ᕿᑭᖅᑕᓂᒃᑯᑦ ᐱᒋᐊᖅᑎᑦᑎᕗᑦ ᕿᑭᖅᑕᓂ ᓄᓇᓕᓐᓂᑦ ᐱᖁᑎᕐᔪᐊᓂᑦ ᐊᐅᓚᔾᔪᑎᔅᓴᓂᑦ ᐋᖅᑭᒋᐊᕐᓯᓂᕐᒧᑦ ᐱᓕᕆᐊᕐᒥᑦ ᑐᔅᓯᕋᐅᓯᐅᕈᑕᐅᖃᑦᑕᕈᓐᓇᓂᐊᖅᑐᓂ

ᕿᑭᖅᑕᓂᒃᑯᑦ ᐱᒋᐊᖅᑎᑦᑎᕗᑦ ᕿᑭᖅᑕᓂ ᓄᓇᓕᓐᓂᑦ ᐱᖁᑎᕐᔪᐊᓂᑦ ᐊᐅᓚᔾᔪᑎᔅᓴᓂᑦ ᐋᖅᑭᒋᐊᕐᓯᓂᕐᒧᑦ ᐱᓕᕆᐊᕐᒥᑦ ᑐᔅᓯᕋᐅᓯᐅᕈᑕᐅᖃᑦᑕᕈᓐᓇᓂᐊᖅᑐᓂ

 In media-releases-inuk, Uncategorized

ᐃᖃᓗᐃᑦ, ᓄᓇᕗᑦ, ᔫᓂ 23, 2022 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᖁᕕᐊᓱᑉᐳᑦ ᑐᔅᓯᕋᕐᕕᐅᖃᑦᑕᕈᓐᓇᕐᓂᐊᓕᕐᒥᒻᒪᑕ ᑖᔅᓱᒧᖓ ᓄᑖᕐᒧᑦ ᐋᖅᑭᑦᑕᐅᕋᑖᕐᓯᒪᔪᒧᑦ ᕿᑭᖅᑕᓂ ᓄᓇᓕᓐᓂᑦ ᐱᖁᑎᕐᔪᐊᓂᑦ ᐊᐅᓚᔾᔪᑎᔅᓴᓂᑦ ᐋᖅᑭᒋᐊᕐᓯᓂᕐᒧᑦ ᐱᓕᕆᐊᕐᒥᑦ (Q-CIIP). ᐱᔾᔪᑎᓖᑦ ᑖᔅᓱᒧᖓ ᐱᓕᕆᐊᕐᒧᑦ ᑮᓇᐅᔭᓂᑦ ᐃᑲᔫᑎᖃᕈᒪᓪᓗᑎᒃ ᓴᓇᔭᐅᒋᐊᕆᐊᓕᓐᓄᑦ ᐊᒻᒪᓗ/ᐅᕝᕙᓘᓐᓃᑦ ᐋᖅᑭᒋᐊᕆᐊᓕᓐᓄᑦ ᓄᓇᓕᓐᓂᑦ ᐱᓕᕆᕕᐅᕙᑦᑐᓂᑦ ᕿᑭᖅᑕᓂ ᓄᓇᓕᓐᓂᑦ.

ᑲᑎᒪᔨᕋᓛᓯ ᐅᕝᕙᓘᓐᓃᑦ ᑎᒥᖁᑎᓯ ᐱᖃᑕᐅᔪᓐᓇᑐᐃᓐᓇᕆᐊᖃᕐᖓᑕ ᕿᑭᖅᑕᓂ ᐃᑲᔫᑎᓂᑦ Q-CIIP ᑐᔅᓯᕋᐅᑎᖃᕐᓂᐊᕈᕕᑦ ᐱᔾᔪᑎᒋᓪᓗᒋᑦ ᓄᓇᔅᓯᓃᑦᑐᑦ ᐃᓄᑐᖃᕐᓄᑦ ᑲᑎᕕᐅᕙᑦᑐᖅ, ᐱᙳᐊᕐᕕᒃ, ᐸᐃᕆᕕᒃ, ᐳᓚᕋᑦᑐᓕᕆᕕᒃ, ᐃᖃᐃᓕᓴᕐᕕᒃ, ᑕᑯᔭᒐᖃᕐᕕᒃ, ᓄᓇᔅᓯᓐᓂ ᖁᐊᒃᑯᕕᒃ, ᓂᕿᑖᕐᕕᐅᕙᑦᑐᖅ ᐅᕝᕙᓘᓐᓃᑦ ᓈᓚᐅᑎᖃᕐᕕᒃ.

 

ᑖᒃᑯᐊ ᑮᓇᐅᔭᑦ ᐱᔭᑎᑦ ᑕᕝᕙᙵᑦ ᐱᓕᕆᐊᕐᒥᑦ ᐊᑭᓕᐅᑕᐅᔪᓐᓇᖅᑐᑦ ᕿᔪᓐᓄᑦ, ᓴᓇᑎᑦᑎᓂᕐᒧᑦ ᓴᓇᔭᐅᒋᐊᕆᐊᓕᓐᓂᑦ, ᐋᖅᑭᒋᐊᕐᓯᓂᕐᒧᑦ ᑲᑐᔾᔭᐅᕙᑦᑐᒥᒃ ᓄᓇᖅᑲᑎᒌᖑᓪᓗᓯ ᐱᓕᕆᕕᐅᕙᑦᑐᒥᒃ, ᐱᔭᕆᐊᑐᔪᓅᖓᔪᓂᑦ ᐃᑲᔫᑎᓂᑦ ᓲᕐᓗ ᑎᑎᕋᐅᔭᖅᑕᐅᓯᒪᓂᖏᓐᓂᒃ ᐊᒻᒪᓗ ᐅᕝᕙᓘᓐᓃᑦ ᐋᖅᑭᓱᖅᑕᐅᔭᕆᐊᓖᑦ ᓴᓇᔨᓄᑦ ᐅᕝᕙᓘᓐᓃᑦ ᐱᓕᕆᐊᕐᒥ ᐊᐅᓚᑦᑎᔨᖃᕐᓂᕐᒧᑦ.

 

ᑐᑭᓯᒋᐊᒃᑲᓐᓂᕈᒪᒍᔅᓯ, ᐅᕝᕙᓘᓐᓃᑦ ᑎᑎᕋᕐᕕᒋᔪᒪᒍᕕᐅᒃ ᑐᔅᓯᕋᐅᑦ ᖃᕋᓴᐅᔭᒃᑯᑦ, ᑖᓐᓇ ᑐᕌᕈᑖ ᓇᕿᓪᓗᒍ ᑕᐃᑯᖓ ᑐᕌᕐᓂᐊᕋᕕᑦ: https://www.qia.ca/qikiqtani-community-infrastructure-improvement-program/

 

ᐅᖃᕐᕕᒋᔪᓐᓇᕐᒥᔭᓯ ᓯᐴᓚ ᓅᐳᓪ, ᐃᑲᔫᓯᐊᔅᓴᓕᕆᔨ ᐅᕗᖓ snoble@qia.ca ᐅᖄᓚᕕᒋᓗᒍᓘᓐᓃᑦ ᐅᕗᖓ 975-8438 ᑐᑭᓯᑦᑎᐊᕈᒪᒍᔅᓯ.

 

ᑮᓇᐅᔭᑦ ᑕᕝᕙᙵᑦ ᐱᓕᕆᐊᕐᒥᑦ ᑲᓇᑕᐅᑉ ᒐᕙᒪᒃᑯᖏᓐᓃᙶᕐᓯᒪᔪᑦ ᓄᓇᖃᖅᑳᕐᓯᒪᔪᓄᑦ ᓄᓇᓕᓐᓄᑦ ᐃᑲᔫᑎᓂᑦ ᑮᓇᐅᔭᓂᑦ.

 

ᑐᓴᕋᔅᓴᐅᑉ ᒥᔅᓵᓄᑦ ᑐᑭᓯᒋᐊᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᑭᐅᕋᓐ ᕙᓚᕋᑎ

ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓂᑦ ᑐᓴᐅᒪᖃᑦᑕᐅᑎᒍᑎᓄᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ
(P) 867.975.8398 ᐊᑭᖃᙱᑐᒃᑯᓘᓐᓃᑦ 1.800.667.2742

kflaherty@qia.ca

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ