ᕿᑭᖅᑕᓃᒃᑯᑦ ᑭᐅᔾᔪᑦ ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ ᖃᐅᔨᓴᕆᐊᕐᙵᖅᑕᖓᓂᑦ
Clearwater−ᑯᑦ ᒥᒃᓵᓄᑦ ᑐᑭᑖᕈᑎᒋᓚᐅᖅᑕᒥᓂᑦ
ᐃᖃᓗᐃᑦ, ᓄᓇᕗᑦ − ᑎᓯᐱᕆ 9, 2025 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᖁᕕᐊᓱᖏᓚᑦ ᖃᐅᔨᓴᖅᑕᐅᓂᕆᔭᐅᓚᐅᖅᑐᒥᒃ ᐊᒻᒪᓗ ᐊᑐᓕᖁᔨᔾᔪᑎᐅᔪᒥᒃ ᐅᖃᐅᓯᐅᖅᑲᐅᔪᓂᑦ ᐃᒪᕐᒥᐅᑕᓕᕆᔨᒃᑯᓐᓂᑦ. ᐊᒥᓱᓄᑦ ᐊᕐᕌᒍᓄᑦ, ᕿᑭᖅᑕᓃᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ ᐋᖅᑮᖁᔨᓯᒪᖕᒪᑕ ᐃᓄᐃᑦ ᐃᓚᐅᖃᑕᐅᓕᕈᓐᓇᖁᓪᓗᒋᑦ ᑮᓇᐅᔭᓕᐅᕋᓱᐊᕐᓂᕐᒥᒃ ᐃᖃᓗᓕᕆᓂᕐᒥᒃ ᐃᒪᓂᑦ ᓄᓇᕗᑦ ᐊᑭᒋᔭᖏᓐᓂᑦ
ᑕᒪᓐᓇ ᐱᓕᕆᐊᖑᓂᖓ ᓴᖅᑭᓚᐅᖅᓯᒪᖕᒪᑦ ᒐᕙᒪᑐᖃᒃᑯᑦ ᐃᖅᑲᖅᑐᐃᕝᕕᖓᒍᑦ ᑐᑭᑖᕈᑕᐅᓪᓗᓂ ᒪᐃ 2024ᒥ, ᑐᑭᑖᕈᑎᒋᔭᐅᔪᖅ ᖁᔭᓇᖅᑕᐅᓪᓗᓂ ᑐᓂᓯᓂᖓᓂᒃ ᑰᑕᓂᒃ ᓄᓇᕗᒥᐅᑕᐅᙱᑦᑐᓄᑦ. ᐃᖅᑲᖅᑐᐃᕝᕕᒃ ᓇᓗᓇᐃᖅᓯᓚᐅᖅᑐᖅ ᑖᓐᓇ ᒥᓂᔅᑕ ᐱᓕᕆᑦᑎᐊᓚᐅᙱᓐᓂᖓᓄᑦ ᐃᓱᒪᒋᔭᖃᖅᑎᓪᓗᒍ ᑲᓇᑕᒥ ᐱᖁᔭᕐᔪᐊᒃᑯᑦ ᐱᓕᕆᐊᒃᓴᕆᓚᐅᖅᑕᖓᓂᑦ ᐊᔾᔨᒌᔾᔫᒥᔪᓂᒃ ᑐᓂᐅᖅᑲᐃᖃᑦᑕᕐᓂᕐᒥᒃ ᑰᑕᓂᒃ ᐱᓕᕆᖑᓗᓂ ᓄᓇᕗᒥᐅᑦ ᐃᓄᐃᑦ ᐊᑐᖅᓯᒪᔭᑐᖃᖓᓂᒃ ᐃᓚᐃᓐᓈᖅᑕᐅᓯᒪᓂᖏᓐᓄᑦ.
ᓯᕗᒧᐊᕈᒪᙱᓐᓂᖅᓴᐅᓪᓗᓂ ᐊᔾᔨᒌᓕᖅᑎᑕᐅᓂᒃᑯᑦ, ᐃᒪᕐᒥᐅᑕᓕᕆᔨᒃᑯᑦ ᐊᑐᓕᖁᔭᖏᑦ ᓱᓕ ᐊᓯᔾᔨᙱᑦᑐᖅ − ᐱᕕᖃᖅᑎᑦᑏᓐᓇᕐᓂᖓᓂᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᖃᓗᓕᕆᓂᖅ ᐱᓯᒪᔭᐅᖏᓐᓇᕐᓂᐊᕐᓂᖓᓂᑦ ᓄᓇᕗᒥᐅᑕᐅᙱᑦᑐᓄᑦ ᐊᐅᓚᑕᐅᖏᓐᓇᕐᓂᖏᓐᓄᑦ ᐊᒻᒪᓗ ᐃᑲᔪᕋᓱᙱᖦᖢᓂ ᓄᓇᕗᒥ ᐱᕙᓪᓕᐊᓂᖓᓂᑦ ᐊᒃᑐᐃᒍᑕᐅᒃᑲᓐᓂᕐᓂᐊᖅᑐᒥᒃ ᑭᖑᕚᕇᓄᑦ.
“ᐃᓄᖕᓂᑦ ᐃᓱᒪᓕᖅᑎᑦᑎᕗᖅ ᖃᓄᖅ ᐋᑐᕚ ᐅᖃᕈᓐᓇᖅᐸᑦ ᐋᖅᑮᓂᕐᒥᑦ ᐊᑐᓕᖅᑎᑦᑎᓂᕐᒥᑦ ᑕᐃᒪᓐᓇ ᐱᔭᐅᑎᓪᓗᒋᑦ ᐊᔪᖅᓴᖏᓐᓂᖅ ᐃᓄᐃᑦ ᐃᒪᖏᓐᓂᒃ ᑲᔪᓯᔪᑦ ᐃᖏᕐᕋᓂᖓ ᓂᒋᕐᒧᑦ” ᐅᖃᐅᖅᐳᖅ ᕿᑭᖅᑕᓂᒃᑯᑦ ᐊᖓᔪᖅᑳᖓ ᐅᓛᔪᒃ ᐊᑭᓱᒃ. “ᐃᓄᐃᑦ ᐱᕕᒃᓴᖓ ᑮᓇᐅᔭᓕᐅᕐᓂᕐᒧᑦ ᐃᖃᓗᓕᕆᓂᕐᒧᑦ ᒫᓐᓇ ᓱᓕ ᐅᔾᔨᕐᓇᖅᑐᒻᒪᕆᖕᒥᑦ ᑭᖑᓪᓕᐅᕗᖅ ᖁᕕᐊᓱᒍᑎᒋᔭᐅᕙᒃᑐᓂᒃ ᓂᒋᕐᒥᐅᑕᐅᔪᓂᑦ − ᑕᖏᓕᖕᒥᑦ ᐊᒃᑐᐃᕗᖅ ᐃᓄᖕᓄᑦ ᐊᒻᒪᓗ ᓄᓇᕗᑦ ᑮᓇᐅᔭᖏᓐᓂᒃ ᐊᒻᒪᓗ ᒥᑭᒡᓕᓯᕗᖅ ᑲᓇᑕᒥ ᓇᖕᒥᓂᖅᓱᕐᓂᖅ ᐅᑭᐅᖅᑕᕐᑐᕐᒥᑦ. ᑲᓇᑕᐅᑉ ᐊᖓᔪᖅᑳᖓ ᑳᓂ ᐅᖃᓪᓚᖃᑦᑕᖅᐳᖅ ᑲᓇᑕ ᓄᓇᖓ ᓴᓇᐅᒪᓂᕐᒥᑦ ᓄᓇᖃᖅᑳᖅᓯᒪᔪᑦ ᐹᑦᓇᖃᕐᓂᕐᒥᑦ ᑭᓯᐊᓂ ᐊᑐᖅᑕᐅᔪᖅ ᐃᒡᓗᖔᖓᒎᕗᖅ: ᐅᒃᐱᕈᓱᖕᓂᕐᒥᑦ ᓄᖑᓴᐃᕗᖅ, ᐃᒃᐱᒍᓱᖏᑉᐳᑦ ᒪᓕᒐᕐᒥᑦ, ᓴᙱᑦᑎᒋᐊᖅᑎᑦᑎᕗᖅ ᓇᓕᒧᒌᖏᓐᓂᕐᒥᒃ ᑭᖑᕚᕇᖑᔪᓄᑦ ᖄᖏᐅᔾᔨᓪᓗᑎᒃ ᐃᓄᖕᓂᑦ.
ᕿᑭᖅᑕᓂᒃᑯᑦ ᒫᓐᓇ ᖃᐅᔨᓴᖅᐳᑦ ᓇᓕᕌᕈᑎᒃᓴᓂᒃ ᐊᒻᒪᓗ ᑲᒪᒋᔭᖃᕐᓂᐊᖅᐳᑦ ᐃᓱᒫᓘᑎᐅᔪᓄᑦ ᑭᐅᔾᔪᑎᖃᕐᓗᑎᒃ ᐱᒋᐊᓕᓵᕐᓂᖓᓂ 2026.
ᐱᕙᓪᓕᐊᔪᓕᕆᔨᑦ ᐊᐱᖅᓱᕈᒪᔪᑦ, ᐅᖃᕐᓗᑎᑦ:
ᑭᐊᕋᓐ ᕙᓚᕋᑎ
ᑐᑭᒧᐊᖅᑎᑦᑎᔨ, ᑐᑭᒧᐊᒍᑎᒃᓴᓂ ᑐᓴᐅᒪᖃᑦᑕᐅᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃ
(ᐅᖄᓚᐅᑖ) 867.975.8398 ᐅᕝᕙᓘᓐᓃ ᐊᑭᖃᖏᑦᑐᖅ 1.800.667.2742
kflaherty@qia.ca