QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᕿᑭᖅᑕᓃᒃᑯᑦ ᑲᑎᒪᔨᖏᑦ ᐃᑲᔪᖅᑐᐃᙱᑦᑐᑦ ᓄᓘᔮᑦ ᐱᓕᕆᐊᖓᑕ ᑐᒡᓕᐊᓂ ᑐᒃᓯᕋᐅᑎᒥᒃ

ᕿᑭᖅᑕᓃᒃᑯᑦ ᑲᑎᒪᔨᖏᑦ ᐃᑲᔪᖅᑐᐃᙱᑦᑐᑦ ᓄᓘᔮᑦ ᐱᓕᕆᐊᖓᑕ ᑐᒡᓕᐊᓂ ᑐᒃᓯᕋᐅᑎᒥᒃ

 In media-releases-inuk

ᐃᖃᓗᐃᑦ, ᓄᓇᕗᑦᒫᑦᓯ  5, 2021 – ᐊᒥᓱᓄᑦ ᐊᕐᕌᒍᓄᑦ ᐊᒃᑐᖅᑕᐅᓯᒪᔪᓂᑦ ᓄᓇᓖᑦ ᐊᒻᒪ ᐃᓚᒋᔭᐅᔪᑦ ᐅᖃᖃᑎᒋᔭᐅᖃᑦᑕᖅᓯᒪᑎᓪᓗᒋᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓂᕈᐊᖅᑕᐅᓯᒪᔪᑦ ᑲᑎᒪᔨᖏᑦ, ᐱᖁᔨᕗᖔᕈᑎᖃᓚᐅᖅᑐᑦ ᑲᔪᓯᑎᑦᑎᓪᓗᑎᒃ ᐃᑲᔪᖅᑐᐃᙱᖦᖢᑎᒃ ᐸᕕᓚᓐᓂ ᓴᕕᕋᕙᒃᓴᓂ ᐅᔭᕋᕐᓂᐊᕐᕕᓕᕆᔨᒃᑯᑦ ᑐᒡᓕᐊᓂ ᑐᒃᓯᕋᐅᑎᖓᓂ.  ᕿᑭᖅᑕᓃᒃᑯᑦ ᐃᓚᒋᔭᐅᖏᓐᓇᓚᐅᖅᑐᑦ ᐊᕙᑎᓕᕆᔨᒃᑯᑦ ᑐᒡᓕᐊ ᑐᒃᓯᕋᐅᑎᒥᒃ ᐱᓕᕆᑎᓪᓗᒋᑦ.

“ᕿᑭᖅᑕᓃᒃᑯᑦ ᑲᑎᒪᔨᖏᑦ ᓯᕗᓪᓕᐅᑎᑦᑎᓚᐅᕐᒪᑕ ᐃᓄᐃᑦ ᐃᓱᒫᓘᑎᒋᔭᖏᑦ ᐊᒃᑐᖅᑕᐅᓯᒪᔪᓂᑦ ᓄᓇᓕᖕᓂᑦ. “ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ. “ᕿᑭᖅᑕᓃᒃᑯᑦ ᓇᓗᓇᐃᔭᖅᓯᒪᑦᑎᐊᖅᖢᑎᒃ ᐱᓕᕆᖃᑕᐅᓚᐅᖅᑐᑦ ᕿᒥᕐᕈᔭᐅᑎᓪᓗᒍ ᑐᒡᓕᐊᓂ ᑐᒃᓯᕋᐅᑎᖓ ᐱᖃᓯᐅᑎᓪᓗᒋᑦ ᐋᖅᑭᒃᓱᐃᓂᕐᒥᒃ ᐃᓛᒃᑰᖓᔪᓂᒃ ᒪᕐᕉᓂᒃ ᐃᓄᐃᑦ ᖃᐅᔨᒪᔭᑐᖃᖏᑕ ᐱᓕᕆᐊᑉ ᒥᒃᓵᓄᑦ ᐅᓂᒃᑳᓂ, ᐅᖃᓕᒪᖃᑎᖃᖃᑦᑕᕐᓂᖅ ᐊᒃᑐᖅᑕᐅᓯᒪᔪᓂ ᓄᓇᓕᖕᓂ ᐃᓱᒪᓕᐅᕈᑎᒋᔭᐅᒋᐊᖃᖅᑐᒥᒃ ᐱᐅᙱᓐᓂᖓᓂᒃ ᐱᐅᓂᖏᓐᓂᓪᓗ ᓇᓗᓇᐃᔭᐃᒋᐊᖃᕐᓂᖅ ᓄᓘᔮᒃ ᐅᔭᕋᕐᓂᐊᕐᕕᖓ ᐱᓪᓗᒍ.”

ᐊᕿᐊᕈᖅ ᐅᖃᕆᐊᒃᑲᓐᓂᖅᖢᓂ, “ᐃᓄᐃᑦ ᐃᓚᒋᔭᐅᙱᑦᑐᑦ ᑐᒃᓯᕋᐅᑎ ᐋᖅᑭᒃᓱᖅᑕᐅᓕᖅᑎᓪᓗᒍ, ᐱᒻᒪᕆᐅᔪᑦ ᑐᑭᓯᒍᑎᐅᔪᓂᒃ ᐱᓕᕆᐊᕐᒧᑦ ᐊᒃᑐᐃᓂᐅᔪᓄᑦ ᑐᑭᓯᓇᓗᐊᙱᑦᑐᑦ ᓱᓕ.  ᑕᐃᒪᐃᒻᒪᑦ ᕿᑭᖅᑕᓃᒃᑯᑦ ᑲᑎᒪᔨᖏᑦ ᐊᖏᖁᔨᙱᑦᑐᑦ ᑐᒃᓯᕋᐅᑎᒥᒃ.”

ᐊᓯᖏᓐᓂᒡᓗᐅᒐᓗᐊᖅ ᐃᓱᒫᓘᑎᒋᔭᐅᔪᑦ ᕿᑭᖅᑕᓃᒃᑯᑦ ᑲᑎᒪᔨᖏᓐᓄᑦ ᐃᓱᒪᖅᓴᖅᓯᐅᕈᑎᖃᓚᐅᖅᑐᑦ ᑐᑭᑖᕈᑎᓕᐅᖅᐸᓪᓕᐊᑎᓪᓗᒋᑦ ᐱᔾᔪᑎᖃᓚᐅᖅᑐᑦ ᐊᒃᑐᐃᓂᐅᔪᑦ ᐳᔪᕐᒧᑦ, ᐊᒃᑐᐃᓂᐅᔪᑦ ᐅᒪᔪᓄᑦ ᑐᒃᑐᓄᑦ, ᓇᐅᑦᑎᕐᓄᑦ, ᐊᓪᓚᙳᐊᓄᓪᓗ ᐊᒻᒪᓗ ᐱᖃᓯᐅᔾᔭᐅᓯᒪᙱᓗᐊᕐᓂᖓ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᑲᑐᔾᔭᐅᓯᒪᙱᓗᐊᖅᑐᑦ ᐋᖅᑭᒃᓱᖅᑕᐅᕙᓪᓕᐊᑎᓪᓗᒍ ᓱᕋᖅᐸᓪᓕᐊᔪᓂᒃ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᒃ.

ᕿᑭᖅᑕᓃᒃᑯᑦ ᑲᑎᒪᔨᖏᑦ ᒪᑐᐃᖓᐃᓐᓇᕐᓂᐊᖅᑐᑦ  ᐱᕙᓪᓕᐊᑎᑦᑎᔪᒪᔪᓂᒃ ᕿᑭᖅᑖᓗᖕᒥ ᐊᒻᒪᓗ ᑐᙵᓱᒃᑎᑦᑎᓪᓗᑎᒃ ᑐᒃᓯᕋᐅᑎᓂᑦ ᐸᕕᓐᓛᓐᑯᓐᓂᑦ ᓯᕗᓪᓕᐅᑎᑦᑎᓂᐊᖅᑐᒥᒃ ᐃᓄᐃᑦ ᐃᓚᐅᑎᑕᐅᓂᖏᓐᓄᑦ ᐱᓕᕆᐊᖅ ᐱᒋᐊᕐᓂᖓᓂᑦ ᐊᒻᒪᓗ ᐋᖅᑭᒃᓯᒪᓗᓂ ᐃᓄᐃᑦ ᑕᑯᓐᓇᙳᐊᖅᑕᖏᓐᓂᒃ ᓯᕗᓂᒃᓴᒥ.  ᑖᓐᓇ ᒫᓐᓇ ᓄᓘᔮᓂ ᐱᓕᕆᐊᖅ ᐊᐅᓚᑦᑏᓐᓇᕈᓐᓇᖅᑐᖅ ᐃᓄᐃᑦ ᓄᓇᖁᑎᖓᓂᒃ.  ᕿᑭᖅᑕᓃᒃᑯᑦ ᓯᕗᓪᓕᐅᑎᑦᑎᓂᐊᖅᑐᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪ ᐱᔪᒪᔭᖏᓐᓂᒃ ᐱᔾᔪᑎᒋᓪᓗᒍ ᒫᓐᓇ ᐱᓕᕆᐊᖑᔪᒥᑦ.

ᕿᑭᖅᑕᓃᒃᑯᑦ ᐊᖓᔪᖅᑳᖓ ᐊᑐᐃᓐᓇᐅᓕᕐᓂᐊᖅᑐᖅ ᓇᒡᒐᔾᔭᐅᒥᒃ ᒫᑦᓯ 8, 2021ᒥ ᐊᐱᖅᓱᖅᑕᐅᔪᒪᑉᐸᑦ.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᕕᐅᓪ ᕼᐋᑉᑭᓐᔅ, ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᖃᑦᑕᐅᑎᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 ᐅᕝᕙᓘᓐᓃᑦ
1.800.667.2742

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ