ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑎᒃᑯᐊᕐᓯᕗᑦ ᒪᕐᕉᓐᓂᒃ ᓄᓇᓕᓐᓂᑦ
ᑲᑎᒪᔨᐅᓂᐊᖅᑑᓐᓂᒃ 2022ᒥᑦ – 2026ᒧᑦ
ᐃᖃᓗᓐᓂ, ᓄᓇᕗᒥ − ᔫᓂ 26, 2025- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᓇᓗᓇᐃᕐᓯᕗᑦ ᑎᒃᑯᐊᕐᓯᓂᖏᓐᓂᒃ ᓄᓇᓕᓐᓂᑦ ᑲᑎᒪᔨᐅᓂᐊᖅᑑᓐᓂᒃ ᓴᓂᑭᓗᐊᕐᒥ ᐃᒡᓗᓕᒻᒥᓗ, ᑖᒃᑯᐊ ᐃᓄᖃᕈᓐᓃᓚᐅᖅᑎᓪᓗᒋᑦ.
ᒪᓕᑦᑐᒋᑦ ᒪᓕᒐᕋᓛᑦ ᑕᓪᓕᒪᒋᓕᖅᑕᖏᑦ (5) ᑲᑎᒪᔩᑦ ᑎᒃᑯᐊᕐᓯᔪᔅᓴᐅᕗᑦ ᓂᕈᐊᖅᑐᖃᖅᑎᓪᓗᒍ ᓄᓇᓕᓐᓂᑦ ᓂᕈᐊᖅᑕᐅᓂᕐᐹᖑᔪᔫᑉ ᑐᖏᓕᐊᓂᒃ, ᓂᕈᐊᖅᑐᖃᓚᐅᕐᓯᒪᒻᒪᑦ ᑎᓯᐱᕆ 2022ᖑᑎᓪᓗᒍ ᑕᒪᒃᑮᓐᓄᒃ ᑖᒃᑯᓄᖓ ᑲᑎᒪᔨᐅᕕᐅᕙᑦᑑᓐᓄᒃ.
ᒨᓯᓯ ᐊᐸᖅᑲᖅ ᐊᒻᒪᓗ ᓗᐃ ᑕᐹᕐᔪᒃ ᑐᖏᓕᕆᔭᐅᔪᒻᒪᑎᒃ ᓂᕈᐊᖅᑕᐅᓂᕐᐹᖑᔪᔫᓐᓂᒃ 2022ᖑᑎᓪᓗᒍ ᓂᕈᐊᖅᑐᖃᖅᑎᓪᓗᒍ, ᐊᒻᒪᓗ ᑖᒃᑯᐊ ᑕᒪᒃᑮᒃ ᐊᖏᕐᓯᒪᒻᒪᑎᒃ ᑭᒡᒐᖅᑐᐃᔪᓐᓇᓂᕐᒧᑦ ᓄᓇᖅᑲᑎᖏᓐᓂᒃ ᑎᓯᐱᕆ 2026ᖑᕋᓱᓐᓂᖓᓂ.
ᕿᑭᖅᑕᓂᒃᑯᑦ ᖁᔭᓐᓇᒦᕈᒪᕗᑦ ᑕᐃᕕᑎ ᖃᕝᕕᒻᒥᒃ ᓴᓂᑭᓗᐊᕐᒥᐅᒥᒃ ᐊᒻᒪᓗ ᐲᑕ ᐃᕙᓗᒻᒥᒃ ᐃᒡᓗᓕᒻᒥᐅᒥᒃ ᑐᓂᓯᒪᑦᑎᐊᓚᐅᕐᖓᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑲᑎᒪᔨᐅᖃᑕᐅᑎᓪᓗᒋᒃ. ᓕᕙᐃ ᐹᓇᐹᓯ, ᐊᖏᔪᖅᑳᑉ−ᑐᖏᓕᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ, ᑭᒡᒐᖅᑐᐃᕕᖃᑲᐃᓐᓇᕐᓂᐊᓕᖅᑐᖅ ᓄᓘᔮᓕᕆᓂᕐᒨᖓᔪᓂᑦ ᐅᑐᐱᕆ 2025ᖑᕋᓱᓐᓂᖓᓂ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᐃᑎᑦᑎᔪᒪᕗᑦ ᐱᓇᓲᑎᓂᑦ ᓱᓕ ᑐᓂᓯᔭᐅᖃᑦᑕᕈᓐᓇᕐᖓᑕ ᐃᓐᓄᒋᐊᖃᕐᖓᑦ ᐃᓄᖃᕈᓐᓃᕐᓯᒪᔪᖅ ᐃᖃᓗᒻᒥᐅᓄᑦ ᑲᑎᒪᔨᐅᓂᕐᒧᑦ ᐃᓂᖓ, ᑖᓐᓇ ᒪᑐᕕᔅᓴᓕᒃ ᔪᓚᐃ 11, 2025ᖑᓕᖅᑲᑦ.
ᑎᑎᕋᕐᕕᔅᓴᐃᑦ ᐱᔭᐅᔪᓐᓇᖅᑐᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓂ, ᐅᕝᕙᓘᓐᓃᑦ ᓄᓇᓕᓐᓂᑦ ᑐᓴᐅᒪᑎᑦᑎᔨᖓᓐᓂᒃ ᐃᖃᓗᒻᒥᐅᓄᑦ. ᑐᑭᓯᒋᐊᒃᑲᓐᓂᕈᒪᓐᓂᕈᔅᓯ, ᐅᖃᕐᕕᐅᖃᑦᑕᕈᓐᓇᖅᑐᖅ ᑭᐅᕋᓐ ᕙᓚᕋᑎ, ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ.
ᑐᓴᕋᔅᓴᐅᑉ ᒥᔅᓵᓄᑦ ᑐᑭᓯᒋᐊᕈᒪᔪᓄᑦ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ
(ᐅᖄᓚᐅᑖ) 867.975.8398 ᐅᖓᓯᑦᑐᒥᓪᓘᓐᓃᑦ ᐊᑭᖃᙱᑐᒃᑯᑦ 1.800.667.2742
