ᖃᕋᓴᐅᔭᒃᑯᑦ ᑎᑎᕋᖅᑕᐅᓯᒪᔪᑦ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᐅᑕᐅᓕᖅᐳᑦ

ᖃᕋᓴᐅᔭᒃᑯᑦ ᑎᑎᕋᖅᑕᐅᓯᒪᔪᑦ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᖃᐅᑕᐅᓕᖅᐳᑦ

 In blog-inuk

ᐊᕐᕌᒎᓚᐅᖅᑐᓂᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓴᖃᑦᑕᖅᓯᒪᒻᒪᑕ ᐱᓕᕆᐊᖃᕈᒪᓕᕐᓇᖅᑐᓂᑦ ᑐᓴᕈᒥᓇᖅᑐᓂᑦ ᕿᑭᖅᑖᓗᖕᒥᐅᑕᑦ ᐃᓄᖏᖕᓂ. ᐅᓂᒃᑳᑦ ᑲᑐᔾᔭᐅᔭᕆᐊᓖᑦ. ᐅᐊᑦᑎᐊᕈ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑐᓴᕋᒃᓴᖏᖕᓂᑦ ᐱᕙᓪᓕᐊᔪᓂᑦ ᑐᓴᕋᔅᓴᑦ, ᐅᖃᖅᓯᒪᓗᐊᓚᐅᕋᑦᑕ ᐃᓄᐃᑦ ᒪᒃᑯᒃᑐᓂᑦ ᐊᓯᒥᖕᓂᑦ ᐱᓕᕆᐊᖃᕈᒪᓕᖅᑎᑦᑎᓲᑦ ᖃᓄᖅᑑᖅᓯᒪᓂᖏᖕᓄᑦ, ᐱᓕᕆᐊᖃᕈᒻᒪᐅᓂᖏᖕᓄᑦ ᐊᒻᒪᓗ ᑲᑐᔾᔨᓗᑎᑦ ᐃᓄᐃᑦ ᖃᐅᔨᒪᓂᖁᑐᖃᖏᖕᓂᑦ ᐊᒻᒪᓗ ᐊᔪᙱᑕᖏᖕᓂᑦ.

ᑕᒫᓂ ᐊᐅᔭᐅᓚᐅᖅᑐᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓴᖅᑎᑦᑎᓚᐅᖅᓯᒪᕗᑦ ᐅᖃᐅᑕᐅᓂᐊᖅᑐᑦ ᖃᓄᐃᓕᐅᕐᓂᖏᖕᓄᑦ ᐱᓕᕆᐊᖓᓂᒃ. ᑖᒃᑯᑎᒎᓇᖅ ᐱᓕᕆᐊᖅᑎᒍᑦ ᑕᑯᒃᓴᐅᑎᑦᑎᔪᒪᓗᐊᓚᐅᕋᑦᑕ ᕿᑭᖅᑖᓗᖕᒥᐅᑦ ᐃᓄᖏᑦ ᐊᕕᑦᑐᖅᓯᒪᓂᑦᑎᓐᓂ ᐱᐅᔪᒻᒪᕆᖕᓂᒃ ᐱᓕᕆᐊᖃᖅᑐᓂᑦ. ᐊᐱᕆᓚᐅᖅᐳᒍᑦ ᓂᕈᐊᒐᒃᓴᓕᐅᖁᔨᓪᓗᑕ ᐃᓕᔅᓯᖕᓂᒃ ᑭᒃᑯᑦ ᐃᓄᐃᑦ ᐅᓂᒃᑲᐅᓯᓖᑦ ᑐᓴᖅᑕᐅᔭᕆᐊᖃᕋᓱᒋᔭᔅᓯᖕᓂᒃ. ᖁᕕᐊᓱᓚᐅᖅᐳᒍᑦ ᐱᔪᓐᓇᓚᐅᕋᑦᑕ ᐊᒥᓱᓂᑦ ᓂᕈᐊᒐᒃᓴᓕᐊᕆᔭᐅᓯᒪᔪᓂᑦ. ᐅᖃᖃᑎᒋᓚᐅᖅᑐᒋᑦ ᓂᕈᐊᒐᒃᓴᓕᐊᕆᔭᐅᓯᒪᔪᑦ, ᐃᖅᑲᐃᑎᑕᐅᓚᐅᖅᐳᒍᑦ ᖃᓄᖅ ᐊᔾᔨᐅᙱᑦᑐᒻᒪᕆᐅᓂᖏᖕᓂᑦ ᐱᐅᔪᒃᑯᑦ ᕿᑭᖅᑖᓗᖕᒥᐅᑕᐅᔪᑦ ᐃᓄᖏᑦ.

ᐊᐱᖅᓱᓚᐅᖅᐳᒍᑦ ᐃᙱᖅᑐᒥᒃ−ᐃᙱᒐᓕᐅᖅᑎᒥᒃ ᐃᒡᓗᓕᒻᒥᐅᑕᐅᔪᑦ ᓵᓚᒃᓴᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᓂᔾᔭᐅᓯᔭᖅᑏᑦ ᐱᔾᔪᓯᐊᖓᓂᒃ ᐃᙱᒐᓕᐊᒥᓂᑯᖏᖕᓄᑦ ᓂᐱᓕᐅᖅᑕᐅᓯᒪᔪᓂᑦ. ᑎᑎᕋᓲᖅ ᐃᙱᓲᕐᓗ ᐃᓄᒃᑎᑐᑦ ᐊᒻᒪᓗ ᑲᑐᔾᔨᓲᖅ ᓄᓇᕐᔪᐊᕐᒥᐅᑕᓕᒫᕐᓄᑦ ᐊᓐᓂᕆᔭᒻᒪᕆᖓᓂᒃ ᐅᖃᐅᓯᖓᓂᒃ.

ᐅᖃᖃᑎᖃᓚᐅᕆᕗᒍᑦ ᑮᓇᐅᔭᓕᐅᕋᓱᐊᖅᑎᒥᒃ ᐊᑐᓲᖅ ᓄᓇᓕᒻᒥᐅᑕᐅᔪᓂᑦ ᓴᓇᕕᒋᓂᐊᖅᑕᒥᖕᓂᒃ ᓲᕐᓗᒃ ᓄᓇᒦᙶᖅᑐᓂᑦ, ᐆᑦᑑᑎᒋᓪᓗᒍ ᐊᕐᕕᑉ ᐅᖅᓱᖓᓂᒃ ᐊᑐᖅᑐᓂ, ᑯᐊᓐᓂᓂᑎᑦ, ᐊᒻᒪᓗ ᓄᓇᕋᕐᓂᑦ, ᐅᕕᓂᒧᑦ ᒪᒥᓴᐃᒍᑎᓂᑦ ᐊᑐᕋᒃᓴᓂᑦ ᓴᓇᓲᖑᓪᓗᓂ. ᓇᖕᒥᓂᖁᑎᖓᒍᑦ ᓂᕆᐅᑉᐳᖅ ᐱᓕᕆᐊᖃᕈᒪᓕᖅᑎᑦᑎᒍᒪᓂᐊᕋᒥᒃ ᐊᓯᒥᖕᓂᒃ ᐃᒻᒥᓂᒃ ᐅᑉᐱᕈᓱᒍᓐᓇᓕᖁᓪᓗᒋᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖏᖕᓂᑦ ᐊᑐᑦᑎᐊᕐᔫᒥᓗᑎᑦ ᐱᓕᕆᐊᖃᕈᓐᓇᓂᕐᒥᖕᓂᒃ.

ᓂᕈᐊᒐᒃᓴᓕᐊᕆᔭᐅᓯᒪᔪᕐᓗ ᐱᓕᕆᐊᕐᓂᑦ ᐊᐅᓚᑦᑎᓲᖅ ᒪᒃᑯᑦᑐᑦ ᐱᕙᓪᓕᐊᓂᖃᓕᖅᑎᓐᓇᓱᐊᓲᕆᓪᓗᓂᒋᑦ, ᐱᖅᑯᓯᑐᖃᖅᑎᒍᑦ ᖃᐅᔨᒪᔭᐅᔪᓂᑦ ᐱᕙᓪᓕᐊᑎᑦᑎᓂᖃᕋᓱᐊᖅᑐᓂ. ᐱᓕᕆᐊᖏᑦ ᑐᙵᕕᖃᓗᐊᓲᑦ ᓄᓇᑐᐃᓐᓇᕐᒥ ᐃᓅᓂᕐᒥᒃ, ᐃᖃᓪᓕᐊᓂᕐᒥᒃ, ᐊᖑᓇᓱᓐᓂᕐᒥᒃ, ᐊᒻᒪᓗ ᒥᖅᓱᓂᕐᒥᒃ ᐊᓐᓄᕌᓂᒃ ᐊᑐᕋᒃᓴᓂᑦ.

ᒪᒃᑯᓐᓂᖅᐹᖑᓚᐅᕐᒥᔪᖅ ᓂᕈᐊᒐᒃᓴᓕᐊᕆᔭᐅᔪᖅ ᐅᑭᐅᖃᓚᐅᖅᑐᖅ ᑎᓴᒪᐅᔪᖅᑐᑦ ᐊᑕᐅᓯᕐᓗ, ᓂᐱᒋᔭᐅᔪᖅ ᓄᑕᖅᑲᑦ ᐅᖃᓕᒫᒐᖏᖕᓄᑦ ᐃᓐᕼᐊᕕᑦ ᒦᑎᐊᒃᑯᑎᒍᑦ, ᓂᐱᓕᐅᖅᑕᐅᓯᒪᓪᓗᓂ ᑕᒪᒃᑭᑎᒍᑦ ᖃᓪᓗᓈᑎᑐᑦ ᐃᓄᒃᑎᑐᓪᓗ. ᐱᖅᑯᓯᑐᖃᖓᑎᒍᓪᓗ ᐊᔪᙱᓐᓂᖓᓂᒃ ᐊᑐᓲᖅ ᓲᕐᓗᒃ ᐊᖑᓇᓱᖃᑎᖃᓲᖅ ᐊᑖᑕᑦᑎᐊᒥᓂᒃ ᐊᒻᒪᓗ ᐊᑖᑕᒥᓂᒃ, ᒥᖅᓱᕐᓂᕐᒥᒃ ᐊᒻᒪᓗ ᓇᐅᓕᒃᓯᓂᕐᒥᒃ.

ᐱᓕᕆᐊᖃᕈᒪᓕᖅᓯᒪᕗᒍᑦ ᐊᑐᓂ ᓂᕈᐊᒐᒃᓴᓕᐊᕆᔭᐅᓯᒪᔪᓂᑦ ᐊᒻᒪᓗ ᖁᕕᐊᓱᑦᑐᒻᒪᕆᐅᓪᓗᑕ ᑲᑐᔾᔨᓗᑕ ᐃᓕᖕᓄᑦ ᐅᓂᒃᑳᖏᖕᓂᑦ. ᕿᓂᕐᓗᒍ ᐅᖃᐅᑕᐅᓂᐊᖅᑐᑦ ᖃᓄᐃᓕᐅᕐᓂᖏᖕᓄᑦ ᐱᓕᕆᐊᕆᔭᕗᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓴᒐᒃᓴᖏᑕ ᐱᕙᓪᓕᐊᔪᓂᑦ ᑎᑎᕋᖅᑕᐅᓛᖅᑐᓂᑦ!

ᖃᐅᔨᒪᓐᓂᕈᕕᑦ ᐱᐅᔪᒻᒪᕆᖕᓂᑦ ᐱᓕᕆᔪᓂᑦ ᕿᑭᖅᑖᓗᖕᒥ, ᖃᐅᔨᒃᑲᖅᑎᒍᑦ! ᓂᕈᐊᒐᒃᓴᓕᐅᕈᓐᓇᖅᐳᑎᑦ ᐃᓄᖕᒥᒃ ᐅᑯᑎᒎᓇᖅ: https://www.qia.ca/in-the-spotlight/

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ