ᐃᓄᖕᓄᑦ ᑐᓴᒐᒃᓴᖅ: ᕿᑭᖅᑕᓃᒃᑯᑦ ᒪᓂᒪᑎᑦᑎᒃᑲᓐᓂᓕᕐᒥᔪᑦ ᐃᓐᓇᕐᓄᑦ ᓂᐅᕕᕈᑎᓂ
ᐅᓪᓗᖅ ᓴᖅᑭᑕᖅ: ᑎᓯᐱᕆ 9th, 2021
ᐱᔾᔪᑦ: ᕿᑭᖅᑕᓃᒃᑯᑦ ᐃᓐᓇᕐᓂ ᓂᐅᕕᕈᑎᑖᖅᑎᑦᑎᓂᖏᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓕᕆᐊᖓ ᐃᑲᔪᕈᑕᐅᓂᐊᖅᑐᓂᒃ ᐃᓐᓇᕐᓂ ᓄᕙᓐᓇᕐᔪᐊᖅ-19 ᐊᑐᖅᑎᓪᓗᒍ ᒪᓂᒪᑎᑕᐅᒃᑲᓐᓂᕐᓂᐊᓕᕐᒥᔪᖅ ᑮᓇᐅᔭᓂᒃ ᐊᑐᐃᓐᓇᕈᖅᑕᐅᒃᑲᓐᓂᕐᓂᖏᓐᓄᑦ ᐃᓄᓕᕆᔨᑐᖃᒃᑯᑦ ᓄᓇᓕᖕᓄᑦ ᐃᑲᔫᑎᓂᙶᖅᑐᓂᑦ.
ᑖᒃᑯᐊ ᐃᓐᓇᕐᓄᑦ ᓂᐅᕕᕈᑎᑦ ᐊᑐᐃᓐᓇᐅᓕᕐᓂᐊᖅᑐᑦ ᐱᒋᐊᕐᓗᒍ ᑎᓯᐱᕆ 14, 2021ᒥᑦ ᑎᑭᓪᓗᒍ ᒫᑦᓯ 22, 2022ᒧᑦ. ᑖᒃᑯᐊ ᓂᐅᕕᕈᑎᑦ ᐃᑲᔫᑕᐅᓂᐊᖅᑐᑦ ᐃᓐᓇᕐᓄᑦ 60ᓂ ᐅᖓᑖᓂ ᐊᕐᕌᒍᓕᖕᓄᑦ ᕿᑭᖅᑖᓗᒥ ᓇᔪᖅᑐᓂᒃ ᓄᓇᕗᒥ.
ᑖᓐᓇ ᐱᓕᕆᐊᖅ ᐊᑯᓂᐅᙱᑦᑐᒧᑦ ᐃᑲᔫᑕᐅᓂᐊᖅᑐᑦ ᐃᓐᓇᕐᓄᑦ ᓄᕙᓐᓇᕐᔪᐊᖅ-19 ᐊᑐᖅᑎᓪᓗᒍ.
ᕿᑭᖅᑕᓃᒃᑯᑦ ᑕᒪᑐᒥᖓ ᐊᐅᓚᑦᑎᔪᑦ ᑲᑐᔾᔨᖃᑎᖃᖅᖢᑎᒃ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ ᓄᓇᓕᖕᓂ. ᐃᖃᓗᓐᓂ, ᓂᐅᕕᕈᑎᑖᖃᑦᑕᕐᓂᐊᖅᑐᑦ ᓴᓪᓗᕕᓂᕐᒥ (ᐋᑎᒃ ᕕᐊᓐᓱᔅ). ᑲᖏᖅᑐᒑᐱᖕᒥ ᓂᐅᕕᕈᑎᑖᖅᑎᑕᐅᖃᑦᑕᕐᓂᐊᖅᑐᑦ ᓂᐅᕕᕐᕕᖕᒥᑦ.
ᐃᒪᓐᓇ ᐋᖅᑭᒃᓯᒪᔪᖅ:
- ᐱᓕᕆᐊᖅ ᒪᓕᒃᑐᒍ, ᕿᑭᖅᑕᓂ ᐃᓄᐃᑦ ᐃᓐᓇᐃᑦ, 60ᓂ ᐅᖓᑖᓂᓗ ᐊᕐᕌᒍᖃᖅᑐᑦ ᐊᕐᕌᒍᑖᕐᓂᐊᖅᑐᓪᓘᓐᓃᑦ ᒫᑦᓯ 31, 2022ᒥ ᑐᖔᓂᓘᓐᓃᑦ, ᓇᔪᕐᓗᑎ ᕿᑭᖅᑕᓂ ᓄᓇᓕᖕᓂ, ᐊᒻᒪᓗ ᐊᑎᓕᐅᖅᓯᒪᓗᑎᒃ ᓄᓇᕗᑦ ᑐᙵᕕᒃᑯᑎᒍᑦ.
- ᐊᑐᓂ ᓂᐅᕕᕈᑎ ᐊᑭᖃᖅᑐᖅ $250ᓂ
- ᑖᒃᑯᐊ ᓯᕗᓪᓕᖅᐹᑦ ᒪᕐᕉᒃ ᑐᓂᔭᐅᓂᐊᖅᑐᑦ ᑐᓂᐅᖅᑲᖅᑕᐅᓛᖅᑐᑦ ᑎᓯᐱᕆ 14ᒥ
- ᐊᑐᓂ ᐃᓐᓇᖅ ᕿᑭᖅᑖᓗᖕᒥ 8ᓂ ᓂᐅᕕᕈᑎᑖᕈᓐᓇᖅᑐᖅ ᑲᑎᓕᒫᕐᓗᒋᑦ ᐊᑭᖃᖅᑐᑦ $2,000ᓂ
- ᑖᒃᑯᐊ ᓂᐅᕕᕈᑎᑦ ᓂᕿᑖᕈᑎᒋᔭᐅᔪᓐᓇᖅᑐᑦ
- ᑯᐊᐸᒃᑯᓐᓅᕈᓐᓇᕐᓂᐊᖅᑐᓯ ᓄᓇᓕᔅᓯᓐᓂ ᐊᐃᒃᓯᕐᓗᓯᐅᒃ ᓂᐅᕕᕈᑎᓯ
- ᑲᖏᖅᑐᒑᐱᖕᒥ, ᓂᐅᕕᕐᕕᖕᒥᑦ ᐱᔭᐅᖃᑦᑕᕈᓐᓇᖅᑐᑦ
- ᑖᒃᑯᐊ ᓂᐅᕈᕕᑦ ᐅᑯᓂᖓ ᐅᓪᓗᕐᓂᑦ ᐊᐃᔭᐅᖃᑦᑕᕈᓐᓇᕐᓂᐊᖅᑐᑦ:
- ᑎᓯᐱᕆ 14
- ᔭᓐᓄᐊᓕ 11
- ᔭᓐᓄᐊᓕ 25
- ᕖᕝᕗᐊᓕ 8
- ᕖᕝᕗᐊᓕ22
- ᒫᑦᓯ 8
- ᒫᑦᓯ 22
ᐃᓐᓇᓕᒫᑦ, ᐊᑎᓕᐅᖅᓯᒪᔪᑦ ᓄᓇᕗᑦ ᑐᙵᕕᒃᑯᑎᒍᑦ ᐊᒻᒪᓗ ᓇᔪᕐᓗᑎᒃ ᓄᓇᓕᖕᓂ ᕿᑭᖅᑖᓗᖕᒥ ᓂᐅᕕᕈᑎᑖᕈᓐᓇᖅᑐᑦ.
ᕿᑭᖅᑕᓃᒃᑯᑦ ᐅᖃᖅᓯᒪᔪᑦ ᓂᐅᕕᕐᕕᐅᔪᓂᒃ ᑐᓂᓯᖃᑦᑕᕈᔨᙱᖦᖢᑎᒃ ᑭᓇᑐᐃᓐᓇᕐᒧᑦ ᐊᑎᓕᐅᖅᓯᒪᙱᑦᑐᓄᑦ ᐊᑎᓕᐅᖅᑕᐅᓯᒪᔪᓂᒃ. ᑎᓕᓯᒋᐊᖃᖅᑐᖃᖅᐸᑦ ᐊᐃᒃᖠᕐᓂᐊᖅᑐᒥᒃ, ᖃᐅᔨᒋᐊᖅᑳᕆᐊᖃᕐᓂᐊᖅᑐᓯ ᕿᑭᖅᑕᓃᒃᑯᓐᓄᑦ ᓇᓕᐊᒃᑯᑐᐃᓐᓇᖅ ᐊᑖᓃᑦᑐᓂᒃ.
ᐱᓕᕆᐊᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᒍᕕᑦ, ᑎᑎᕋᕈᓐᓇᖅᑐᑎᑦ ᐃᕐᖐᓐᓈᕈᑎᑎᒍᑦ ᐅᕗᖓ COVID-19@qia.ca ᐅᖄᓚᓗᑎᓪᓘᓐᓃᑦ ᐅᕗᖓ : 1-867-975-8383.
ᐃᑭᐊᖅᑭᕕᕗᑦ ᑕᑯᒋᐊᖅᑕᐅᔪᓐᓇᕐᒥᔪᖅ ᐅᕗᖓ ᑐᕌᕈᑎᒧᑦ qia.caᒧᑦ ᑐᑭᓯᒃᑲᓐᓂᕈᒪᒍᕕᑦ ᐊᒻᒪᓗ ᖃᐅᔨᒋᐊᕈᓐᓇᕐᒥᔪᓯ ᖃᐅᑕᒫᑦ ᓄᑖᓂ ᑐᓴᒐᒃᓴᖃᙱᒃᑲᓗᐊᕐᒪᖔᑦ, ᕿᑭᖅᑕᓃᒃᑯᑦ ᐊᒡᓚᕝᕕᖏᑦ ᒪᑐᓯᒪᓛᖅᑐᑦ ᑎᓯᐱᕆ 15ᒥᑦ 1:00ᒧᐊᖅᐸᑦ ᐅᓐᓄᒃᓴᒃᑯᑦ ᔭᓐᓄᐊᓕ 5ᒧᑦ, 2022ᒧᑦ.
ᓱᓕᓗ ᑐᓴᒐᒃᓴᓂ ᐃᓕᓯᖃᑦᑕᕐᓂᐊᕐᒥᔪᑦ ᕿᑭᖅᑕᓃᒃᑯᑦ ᕙᐃᔅᕗᖓᓂ, ᑐᕕᑐᒥ ᐊᒻᒪ ᐃᓐᓯᑎᒍᕌᒻᒥ.
ᑐᒃᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᒥᐊᓕ ᐊᒃᐸᓕᐊᓗᒃ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
COVID-19@qia.ca
867.975.8383
