ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐋᖅᑮᕗᑦ ᐳᓚᕋᑦᑐᓕᕆᓂᕐᒧᑦ ᐊᑭᓕᐅᑕᐅᔭᕆᐊᓖᑦ ᐊᑐᖅᑕᐅᒍᒪᓐᓂᕈᑎᑦ ᐃᓄᐃᑦ ᓇᒻᒥᓂᖁᑎᒋᔭᐅᔪᑦ ᓄᓇᖁᑎᖏᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐋᖅᑮᕗᑦ ᐳᓚᕋᑦᑐᓕᕆᓂᕐᒧᑦ ᐊᑭᓕᐅᑕᐅᔭᕆᐊᓖᑦ ᐊᑐᖅᑕᐅᒍᒪᓐᓂᕈᑎᑦ ᐃᓄᐃᑦ ᓇᒻᒥᓂᖁᑎᒋᔭᐅᔪᑦ ᓄᓇᖁᑎᖏᑦ

 In media-releases-inuk

ᐃᖃᓗᐃᑦ, ᓄᓇᕗᑦ − ᐊᒃᑑᕝᕙ 9, 2019 − ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑐᓕᖅᑎᑦᑎᓯᒪᕗᑦ ᐳᓚᕋᑦᑐᓕᕆᓂᕐᒧᑦ ᐊᑭᓕᐅᑎᒋᔭᕆᐊᓕᖏᖕᓂᒃ ᐊᑐᕈᓐᓇᖁᓪᓗᒋᑦ ᐃᓄᖕᓄᑦ ᓇᒻᒥᓂᖁᑎᒋᔭᐅᔪᑦ ᓄᓇᐃᑦ ᑕᐃᒃᑯᓄᖓ ᐃᓄᖕᓄᑦ ᑮᓇᐅᔭᓕᐅᕋᓱᐊᓲᑦ ᐳᓚᕋᑦᑐᓕᕆᕙᑦᑐᑦ ᐅᐸᑦᑕᐅᔪᒪᓐᓂᕈᑎᑦ ᓄᓇᖁᑎᒋᔭᑦ.

“ᐃᓄᐃᑦ ᕿᑭᑖᓗᒻᒥ ᓄᓇᓕᖏᖕᓃᑦᑐᑦ ᐃᓱᒫᓘᑎᖃᖅᓯᒪᓂᕋᕐᒪᑕ ᐊᒥᓱᕈᖅᐸᓪᓕᐊᔪᐊᓗᑐᐃᓐᓇᐅᓕᕐᓂᖏᖕᓂᒃ ᑮᓇᐅᔭᓕᐅᕋᓱᐊᖅᑐᑎᑦ ᐳᓚᕋᑦᑐᓕᕆᕕᐅᕙᓐᓂᖏᑦ ᓄᓇᖏᓐᓂ, ᐱᓗᐊᖅᑐᒥ ᐅᒥᐊᕐᔪᐊᑦ ᑎᑭᕋᖃᑦᑕᓕᖅᑐᑎᑦ,” ᐅᖃᖅᑐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓᑦ ᐸᐅᓗᓯ ᔫᓯᐱ ᐊᕿᐊᕈᖅ, “ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐋᖅᑮᓚᐅᖅᑐᑦ ᑖᒃᑯᓂᖓ ᐳᓚᕋᑦᑐᓕᕆᓂᕐᒧᑦ ᐊᐅᓚᑦᑎᔩᑦ ᐊᑭᓕᐅᑎᖏᖕᓂᒃ ᐃᑲᔫᓯᐊᖅᑖᐸᓪᓕᐊᓕᖁᓪᓗᒋᑦ ᐃᓄᐃᑦ ᓄᓇᓕᒻᒥᐅᑦ ᐊᑦᑐᖅᑕᐅᓂᖃᖅᐸᑦᑐᑦ ᐳᓚᕋᖅᑐᓕᕆᓂᕐᒧᑦ.”

ᕿᑭᖅᑖᓗᒃ ᐅᒥᐊᕐᔪᐊᖅᑕᖃᓛᖑᕙᒻᒪᑦ ᓄᓇᕗᒻᒥ. ᑕᐃᒪᐃᓗᐊᓲᑦ, ᐳᓚᕋᖅᑐᓕᕆᓂᖅ ᐊᒥᓱᓂᒃ ᐃᑲᔫᓯᐊᖅᑖᖅᑎᑦᑎᒍᓐᓇᙱᓗᐊᖅᑐᑎᑦ ᓄᓇᓕᐅᔪᓄᑦ.

50%ᖑᔪᑦ ᑕᒪᒃᑯᐊ ᐊᑭᓕᐅᑏᑦ ᑐᕌᖅᑎᑕᐅᒐᔭᖅᑐᑦ ᐆᒪᔪᕐᓂᐊᖅᑎᒃᑯᑦ ᐊᒻᒪᓗ ᒥᑭᒋᔾᔭᖅᑎᒃᑯᑦ ᑲᑐᔾᔨᖃᑎᒌᖏᖕᓄᑦ ᓄᓇᓕᐅᔪᓂ ᖃᓂᒋᔭᓖᑦ ᐃᓄᐃᑦ ᓇᒻᒥᓂᖁᑎᒋᔭᐅᔪᑦ ᓄᓇᖏᑕ ᐊᑐᖅᑕᐅᔪᑦ.

ᐳᓚᕋᑦᑐᓕᕆᕙᑦᑐᑦ ᑐᓴᖅᑎᑕᐅᒐᔭᖅᐳᑦ ᓄᑖᕐᒥᒃ ᐊᑭᓕᐅᑎᒋᔭᐅᔭᕆᐊᓕᖕᓂᒃ ᐳᓚᕋᖅᑐᓕᕆᓂᐊᕈᑎᑦ ᐃᓄᐃᑦ ᓄᓇᖁᑎᖏᖕᓂᒃ ᐅᐸᒍᓐᓇᐅᑎᑖᕋᓱᐊᖅᑎᓪᓗᒋᑦ.

ᐳᓚᕋᑦᑐᓕᕆᓂᕐᒧᑦ ᐊᐅᓚᑦᑎᓗᓂ ᐊᑭᓕᐅᑎᒋᔭᐅᖁᔭᐅᔪᑦ ᐅᑯᐊ:

ᖃᖓᑕᓲᒃᑯᑦ ᒥᑦᑐᖃᕈᓂ ᐃᓄᐃᑦ ᓄᓇᖁᑎᖏᖕᓄᑦ: $150/ᒥᑦᑐᖃᕈᓂ

ᖁᓛᒎᓕᒃᑯᑦ ᒥᑦᑐᖃᕈᓂ ᐃᓄᐃᑦ ᓄᓇᖁᑎᖏᖕᓄᑦ: $150/ᒥᑦᑐᖃᕈᓂ

ᑮᓇᐅᔭᓕᐅᕋᓱᐊᕐᕕᐅᓪᓗᑎᑦ ᓂᐅᕐᕈᐊᑦ ᑐᐱᕈᒪᔪᑦ ᐃᓄᐃᑦ ᓄᓇᖁᑎᖏᖕᓂ: $50/ᐅᓪᓗᖅ

ᑮᓇᐅᔭᓕᐅᕋᓱᐊᕐᕕᐅᓪᓗᑎᑦ ᓂᐅᕐᕈᐊᑦ ᐊᑐᕈᒪᒍᑎᑦ ᐃᓄᐃᑦ ᓄᓇᖁᑎᖏᖕᓂ: $25/ᐅᓪᓗᖅ

ᑖᒃᑯᐊ ᐊᑭᖏᑦ ᒫᓐᓇ ᐊᑐᖅᑕᐅᒋᐊᓯᓂᐊᖅᑐᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:

ᓯᒪ ᓴᕼᐊᕐ ᔨᐅᕆᕼᐃ

ᑐᑭᒧᐊᑦᑎᑦᑎᔨ ᑐᓴᐅᒪᖃᑎᒌᑦᑐᓕᕆᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

(867) 975.8413

1.800.667.2742

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ