ᐅᓪᓗᖅ ᓴᖅᑭᖅᑕᐅᕕᖓ: ᕖᕝᕗᐊᓕ 9, 2021

ᐱᔾᔪᑎᒋᓪᓗᒋᑦ: ᑐᔅᓯᕋᕐᓂᖅ ᐱᓇᓲᑎᓂᑦ; ᕿᑭᖅᑕᓂᒃᑯᑦ ᐃᓅᓯᓕᕆᓂᕐᒧᑦ ᐸᕐᓇᐃᔨᖏᑕ ᑲᑎᒪᔨᕋᓛᖏᓐᓄᑦ; ᑲᑭᕙᒃ ᑲᑐᔾᔨᖃᑎᒌᑦ ᑐᓐᓂᖅᑯᓯᐊᔅᓴᓄᑦ ᐊᑐᖅᑐᐊᕋᔅᓴᓄᓪᓗ ᐊᔪᐃᓐᓇᕆᐊᒃᑲᓐᓂᕈᑎᓄᑦ ᑲᑎᒪᔨᕋᓛᖏᓐᓄᑦ; ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ; ᓇᓕᑐᐃᓐᓇᖏᓐᓄᓪᓗ ᑲᓇᑕᒥ, ᓄᓇᕗᒥ ᒥᕐᖑᐃᓯᕐᕕᓄᓪᓗ ᐸᕐᓇᐃᔨᓄᑦ ᑲᑎᒪᔨᕋᓛᕐᓄᑦ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᕿᓂᕐᖓᑕ ᑲᑎᒪᔨᐅᖃᑕᐅᔪᔅᓴᓂᑦ ᓇᓕᑐᐃᓐᓇᖏᓐᓄᑦ ᑲᑎᒪᔨᐅᕕᐅᔪᓄᑦ ᑲᑎᒪᔨᕋᓛᖑᕕᐅᔪᓄᓪᓗ. ᐃᓱᒪᒋᔭᐅᒋᐊᕈᒪᒍᕕᑦ, ᐊᑏ ᑐᓂᓯᓂᐊᖅᑯᑎᑦ ᐃᕝᕕᑦ ᐱᔪᒐᕐᓴᐅᑎᖓᓂᒃ ᐊᒻᒪᓗ ᓯᕗᓕᐊᕈᑎᖓᓂᒃ ᑎᑎᖅᑲᕐᒥᑦ ᕿᑭᖅᑕᓂᒃᑯᓐᓄᑦ.

ᕿᑭᖅᑕᓂᒃᑯᑦ ᐃᓅᓯᓕᕆᓂᕐᒧᑦ ᐸᕐᓇᐃᔩᑦ ᑲᑎᒪᔨᕋᓛᖏᑦ

• ᐃᓄᑐᖃᕐᓄᑦ ᑭᒡᒐᑐᖅᑎ (ᐊᑕᐅᓯᕐᒥᒃ, ᐱᖓᓱᓄᑦ−ᐊᕐᕌᒍᑦᓄ ᑲᑎᒪᔨᐅᒐᔭᑐᖅ)
• ᐊᕐᓇᓄᑦ ᑭᒡᒐᑐᖅᑎ (ᐊᑕᐅᓯᕐᒥᒃ, ᐱᖓᓱᓄᑦ−ᐊᕐᕌᒍᑦᓄ ᑲᑎᒪᔨᐅᒐᔭᑐᖅ)
• ᐊᖑᑎᓄᑦ ᑭᒡᒐᑐᖅᑎ (ᐊᑕᐅᓯᕐᒥᒃ, ᐱᖓᓱᓄᑦ−ᐊᕐᕌᒍᑦᓄ ᑲᑎᒪᔨᐅᒐᔭᑐᖅ)

ᕿᑭᖅᑕᓂᒃᑯᑦ ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᓄᓇᓕᓐᓂᑦ ᐊᐅᓚᔾᔭᐃᒋᐊᕐᓂᕐᒧᑦ ᑲᑎᒪᔨᕋᓛᕐᓄᑦ (CCIC) ᐱᓇᓱᐊᕋᔅᓴᖅᑖᖃᑦᑕᕐᖓᑕ ᕿᑭᖅᑕᓂᒃᑯᑦ ᑲᑎᒪᔨᖏᓐᓃᙶᖅᑐᓂᑦ. ᑲᑎᒪᔨᕋᓛᑦ ᐅᖃᐅᔾᔨᒋᐊᖅᑎᐅᖃᑦᑕᓲᑦ ᐊᑐᓕᖁᔨᔾᔪᑎᓕᐅᕐᐸᑦᑐᑎᓪᓗ ᑲᑎᒪᔨᓄᑦ ᒪᑯᐊ ᒥᔅᓵᓅᖓᔪᓂᑦ ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᔾᔪᑕᐅᕙᑦᑐᓂᑦ ᐊᒻᒪᓗ ᐱᓕᕆᐊᖑᔭᕆᐊᓕᓐᓂᑦ ᕿᑭᖅᑕᓂ ᓄᓇᓕᐅᔪᓂᑦ. ᑲᑎᒪᔨᕋᓛᑦ ᑕᓪᓕᒪᓂᑦ ᑲᑎᒪᔨᖃᕐᐸᑦᑐᑦ ᐊᒻᒪᓗ ᐃᑲᔪᖅᑕᐅᕙᑦᑐᑎᒃ ᐃᓅᓯᓕᕆᓂᕐᒧᑦ ᐸᕐᓇᐃᔨᓄᑦ ᐊᖅᑯᑎᒋᓪᓗᒍ ᐊᖏᔪᖅᑳᖓᑦ ᐊᓪᓚᕝᕕᖓᓐᓂ.

ᑲᑭᕙᒃ ᑲᑐᔾᔨᖃᑎᒌᒃᑯᑦ ᑐᓐᓂᖅᑯᓯᐊᔅᓴᓄᑦ ᐊᑐᖅᑐᐊᕋᔅᓴᓄᓪᓗ ᐊᔪᐃᓐᓇᕆᐊᒃᑲᓐᓂᕈᑎᓄᑦ ᑲᑎᒪᔨᕋᓛᑦ (ᐊᑕᐅᓯᕐᒥᒃ, ᐱᖓᓱᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑐᖅ) 

ᑖᒃᑯᐊ ᑲᑎᒪᔨᕋᓛᑦ ᑲᑎᒪᖃᑦᑕᓲᖑᒻᒪᑕ ᑲᑎᒪᔭᕆᐊᖃᓕᕋᐃᒻᒪᑕ ᕿᒥᕐᕈᓂᐊᕐᖓᑕ ᐊᔪᐃᓐᓇᕆᐊᒃᑲᓐᓂᕈᑕᐅᔪᒥᒃ(ᔪᓂᑦ) ᐊᖏᖅᑕᐅᓯᒪᙱᑦᑐᓂᑦ ᑮᓇᐅᔭᓂᑦ ᑐᔅᓯᕋᐅᑕᐅᓯᒪᔪᓂᑦ ᑲᑭᕙᒃ ᑲᑐᔾᔨᖃᑎᒌᖏᓐᓄᑦ ᐱᓕᕆᐊᖑᕙᑦᑐᓄᑦ ᐱᔨᑦᑎᕋᐅᑕᐅᕙᑦᑐᓄᓪᓗ. ᑐᔅᓯᕋᕐᐸᑦᑐᑦ ᐃᖅᑲᓇᐃᔭᖅᑎᐅᔭᕆᐊᖃᙱᑦᑐᑦ ᑲᑭᕙᒃᑯᓐᓂᑦ, ᕿᑭᖅᑕᓂᒃᑯᓐᓂᑦ, ᐅᕝᕙᓘᓐᓃᑦ ᓇᓕᑐᐃᓐᓇᖏᓐᓂ ᑲᑐᔾᔨᖃᑎᒌᖑᔪᓂᑦ ᐅᕝᕙᓘᓐᓃᑦ ᑎᒥᐅᔪᓂᑦ ᐊᐅᓚᑕᐅᔪᓂᑦ ᕿᑭᖅᑕᓂᒃᑯᓐᓂᑦ.

ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ (ᐆᒪᔪᓕᕆᔨᕐᔪᐊᒃᑯᑦ) ᐊᑕᐅᓯᕐᒥᒃ, ᑎᓴᒪᓄᑦ−ᐊᕐᕌᒍᓄᑦ ᑲᑎᒪᔨᐅᖃᑕᐅᒐᔭᖅᑐᖅ) 

ᐆᒪᔪᓕᕆᔨᕐᔪᐊᒃᑯᑦ ᐱᓇᓱᐊᒐᓖᑦ ᓴᐳᔾᔨᓂᕐᒥᒃ ᓂᕐᔪᑎᓂᑦ ᐊᒻᒪᓗ ᓂᕐᔪᑏᑦ ᓇᔪᒐᖏᓐᓂᒃ ᐊᑯᓃᖅᑐᒥᒃ (ᓯᕕᑐᔪᒥᒃ) ᐱᕚᓪᓕᕈᑕᐅᓯᒪᓂᐊᖅᑐᒥᒃ ᓄᓇᕗᒻᒥᐅᓕᒫᓄᑦ ᐃᑉᐱᒍᓱᑦᑎᐊᓯᓐᓈᑦ ᐃᓄᐃᑦ ᐊᖑᓇᓱᖃᑦᑕᓂᕐᒧᑦ ᐱᔪᓐᓇᐅᑎᖏᓐᓂᒃ ᓯᕗᓪᓕᐅᔾᔭᖏᓐᓂᓪᓗ.

 ᑖᒃᑯᐊ ᒥᕐᖑᐃᓯᕐᕕᓐᓂᑦ ᐃᓐᓄᒋᐊᓖᑦ ᐃᓄᖃᙱᑦᑐᑦ:

ᓄᓇᕗᒥ ᒥᕐᖑᐃᓯᕐᕕᓐᓂᑦ:

• ᐃᖃᓗᐃᑦ ᑰᖓ ᐊᒻᒪ ᖃᐅᒻᒫᕐᕖᑦ ᒥᕐᖑᐃᓯᕐᕕᒃ (ᐃᖃᓗᐃᑦ)- 1 ᐊᑕᐅᓯᕐᒥᒃ, ᐱᖓᓱᓂᑦ 3-ᐊᕐᕌᒍᓂᑦ
• ᑲᑕᓐᓂᓕᒃ ᒥᕐᖑᐃᓯᕐᕕᒃ (ᑭᒻᒥᕈᑦ) – 1 ᐊᑕᐅᓯᕐᒥᒃ, ᐱᖓᓱᓂᑦ 3-ᐊᕐᕌᒍᓂᑦ
• ᓇᐹᖅᑐᓕᒃ ᒥᕐᖑᐃᓯᕐᕕᒃ (ᐊᐅᓱᐃᑦᑐᖅ) – 3 ᐱᖓᓱᓂᑦ, ᒪᕐᕉᓐᓂᒃ 2-ᐊᕐᕌᒎᓐᓂᒃ
• ᐊᒡᒍᑎᓐᓂ ᒥᕐᖑᐃᓯᕐᕕᒃ (ᑲᖏᖅᑐᒑᐱᒃ) – 1 ᐊᑕᐅᓯᕐᒥᒃ, ᐱᖓᓱᓂᑦ 3-ᐊᕐᕌᒍᓂᑦ
• ᑭᙶᓗᒃ ᒥᕐᖑᐃᓯᕐᕕᒃ (ᓴᓂᑭᓗᐊᖅᓱ − 2 ᒪᕐᕉᓐᓂᒃ, ᐱᖓᓱᓂᑦ 3-ᐊᕐᕌᒍᓂᑦ

ᑲᓇᑕᒥ ᒥᕐᖑᐃᓯᕐᕖᑦ

ᑲᑐᔾᔨᓪᓗᑎᒃ ᒥᕐᖑᐃᓯᕐᕕᓕᕆᓂᕐᒧᑦ ᑲᑎᒪᔨᕋᓛᑦ:

• ᖁᑦᑎᓂᕐᐹᖅ (2 ᐃᓂᐅᔫᒃ, ᐱᔭᕇᖅᑕᐅᒐᓱᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ)
• ᐊᐅᔪᐃᑦᑐᖅ (2 ᐃᓂᐅᔫᒃ, ᐱᔭᕇᖅᑕᐅᒐᓱᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ)
• ᖃᐅᓱᐃᑦᑐᖅ (2 ᐃᓂᐅᔪᖅ, ᐱᔭᕇᖅᑕᐅᒐᓱᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ)
• ᓯᕐᒥᓕᒃ (1 ᐃᓂᐅᔪᖅ, ᐱᔭᕇᖅᑕᐅᒐᓱᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ)

ᒥᕐᖑᐃᓯᕐᕕᓐᓄᑦ ᐸᕐᓇᐃᔩᑦ:

-ᖃᐅᓱᐃᑦᑐᖅ (1 ᐃᓂᐅᔪᖅ, ᐱᔭᕇᖅᑕᐅᒐᓱᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ)

-ᖁᑦᑎᓂᕐᐹᖅ (1 ᐃᓂᐅᔪᖅ, ᐱᔭᕇᖅᑕᐅᒐᓱᓐᓂᖏᓐᓂ ᐊᐅᓚᑦᑎᓂᕐᒧᑦ ᐸᕐᓇᐅᑏᑦ)

ᕿᑭᖅᑕᓂᒃᑯᑦ ᖃᐅᔨᒪᑦᑎᐊᖃᑦᑕᕈᒪᒻᒪᑕ ᐃᓘᓐᓇᖏᓐᓂᒃ ᐃᓄᐃᑦ ᐃᓚᒋᔭᐅᑎᑕᐅᖃᑦᑕᕋᓗᐊᕐᒪᖔᑕ ᐊᑐᓕᖅᑎᑕᐅᕙᓪᓕᐊᓂᖏᓐᓂ ᓄᓇᕗᑦ ᐊᖏᖃᑎᒌᒍᑏᑦ. ᑕᐃᒪᐃᒻᒪᑦ, ᕿᑭᖅᑕᓂᒃᑯᑦ ᐊᑐᓕᖅᑎᑦᑎᕙᓪᓕᐊᓯᒪᒻᒪᑕ ᓴᖅᑭᔮᖅᑐᒥᒃ ᐊᒻᒪᓗ ᓵᙵᔭᐅᖃᑦᑕᕈᓐᓇᖅᑐᑎᒃ ᑭᐅᔨᒋᔭᐅᓗᑎᒃ ᐱᓕᕆᔾᔪᓯᖃᖃᑦᑕᓂᕐᒥᒃ ᐃᓱᒪᔅᓴᕐᓯᐅᕈᑎᖃᕐᓂᕐᒥᒃ ᐊᔪᙱᑦᑐᓂᑦ ᑲᑎᒪᔨᐅᖃᑕᐅᔪᓐᓇᖅᑐᓂᑦ. ᖃᐅᔨᒪᓂᐊᖅᑯᓯ ᐱᕋᔭᓚᐅᕐᓯᒪᓂᑰᒻᒪᖔᑕ ᖃᐅᔨᓴᖅᑕᐅᖃᑦᑕᕆᐊᖃᕐᓂᐊᑐᔅᓴᐅᒥᒻᒪᑕ ᐃᓚᖏᑦ ᑎᒃᑯᐊᕐᓯᕕᐅᔭᕆᐊᓖᑦ/ᓂᕈᐊᕋᔅᓴᓕᐅᕐᕕᐅᔭᕆᐊᓖᑦ.

ᐊᑏ ᑐᓂᓯᓂᐊᖅᑯᑎᑦ ᓇᓗᓇᐃᔭᑦᑎᐊᕐᓯᒪᔪᒥᒃ ᐱᔪᒐᕐᓴᐅᑎᓐᓂᒃ ᐊᒻᒪᓗ ᓯᕗᓕᐊᕈᑕᖓᓂᒃ ᑎᑎᖅᑲᕐᒥᒃ, ᐃᓄᒃᑎᑑᖓᓗᒋᑦ ᖃᓪᓗᓈᑎᑑᓪᓘᓐᓃᑦ, ᓇᓗᓇᐃᕐᓯᓗᑎᑦ ᓇᓪᓕᐊᓐᓄᑦ ᐱᓇᓱᐊᕐᒪᖔᕐᐱᑦ, ᓯᕗᕐᖓᒍᑦ ᕖᕝᕗᐊᓕ 22, 2021

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

P.O. Box 1340
Iqaluit, Nunavut X0A 0H0
ᐅᖄᓚᐅᑖ: (867) 975-8400
ᓱᒃᑲᔪᒃᑰᕈᑖ: (867) 979-3238
ᐅᖓᓯᑦᑐᒥᑦ ᐊᑭᖃᙱᑐᒃᑯᑦ: 1-800-667-2742
ᐃᕐᖐᓈᖅᑕᐅᑖ: nominations@qia.ca