ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᑲᔪᖅᓯᒪᓕᖅᑐᑦ ᐅᖓᑖᓃᑦᑐᓂᑦ 1 ᒥᓕᐊᓐ ᑮᓇᐅᔭᓂᑦ ᐃᓕᓐᓂᐊᖅᑎᓄᑦ ᐃᑲᔫᑎᓂᑦ ᑮᓇᐅᔭᖅᑖᖅᑎᑦᑎᓯᒪᓕᖅᑐᑎᑦ 2016−ᒥᓂᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᑲᔪᖅᓯᒪᓕᖅᑐᑦ ᐅᖓᑖᓃᑦᑐᓂᑦ 1 ᒥᓕᐊᓐ ᑮᓇᐅᔭᓂᑦ ᐃᓕᓐᓂᐊᖅᑎᓄᑦ ᐃᑲᔫᑎᓂᑦ ᑮᓇᐅᔭᖅᑖᖅᑎᑦᑎᓯᒪᓕᖅᑐᑎᑦ 2016−ᒥᓂᑦ

 In media-releases-inuk

ᐃᖃᓗᐃᑦ, ᓄᓇᕗᑦᔮᓐᓄᐊᕆ 14, 2022

 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓱᑦᑐᑦ ᑐᓴᖅᑎᑦᑎᔭᕆᐊᒃᓴᖅ ᑮᓇᐅᔭᖅᑖᖅᑎᑕᐅᓂᖏᖕᓂᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᓕᓐᓂᐊᖅᑎᓄᑦ ᐃᑲᔫᑎᖏᖕᓂᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑎᓄᑦ ᐊᑎᓕᐅᖅᓯᒪᔪᑦ 2021-2022 ᐃᓕᓐᓂᐊᕐᓇᑉ ᐊᕐᕌᒍᐊᓄᑦ. 2016-ᒥᓂᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᔾᔪᓯᐊᖅᑖᖅᑎᑦᑎᓯᒪᓕᖅᑐᑦ ᐅᖓᑖᓃᑦᑐᓂᑦ 1.2 ᒥᓕᐊᓐ ᑮᓇᐅᔭᓂᑦ ᐊᕐᕌᒍᑕᒫᑦ ᐃᓕᓐᓂᐊᖅᑎᓄᑦ ᑮᓇᐅᔭᓂᑦ ᐃᑲᔫᑎᓂᑦ.

ᐊᕐᕌᒍᑕᒫᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᔪᓐᓇᑎᑦᑎᓲᑦ $205,000 ᐃᓕᓐᓂᐊᖅᑎᓄᑦ ᑮᓇᐅᔭᓂᑦ ᐃᑲᔫᑎᓂᑦ. ᑖᒃᑯᓇᙵᓪᓗ, ᐅᑯᐊ ᐊᒥᓲᓂᖏᑦ $200,000 ᑐᓂᐅᖅᑲᖅᑕᐅᓲᑦ ᐅᖓᑖᓃᑦᑐᓄᑦ 80-ᓄᑦ ᐃᓕᓐᓂᐊᖅᑎᓄᑦ ᐃᑲᔫᑎᖏᑦ $2,500−ᖑᓲᖑᓪᓗᑎᑦ ᐊᑐᓂ ᐃᓕᓐᓂᐊᖅᑎᓄᑦ ᐃᑲᔫᓯᐊᖅᑖᕆᔭᐅᔪᑦ ᑐᓂᔭᐅᓲᖑᓪᓗᑎᑦ ᑕᐃᒃᑯᐊᖅᑳᖅ ᐃᓕᓐᓂᐊᖅᑏᑦ ᐃᑲᔫᓯᐊᖅᑖᕋᓱᐊᖅᑐᑦ ᐱᓇᓱᐊᖅᑐᒥᓂᐅᔪᑦ ᓯᕗᓪᓕᖅᐹᑦ ᑐᓂᔭᐅᓲᖑᓪᓗᑎᑦ. ᑕᒪᒃᑯᐊ ᐃᓕᓐᓂᐊᖅᑎᓄᑦ ᐃᑲᔫᑏᑦ ᑮᓇᐅᔭᑦ ᑐᓂᔭᐅᓲᖑᕗᑦ ᐃᓕᓐᓂᐊᖅᑎᓄᑦ ᕿᑭᖅᑖᓗᖕᒥᐅᑕᐅᔪᓄᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑎᐅᔪᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᓪᓗᒥᐅᔪᖅ ᐃᖅᑲᓇᐃᔮᓖᑦ ᐱᔭᕇᖅᓯᓇᓱᐊᖅᑐᑎᑦ ᑭᖑᓪᓕᕐᒥᒃ ᐊᑭᓕᐅᑕᐅᓂᖏᖕᓂᑦ 2021-2022 ᐃᓕᓐᓂᐊᖅᑏᑦ ᐃᑲᔫᓯᐊᒃᓵᕆᔭᖏᖕᓂᑦ.

ᔮᓐ ᐊᒪᕈᐊᓕᒃ ᐃᓕᓐᓂᐊᖅᑎᓄᑦ ᐱᔾᔪᓯᐊᖅᑖᕆᔭᐅᓲᖑᒻᒥᔪᑦ ᐊᑕᐅᓯᕐᒧᑦ ᐃᓕᓐᓂᐊᖅᑎᒧᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑐᓄᑦ ᐃᓄᐃᑦ ᐅᖃᐅᓯᖏᖕᓂᒃ ᐊᒻᒪᓗ ᐃᓕᖅᑯᓯᖏᖕᓂᑦ ᐃᓕᓐᓂᐊᖅᑎᓪᓗᒋᑦ. ᑖᒃᑯᐊ $5,000 ᐃᓕᓐᓂᐊᖅᑎᓄᑦ ᐱᔾᔪᓯᐊᒃᓴᑦ ᐃᓕᓴᖅᓯᒍᑎᒋᔭᐅᒻᒪᑕ ᐱᓇᓱᐊᒐᖃᖃᑦᑕᓚᐅᕐᓂᖓᓂᒃ ᔮᓐ ᐊᒪᕈᐊᓕᒃ ᐱᐅᓯᑎᑦᑎᓇᓱᐊᖅᑐᓂ ᐃᓄᐃᑦ ᐃᓅᓯᖏᖕᓂ ᓄᓇᕗᒻᒥ.

ᑕᒫᓂ ᐊᕐᕌᒍᒥ ᔮᓐ ᐊᒪᕈᐊᓕᒃ ᐃᓕᓐᓂᐊᖅᑎᓄᑦ ᐱᔾᔪᓯᐊᒃᓴᖓ ᑐᓂᔭᐅᓚᐅᖅᐳᖅ ᑭᑐᐊᕋ ᑐᓯᐊᑦ−ᕗᕋᐅᓐ−ᒧᑦ ᐃᖃᓗᒻᒥᐅᑕᖅ. ᑭᑐᐊᕋ ᐅᓪᓗᒥᐅᔪᖅ ᓯᕗᓪᓕᖅᐹᒥᒃ ᐊᕐᕌᒍᒥ ᐃᓕᓐᓂᐊᖅᑐᖅ ᐃᓄᐃᑦ ᐃᓕᓐᓂᐊᖅᑕᐅᓂᖏᖕᓂᑦ ᑖᒃᑯᑎᒎᓇᖅ ᓄᓇᕗᑦ ᓯᕗᓂᒃᓴᕗᒃᑯᑎᒍᑦ ᐋᑐᕚ, ᐋᓐᑎᐅᕆᔪᒥ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ 2021-2022−ᖑᑎᓪᓗᒍ ᐃᓕᓐᓂᐊᖅᑏᑦ ᐃᑲᔫᓯᐊᖅᑖᖏᖕᓂᑦ ᐱᔪᒥᓂᐅᔪᓂᑦ ᐱᐅᔪᒃᑰᖁᔨᔪᑦ ᐃᓕᓐᓂᐊᖅᑎᐊᕐᓗᑎᑦ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑎᓪᓗᒋᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:

ᕕᐅᓪ ᕼᐊᑉᑭᓐᔅ, ᑐᑭᒧᐊᑦᑎᑦᑎᔨ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 ᐅᕝᕙᓘᓐᓃᑦ
1.800.667.2742

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ