ᓴᖅᑭᓚᐅᖅᑕᕗᑦ ᓯᕗᓪᓕᐹᑦᓯᐊᖅ ᐃᑲᔫᑎᒃᓴᓄᑦ ᓴᓂᕐᕚᕆᕕᒻᒧᓪᓗ ᐅᓂᒃᑳᖅ ᐊᒻᒪᓗ ᑕᑯᒥᓇᖅᑐᕐᔪᐊᕌᓗᒃ

ᓴᖅᑭᓚᐅᖅᑕᕗᑦ ᓯᕗᓪᓕᐹᑦᓯᐊᖅ ᐃᑲᔫᑎᒃᓴᓄᑦ ᓴᓂᕐᕚᕆᕕᒻᒧᓪᓗ ᐅᓂᒃᑳᖅ ᐊᒻᒪᓗ ᑕᑯᒥᓇᖅᑐᕐᔪᐊᕌᓗᒃ

 In blog-inuk

ᓴᖅᑭᕋᑖᖅᑕᕗᑦ ᓯᕗᓪᓕᐹᑦᓯᐊᑦ ᐃᑲᔫᑎᒃᓴᓄᑦ ᓴᓂᕐᕚᕆᕕᒻᒧᓪᓗ ᐅᓂᒃᑳᑦ ᐊᒻᒪᓗ ᑕᑯᔭᐅᖁᓗᐊᓕᖅᑕᕗᑦ ᐃᓕᓐᓄᑦ. ᐅᓂᒃᑳᓂ ᑕᑯᑦᓴᐅᑎᑦᓯᔪᑦ ᖃᓄᖅ ᑖᒃᑯᐊ ᑮᓇᐅᔭᑦ ᑐᓂᐅᖅᑲᖅᑕᐅᖃᑦᑕᕐᒪᖔᑕ ᐱᓕᕆᐊᒃᓴᓄᑦ ᐅᓪᓗᒥ ᐋᖅᑭᑦᓱᐃᔾᔪᑕᐅᓪᓗᑎᒃ ᐊᑐᕋᑦᓴᓂᒃ ᐃᓄᓐᓄᑦ ᖃᐅᑉᐸᑦ. ᐅᓂᒃᑳᓃᒻᒥᔪᑦ ᐊᔾᔨᓕᐅᒐᑦ ᐊᒻᒪᓗ ᑐᓴᐅᒪᔾᔪᑎᒃᓴᑦ ᐱᓕᕆᐊᒃᓴᑦᓯᐊᕚᓗᓐᓂᒃ ᓴᖅᑭᕈᓐᓇᓚᐅᖅᑕᑎᓐᓂᒃ ᐊᐅᓚᒍᓐᓇᕐᑐᒋᓪᓗ ᐃᑲᔫᓯᐊᒃᓴᑎᒍᑦ.

ᕿᑭᖅᑕᓂᒃᑯᑦ ᓴᖅᑮᓚᐅᖅᑐᑦ ᐱᖓᓱᓂᒃ ᐱᓕᕆᐊᒃᓴᓂᒃ ᐃᑲᔫᑎᒃᓴᑎᒍᑦ: QCAP − ᕿᑭᖅᑕᓂ ᐃᓕᖅᑯᓯᒃᑯᑦ ᐊᐅᓚᑦᓯᔾᔪᑎᒃᓴᑦ, ᐸᐃᕆᕕᓐᓄᑦ ᐃᑲᔫᑎᒃᓴᑦ ᐊᒻᒪᓗ ᓄᑖᑦ ᐊᑐᕋᑦᓴᑦ ᐸᐃᕆᕕᓐᓄᑦ.

ᐃᓵᔪᓄᑦ ᐊᑐᐊᒐᕗᑦ ᐋᖅᑭᑦᓯᒪᔪᑦ ᐊᑐᐃᓐᓇᐅᖁᓪᓗᒋᑦ − ᐃᓄᐃᑦ ᐱᔭᕆᐊᑭᑦᑐᒃᑯᑦ ᑕᑯᔪᓐᓇᖁᓪᓗᒋᑦ ᖃᓄᖅ ᑮᓇᐅᔭᓂᒃ ᐊᑐᖃᑦᑕᕐᒪᖔᑕ ᕿᑭᖅᑕᓂᒃᑯᑦ. ᑕᐃᒪᐃᑎᓪᓗᒍ ᓴᖅᑮᓯᒪᔪᒍᑦ ᐊᕐᕌᒍᑕᒫᕐᓯᐅᑎᓂᒃ ᐅᓂᒃᑳᓂᒃ ᑕᑯᑦᓴᐅᑎᑦᓯᑐᐃᓐᓇᖏᑦᑐᓂᒃ ᐱᓕᕆᐊᑦᑎᓐᓂᒃ ᑭᓯᐊᓂᓕᑦᑕᐅᖅ ᐋᖅᑭᓱᖅᑕᐅᓯᒪᔪᓂᒃ ᑮᓇᐅᔭᓕᕆᔾᔪᑎᓂᒃ ᖃᓄᐃᓕᕐᒪᖔᑕ ᒪᓕᒐᖅᑎᒍᑦ ᐊᒻᒪᓗ ᐃᑲᔫᑎᒃᓴᑎᒍᑦ.

ᑕᐃᒪᐃᑦᑐᑦ ᐅᓂᒃᑳᑦ ᑲᔪᓯᒍᑎᖏᑦ ᕿᑭᖅᑕᓂᒃᑯᑦ ᐊᖏᕈᑎᒋᓯᒪᔭᖏᓐᓄᑦ ᑮᓇᐅᔭᓄᑦ ᑕᑎᒃᓴᐅᔪᓐᓇᕆᐊᒃᓴᖅ ᓴᖅᑭᔮᑦᓯᐊᕐᓗᑎᓪᓗ. ᕿᑭᖅᑕᓂᒃᑯᑦ ᐊᖏᕐᓯᒪᔪᑦ ᑮᓇᐅᔭᓂᒃ ᐱᓕᕆᔪᓐᓇᑦᓯᐊᓂᕐᒥᒃ ᐊᒻᒪᓗ ᐋᖅᑭᑦᓱᐃᓂᕐᒥᒃ ᑮᓇᐅᔭᓕᕆᓂᕐᒧᑦ ᐸᕐᓇᐅᑎᓂᒃ ᑮᓇᐅᔭᓂᒃ ᐃᑲᔫᑎᒃᓴᓕᐊᖑᓯᒪᔪᓂᒃ ᕿᑭᖅᑕᓂ ᐃᓄᓐᓄᑦ, ᖃᐅᔨᒪᔾᔪᑎᒃᓴᓂᒃ ᑮᓇᐅᔭᖃᑐᐃᓐᓇᖏᑦᑐᒍᑦ ᐱᓕᕆᐊᒃᓴᓄᑦ ᐅᓪᓗᒦᓐᓇᕐᒧᑦ ᑭᓯᐊᓂᓕᑦᑕᐅᖅ ᐊᑐᕋᑦᓴᓂᒃ ᐊᑐᐃᓐᓇᐅᔪᓂᒃ ᐱᔨᑦᓯᕈᑎᒃᓴᓂᒃ ᐃᓄᓐᓄᑦ ᖃᐅᑉᐸᑦ.

ᕿᑭᖅᑕᓂᒃᑯᑦ ᐃᓵᔪᓄᑦ ᐊᑐᐊᒐᖏᑦ ᐊᒻᒪᓗ ᐃᑲᔫᑎᒃᓴᓄᑦ ᐊᑐᐊᒐᖏᑦ ᖃᐅᔨᒪᔾᔪᑎᒃᓴᐅᔪᑦ ᑮᓇᐅᔭᖅᑖᕆᔭᐅᔪᑦ ᑲᑐᔾᔨᖃᑎᒌᖁᑎᑦᑎᓐᓄᑦ ᓇᓗᓇᐃᖅᑕᐅᓯᒪᑦᓯᐊᖁᓪᓗᒋᑦ ᐊᐅᓚᑕᐅᑦᓯᐊᕐᓗᑎᓪᓗ ᓴᖅᑭᔮᑦᓯᐊᑐᒃᑯᑦ. ᐃᓵᔪᑦ ᐊᑐᐊᒐᖓᒍᑦ ᑮᓇᐅᔭᖅᑖᕆᔭᐅᔪᑦ ᐴᖅᑕᐅᖃᑦᑕᖅᑐᑦ ᕿᑭᖅᑕᓂᒃᑯᑦ ᓴᓂᕐᕚᕆᕕᖓᓄᑦ, ᐃᖕᒥᒃᑰᖓᔪᖅ ᐊᒃᑐᐊᖏᑦᑐᖅ ᕿᑭᖅᑕᓂᒃᑯᑦ ᐊᐅᓚᔾᔪᑎᖏᓐᓄᑦ ᑮᓇᐅᔭᓄᑦ.

ᑮᓇᐅᔭᑦ ᕿᑭᖅᑕᓂᒃᑯᑦ ᓴᓂᕐᕚᕆᕕᖓᓃᑦᑐᑦ ᐱᕈᕐᓯᐊᕆᔭᐅᔪᑦ ᑐᕌᒐᖃᖅᑐᑎᒃ ᑎᑭᐅᑎᓗᑎᒃ $75 ᒥᓕᔭᓂᒃ ᓴᓂᕐᕚᔭᐅᓯᒪᔪᓂᒃ. ᐊᕐᕌᒍᑕᒫᑦ ᐃᓚᖏᓐᓂᒃ ᑮᓇᐅᔭᓂᒃ ᕿᑭᖅᑕᓂᒃᑯᑦ ᓴᓂᕐᕚᕆᕕᖓᓂᒃ ᐊᑐᖅᑕᐅᖃᑦᑕᖅᑐᑦ ᑮᓇᐅᔭᓖᒍᑕᐅᓪᓗᑎᒃ ᐱᓕᕆᐊᒃᓴᓄᑦ ᕿᑭᖅᑕᓂ ᐃᑲᔫᑎᒃᓴᓕᕆᔨᒃᑯᑎᒍᑦ.

ᑮᓇᐅᔭᑦ ᐅᓄᕐᓯᕙᓪᓕᐊᓂᖏᑎᒍᑦ ᓴᓂᕐᕚᕆᕕᖕᒥ ᑕᐃᒪᐃᖃᑦᑕᕐᒥᔪᑦ ᐅᓄᕐᓂᖏᑦ ᐊᑐᖅᑕᐅᖃᑦᑕᖅᑐᑦ ᐃᑲᔫᓯᐊᒃᓴᓂ. ᑕᐃᒪᐃᓕᖓᑎᓪᓗᒍ ᑮᓇᐅᔭᖅᑖᕆᖃᑦᑕᖅᑕᖏᑦ ᕿᑭᖅᑕᓂᒃᑯᑦ, ᓲᕐᓗ ᓂᖏᖅᑕᐅᑎᓄᑦ ᐊᖏᖃᑎᒌᒍᑎᓂᒃ ᐊᒻᒪᓗ ᖄᖏᕐᓂᑯᓕᐊᒥᓂᕐᓂᒃ, ᐊᑐᖅᑕᐅᖃᑦᑕᖅᑐᑦ ᐃᑲᔫᑕᐅᓪᓗᑎᒃ ᑕᒪᒃᑮᓐᓄᑦ ᐊᑯᓂᐅᔪᒧᑦ−ᑐᕌᒐᕐᒧᑦ ᒪᑭᒪᒍᑎᒃᓴᒥᒃ ᐱᓕᕆᐊᒃᓴᑎᒍᑦ ᐃᓄᓐᓄᑦ ᐊᒻᒪᓗ ᒫᓐᓇᐃᓇᕐᒧᑦ−ᑐᕌᒐᕐᒥᒃ ᐃᑲᔫᑎᒃᓴᓂᒃ ᐃᓄᓐᓄᑦ ᐅᓪᓗᒥ.

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ