QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᕿᑭᖅᑕᓂᒃᑯᑦ ᒪᑐᐃᖅᓯᕗᖅ ᑭᖑᓪᓕᖅᐹᕆᔭᖓᓂᑦ ᓄᕙᓐᓇᕐᔪᐊᖅ 19-ᒧᑦ ᓴᖅᑭᖅᑎᑕᐅᓯᒪᔪᓂᒃ ᓄᓇᓕᒻᒥᑦ ᐊᖑᓇᓲᔾᔨᓂᕐᒧᑦ ᑮᓇᐅᔭᓂᒃ ᑐᒃᓯᕌᒃᓴᓂᑦ

ᕿᑭᖅᑕᓂᒃᑯᑦ ᒪᑐᐃᖅᓯᕗᖅ ᑭᖑᓪᓕᖅᐹᕆᔭᖓᓂᑦ ᓄᕙᓐᓇᕐᔪᐊᖅ 19-ᒧᑦ ᓴᖅᑭᖅᑎᑕᐅᓯᒪᔪᓂᒃ ᓄᓇᓕᒻᒥᑦ ᐊᖑᓇᓲᔾᔨᓂᕐᒧᑦ ᑮᓇᐅᔭᓂᒃ ᑐᒃᓯᕌᒃᓴᓂᑦ

 In media-releases-inuk, Uncategorized

ᐃᖃᓗᐃᑦ, ᓄᓇᕗᑦ, ᓰᑏᕝᕙ 28, 2022 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᒪᑐᐃᖅᓯᕗᖅ ᑭᖑᓪᓕᖅᐹᕆᔭᖓᓂᑦ ᓄᕙᓐᓇᕐᔪᐊᖅ−19 ᓴᖅᑭᖅᑎᑕᐅᓯᒪᔪᓂᒃ ᑐᒃᓯᕌᒃᓴᓂᑦ ᓄᓇᓕᒻᒥᑦ ᐊᖑᓇᓲᔾᔨᓂᕐᒧᑦ ᑐᕌᖓᔪᓂᒃ ᑮᓇᐅᔭᓂᒃ. ᑖᓐᓇ ᑭᖑᓪᓕᖅᐹᖑᔪᖅ ᑕᒪᑐᒧᖓ ᑮᓇᐅᔭᓂᒃ ᑐᕌᖓᑎᑦᑎᔪᖃᕐᓂᐊᑎᓪᓗᒍ ᐊᑖᒍᑦ ᑲᓇᑕᐅᑉ ᒐᕙᒪᖓᑕ ᓄᓇᖃᖅᑳᖅᑐᒥᓂᕐᓄᑦ ᓄᓇᓕᓐᓂᑦ ᐃᑲᔪᖅᓰᓂᕐᒧᑦ ᑮᓇᐅᔭᖏᓐᓂᑦ.

ᐊᑕᐅᓯᐊᕐᓗᑎᒃ, $2,000-ᓂᒃ ᐃᑲᔫᓯᐊᒃᓴᕐᓂᒃ ᐱᔪᓐᓇᖅᑎᑕᐅᔪᓄᑦ ᑐᒃᓯᕌᒃᓴᑦ ᐊᑐᐃᓐᓇᐅᕗᑦ ᑕᕝᕙᙵᑦ ᓄᕙᓐᓇᕐᔪᐊᖅ−19ᒧᑦ ᓴᖅᑭᖅᑎᑕᐅᓯᒪᔪᓂᒃ ᑐᒃᓯᕌᒃᓴᓂᑦ ᓄᓇᓕᒻᒥᑦ ᐊᖑᓇᓲᔾᔨᓂᕐᒧᑦ ᑐᕌᖓᔪᓂᒃ ᑮᓇᐅᔭᓂᒃ. ᑖᓐᓇ ᐱᓕᕆᓂᐅᔪᖅ ᑮᓇᐅᔭᖃᖅᑎᑦᑎᓲᖑᒻᒪᑦ ᐊᖑᓇᓲᔾᔨᔪᓂᒃ ᕿᑭᖅᑕᓂ ᓂᕿᖃᑦᑎᐊᓂᖅᓴᐅᖁᔨᓪᓗᑎᒃ, ᐊᒻᒪᓗ ᐊᓯᐅᑦᑕᐃᓕᑎᑦᑎᓗᑎᒃ ᓯᕗᒧᐊᒋᐊᖅᑎᑦᑎᓗᑎᓪᓗ ᐃᓄᐃᑦ ᐊᖑᓇᓱᓐᓂᕐᒥᒃ ᐃᓕᖅᑯᓯᕆᔭᖓᓂᑦ. ᑮᓇᐅᔭᑦ ᐊᑐᖅᑕᐅᔪᓐᓇᖅᑐᑦ ᐅᖅᓱᓴᖅᑖᕈᑎᐅᓗᑎᒃ, ᑕᖁᐊᒃᓴᖅᑖᕈᑎᐅᓗᑎᒃ, ᐅᕝᕙᓘᓐᓃᑦ ᐊᓯᖏᓐᓂᑦ ᓱᓇᕐᒃᑯᑖᖅᑖᕈᑎᐅᓗᑎᒃ ᐊᑐᖅᑕᐅᔪᓐᓇᖅᑐᓂᒃ ᐊᖑᓇᓱᓐᓂᕐᒥ.

ᑮᓇᐅᔭᖅᑖᕇᖅᓯᒪᒍᕕᑦ ᑕᕝᕙᙵᑦ ᓄᕙᓐᓇᕐᔪᐊᖅ−19ᒧᑦ ᓴᖅᑭᖅᑎᑕᐅᓯᒪᔪᓂᒃ ᑐᒃᓯᕌᒃᓴᓂᑦ ᓄᓇᓕᒻᒥᑦ ᐊᖑᓇᓲᔾᔨᓂᕐᒧᑦ ᑐᕌᖓᔪᓂᒃ ᑮᓇᐅᔭᓂᒃ ᐱᖓᓱᐊᖅᑎᖅᑐᑎᒃ ᓴᖅᑭᖅᑕᐅᖃᑦᑕᖅᓯᒪᑎᓪᓗᒋᑦ, ᐆᒧᖓ ᐊᖏᖅᑕᐅᔪᓐᓇᕐᒥᔪᑎᑦ, ᑕᐃᒃᑯᐊ ᐅᓂᒃᑳᓕᐅᕆᐊᓕᒥᓂᖅᑎᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ ᐅᓂᒃᑳᕆᑦᑎᐊᖃᑦᑕᕐᓂᕈᕕᒋᑦ.

ᐱᒐᓱᐊᖅᑐᑦ ᐊᖏᖅᑕᐅᔪᑦ ᐱᑎᑦᑎᒋᐊᖃᕋᔭᖅᑐᑦ ᓂᐅᕕᐊᒥᓂᖏᑕ ᓇᓕᖅᑲᖏᓐᓂᑦ, ᐅᓂᒃᑳᖃᕐᓗᑎᓪᓗ ᐊᖑᓇᓱᓐᓂᒥᓂᕐᒥᓂᒃ ᐊᒻᒪᓗ ᓂᕿᓂᒃ ᑐᓂᐅᖅᑲᐃᓂᒥᓂᕐᒥᓂᒃ, ᐊᒻᒪᓗ ᐅᓂᒃᑳᖃᕐᓗᑎᑦ ᖃᑦᑎᓂᒃ ᐃᓄᓐᓂᒃ ᐃᑲᔪᕐᓂᕐᒪᖔᖅᐱᑦ ᐊᖑᓇᓱᑦᑐᑎᑦ. ᐊᖑᓇᓱᑦᑏᑦ ᐊᖑᔭᒥᓂᕐᒥᓂᒃ ᑐᓂᐅᖅᑲᐃᒋᐊᓖᑦ ᓄᓇᖅᑲᑎᒥᓄᑦ ᐊᑭᖃᓐᖏᓪᓗᑎᒃ.

ᑐᒃᓯᕋᕈᒪᒍᒃᓯ ᑕᕝᕙᙵᑦ ᐱᓕᕆᓂᐅᔪᒥᒃ, ᐅᕗᖓ ᖃᕋᓴᐅᔭᒃᑯᑦ ᐃᑭᐊᖅᑭᕕᒻᒧᑦ ᑕᑯᒋᐊᕆᒃᓯ: https://www.qia.ca/covid-community-hunt-program. ᑐᒃᓯᕋᐅᑎᓕᐅᖅᑎᓪᓗᓯ ᐃᑲᔪᖅᑕᐅᔪᒪᒍᒃᓯ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᕈᒃᓯ ᐱᔾᔪᑎᖃᖅᑐᓂᒃ ᐊᓯᖏᓐᓂᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᑕ ᐱᓕᕆᐊᖏᓐᓂᑦ, ᖃᐅᔨᒃᑲᖅᓯᐅᒃ ᓄᓇᓕᒃᓯᓐᓂ ᑐᑦᑕᖅᕕᓯ ᐅᕝᕙᓘᓐᓃᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᑕ ᑐᑭᒧᐊᑦᑎᑦᑎᔨᖓᓄᑦ ᑲᐃᓕ ᑰᐳᒧᑦ, ᐅᕙᓂ (867)975-8382.

ᑐᑭᓯᒋᐊᕈᒪᒍᒃᓯ, ᐅᓇ ᖃᐅᔨᒃᑲᖅᓯᐅᒃ:

 

ᑭᐊᕋᓐ ᕙᓚᐅᕋᑎ

ᐊᖏᔪᖅᑳᖅ, ᑐᓴᐅᒪᖃᑎᒌᓐᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

ᐅᖄᓚᐅᑖ 867.975.8398 ᐅᕝᕙᓘᓐᓃᑦ ᐊᑭᖃᓐᖏᑐᒃᑯᑦ 1.800.667.2742

ᖃᕋᓴᐅᔭᒃᑯᑦ: kflaherty@qia.ca

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ