ᐃᖃᓗᐃᑦ, ᓄᓇᕗᑦ, ᐅᑐᐱᕆ 10, 2025 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓱᓕᑦᑎᕗᑦ ᑲᑎᒪᔩᑦ ᑲᑎᒪᓂᖓᓐᓂ ᑕᒫᓂ ᐱᓇᓱᐊᕈᓯᕐᒥ ᐃᖃᓗᓐᓂ. ᑲᑎᒪᔩᑦ ᕿᒥᕐᕈᖃᑦᑕᓚᐅᖅᑐᑦ ᐊᖏᕐᓯᖃᑦᑕᖅᑐᑎᓪᓗ ᐱᒻᒪᕆᐅᔪᓂᑦ ᐱᖁᔨᕗᖔᕈᑎᓂᑦ ᐃᑲᔫᑎᓂᑦ ᐃᓄᐃᑦ ᓯᕗᓪᓕᐅᑎᒍᒪᓯᒪᔭᖏᓐᓂᒃ, ᐊᑐᓕᖅᑎᑦᑎᕙᓪᓕᐊᓂᕐᒧᑦ ᓄᓇᓕᓐᓂᑦ ᐱᕙᓪᓕᐊᑎᑦᑎᓂᕐᒧᑦ, ᐊᒻᒪᓗ ᐱᔪᓐᓇᕐᓯᑎᑦᑎᒋᐊᒃᑲᓂᕐᓂᕐᒧᑦ ᐊᐅᓚᑦᑎᓂᕐᒥᒃ ᕿᑭᖅᑕᓂ ᓄᓇᓕᓐᓂᑦ.
ᐱᔾᔪᑕᐅᓗᐊᖅᑐᑦ ᐱᖁᔨᕗᖔᕈᑏᑦ ᑲᔪᓯᑎᑕᐅᖃᑦᑕᓚᐅᖅᑐᑦ ᑕᕝᕙᓂ ᑲᑎᒪᓂᕐᒥ, ᐅᑯᐊ:
• ᐊᖏᕐᓯᓪᓗᑎᒃ ᑲᔪᓯᓗᑎᒃ ᐃᑲᔪᖅᑎᒌᑦᑐᑦ ᐱᓕᕆᖃᑎᖃᖃᑦᑕᕐᓂᖏᓐᓂᒃ ᓄᓇᓕᓐᓂᑦ ᖃᐅᔨᒪᑦᑎᐊᖃᑦᑕᓂᐊᕐᖓᑕ ᐊᖑᓇᓱᑦᑎᓄᑦ ᐃᑲᔫᓯᐊᔅᓴᓂᑦ ᑲᔪᓯᑎᑕᐅᕙᓪᓕᐊᒐᓗᐊᕐᒪᖔᑕ ᐊᑑᑎᓂᖃᖁᓪᓗᒋᑦ ᓄᓇᓖᑦ ᐃᑲᔪᖅᑕᐅᔾᔪᑎᒋᒋᐊᖃᕐᐸᑦᑕᖏᓐᓄᑦ ᐊᒻᒪᓗ ᐅᑉᐱᕆᔭᖏᓐᓄᑦ, ᐱᓗᐊᖅᑐᒥᑦ ᐱᔾᔪᑎᖃᓗᐊᖅᑐᓂᑦ ᐃᑲᔪᕐᓱᐃᖃᑦᑕᓂᕐᒥᒃ ᐃᓅᓱᑦᑐᓂᑦ, ᐊᕐᓇᓂᑦ, ᐊᒻᒪᓗ ᓄᓇᖅᑲᑎᒌᑦ ᐃᓕᓐᓂᐊᕈᑎᒋᖃᑦᑕᓂᐊᖅᑕᖏᓐᓂᒃ.
• ᐊᖏᕐᓯᓪᓗᑎᒃ ᓄᓇᒥᒃ ᑐᓂᓯᓂᕐᒧᑦ ᐊᖏᖃᑎᒌᒍᑏᑦ ᑖᒃᑯᓇᙵᑦ ᕿᑭᖅᑕᓂᒃᑯᓐᓂᑦ ᐊᒻᒪᓗ ᓄᓇᓕᐸᐅᔭᓕᕆᔨᒃᑯᓐᓂᑦ ᐃᖃᓗᓐᓂ ᐱᔾᔪᑎᒋᓪᓗᒍ ᓯᕗᒧᒋᐊᖅ ᐱᕙᓪᓕᐊᑎᑕᐅᓂᖓᓂᒃ.
• ᐊᖏᕐᓯᓪᓗᑎᒃ “ᕿᑭᖅᑕᓂᒃᑯᑦ ᐃᑲᔫᑎᒋᕙᑦᑕᖏᓐᓂᒃ ᐱᓕᕆᐊᓂᑦ ᐊᐅᓚᓂᖏᓐᓂᑦ ᐊᐅᓚᔾᔪᓯᐅᖃᑦᑕᖅᑐᓂᑦ” ᐊᒻᒪᓗ “ᓄᓇᓕᓐᓂᑦ ᐊᑐᖅᑕᐅᔪᓐᓇᖅᑐᓂᑦ ᐱᓇᓱᐊᕋᔅᓴᓂᓪᓗ ᐊᐅᓚᓂᖏᓐᓂᒃ ᐊᐅᓚᔾᔪᓯᐅᖃᑦᑕᓂᐊᖅᑐᓂᑦ”.
• ᑎᒃᑯᐊᕐᓯᓂᖅ ᑖᔅᓱᒥᖓ ᐱᓕ ᐃᑦᑐᐊᖓᑦ, ᐸᓐᓂᕐᒃᑑᒥᐅ ᕿᑭᖅᑕᓂᒃᑯᑦ ᓯᕗᓕᖅᑎᖏᓐᓄᑦ ᑲᑎᒪᔨᓂᑦ, ᐃᓐᓄᓂᐊᕐᖓᑦ ᐃᓄᖃᕈᓐᓃᕐᓯᒪᔪᖅ.
ᑲᑎᒪᔩᑦ ᑖᒃᑯᓄᖓ ᑎᒃᑯᐊᕐᓯᖃᑦᑕᖅᑲᐅᕐᒥᔪᑦ:
• ᕿᑭᖅᑖᓗᒃ ᑯᐊᐳᕇᓴᒃᑯᑦ ᑲᑎᒪᔨᖏᓐᓄᑦ: ᔫ ᐊᑦᓚ ᑯᓄᒃ
• ᑲᑭᕙᒃ ᑲᑐᔾᔨᖃᑎᒌᑦ ᑲᑎᒪᔨᖏᓐᓄᑦ: ᕕᓕᔅ ᑲᓪᓗᒃ/ᑲᓇᔪᒃ ᐊᒻᒪ ᒥᓯᓕᓐ ᕿᓚᕝᕙᒃ−ᑰᑏ
• ᖃᐅᓱᐃᑦᑐᕐᒥ ᑲᓇᑕᒥ ᒥᕐᖑᐃᓯᕐᕕᒻᒥ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ: ᐱᓕ ᒥᕐᒃᑯᓵᕐᒃ
• ᐊᐅᓱᐃᑦᑐᖅ ᒥᕐᖑᐃᓯᕐᕕᒻᒥ ᑲᓇᑕᒥ ᒥᕐᖑᐃᓯᕐᕕᒻᒥ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ: ᑯᕆᔅ ᐊᓐᓂᕐᒥᐅ
• ᑲᑕᓐᓂᓕᒃ ᓄᓇᕗᒻᒥ ᒥᕐᖑᐃᓯᕐᕕᒻᒥ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ: ᓵᓕ ᐳᑐᒍᒃ
• ᓄᓇᕗᑦ ᑐᙵᑯᒃᑯᑦ ᐃᒡᓗᕗᑦ ᐃᓪᓗᓕᕆᓂᕐᒧᑦ ᑎᒥᖓᓐᓄᑦ: ᑕᐃᕕᑎ ᕿᓚᕝᕙᒃ
ᓇᐹᖅᑐᓕᒃ ᓄᓇᕗᒻᒥ ᒥᕐᖑᐃᓯᕐᕕᒻᒥ ᓄᓇᓕᓐᓂᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᓄᑦ ᑐᓂᓯᓯᒪᔪᖃᙱᒻᒪᑦ ᐱᓇᓲᑎᓂᒃ ᐊᒻᒪᓗ ᑖᓐᓇ ᓴᖅᑭᖅᑎᑕᐅᒃᑲᓂᕐᓂᐊᖅᑐᓂ. ᖃᐅᔨᓴᕐᔫᒥᖃᑦᑕᓂᐊᖅᑯᓯ ᓴᖅᑭᑎᑦᑎᓯᒪᓕᕐᒪᖔᑕ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓄᑦ ᐊᒻᒪᓗ ᐃᓄᓕᒫᓄᑦ ᑐᓴᕋᔅᓴᓕᕆᕕᑦᑎᒍᑦ
ᑐᓴᕋᔅᓴᐃᑦ ᒥᔅᓵᓄᑦ ᑐᑭᓯᒋᐊᕈᒪᒍᕕᑦ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥᓪᓘᓐᓃᑦ−ᐊᑭᖃᙱᑐᒃᑯᑦ 1.800.667.2742
kflaherty@qia.ca

Back to Blog