QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᑐᖏᓕᐊᓂ ᑐᔅᓯᕋᐅᓯᐅᖁᔨᔾᔪᑎ: ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ − ᑲᑐᔾᔨᖃᑎᒌᒃᑯᓐᓂ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ

ᑐᖏᓕᐊᓂ ᑐᔅᓯᕋᐅᓯᐅᖁᔨᔾᔪᑎ: ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ − ᑲᑐᔾᔨᖃᑎᒌᒃᑯᓐᓂ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ

 In blog-inuk, media-releases-inuk

ᐃᖃᓗᐃᑦ, ᓄᓇᕗᑦ − ᔪᓚᐃ 31, 2018 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᑐᓂᓯᔭᐅᖃᑦᑕᕈᒪᓕᕐᒥᔪᑦ ᑐᔅᓯᕋᐅᑎᓂᑦ ᑭᒃᑯᑐᐃᓐᓇᕐᓂᑦ ᐊᒻᒪᓗ ᓄᓇᓕᓐᓂᑦ ᑲᑐᔾᔨᖃᑎᒌᓂᑦ ᐃᓘᓐᓇᖏᓐᓂ 13ᓂᑦ ᕿᑭᖅᑕᓂ ᓄᓇᓕᓐᓂᑦ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓄᑦ (QCAP).

ᑐᑭᓯᒋᐊᕐᕕᖃᖃᑦᑕᓚᐅᖅᑎᓪᓗᒋᑦ ᐃᓘᓐᓇᖏᓐᓂᒃ 13ᓂᑦ ᕿᑭᖅᑕᓂ ᓄᓇᓕᓐᓂᑦ 2017ᖑᑎᓪᓗᒍ, ᑲᑐᔾᔨᖃᑎᒌᒃᑯᑦ ᑐᑭᓯᔪᒻᒪᑕ ᑐᓴᖃᑦᑕᔪᔭᖏᓐᓂᒃ ᕿᑭᖅᑕᓂᒥᐅᑦ ᐃᓄᐃᑦ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ ᕿᓄᔾᔪᑎᖃᕐᓂᖏᓐᓂᒃ ᐊᑐᖅᑎᑦᑎᓂᐊᖅᑐᓂᑦ ᐱᖅᑯᓯᑦᑎᓐᓂᒃ ᐃᓕᑕᐅᓯᒪᔪᓂᑦ ᐊᒻᒪᓗ ᐱᔪᓐᓇᕐᓯᕚᓪᓕᕈᑕᐅᓂᐊᖅᑐᓂᑦ ᐃᓄᐃᑦ ᐃᓕᓴᕐᓇᕈᑎᖏᓐᓂᒃ, ᐱᓗᐊᖅᑐᒥᑦ ᓅᓯᒪᖃᑦᑕᓂᕐᒥᒃ ᒥᕐᓱᖃᑦᑕᓂᕐᒥᓪᓗ.

ᑖᓐᓇ ᑐᖏᓕᐊᓂ ᑐᔅᓯᕋᐅᓯᐅᖁᔨᔾᔪᑎ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ. ᒪᐃ 2018ᖑᑎᓪᓗᒍ, ᓯᕗᓕᖅᑏᑦ ᑐᑭᑖᕈᑎᖃᔪᒻᒪᑕ ᐊᒥᓱᕈᖅᑎᑦᑎᒋᐊᕈᒪᓪᓗᑎᒃ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ ᑮᓇᐅᔭᖅᑑᑎᔅᓴᓂᑦ, 2018-19 ᐊᕐᕌᒍᑦᑎᓐᓂ ᑲᑎᑦᑐᒋᑦ ᐊᒥᓲᓂᓖᑦ $637,000. ᑖᓐᓇ ᐱᔾᔪᑎᒋᓪᓗᒍ, $20,000ᑲᓐᓃᑦ ᐊᑐᓂᑦ ᓄᓇᓕᓐᓄᑦ ᐊᑐᕋᔅᓴᐅᒻᒪᑕ. ᓅᓯᒪᑎᑦᑎᖃᑦᑕᓂᕐᒧᑦ ᒥᕐᓱᑎᑦᑎᖃᑦᑕᓂᕐᒧᓪᓗ ᐱᓕᕆᐊᑦ ᓯᕗᓪᓕᐸᐅᑦᑎᐅᔾᔭᐅᓯᒪᒐᓗᐊᖅᑎᓪᓗᒋᒃ, ᑲᑐᔾᔨᖃᑎᒌᒃᑯᑦ ᐃᓱᒪᔅᓴᕐᓯᐅᕈᑎᖃᖃᑦᑕᓂᐊᕐᒥᔪᑦ ᐊᓯᖏᓐᓂᒃ ᐃᓄᓐᓄᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᔅᓴᐅᔪᓂᑦ.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎ ᐃᓚᒋᔭᐅᓪᓗᓂ ᓂᕈᐊᖅᑕᐅᓯᒪᒻᒪᑦ ᑲᑐᔾᔨᖃᑎᒌᒃᑯᑦ ᑲᑎᒪᔨᖏᓐᓄᑦ ᐅᑐᐱᕆ 2017ᖑᑎᓪᓗᒍ ᐃᓚᒋᔭᐅᓪᓗᓂ ᓄᑖᓄᑦ ᐃᑲᔫᑎᓄᑦ ᑮᓇᐅᔭᓂᑦ ᐊᑐᖃᑦᑕᓂᐊᖅᑕᖏᓐᓂᒃ. ᑮᓇᐅᔭᐃᑦ ᐃᑲᔫᓯᐊᔅᓴᓃᙶᖅᑐᑦ ᑐᖅᑯᖅᑕᐅᕙᓪᓕᐊᔪᓂᑦ ᑮᓇᐅᔭᓂᑦ ᐱᓯᒪᔪᑦ, ᑐᖅᑯᖅᑕᐅᕙᓪᓕᐊᔪᑦ ᑮᓇᐅᔭᑦ ᐊᒥᓱᕈᕐᐸᓪᓕᐊᓂᖏᓐᓂ ᑮᓇᐅᔭᑦ ᐃᓯᕐᐸᑦᑐᑦ ᑕᕝᕗᖓ ᑐᕌᖃᑦᑕᓂᐊᕐᖓᑕ ᐃᑲᔫᓯᐊᔅᓴᓄᑦ ᑮᓇᐅᔭᓄᑦ ᐊᒥᓱᕈᒃᑲᓐᓂᖁᓪᓗᒋᑦ ᐃᑲᔫᑎᐅᕙᑦᑐᑦ ᐃᓄᓐᓄᑦ.

ᒪᑐᕕᔅᓴᓕᒃ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ ᑐᔅᓯᕋᐅᑎᓄᑦ ᐋᒡᒌᓯ 24, 2018.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ ᐊᑐᐊᒐᖏᑦ ᐊᒻᒪᓗ ᑐᔅᓯᕋᐅᓯᐅᕈᑏᑦ ᐱᔭᔅᓴᐃᑦ ᑲᑐᔾᔨᖃᑎᒌᒃᑯᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᓐᓂ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᔨᐅᕋHᐃ,

ᑐᑭᒧᐊᑦᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

867.975.8413

1.800.667.2742

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ