ᐊᑐᕚᑦ, ᐊᓐᑎᐅᕆᐆ – ᒪᔾᔨ  20, 2019 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓂᕆᐅᒋᔭᖃᖅᑐᑦ ᒐᕙᒪᑐᖃᒃᑯᑦ ᓇᓗᓇᐃᖅᓯᒪᔭᖏᓐᓂᒃ ᑮᓇᐅᔭᖅᑑᑎᒃᓴᖏᓐᓂᑦ 2019ᒥ ᐱᖁᑎᕐᔪᐊᓄᑦ ᐊᒻᒪ ᐱᒻᒪᕆᐅᔪᓄᓪᓗ ᐱᓕᕆᐊᒃᓴᓄᑦ ᐱᒋᐊᕈᑎᒃᓴᓄᑦ ᕿᑭᖅᑕᓂ ᓄᓇᓕᖏᓐᓂ.  

“ᖁᕕᐊᓇᖅᑐᖅ ᑮᓇᐅᔭᓂᒃ ᓇᓗᓇᐃᖅᑕᐅᓯᒪᔪᓂᒃ ᑐᕌᖓᔪᑦ ᓄᓇᕗᒥ ᐱᓕᕆᐊᒃᓴᓄᑦ ᐱᔾᔪᑎᒋᓪᓗᒋᑦ ᐅᑭᐅᖅᑕᖅᑐᒥ ᐱᖁᑎᕐᔪᐊᒃᓴᓄᑦ, ᐅᒪᔪᖅᓯᐅᕐᓂᐅᑉ ᒥᒃᓵᓄᑦ ᐊᒻᒪᓗ ᐱᐅᓯᐊᖅᑎᑦᑎᔾᔪᑎᒃᓴᓂᑦ ᐱᕙᓪᓕᐊᔾᔪᑎᒋᔭᐅᔪᓐᓇᕐᓂᐊᖅᑐᓄᑦ ᐃᑲᔪᕈᓐᓇᕐᓂᐊᖅᑐᓂᒃ ᐅᕙᑦᑎᓐᓂ ᐱᔭᕇᕈᑎᖃᕈᓐᓇᖅᓯᓂᕐᒥᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓂᒃ ᐃᑲᔫᓯᐊᒃᓴᖏᓐᓄᑦ ᐊᖏᕈᑎᒥᒃ ᑕᓪᓗᕈᑎᐅᑉ ᐃᒪᖓᓄᑦ” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ.  

“ᐃᓄᓐᓄᓪᓕ, ᑮᓇᐅᔭᐃᑦ ᑕᒪᒃᑯᑎᑑᓇ ᐃᑲᔪᕐᓂᐊᖅᑐᑦ ᐱᕙᓪᓕᐊᑎᑦᑎᓂᕐᒧᑦ ᐃᓄᖕᓄᑦ ᐊᐅᓚᑕᐅᓂᐊᖅᑐᓂᒃ ᓴᐳᔾᔨᓂᕐᒥᒃ ᐊᒻᒪᓗ ᐃᒪᓂᒃ ᐸᖅᑭᓂᕐᒥᒃ.  ᕿᑭᖅᑕᓃᒃᑯᑦ ᓂᕆᐅᒋᔭᖃᖅᑐᑦ ᑖᒃᑯᐊ ᓇᓗᓇᐃᖅᑕᐅᑦᑎᐊᕐᓂᐊᕐᓗᑎᒃ ᓴᖅᑭᑕᐅᓗᑎᒃ ᐊᖏᖃᑎᒌᖕᓂᒃᑯᑦ ᐃᓄᖕᓂᑦ ᒐᕙᒪᑐᖃᒃᑯᓐᓂᓗ.” ,

ᑕᖅᑭᓂ ᖃᐃᕙᓪᓕᐊᔪᓂᒃ, ᕿᑭᖅᑕᓃᒃᑯᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᒐᕙᒪᑐᖃᒃᑯᓐᓂᑦ ᐱᔭᕇᖅᑕᐅᕙᓪᓕᐊᓗᓂ ᐋᔩᕋᕐᓂᐅᔪᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓂᒃ ᐃᑲᔫᓯᐊᒃᓴᖏᓐᓄᑦ ᐊᖏᕈᑎᒥ ᐊᒻᒪᓗ ᐊᐅᓚᑦᑎᔾᔪᑎᒋᔭᐅᑲᐃᓐᓇᕐᓂᐊᖅᑐᒥᒃ ᐸᕐᓇᐅᑎᒥᒃ ᑕᓪᓗᕈᑎᐅᑉ ᐃᒪᖓᓄᑦ, ᐱᖃᓯᐅᑎᓯᒪᓂᐊᖅᑐᓂᒃ ᐃᖅᑲᓇᐃᔮᒃᓴᓂ ᐃᓄᖕᓄᑦ ᐊᒻᒪᓗ ᐊᕙᑎᒥᒃ ᐸᖅᑭᔨᐅᓗᑎᒃ ᐅᒪᔪᖅᓯᐅᑎᐅᓗᑎᓪᓗ, ᐊᒻᒪᓗ ᐱᕙᓪᓕᐊᑎᑦᑎᓂᕐᒥᒃ ᑐᓚᑦᑕᕐᕕᒃᓴᓂᒃ ᓯᔾᔭᖅᐸᓯᕐᒥ ᓄᓇᓕᐅᔪᓄᑦ, ᐱᑕᖃᓐᖏᓗᐊᖅᑎᓪᓗᒋᑦ ᓄᓇᕘᑉ ᖁᑦᑎᒃᑐᖓᓂ.  

ᕿᑭᖅᑕᓃᒃᑯᑦ ᖁᕕᐊᓱᖕᒥᔪᑦ ᐱᖃᓯᐅᑎᔭᐅᓯᒪᓂᖓᓂᒃ 2019ᒥ ᒐᕙᒪᑐᖃᒃᑯᑦ ᑮᓇᐅᔭᖅᑑᑎᒃᓴᖏᓐᓂᒃ ᐃᓄᐃᑦ ᖁᕝᕙᐅᒪᓂᖅᓴᒧᑦ ᐃᓕᓐᓂᐊᕆᐊᕐᓂᕐᒧᑦ ᑐᕌᖓᔪᓂᒃ ᐊᒻᒪᓗ ᐱᓐᖑᖅᑎᑕᐅᓂᐊᕐᓗᑎᒃ ᐃᓱᒪᒃᑯᑦ ᐋᓐᓂᐊᕈᑎᓕᖕᓄᑦ ᐃᓪᓗᒃᓴᒥ ᓄᓇᕗᒥ. ᔪᓚᐃ 2017ᒥᑦ, ᕿᑭᖅᑕᓃᒃᑯᑦ ᐃᖅᑲᓇᐃᔭᖃᑎᖃᖅᓯᒪᖕᒪᑕ  ᒐᕙᒪᑐᖃᒃᑯᓐᓂᑦ ᓴᖅᑭᑕᐅᓂᐊᕐᓂᖓᓂᒃ ᑕᓪᓗᕈᑎᐅᑉ ᐃᒪᖓᓂᒃ ᑲᓇᑕᒥ ᐃᒪᕐᒥᐅᑕᓂ ᓴᐳᔾᔨᕕᖕᒥ.  ᐱᓐᖑᖅᓯᒪᓕᖅᑎᓪᓗᒍ , 110,000 ᑭᑉᐹᕆᒃᑐᓂᒃ ᑭᓛᒥᑕᓂ ᐊᖏᓂᕆᔭᖓᑦ, ᐊᖏᓂᖅᐹᖑᓗᓂ ᑲᓇᑕᒥ ᓴᐳᔾᔨᕕᐅᓂᐊᖅᑐᖅ.

• 

• 

ᐃᓄᐃᑦ ᑲᒪᔨᐅᓂᖏᑦ ᐊᒻᒪᓗ ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒫᓂ ᓴᐳᔾᔨᕕᒃ

ᓂᕿᓂᑦ ᐊᐅᓚᑦᑎᔾᔪᑎᖃᕐᓂᖅ ᐊᒻᒪᓗ ᓂᕿᔅᓴᕐᓯᐅᖃᑦᑕᕐᓂᖅ

ᑐᑭᓯᒃᑲᓐᓂᕈᒪᔪᖃᖅᐸᑦ, ᖃᐅᔨᒋᐊᕐᕕᒃᓴᖅ:

ᓰᒪ ᓴᕼᐊᕐ ᓯᐊᕋᕼᐃ, ᑐᑭᒧᐊᖅᑎᑦᑎᔨ ᑐᓴᒪᐅᖃᑦᑕᐅᑎᓕᕆᔨᒃᑯᓐᓂ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ

szerehi@qia.ca

867.975.8413

1.800.667.2742