ᓄᓘᔮᓂᑦ ᐱᓕᕆᐊᖑᔪᖅ

ᑭᓲᕙ ᓄᓘᔮᓂᑦ ᐱᓕᕆᐊᖑᔪᖅ?

ᓄᓘᔮᓂᑦ ᐱᓕᕆᐊᖅ ᐊᑯᓂᐊᓗᒃ ᖃᐅᔨᒪᔭᐅᔾᔪᑎᖃᕐᖓᑦ ᐃᒫᒃ ᑕᐃᔭᐅᕙᑦᑐᓂ ᓄᓘᔮᑦ, ᑖᓐᓇ ᓄᓇᒥ ᓇᓗᓇᐃᒃᑯᑕᐅᓲᖅ ᓅᓯᒪᕙᑦᑐᓄᑦ ᕿᑭᖅᑖᓘᑉ ᐅᐊᓐᓇᖓᓂ. ᓄᓘᔮᓂᑦ ᓴᕕᕋᔭᔅᓴᖅ ᓯᕗᓪᓕᕐᐹᒥ ᖃᐅᔨᔭᐅᓚᐅᕐᓯᒪᒻᒪᑦ ᐅᔭᕋᓐᓂᐊᕋᔅᓴᓯᐅᖅᑎᓄᑦ 1960ᖏᓐᓂ. ᖃᐅᔨᓚᐅᖅᑎᓪᓗᒋᑦ ᑕᒪᑐᒥᖓ, ᖃᐅᔨᓴᖅᑕᐅᒻᒪᑦ ᓴᕕᕋᔭᔅᓴᖅ ᐱᐅᔪᐊᓘᓂᕋᖅᑕᐅᓚᐅᕐᓯᒪᒻᒪᑦ.

ᐅᓪᓗᒥ ᑕᒪᓐᓇ ᓄᓘᔮᓂᑦ ᐅᔭᕋᓐᓂᐊᕐᕕᐅᓕᖅᑐᖅ ᐱᐅᓂᕐᐹᓪᓚᕆᐅᓪᓗᓂ ᓴᕕᕋᔭᔅᓴᖃᕐᕕᐅᕙᑦᑐᓂᑦ ᓄᓇᕐᔪᐊᓕᒫᒥ. ᓄᓘᔮᑦ ᖁᓕᐅᙱᒐᖅᑐᑦ ᐅᖓᑖᓂ ᐱᐅᓂᕐᐹᒥᒃ ᐅᔭᕋᑦᑕᕋᔅᓴᖅᑕᖃᖅᑯᖅ ᐊᒻᒪᓗ ᐱᐅᔪᐊᓗᓐᓂᑦ ᓴᕕᕋᔭᔅᓴᖅᑕᖃᐅᖅᑐᓂ. ᐅᔭᕋᓐᓂᐊᕐᕕᒃ ᐊᐅᓚᑕᐅᕙᑦᑐᖅ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑎᓂᑦ.

ᑲᑐᔾᔨᖃᑎᒌᒃᑯᑦ ᖃᓄᖅ ᐃᖅᑲᓇᐃᔮᖃᖅᑲᑦ ᓄᓘᔮᓕᕆᓂᖅ ᐱᔾᔪᑎᒋᓪᓗᒍ?

ᑲᑐᔾᔨᖃᑎᒌᒃᑯᑦ ᐊᒥᓱᓂᑦ ᑲᒪᒋᔭᔅᓴᖃᕐᖓᑕ ᓄᓘᔮᓕᕆᓂᖅ ᐱᔾᔪᑎᒋᓪᓗᒍ. ᓇᓗᓇᐃᖅᑕᐅᓯᒪᓪᑎᓗᒃ ᐃᓄᓐᓄᑦ ᑲᑐᔾᔨᖃᑎᒌᖑᓪᓗᑎᒃ, ᑲᑐᔾᔨᖃᑎᒌᒃᑯᑦ ᑲᒪᒋᔭᖃᕐᐸᑦᑐᑦ ᐊᐅᓚᑦᑎᓂᕐᒥᒃ ᐃᓄᐃᑦ ᓄᓇᖁᑎᖏᓐᓂᒃ. ᑲᑐᔾᔨᖃᑎᒌᒃᑯᑦ ᑲᒪᒋᔭᖃᖃᑦᑕᕐᒥᔪᑦ ᑭᒡᒐᖅᑐᐃᓂᕐᒥᒃ ᐃᓄᓐᓂᑦ ᐊᑦᑐᖅᑕᐅᓯᒪᓂᖏᓐᓂᒃ ᖃᐅᔨᓴᖃᑦᑕᓂᒃᑯᑦ ᐊᒻᒪᓗ ᒪᓕᒐᖅᑎᒍᑦ ᐊᐅᓚᑦᑎᔾᔪᑕᐅᕙᑦᑐᓂᑦ ᕿᒥᕐᕈᖃᑦᑕᓂᒃᑯᑦ. ᑭᖑᓪᓕᕐᐹᒥᓕ, ᑲᑐᔾᔨᖃᑎᒌᒃᑯᑦ ᑲᒪᒋᔭᖃᕐᐸᑦᑐᑦ ᐋᔩᕋᕈᑎᖃᕐᓂᕐᒥᒃ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᔅᓴᖏᓐᓄᓪᓗ ᐊᖏᕈᑎᓂᑦ (ᐊᖏᕈᑏᑦ) ᐱᔾᔪᑎᒋᓪᓗᒍ ᐅᔭᕋᓐᓂᐊᕐᓂᖅ.

  • ᖃᐅᔨᒪᒋᐊᖃᑦᑕᕐᓗᑎᒃ ᑲᒪᒋᔭᖃᑦᑎᐊᕋᓗᐊᕐᒪᖔᑕ ᓄᓇᒥᒃ, ᓯᓚᒥᒃ ᐃᒫᓂᓪᓗ
  • ᓴᐳᔾᔨᓗᑎᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ ᓄᓇᒥᒃ ᐊᑐᖃᑦᑕᓂᕐᒧᑦ ᐊᒻᒪᓗ ᐱᖅᑯᓯᖏᓐᓂᒃ ᐊᑐᖅᑐᑎᒃ ᐱᓕᕆᖃᑦᑕᕐᓂᖏᓐᓄᑦ
  • ᓴᐳᔾᔨᓗᑎᒃ ᐃᓄᐃᑦ ᐅᖃᐅᓯᖓᓐᓂᒃ ᐃᓕᖅᑯᓯᖓᓐᓂᓪᓗ
  • ᖃᐅᔨᒪᒋᐊᕐᓗᑎᒃ ᐊᑑᑎᓕᒻᒥᒃ ᐃᓕᓐᓂᐊᖃᑦᑕᕋᓗᐊᕐᒪᖔᑕ, ᐱᓕᒻᒪᔅᓴᖃᑦᑕᕋᓗᐊᕐᒪᖔᑕ ᐊᒻᒪᓗ ᐃᓅᓯᕐᒥᒃ ᖃᐅᔨᒪᔭᕆᐊᓕᖏᓐᓂᒃ ᐃᓕᓯᒪᒐᓗᐊᕐᒪᖔᑕ
  • ᐊᑐᖅᑎᑦᑎᒋᐊᒃᑲᓐᓂᖃᑦᑕᕐᓗᑎᒃ ᐃᓅᑉ ᐊᒻᒪᓗ ᕿᑐᕐᖓᕇᑦ ᐃᓅᓯᖃᑦᑎᐊᕆᐊᖃᕐᓂᖏᓐᓂᒃ
  • ᓴᐳᔾᔨᓗᑎᒃ ᓄᓇᖅᑲᑎᒌᑦ ᐱᔪᓐᓇᐅᑎᖏᓐᓂᒃ ᐅᑉᐱᕆᔭᖏᓐᓂᓪᓗ, ᐊᒻᒪᓗ ᓂᐱᖃᖃᑦᑕᕐᓗᑎᒃ ᑭᒡᒐᖅᑐᐃᓗᑎᒃ ᐃᓄᐃᑦ ᐱᔪᒪᔭᖏᑦ ᐱᔾᔪᑎᒋᓪᓗᒋᑦ
  • ᐋᖅᑭᐅᒪᑎᑦᑎᓗᑎᒃ ᓄᓇᓖᑦ ᓄᓇᖅᑲᑎᒌᑦᑎᐊᕈᓯᖏᓐᓂᒃ ᐊᒻᒪᓗ ᑐᑭᓯᐅᒪᖃᑦᑕᐅᑎᑦᑎᐊᖃᑦᑕᕐᓂᖏᓐᓂᒃ
  • ᑎᑭᐅᒪᕕᒋᔪᓐᓇᖅᑕᓕᒫᖏᓐᓄᑦ ᑎᑭᐅᒪᑎᑦᑎᓗᑎᒃ ᐃᓄᓐᓄᑦ ᐃᑲᔫᓯᐊᔅᓴᓂᑦ

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ