ᐅᓪᓗᖅ ᓇᓗᓇᐃᕐᓯᕕᐅᔪᖅ: ᕖᕝᕗᐊᓕ 24, 2021
ᕿᑭᖅᑕᓂᒃᑯᑦ ᑐᔅᓯᕋᐅᓯᐅᖃᑦᑕᖁᔨᓕᕐᒥᒻᒪᑕ ᓄᓇᕗᒥ ᐊᖑᓇᓱᑦᑎᓄᑦ ᐃᑲᔫᑎᓂᑦ ᑮᓇᐅᔭᓂᑦ.

ᐋᖅᑭᓯᒪᔾᔪᑎᖃᕐᖓᑕ ᓄᓇᕗᒥ ᐊᖑᓇᓱᑦᑎᓄᑦ ᐃᑲᔫᑏᑦ ᐊᑐᖅᑕᐅᖏᓐᓇᖁᔨᓪᓗᑎᒃ ᑲᔪᓯᑎᑕᐅᕙᓪᓕᐊᖏᓐᓇᖁᓪᓗᒋᓪᓗ ᓄᓇᕗᒥ ᐃᓄᐃᑦ ᐊᖑᓇᓱᖃᑦᑕᓂᕐᒧᑦ ᐃᓕᖅᑯᓯᖏᑦ, ᐊᑐᖃᑦᑕᕐᓯᒪᔭᑐᖃᖏᑦ, ᐊᒻᒪᓗ ᐱᖅᑯᓯᖅᑎᒍᑦ ᐃᓅᓯᕆᕙᑦᑕᖏᑦ. ᑖᒃᑯᐊ ᐃᑲᔫᑏᑦ ᐅᑯᓂᖓ ᐃᓚᖃᕐᖓᑕ ᓄᓇᓕᓐᓄᑦ ᐊᖑᓇᓱᓐᓂᐊᕐᓗᓂ ᐃᑲᔫᑏᑦ ᐊᒻᒪᓗ ᐊᖑᓇᓲᑎᓄᑦ ᐃᑲᔫᑏᑦ, ᑖᒃᑯᐊ ᒥᑭᔫᑎᓂᑦ ᐊᖑᓇᓲᑎᓄᑦ ᐃᑲᔫᑏᑦ ᐊᒻᒪᓗ ᓇᓪᓕᐅᒃᑯᒫᕇᓐᓇᕆᐊᓕᓐᓄᑦ ᐊᐅᓪᓚᕐᓯᒪᓂᐊᕐᓗᓂ ᐊᒻᒪᓗ ᐱᕐᕈᓗᐊᕿᔪᖃᖅᑎᓪᓗᒍ ᐃᑲᔪᖅᑕᐅᔾᔪᑎᔅᓴᐃᑦ.

ᑮᓇᐅᔭᐃᑦ ᐱᔭᔅᓴᐃᑦ ᒪᑯᓄᖓ ᑐᕌᖓᔪᑦ:

• ᓄᓇᓕᓐᓄᑦ ᐊᖑᓇᓱᓐᓂᖅ: ᐊᑭᖏᑦ ᐅᖅᓴᒍᑏᑦ ᐊᒻᒪᓗ ᓂᖀᑦ ᐊᑐᓂᑦ ᐊᖑᓇᓱᑦᑎᓄᑦ ᐃᓚᒋᔭᐅᓂᐊᖅᑐᓄᑦ ᓄᓇᓕᓐᓄᑦ ᐊᖑᓇᓱᓐᓂᐊᕐᓗᓂ.
• ᒥᑭᔫᑏᑦ ᓱᓇᒃᑯᑖᑦ: 50%ᖏᓐᓄᑦ ᑐᑭᐅᒪᔪᑦ ᓱᓇᒃᑯᑖᑦ ᐊᑭᖏᑦ (ᐃᓚᒋᔭᐅᓪᓗᑎᒃ ᐅᓯᔭᐅᔾᔪᑎᖏᑕ ᐊᑭᖏᑦ) ᐊᒥᓲᓂᕐᐹᕆᔪᓐᓇᖅᑕᖏᑦ ᐊᑭᖏᑕ $500 ᐊᑐᓂᑦ ᑐᔅᓯᕋᐅᓯᐅᕈᑕᐅᔪᓂᑦ ᐊᒻᒪᓗ $1,000 ᐊᑐᓂᑦ ᐃᓪᓗᒥᐅᖃᑎᒌᓄᑦ ᐊᑐᓂᑦ ᐊᕐᕌᒍᑕᒫᑦ ᑮᓇᐅᔭᓄᑦ ᐊᐅᓚᕕᒋᕙᑦᑕᖏᓐᓂ ᑕᒪᒃᑯᓄᖓ ᒥᑭᔫᑎᓄᑦ ᐊᖑᓇᓲᑎᓄᑦ ᓱᓇᒃᑯᑖᓄᑦ/ᓴᓇᕐᕈᑎᓄᑦ.
• ᐊᑦᑕᓇᖅᑐᒦᑦᑕᐃᓕᓂᕐᒧᑦ ᓇᓪᓕᐅᒃᑯᒫᖑᐃᓐᓇᕆᐊᓖᑦ ᓱᓇᒃᑯᑖᑦ: 50%ᖏᓐᓄᑦ ᑎᑭᐅᒪᔪᑦ ᓱᓇᒃᑯᑖᖅᑖᕈᑎᔅᓴᑦ (ᐃᓚᒋᔭᐅᓪᓗᑎᒃ ᐅᓯᔭᐅᔾᔪᑎᖏᑕ ᐊᑭᖏᑦ) ᐊᒥᓲᓂᕐᐹᕆᔪᓐᓇᖅᑕᖏᑦ $500 ᐊᑐᓂᑦ ᑐᔅᓯᕋᐅᑎᓄᑦ ᐊᒻᒪᓗ $1,000 ᐊᑐᓂᑦ ᐃᓪᓗᒥᐅᖃᑎᒌᓄᑦ ᐊᑐᓂᑦ ᐊᕐᕌᒍᑕᒫᑦ ᑮᓇᐅᔭᓄᑦ ᐊᐅᓚᕕᒋᕙᑦᑕᖏᓐᓂ ᑕᒪᒃᑯᓄᖓ ᒥᑭᔫᑎᓄᑦ ᐊᖑᓇᓲᑎᓄᑦ.
• ᐱᕐᕈᓗᐊᕿᔪᖃᖅᑎᓪᓗᒍ ᐃᑲᔫᑏᑦ: 75%ᖏᓐᓅᖓᔪᑦ ᑭᖑᕝᕕᑕᐅᔾᔪᑎᔅᓴᖏᑕ ᐊᑭᖏᓐᓄᑦ, ᐊᖑᓇᓲᑎᓂᑦ ᐱᕐᔪᐊᖑᓂᕐᓴᓂᑦ ᐊᓯᐅᔨᑎᓪᓗᒋᑦ ᐱᕐᕈᓗᐊᕿᔪᖃᖅᑎᓪᓗᒍ. $6,000ᓄᑦ ᑎᑭᐅᒪᔪᓂᑦ ᐱᓲᑎᑲᓪᓚᓐᓄᑦ, $7,000 ᖃᒧᑕᐅᔭᕐᓄᑦ ᐅᕝᕙᓘᓐᓃᑦ ᐅᒥᐊᕐᒧᑦ ᐊᐅᓚᐅᑎᓄᑦ, ᐅᕝᕙᓘᓐᓃᑦ $10,000 ᐅᒥᐊᕐᒧᑦ.

ᑭᒃᑯᑦ ᐱᓇᓱᐊᖃᑕᐅᔪᓐᓇᖅᑲᑦ?

• ᕿᑭᖅᑕᓂ ᓄᓇᓖᑦ ᐃᓄᐃᑦ, 16ᓂᒃ ᐅᑭᐅᓕᑦ ᐅᖓᑖᓂᓘᓐᓃᑦ, ᐊᒻᒪᓗ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᐊᖏᖃᑎᒌᒍᑎᖏᓐᓂ;
• ᐊᖑᓇᓱᑦᑎ ᐃᓚᒋᔭᐅᕙᑦᑐᖅ ᐱᖅᑯᓯᖅᑎᒍᑦ ᐊᖑᓇᓱᖃᑦᑕᓂᕐᒥᒃ; ᐊᒻᒪᓗ
• ᐃᓪᓗᒥᐅᖃᑎᒌᑦ ᑎᑭᐅᑎᓯᒪᙱᑉᐸᑕ ᓱᓕ ᐊᕐᕌᒍᑕᒫᑦ ᑮᓇᐅᔭᖅᑖᑎᑦᑎᒍᑕᐅᔪᓐᓇᖅᑐᑦ ᑭᓪᓕᖏᓐᓄᑦ ($1,000) ᑮᓇᐅᔭᓄᑦ ᐊᐅᓚᕕᖓᓐᓂ ᐊᕐᕌᒍᒥ ᐊᑐᖅᑕᖓᓐᓂ.

ᖃᕋᓴᐅᔭᒃᑯᑦ ᐱᔪᒪᒍᕕᐅᒃ ᑐᔅᓯᕋᐅᓯᐅᕈᑦ ᐊᑏ ᐅᕗᖓ ᑕᑯᓂᐊᕐᓗᑎᑦ www.qia.ca/applications ᐅᕝᕙᓘᓐᓃᑦ ᐅᖃᕐᕕᖃᕐᓗᑎᑦ ᓄᓇᔅᓯᓐᓂ ᑐᓴᐅᒪᑎᑦᑎᔨᔅᓯᓐᓂᒃ.

ᑐᑭᓯᒋᐊᒃᑲᓐᓂᒪᕈᒍᕕᑦ, ᑐᑭᓯᒋᐊᕐᕕᐅᖃᑦᑕᕐᓕ:

ᓯᐴᓚ ᓅᐳᓪ
nhsp@qia.ca
867-975-8438