ᐃᖃᓗᐃᑦ, ᓄᓇᕗᑦ − ᐄᐳᓗ 20, 2026 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (QIA) ᓂᕈᐊᖅᑐᓕᕆᓂᕐᒧᑦ ᐊᖏᔪᖅᑳᖓᑦ (CRO) ᔫ ᐊᓪᓚ ᑯᓄᒃ, ᓇᓗᓇᐃᕐᓯᕗᖅ ᐅᓪᓗᒥ ᑖᓐᓇ ᐲᑕ ᑎᐅᕆᑦ ᐅᑦᑐᕿ ᓂᕈᐊᖅᑕᐅᒻᒪᑦ ᓄᓇᓕᓐᓂᑦ ᑲᑎᒪᔨᐅᓂᕐᒧᑦ ᑭᙵᕐᓂᑦ, ᓂᕈᐊᖅᑕᐅᓪᓗᓂ 74% ᐊᒥᓲᓂᓕᓐᓄᑦ ᓂᕈᐊᖅᑐᓂᑦ.
ᓂᕈᐊᖅᑕᐅᕕᖓᓂ ᑲᑎᒪᔨᐅᓂᐊᖅᑐᖅ ᑎᓯᐱᕆ 2028ᒧᑦ ᑎᑭᓪᓗᒍ.
ᓂᕈᐊᕆᐊᖅᑐᖃᑦᑕᖅᑲᐅᔪᑦ ᐊᒥᓲᓂᖏᑦ ᑕᕝᕙᓂ ᓂᕈᐊᕐᓂᕐᒥ ᐊᒥᓲᓂᖃᖅᑲᐅᔪᑦ 16%.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓇᓗᓇᐃᕐᓯᕗᑦ ᖁᔭᓕᓂᖏᓐᓂᒃ ᐃᓚᒋᔭᐅᔪᓕᒫᓄᑦ ᓂᕈᐊᕐᓂᕐᒥ ᐃᓚᒋᔭᐅᓚᐅᖅᑐᓄᑦ, ᐃᓚᒋᔭᐅᓪᓗᑎᒃ ᑕᐃᒃᑯᐊ ᓂᕈᐊᖃᑦᑕᓚᐅᖅᑐᑦ ᓂᕈᐊᕈᔾᔭᐅᓪᓗᑎᒃ ᑎᓕᓯᓯᒪᓪᓗᑎᒃ, ᓯᕗᕐᖓᒍᑦ ᓂᕈᐊᕐᓇᐅᑎᓪᓗᒍ, ᓂᕈᐊᕆᐊᖅᑐᑎᑦᑎᕙᑦᑐᑎᒍᑦ ᐊᒻᒪᓗ ᓂᕈᐊᕆᐊᖅᑐᖃᑦᑕᖅᑲᐅᔪᑦ ᓂᕈᐊᕐᓇᐅᓕᖅᑎᓪᓗᒍ.
ᕿᑭᖅᑕᓂᒃᑯᑦ ᐱᒃᑯᒍᓱᓐᓂᖏᓐᓂᒃ ᓇᓗᓇᐃᕐᓯᔪᒪᕗᑦ ᒫᑕ ᔮᖑᓚᐅᖅᑐᒥᒃ ᑐᓂᓯᒪᑦᑎᐊᖅᑐᓂ ᐱᔨᑦᑎᕐᓯᒪᓚᐅᕐᖓᑦ ᑭᙵᕐᒥᐅᓄᑦ ᐊᒻᒪᓗ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ. ᐃᑲᔫᑎᒋᖃᑦᑕᓚᐅᖅᑕᖏᑦ ᐊᖏᕐᓯᒪᑦᑎᐊᕐᓂᕆᓚᐅᖅᑕᖓᓗ ᓄᓇᖓᓐᓄᑦ ᐃᖅᑲᐅᒪᔭᐅᖃᑦᑕᓂᐊᖅᑐᖅ ᐊᒻᒪᓗ ᖁᔭᓕᔾᔪᑕᐅᕗᖅ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑏ ᑐᑭᓯᒋᐊᕐᕕᒋᓂᐊᖅᑳᒃᑭᒃ ᐅᑯᐊ ᑐᑭᓯᒋᐊᕐᕕᔅᓵᒃ:
ᔫ ᐊᓪᓚ ᑯᓄᒃ ᔭᐃᓴᓐ ᕌᐳᑦᔅ
ᓂᕈᐊᖅᑐᓕᕆᓂᕐᒧᑦ ᐊᖏᔪᖅᑳᖅ ᐊᓪᓚᕝᕕᖓᓂ ᓂᕈᐊᖅᑐᓕᕆᓂᕐᒧᑦ ᐊᖏᔪᖅᑳᑉ ᑲᒪᔨᒋᓪᓗᒋᑦ ᐊᔮᔮ ᑐᓴᐅᒪᖃᑦᑕᐅᑎᑎᑦᑎᔩᑦ
ᐅᖄᓚᐅᑖ: 867-222-3634 ᐅᖄᓚᐅᑖ: 867-202-3696
ᐃᕐᖐᓈᖅᑕᐅᑖ: qiacro@ayaya.ca ᐃᕐᖐᓈᖅᑕᐅᑖ: jasonr@ayaya.ca

Back to Blog