅᔪᖅ: ᒪᐃ 24, 2018
ᑭᓱᒧᑦ: ᐃᓚᒋᔭᐅᔪᒪᓇᔭᖅᑐᓂᒃ ᕿᑭᖅᑕᓃᒃᑯᑦ ᐃᓄᖕᓂᒃ ᐃᖅᑲᓇᐃᔭᕈᓐᓇᖅᑐᓄᑦ ᖃᐅᔨᒋᐊᕐᕕᐅᔪᓐᓇᖅᑐᒥ ᖃᕆᓴᐅᔭᒨᖅᑕᐅᓂᐊᖅᑐᓂᒃ, ᑐᑦᑕᕐᕕᒃ
ᐅᓪᓗᖓ: ᒪᐃ 29 ᐊᒻᒪᓗ 30, 2018
ᓇᒥ: ᐃᒡᓗᓕᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᕿᓂᕐᒪᑕ ᐃᓚᒋᔭᐅᔪᒪᓇᔭᖅᑐᓂᒃ ᐃᒡᓗᓕᖕᒥ ᐸᓐᓂᖅᑑᒥᓗ ᐊᑎᖏᑦ ᐃᓕᔭᐅᖃᑕᐅᖁᖕᒪᖔᑖᒃ ᐃᓄᖕᓂᒃ ᐃᖅᑲᓇᐃᔭᕈᓐᓇᖅᑐᓂᒃ ᖃᐅᔨᒋᐊᕐᕕᖕᒥ ᖃᕆᓴᐅᔭᒃᑯᑦ, ᑕᐃᔭᐅᔪᒥᒃ ᑐᑦᑕᕐᕕᖕᒥ.
ᑐᑦᑕᕐᕕᒃᑯᑦ, ᐃᖅᑲᓇᐃᔮᕆᔭᐅᓯᒪᔪᓂᒃ ᓇᓕᖅᑲᓂᒃ ᐋᖅᑭᒃᓱᐃᔾᔪᑎᔪᓐᓇᖅᑐᑦ ᐊᑎᓕᐅᖅᑐᓄᑦ ᐊᒻᒪᓗ ᑐᑭᓯᒋᐊᖅᑎᑕᐅᓇᔭᖅᖢᑎᒃ ᐃᖅᑲᓇᐃᔮᒃᓴᐅᔪᓂᒃ ᕿᑭᖅᑕᓂ ᓄᓇᓕᖕᓂᑦ. ᐃᓄᐃᑦ ᐊᑎᓕᐅᖅᓯᒪᔪᑦ ᑐᑦᑕᕐᕕᒃᑯᓐᓂ ᐃᓕᓐᓂᐊᒐᒃᓴᓂ ᐃᓚᒋᔭᐅᖃᑕᐅᔪᓐᓇᕐᓂᐊᖅᖢᑎᒃ ᐃᓚᒋᓗᒋᑦ, ᐱᔪᓐᓇᕐᓂᕆᔭᐅᔪᓂᒃ ᖁᕝᕙᕆᐊᖅᑎᑦᑎᓂᕐᒧᑦ ᐃᓕᓐᓂᐊᕐᓂᕐᓂᒃ, ᐃᖅᑲᓇᐃᔭᓰᓐᓈᕐᓗᑎᒃ ᐃᓕᓐᓂᐊᖅᑎᑕᐅᓂᖏᑦ ᐊᒻᒪᓗ ᓯᓚᑦᑐᖅᓴᕐᕕᖕᓂᑦ ᐃᓕᓐᓂᐊᒐᒃᓴᐅᔪᓂᒃ.
ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᑦ ᐊᑐᐃᓐᓇᐅᓂᐊᖅᑐᑦ ᓄᐊᓴᐃᔪᓐᓇᕐᓂᐊᖅᖢᑎᒃ ᑐᑭᓯᒋᐊᕈᑎᓂᒃ ᐊᒻᒪᓗ ᐃᑲᔪᕐᓗᑎᒃ ᑕᑕᑎᕆᐊᓕᖕᓂᑦ ᐃᒡᓗᓕᖕᒥ ᐸᓐᓂᖅᑑᒥᓗ ᐱᓇᓱᐊᕈᓯᐅᓛᖅᑐᒥ.
ᕿᑭᖅᑕᓃᒃᑯᑦ ᑐᑦᑕᕐᕕᓕᕆᓂᕐᒧᑦ ᓄᓇᓕᖕᓄᑦ ᐳᓛᕆᐊᕐᓂᖏᓐᓄᑦ ᖃᓄᐃᓕᖓᓂᐊᕐᓂᖓ:
ᐃᒡᓗᓕᒃ
ᒪᐃ 29, ᓄᓇᓕᖕᒥ ᐱᓐᖑᐊᕐᕕᐊᓂ, 6:00ᒥᑦ ᐅᓐᓄᒃᑯᑦ 8:00ᒧᑦ
ᒪᐃ30, ᓄᓇᓕᖕᒥ ᑐᓴᐅᒪᑎᑦᑎᔨᐅᑉ ᐊᓪᓚᕝᕕᐊᓂ, 1:00ᒥᑦ ᐅᓐᓄᒃᓴᒃᑯᑦ 5:00ᒧᑦ
ᒪᐃ 30, ᓄᓇᓕᖕᒥ ᐱᓐᖑᐊᕐᕕᐊᓂ, 7:00ᒥᑦ ᐅᓐᓄᒃᑯᑦ 9:00ᒧᑦ
ᓄᓇᓕᖕᓄᑦ ᐳᓚᕋᕐᓂᐅᓂᐊᖅᑐᑦ ᐋᖅᑭᒃᓯᒪᓂᖏᑦ ᐊᓯᔾᔨᑐᐃᓐᓇᕆᐊᖃᖅᑐᖅ ᐱᓪᓗᒋᑦ ᖃᖓᑕᓲᑦ ᖃᓄᐃᓐᓂᕆᔭᖏᓐᓂᑦ ᐊᒻᒪᓗ ᓯᓚᐅᑉ ᖃᓄᐃᓐᓂᕆᔭᖓᓄᑦ.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᓰᒪ ᓴᕼᐋᕐ ᓯᐊᕋᕼᐃ,
ᑐᑭᒧᐊᖅᑎᑦᑎᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca
867.975.8413
1.800.667.2742