ᑲᑐᔾᔨᖃᑎᒌᒃᑯᑦ ᖁᕕᐊᓲᑎᓖᑦ ᐃᓄᒃᑎᑐᑦ ᐅᖃᐅᓯᓕᕆᓂᕐᒥᒃ ᑕᖅᑭᑎᓐᓂ

ᑲᑐᔾᔨᖃᑎᒌᒃᑯᑦ ᖁᕕᐊᓲᑎᓖᑦ ᐃᓄᒃᑎᑐᑦ ᐅᖃᐅᓯᓕᕆᓂᕐᒥᒃ ᑕᖅᑭᑎᓐᓂ

 In media-releases-inuk

ᐃᖃᓗᐃᑦ, ᓄᓇᕗᑦ − ᕖᕝᕗᐊᓕ 12, 2018 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᐅᐱᒍᓱᑉᐳᑦ ᖁᕕᐊᓲᑎᖃᕆᐊᔅᓴᖅ ᐃᓄᒃᑎᑐᑦ ᐅᖃᐅᓯᓕᕆᓂᕐᒥᒃ ᑕᖅᑭᑎᓐᓂ ᖃᓄᐃᑦᑐᑐᐃᓐᓇᑦᑎᐊᓂᑦ ᐊᑐᕐᓂᐊᖅᑐᑎᒃ ᐸᕐᓇᐅᑎᖃᖅᑐᑎᓪᓗ.

“ᐃᓄᒃᑎᑐᑦ ᐊᖅᑯᑎᓪᓗᐊᑕᕆᖃᑦᑕᕋᑦᑎᒍ ᐆᒪᐃᓐᓇᑎᑦᑎᓂᕐᒥᒃ ᐃᓕᖅᑯᓯᑦᑎᓐᓂᒃ ᐃᓅᓂᑦᑎᓐᓂᓗ ᐃᓕᓴᕐᓇᕈᑎᑦᑎᓐᓂᒃ,” ᐅᖃᖅᑐᖅ ᑲᑐᔾᔨᖃᑎᒌᒃᑯᑦ ᐊᖏᔪᖅᑳᖓᑦ ᐸᐅᓗᓯ ᐊᕿᐊᕈᖅ.

“ᑲᑐᔾᔨᖃᑎᒌᒃᑯᑦ ᖁᕕᐊᓲᑎᖃᕈᒪᕗᑦ ᐅᖃᐅᓯᑦᑎᓐᓂᒃ ᐊᒻᒪᓗ ᑎᓕᐅᕆᓗᑎᒃ ᐃᓅᓱᑦᑐᓂᑦ ᐆᒪᐃᓐᓇᖁᓪᓗᒍ.”

ᐃᓚᒋᔭᐅᓪᓗᓂ ᐃᓄᒃᑎᑐᑦ ᐅᖃᐅᓯᓕᕆᓂᕐᒧᑦ ᑕᖅᑭᑎᓐᓂ ᑲᑐᔾᔨᖃᑎᒌᒃᑯᑦ ᓴᖅᑭᑎᑦᑎᕗᑦ ᐃᑲᔪᕐᓯᕆᐊᕈᑎᖓᓐᓂᒃ ᐊᑐᖅᑕᐅᒋᐊᒃᑲᓐᓂᖁᓪᓗᒍ ᖁᕕᐊᓲᑕᐅᖁᓪᓗᒍᓗ ᐅᖃᐅᓯᕗᑦ.

ᐃᓄᒃᑎᑐᑦ ᐅᖃᐅᓯᓕᕆᓂᕐᒥ ᑕᖅᑭᑎᓐᓂ ᐊᑐᖅᑕᐅᓂᐊᖅᑐᑦ ᒪᑯᐊ:

ᑲᑐᔾᔨᖃᑎᒌᒃᑯᑦ ᐅᖃᓕᒫᒐᖁᑎᖏᓐᓂᒃ ᓴᖅᑭᔮᖅᑎᑦᑎᓂᖅ − ᕖᕝᕗᐊᓕ 12 – 28ᒧᑦ

ᖃᐅᑕᒫᑦ ᕖᕝᕗᐊᓕᒥ ᑲᑐᔾᔨᖃᑎᒌᒃᑯᑦ ᓴᖅᑭᑎᑦᑎᖃᑦᑕᓂᐊᖅᑐᑦ ᐊᔾᔨᒌᙱᑐᒡᒍᑎᓂᑦ ᐃᓄᒃᑎᑑᖓᔪᓂᑦ ᐅᖃᓕᒫᒐᕐᓂᑦ ᐅᖃᓕᒫᒐᓕᐊᖑᓯᒪᔪᓂᑦ ᐅᖃᓕᒫᒐᓕᐅᖅᑎᓄᑦ Inhabit Media ᐃᑲᔪᖅᑎᖃᖅᑐᑎᒃ ᑲᑐᔾᔨᖃᑎᒌᒃᑯᓐᓂᑦ ᑮᓇᐅᔭᓄᑦ ᑭᒃᑯᑐᐃᓐᓇᓕᒫᓄᑦ ᑐᓴᐅᒪᖃᑦᑕᐅᑎᒍᑕᐅᕙᑦᑐᓂᑦ ᖃᕋᓴᐅᔭᒃᑯᑦ (Facebook, Twitter, Instagram). ᐊᒻᒪᓗᑦᑕᐅᖅ, ᑕᑯᔭᔅᓴᐅᑎᑦᑎᓂᐊᕐᒥᔪᒍᑦ ᐊᑭᖃᙱᑦᑐᓂᑦ ᖃᕋᓴᐅᔭᒃᑯᑦ ᐱᔭᔅᓴᐅᓂᐊᖅᑐᓂᑦ ᑐᕌᕈᑎᖏᑎᒍᑦ ᐊᑐᓂᑦ ᐅᖃᓕᒫᒐᐃᑦ.

ᐅᖃᓕᒫᒐᕐᓂᑦ ᐊᑎᓕᐅᖅᑎᑦᑎᖃᑦᑕᕐᓂᖅ ᑎᑎᕋᕐᓯᒪᔪᓂᑦ − ᕖᕝᕗᐊᓕ 25ᒥ (1ᒥ ᐅᓐᓄᓴᒃᑯᑦ 3:30ᒧᑦ ᐅᓐᓄᓴᒃᑯᑦ) ᕗᕉᐱᓴ ᑐᔪᕐᒥᕕᒻᒥ; ᑰᔾᔨᓯ ᑲᑎᒪᕕᐊᓂ

ᑖᓐᓇ ᐊᑐᖅᑕᐅᓛᖅᑐᖅ ᑲᑐᔾᔨᖃᑎᖃᕐᓗᑎᒃ ᐅᖃᓕᒫᒐᓕᐅᖅᑎᓂᑦ Inhabit Media ᐊᒻᒪᓗ ᐅᖃᓕᒫᒐᓕᐅᕐᓯᒪᔪᓂᑦ ᐊᑎᓕᐅᖅᑎᑦᑎᖃᑦᑕᕐᓗᑎᒃ ᐃᓄᒃᑎᑑᖓᔪᓂᑦ ᐅᖃᓕᒫᒐᕐᓂᑦ.

ᐃᓄᒃᑎᑐᑦ ᐃᖏᐅᓯᐅᕐᓂᕐᒥᒃ/ᐅᖃᓗᕋᐅᔭᐅᑎᓕᐅᕐᓂᕐᒥᒃ ᐊᑭᑦᑐᕋᐅᑎᑎᑦᑎᓂᖅ − ᕖᕝᕗᐊᓕ 12ᒥ 23ᒧᑦ − ᓵᓚᔅᓴᖅᑐᖅ ᓇᓗᓇᐃᖅᑕᐅᓛᖅᑐᖅ ᕖᕝᕗᐊᓕ 28ᖑᓕᖅᑲᑦ

ᐱᖃᑕᐅᔪᑦ ᑐᓂᓯᖃᑦᑕᖁᔭᐅᓂᐊᖅᑐᑦ ᓇᐃᓈᕐᓯᒪᔪᓂᑦ ᐃᙱᐅᓯᕐᓂᑦ ᐅᖃᓗᕋᐅᔭᐅᑎᓂᓪᓘᓐᓃᑦ (50ᓂᑦ ᐅᖃᐅᓯᖅᑕᓕᓐᓂᑦ ᑐᖔᓂᓘᓐᓃᑦ) ᑲᑐᔾᔨᖃᑎᒌᒃᑯᑦ ᑭᒃᑯᑐᐃᓇᕐᓄᑦ ᑐᓴᐅᒪᖃᑦᑕᐅᑎᕕᒋᕙᑦᑕᖏᑎᒍᑦ  (Facebook, Twitter, Instagram) ᐊᑐᕐᓗᑎᒃ ᓇᓗᓇᐃᒃᑯᑕᕐᒥᒃ ᐆᒥᖓ #QIAinuk. ᓵᓚᔅᓴᖅᑐᑦ ᓵᓚᖃᕋᔭᖅᑐᑦ $400ᓂᑦ, ᑐᖏᓕᐊ $300ᓂᑦ, ᐊᒻᒪᓗ ᐱᖓᔪᐊᑦ $200ᓂᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᓯᐅᕋHᐃ, ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

(867) 975.8413

1.800.667.2742

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ