ᓄᓇᓕᖕᓂ ᐱᓕᕆᖃᑎᖃᕐᓂᕐᒧᑦ ᑲᒪᔨ ᓄᓘᔭᑦ ᐱᓕᕆᐊᖓ ᐃᓄᐃᑦ ᐊᑦᑐᖅᑕᐅᓂᖏᖕᓄᑦ ᐃᑲᔫᑎᒃᓴᖏᑦ ᐱᕚᓪᓕᕈᑎᒃᓴᖏᓐᓄᓪᓗ ᐊᖏᕈᑎᖓ

ᓄᓇᓕᖕᓂ ᐱᓕᕆᖃᑎᖃᕐᓂᕐᒧᑦ ᑲᒪᔨ ᓄᓘᔭᑦ ᐱᓕᕆᐊᖓ ᐃᓄᐃᑦ ᐊᑦᑐᖅᑕᐅᓂᖏᖕᓄᑦ ᐃᑲᔫᑎᒃᓴᖏᑦ ᐱᕚᓪᓕᕈᑎᒃᓴᖏᓐᓄᓪᓗ ᐊᖏᕈᑎᖓ

 In jobs-inuk

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᕿᓂᖅᑐᑦ ᐃᖅᑲᓇᐃᔭᖅᑎᒃᓴᒥᒃ ᐊᑕᐅᓯᕐᒥᒃ ᐃᖅᑲᓇᐃᔮᕐᒧᑦ. ᑖᓐᓇ ᐃᓂᖓ ᐃᖅᑲᓇᐃᔮᒃᓴᖅ ᒥᑦᑎᑕᒪᓕᖕᒦᒃᑲᔭᖅᑐᖅ, ᓄᓇᕗᑦ.

ᐃᖅᑲᓇᐃᔮᒃᓴᖅ ᓄᓇᓕᖕᓂ ᐱᓕᕆᖃᑎᖃᕐᓂᕐᒧᑦ, ᐊᖓᔪᖅᑳᖃᖃᑦᑕᕋᔭᖅᖢᓂ ᓄᓘᔭᑦ ᐱᓕᕆᐊᖓᓂᒃ ᐃᓄᐃᑦ ᐊᑦᑐᖅᑕᐅᓂᖏᖕᓄᑦ ᐃᑲᔫᓯᐊᖅᑖᕐᓂᖏᑦ ᐱᕚᓪᓕᕈᑎᒃᓴᖏᖕᓄᓪᓗ ᐊᐅᓚᑦᑎᔨᖓᓄᑦ ᐊᒻᒪᓗ ᐃᖅᑲᓇᐃᔭᖃᑎᖃᖃᑦᑕᕋᔭᖅᑐᖅ ᐊᓯᖏᖕᓂᒃ ᐱᓕᕆᕝᕖᑦ ᐊᐅᓚᑦᑎᔨᖏᖕᓂᒃ, ᑲᒪᒋᐊᖃᖃᑦᑕᕋᔭᖅᐳᖅ ᑐᓴᐅᒪᑎᑦᑎᖃᑦᑕᕐᓗᓂ ᐊᑦᑐᖅᑕᐅᓯᒪᔪᓂᒃ ᓄᓇᓕᖕᓂ ᕿᑭᖅᑖᓘᑉ ᐅᐊᖕᓇᖓᓂ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓪᓗ. ᓄᓇᓕᖕᓂ ᐱᓕᕆᖃᑎᖃᕐᓂᕐᒧᑦ ᑲᒪᔨ ᑐᑦᑕᕐᕕᐅᕗᖅ ᐅᖃᕐᕕᐅᖃᑦᑕᕋᔭᖅᖢᓂ ᐃᓄᖕᓄᑦ ᐊᒻᒪᓗ ᐊᑦᑐᖅᑕᐅᓯᒪᔪᓄᑦ ᓄᓇᓕᐅᔪᓂᑦ ᑐᓴᐅᒪᖃᑎᒌᒍᑏᑦ ᐃᓱᒫᓘᑎᒋᔭᐅᔪᓄᑦ ᑐᓴᖅᑎᑦᑎᖃᑦᑕᕆᐊᖃᕋᔭᖅᐳᖅ ᐱᓕᕆᕕᐅᔪᒧᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᖕᓃᙶᖅᑐᑦ ᑐᓴᒐᒃᓴᑦ ᑐᓴᐅᒪᑎᖃᑦᑕᕐᓗᓂᒋᑦ ᓄᓇᓕᐅᔪᓄᑦ. ᐱᓕᕆᐊᒃᓴᖃᕋᔭᖅᑐᖅ ᐅᐸᓗᖓᐃᔭᐃᓗᓂ ᐊᒻᒪᓗ ᓯᕗᓕᖅᑎᐅᓗᓂ ᑲᑎᒪᑎᑕᐅᓂᖏᑦ ᓄᓇᓖᑦ ᐊᒻᒪᓗᑦᑕᐅᖅ ᐅᐸᓗᖓᐃᔭᐃᖃᑦᑕᕐᓗᓂ ᐊᑐᖅᑕᐅᓂᐊᖅᑐᓂᒃ ᓄᓇᓕᖕᓂ ᑐᓴᕆᐊᕐᕕᖃᕐᓂᐊᕋᐃᑉᐸᑕ ᐊᒻᒪᓗ ᐊᐅᓪᓚᕐᓂᐊᖅᑎᓪᓗᒋᑦ ᐱᓕᕆᕝᕕᒻᒥ ᐃᖅᑲᓇᐃᔭᖅᑎᖏᑦ. ᐃᑲᔪᖅᑐᐃᖃᑦᑕᕐᓗᓂ ᖃᓄᐃᓕᐅᕈᑎᒋᔭᐅᒃᑲᓐᓂᖅᑐᓂᑦ ᓲᕐᓗᒃ ᐊᑐᓕᖅᑎᑕᐅᓂᖏᑦ ᐱᓕᕆᐊᑦ ᑕᐃᑲᙶᖅᑐᑦ ᐱᕙᓪᓕᐊᒍᑎᒻᒪᕆᐅᔪᓂᑦ ᐱᓕᕆᐊᑦ ᐊᒻᒪᓗ ᑐᕌᖓᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑳᓐᑐᕌᒃᑦ−ᓯᓂᕐᒧᑦ ᐊᖏᕈᑎᖏᑦ ᑲᒪᒋᓗᐊᖃᑦᑕᕋᔭᖅᑕᖏᑦ ᐱᓕᕆᐊᕆᓗᓂᒋᑦ.

ᐃᖅᑲᓇᐃᔮᒃᓴᖅ ᐃᓐᓄᒃᑕᐅᒍᓂ ᐱᐅᓛᖑᒐᔭᖅᑐᖅ ᒪᕐᕉᖕᓂᒃ (2) ᐊᕐᕌᒎᖕᓂᒃ ᐃᓕᓐᓂᐊᖅᓯᒪᔪᒧᑦ ᓯᓚᑦᑐᓴᕐᕕᒻᒥ ᐊᐅᓚᑦᑎᓂᕐᒥᒃ ᐃᓕᓐᓂᐊᖅᓯᒪᓂᑰᓪᓗᓂ, ᐅᕝᕙᓘᓐᓂᑦ ᐊᐅᓚᑦᑎᓂᕐᒧᑦ ᖃᐅᔨᓴᕐᓂᕐᒥᒃ ᐃᓕᓐᓂᐊᖅᓯᒪᓂᑰᓗᓂ, ᐊᕙᑎᓕᕆᓂᕐᒧᑦ ᐃᓕᓐᓂᐊᖅᓯᒪᓗᓂᓘᓐᓂᑦ ᐅᕝᕙᓘᓐᓃᑦ ᐃᖅᑲᓇᐃᔮᕐᒧᑦ ᑐᕌᖓᔪᓂᑦ ᐃᓕᓐᓂᐊᓚᐅᖅᓯᒪᓗᓂ. ᐃᓕᓐᓂᐊᖅᓯᒪᓂᖏᑦ ᐊᒻᒪᓗ/ᐅᕝᕙᓘᓐᓃᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᑦ ᑲᑎᖦᖢᒋᑦ ᓈᒻᒪᒃᑲᔭᕐᒪᖔᑕ

ᐃᖅᑲᓇᐃᔮᕐᒨᖓᓂᖏᑦ ᐃᓱᒪᒋᔭᐅᔫᒥᒐᔭᕐᒥᔪᑦ ᓂᕈᐊᓕᖅᑎᓪᓗᒋᑦ ᐃᖅᑲᓇᐃᔭᖅᑎᒃᓴᒥᒃ.

ᐃᓄᒃᑎᑑᕈᓐᓇᖅᑐᑦ ᖃᓪᓗᓇᐅᔭᕈᓐᓇᑐᓪᓗ ᐱᔭᐅᔪᒪᔫᒐᓗᐊᑦ ᑖᔅᓱᒧᖓ ᐃᖅᑲᓇᐃᔮᕐᒧᑦ ᐃᖅᑲᓇᐃᔮᖅᑖᕋᓱᐊᕐᓂᐊᖅᑐᑦ.

ᐱᓇᓱᐊᕈᑏᑦ ᐃᖅᑲᓇᐃᔮᕐᒧᑦ ᐃᓄᒃᑎᒍᑦ ᐋᑕᐅᔪᓐᓇᖅᑐᑦ, ᐊᐅᓪᓚᖅᑎᑕᐅᓗᑎᓪᓘᓐᓃᑦ ᖃᕋᓴᐅᔭᒃᑯᑦ, ᓱᑲᑦᑐᒃᑯᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑎᒍᑦ ᐊᐅᓪᓚᖅᑎᑕᐅᓗᑎᑦ ᐅᕗᖓ:

ᑐᑭᒧᐊᖅᑎᑦᓯᔨ ᐃᖅᑲᓇᐃᔭᖅᑐᓕᕆᓂᕐᒧᑦ

ᐃᕐᖐᓐᓈᖅᑕᐅᑖ: resumes@qia.ca

ᐅᖄᓚᐅᑎᐊ: (867) 975-8400

ᓱᑲᑦᑐᒃᑯᑦ: (867) 979-3238

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

ᐃᒡᓗᕗᑦ, 2nd ᓇᑎᐊᓂᑦ

ᑎᑎᖅᑲᖅᑖᕐᕕᐊ 1340, ᐃᖃᓗᐃᑦ, ᓄᓇᕗᑦ X0A 0H0

ᒪᑐᕕᒃᓴᖓ ᐃᖅᑲᓇᐃᔮᖅᑖᕋᓱᐊᕐᓗᓂ:     ᐊᒃᑑᕝᕙ 30, 2019

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ