ᓄᓇᓕᓐᓂᑦ ᑐᓴᐅᒪᖃᑦᑕᐅᑎᓂᕐᒧᑦ ᑐᖅᑲᑕᕐᕕᒃ − ᐊᐅᓱᐃᑦᑐᖅ

ᓄᓇᓕᓐᓂᑦ ᑐᓴᐅᒪᖃᑦᑕᐅᑎᓂᕐᒧᑦ ᑐᖅᑲᑕᕐᕕᒃ − ᐊᐅᓱᐃᑦᑐᖅ

 In jobs-inuk

ᐃᖅᑲᓇᐃᔭᖅᑎᓄᑦ ᑐᕌᖓᓪᓗᓂ ᐃᖅᑲᓇᐃᔮᔅᓴᖅ

ᓄᓇᓕᓐᓂᑦ ᑐᓴᐅᒪᖃᑦᑕᐅᑎᓂᕐᒧᑦ ᑐᖅᑲᑕᕐᕕᒃ ᐊᐅᓱᐃᑦᑐᖅ

ᐊᐅᓱᐃᑦᑐᖅ, ᓄᓇᕗᑦ

ᐃᖅᑲᓇᐃᔮᖑᑲᐃᓐᓇᕋᔭᖅᑐᖅ ᐃᖅᑲᓇᐃᔮᔅᓴᖅ

ᓄᓇᓕᓐᓂᑦ ᑐᓴᐅᒪᖃᑦᑕᐅᑎᓂᕐᒧᑦ ᑐᖅᑲᑕᕐᕕᒃ (ᑐᖅᑲᑕᕐᕕᒃ) – ᐊᐅᓱᐃᑦᑐᖅ ᐊᐅᓚᓂᕐᒧᑦ ᐃᖅᑲᓇᐃᔮᓪᓗᐊᑕᐅᒻᒪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ (ᑲᑐᔾᔨᖃᑎᒌᒃᑯᓐᓂ) ᑐᑭᒧᐊᑦᑎᑦᑎᔨᖃᖅᑐᓂ ᑐᓴᐅᒪᑎᑦᑎᔨᓄᑦ ᑐᑭᒧᐊᑦᑎᑦᑎᔨᒥᒃ. ᑐᓴᐅᒪᑎᑦᑎᔨ ᐊᐅᓚᑦᑎᓂᕐᒥᒃ ᐃᖅᑲᓇᐃᔮᖃᓗᐊᖃᑦᑕᕐᖓᑦ ᓄᓇᓕᓐᓂᑦ ᖃᐅᔨᒪᑦᑎᐊᖃᑦᑕᕐᓗᓂ ᐃᓄᐃᑦ ᓄᓇᓕᓐᓂᑦ ᐃᑲᔫᓯᐊᖅᑖᐸᓪᓕᐊᒐᓗᐊᕐᒪᖔᑕ ᑲᔪᓯᑎᑉᐸᓪᓕᐊᔭᖏᓐᓂ ᑲᑐᔾᔨᖃᑎᒌᒃᑯᑦ, ᓄᓇᕗᑦ ᐊᖏᕈᑎᓂᑦ (ᓄᓇᑖᕈᑎᓂᑦ), ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ (ᑐᙵᕕᒃᑯᓐᓂ) ᐃᑲᔫᑕᐅᕙᑦᑐᓂᑦ. ᑖᓐᓇ ᐃᖅᑲᓇᐃᔮᔅᓴᖅ ᐃᑲᔫᑎᖃᖃᑦᑕᓂᐊᖅᑐᖅ ᕿᑭᖅᑕᓂᒃᑯᑦ ᐊᑐᕆᐊᖃᖅᑕᖓᓐᓂᒃ ᐊᑑᑎᓕᒻᒥᒃ ᑕᒪᒃᑮᓐᓂᒃ ᑐᓴᐅᒪᖃᑦᑕᐅᑎᑎᑦᑎᖃᑦᑕᓂᕐᒥᒃ ᓄᓇᓕᓐᓂᑦ ᐃᓄᓐᓂᓪᓗ.

ᑐᖅᑲᑕᕐᕕᒃ ᑐᕚᕆᔭᐅᖃᑦᑕᙳᓱᒻᒪᑦ ᓴᖅᑭᑎᑦᑎᖃᑦᑕᓂᐊᕐᓂᖓᓂᒃ ᐃᑲᔪᕐᓯᕆᐊᕈᑕᐅᓯᒪᔪᓂᑦ, ᐅᖃᐅᔾᔨᒋᐊᕈᑕᐅᔪᓂᑦ ᐊᒻᒪᓗ ᑐᑭᓯᐅᒪᔾᔪᑎᔅᓴᓂᑦ ᑐᓴᐅᒪᑎᑦᑎᔩᑦ ᑐᑭᒧᐊᑦᑎᑦᑎᔨᖓᓐᓄᑦ ᑕᐃᒫᒃ ᐃᑲᔪᖃᑦᑕᕈᓐᓇᓂᐊᕐᖓᑦ ᖃᐅᔨᒃᑲᖅᑕᐅᓯᒪᓗᑎᒃ, ᓈᒪᔪᓂᑦ ᐊᒻᒪᓗ ᐃᓱᒪᒋᔭᖃᕐᓗᑎᒃ ᑐᑭᑖᕈᑎᖃᖃᑦᑕᕈᓐᓇᓂᐊᕐᖓᑕ.

ᑖᓐᓇ ᐃᖅᑲᓇᐃᔮᔅᓴᖅ ᑕᒪᐃᓐᓅᖓᔪᓂᑦ ᐃᖅᑲᓇᐃᔮᖃᕈᑕᐅᕙᒻᒪᑦ ᖃᐅᔨᒪᒍᑕᐅᑦᑎᐊᕆᐊᖃᖅᑐᓂ ᖃᓄᐃᑦᑐᑐᐃᓐᓇᑦᑎᐊᓂᑦ ᑲᑐᔾᔨᖃᑎᒌᒃᑯᑦ ᑎᑎᖅᑲᖁᑎᖏᓐᓂᒃ, ᐊᑐᐊᒐᖏᓐᓂᒃ, ᐊᒻᒪᓗ  ᐊᐅᓚᔾᔪᓯᖏᓐᓂᒃ ᑕᐃᒫᒃ ᐃᖅᑲᓇᐃᔮᓕᒃ ᑲᔪᓯᑎᑦᑎᑦᑎᐊᖃᑦᑕᓂᐊᕐᖓᑦ ᑲᒪᒋᔭᔅᓴᒫᖏᓐᓂᒃ ᐊᒻᒪᓗ ᐃᖅᑲᓇᐃᔮᖃᖃᑦᑕᓂᐊᕐᖓᑦ ᐃᖅᑲᓇᐃᔮᖓᓂᒃ. ᖃᐅᔨᒪᑦᑎᐊᕆᐊᓕᒃ ᑐᑭᓯᐅᒪᑦᑎᐊᕐᓗᓂᓗ ᑲᔪᓯᑎᒍᒪᓯᒪᔭᖓᓐᓂᒃ ᑐᙵᕕᖏᓐᓂᓪᓗ ᑐᑭᒧᐊᒍᑎᒋᕙᑦᑕᖏᓐᓂᒃ ᑲᑐᔾᔨᖃᑎᒌᒃᑯᑦ ᑲᔪᓯᑎᑦᑎᑎᐊᕐᓂᐊᕐᖓᑦ ᑕᕝᕙᓂ ᐃᖅᑲᓇᐃᔮᖓᓂ.

ᐃᓄᒃᑎᑑᕈᓐᓇᕆᐊᓕᒃ ᖃᓪᓗᓈᑎᑐᓪᓗ

ᐃᖅᑲᓇᐃᔮᖃᕋᔭᖅᑐᖅ ᐃᓕᓐᓂᐊᕐᕕᐊᓗᒻᒥ ᐱᔭᕇᕈᑎᑖᕐᓯᒪᓗᓂ. ᑕᒪᒃᑮᓂᓪᓗ ᑕᒪᑐᒧᖓ ᑐᕌᖓᔪᓂᑦ ᐃᓕᓐᓂᐊᕐᓯᒪᓂᖃᕐᓗᓂ ᐊᒻᒪᓗ/ᐅᕝᕙᓘᓐᓃᑦ ᐃᖅᑲᓇᐃᔮᖃᓕᓂᐅᓗᓂ ᓈᒻᒪᒋᔭᐅᒐᔭᕐᒥᔪᖅ. ᐊᑕᐅᓯᕐᒥᒃ (1) ᐊᕐᕌᒍᒥᒃ ᐃᖅᑲᓇᐃᔮᖃᕐᓯᒪᓗᓂ ᓄᓇᓕᓐᓂᑦ ᐱᔨᑦᑎᕋᕐᓂᕐᒥᒃ. ᐃᖅᑲᓇᐃᔮᖃᓕᓂᐅᓗᓂ: ᐱᓕᕆᐊᔅᓴᓕᕆᓂᕐᒥᒃ, ᐱᕕᖃᕐᕕᖓᒍᑦ ᑲᒪᒋᔭᖃᕈᓐᓇᑎᐊᕐᓗᓂ, ᐊᒻᒪᓗ ᑮᓇᐅᔭᓕᕆᔪᓐᓇᕐᓗᓂ ᐱᐅᒐᔭᕆᓪᓗᓂ.

ᐱᓇᓱᐊᕈᑏᑦ ᑐᔫᑕᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᕐᓘᓐᓃᑦ ᑐᓂᔭᖅᑐᕐᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ:

 

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ                        ᐅᖄᓚᐅᑖ: (867) 975-8400

ᐃᒡᓗᕗᑦ ᐃᓪᓗᒥ, ᖄᖅᑎᖓᓂ ᐊᑯᓪᓕᕐᒥ                      ᓱᒃᑲᔪᒃᑰᕈᑖ: (867) 979-3238

ᐃᒡᓗᕗᑦ ᐃᓪᓗᒥ, ᖄᖅᑎᖓᓂ ᐊᑯᓪᓕᕐᒥ

ᑎᑎᖅᑲᓂᐊᕐᕕᖓ 1340                                    ᐃᕐᖐᓈᖅᑕᐅᑖ: Resumes@qia.ca

ᐃᖃᓗᐃᑦ, ᓄᓇᕗᑦ, NU X0A 0H0

 

ᒪᑐᕕᔅᓴᓕᒃ: ᓄᕖᕝᕙ 23, 2020 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᓪᓗᒍ

 

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ