ᑭᙵᐃᑦ, ᓄᓇᕗᑦ ᒪᐃ 31, 2022 – ᕿᑭᑕᓃᒃᑯᑦ ᐃᓄᐃᑦ ᑲᑐᔾᔨᖃᑎᒌᖏᑦ ᑭᙵᕐᓂ ᑲᑎᒪᔨᖏᑦ ᑲᑎᒪᓂᐊᕐᒪᑕ ᑭᙵᐃᑦ ᐱᖑᐊᕐᕕᖓᓂ ᒪᐃ 31−ᒥᑦ ᔫᓐ 2−ᒧᑦ, 2022.

ᑲᑎᒪᔭᖅᑐᖃᑕᐅᔪᓐᓇᖏᒃᑯᕕᑦ, ᐃᓚᐅᔪᒪᓗᑎᒡᓗ ᑲᑎᒪᔪᓄᑦ, ᐅᑯᐊ ᐊᑖᓂ ᐊᑐᕈᓐᓇᖅᑕᑎᑦ ᐅᖄᓚᕕᒋᓗᒍᓘᓐᓃᑦ ᓈᓴᐅᑎᖓ:

ᐃᑭᐊᖅᑭᕕᒃᑯᑦ ᑐᕌᕐᕕᒃ:  https://qia-ca.zoom.us/j/83596582599
ᐅᖄᓚᐅᑎᒃᑯᑦ ᑲᑎᒪᕕᒃ +15873281099
ᖃᕆᓴᐅᔭᒃᑯᑦ ᐅᖄᓚᕕᒃ #83596582599

ᑲᑎᒪᓂᑦ ᐃᓚᖃᕐᓂᐊᖅᑐᑦ ᑲᑎᒪᔨᐅᔪᑦ ᐅᖃᐅᓯᖃᒃᑲᓐᓂᕐᓗᑎᒃ ᕿᑭᖅᑕᓃᒃᑯᑦ ᐊᕐᕌᒍᓄᑦ ᑕᓪᓕᒪᓄᑦ ᖃᓄᖅᑑᕈᑎᓄᑦ ᐸᕐᓇᐅᑎᒥᒃ, ᑎᒃᑯᐊᖅᑕᐅᔾᔪᑎᓂᒃ ᓂᕈᐊᖅᑕᐅᔾᔪᑎᓂᒡᓗ ᑐᓴᖅᑎᑦᑎᓗᑎᒡᓗ ᐃᓚᐅᔨᐅᓪᓗᐊᑕᖅᐸᒃᑐᓂᒃ.

ᕿᑭᖅᑕᓃᒃᑯᑦ ᑭᙵᒥᐅᓂᒃ ᑐᓴᕐᕕᖃᕈᒪᓂᐊᕐᓂᒥᔪᑦ ᑐᒃᓯᕋᖅᑕᐅᓯᒪᔪᒥᒃ ᑮᓇᐅᔭᖅᑖᕈᑕᐅᕙᒃᑯᑦ ᐋᖅᑭᒋᐊᖅᑕᐅᓯᒪᓕᕐᓂᖏᓐᓂᒃ ᔫᓐ 1 ᐊᒻᒪᓗ 2, 2022ᒥ ᑭᙵᕐᒥᐅᓄᑦ ᐅᖃᕐᕕᖃᕈᓐᓇᖁᓪᓗᒋᑦ ᕿᑭᖅᑕᓃᒃᑯᑦ ᐊᓯᔾᔨᕈᒪᔭᖓᓂᒃ ᐊᑐᐊᒐᐅᑉ ᐃᓗᐊᓃᖦᖢᑎᒃ. ᑕᑯᒋᐊᕈᓐᓇᖅᑕᓯ ᐃᑭᐊᖅᑭᕕᖏᓐᓂᒃ ᐃᓄᓕᒫᓄᓪᓗ ᑐᓴᕆᐊᕐᕕᐅᕙᒃᑐᒥ ᖃᓄᖅ ᐃᓄᖕᓂ ᑐᓴᕆᐊᕐᕕᖃᕐᓂᐊᕐᒪᖔᑕ ᓇᓗᓇᐃᖅᑕᐅᔪᑦ.