QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᑐᓴᒐᒃᓴᖅ: ᕿᑭᖅᑕᓃᒃᑯᑦ ᓄᓇᓕᖕᓂᖔᖅᑐᒥᒃ ᑭᒡᒐᖅᑐᐃᔨᑖᕈᒪᕗᑦ ᓄᓇᕗᑦ ᐊᕙᑎᓕᕆᔨᒃᑯᑦ ᓈᓚᒃᑎᑦᑎᓂᐊᓕᖅᑎᓪᓗᒋᑦ

ᑐᓴᒐᒃᓴᖅ: ᕿᑭᖅᑕᓃᒃᑯᑦ ᓄᓇᓕᖕᓂᖔᖅᑐᒥᒃ ᑭᒡᒐᖅᑐᐃᔨᑖᕈᒪᕗᑦ ᓄᓇᕗᑦ ᐊᕙᑎᓕᕆᔨᒃᑯᑦ ᓈᓚᒃᑎᑦᑎᓂᐊᓕᖅᑎᓪᓗᒋᑦ

 In media-releases-inuk

ᑐᒃᓯᕋᐅᑎᐅᔫᑉ ᐅᓪᓗᖓ: ᒫᔾᔨ 18, 2021

ᓄᓇᕗᑦ ᐊᕙᑎᓕᕆᔨᒃᑯᑦ  ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ ᐊᐱᕆᖕᒪᑕ ᓂᕈᐊᖅᓯᖁᔨᓪᓗᑎᒃ ᐃᓚᐅᔪᓐᓇᖅᑐᒥᒃ ᓄᓇᕗᑦ ᐊᕙᑎᓕᕆᔨᒃᑯᑦ ᑲᑎᒪᑎᑦᑎᓕᖅᐸᑕ ᐱᒋᐊᓛᖅᖢᓂ ᐊᐃᕐᕆᓕ 12ᒥ 21ᒧᑦ ᐃᖃᓗᖕᓂ. ᕿᑭᖅᑕᓃᒃᑯᑦ ᐊᐱᕆᔭᐅᓚᐅᕐᒪᑕ ᓂᕈᐊᖅᓯᖁᔨᓪᓗᑎᒃ ᐊᕐᓇᕐᒥᒃ, ᒪᒃᑯᒃᑐᒥᒃ, ᐃᓐᓇᕐᒥᓪᓗ. ᕼᐋᒪᓚᒃᑯᑦ ᐆᒪᔪᕐᓂᐊᖅᑎᒃᑯᓪᓗ ᐊᒃᑐᖅᑕᐅᓯᒪᔪᓂᒃ ᓄᓇᓕᖕᓂ ᓂᕈᐊᖅᓯᓂᐊᕐᒥᔪᒃ ᑭᒡᒐᖅᑐᐃᔨᒋᔪᓐᓇᖅᑕᖏᓐᓂᒃ ᓄᓇᕗᑦ ᐊᕙᑎᓕᕆᔨᒃᑯᒃ ᑲᑎᒪᑎᑦᑎᓕᖅᐸᑕ.

ᐊᕐᕕᓂᓖᑦ ᓄᓇᓕᖕᓂ ᑭᒡᒐᖅᑐᐃᔪᑦ ᓂᕈᐊᖅᑕᐅᓂᐊᖅᑐᑦ ᒥᑦᑎᒪᑕᓕᖕᒥ ᐱᖓᓱᓂᒡᓗ ᓄᓇᓕᖕᓂᙶᖅᓯᒪᔪᓂᒃ ᐅᑯᓂᖔᕐᓗᑎᒃ: ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᐃᒡᓗᓕᒃ, ᓴᓂᕋᔭᒃ, ᐊᐅᓱᐃᑦᑐᖅ ᖃᐅᓱᐃᑦᑐᕐᓗ.

ᓄᓇᓕᖕᓂ ᑭᒡᒐᖅᑐᐃᓂᕐᒧᑦ ᓂᕈᐊᖅᑕᐅᓇᓱᒍᒪᔪᑦ ᐅᑯᓂᖓ ᐱᓯᒪᔭᕆᐊᖃᖅᐳᑦ:

  • ᐊᖏᖃᑎᒌᒍᑎᖓ ᐊᒃᑐᖅᑕᐅᓯᒪᔪᓂᙶᖅᓯᒪᓗᓂᓗ ᓄᓇᓕᖕᓂ ᓇᓕᐊᖕᓂᑐᐃᓐᓇᖅ.
  • ᐃᖃᓗᖕᓄᑦ ᐊᐅᓪᓚᖅᓯᒪᔪᓐᓇᕐᓗᓂ ᑲᑎᒪᔭᖅᑐᖃᑕᐅᖏᓐᓇᕈᓐᓇᕐᓗᓂᓗ ᓄᓇᕗᑦ ᐊᕙᑎᓕᕆᔨᒃᑯᑦ ᑲᑎᒪᑎᑦᑎᓂᓕᒫᖓᓂ, ᐅᑯᓂᖓᓗ ᐅᓪᓗᓂᒃ ᐊᐃᕐᕆᓕ 12ᒥ-21ᒧᑦ, 2021, ᑲᑎᒪᔭᖅᑐᓚᐅᖏᑎᓪᓗᒋᓪᓗ ᑲᑎᒪᓂᕐᒧᑦ ᓱᖏᐅᓴᖃᑕᐅᓗᓂ ᖃᕆᓴᐅᔭᒃᑯᑦ ᐅᖄᓚᐅᑎᒃᑯᓪᓘᓐᓃᑦ ᐱᒋᐊᓛᖅᑐᖅ ᐊᐃᕐᕆᓕ 9, 2021. ᐱᓇᓱᐊᕈᓯᕐᒥ ᓄᕐᖑᐊᓂᓪᓗ ᑲᑎᒪᖃᑕᐅᖃᑦᑕᕋᔭᕆᓪᓗᓂ.
  • 18 ᐅᖓᑖᓂᓪᓗ ᐅᑭᐅᖃᕐᓗᓂ
  • ᓂᕈᐊᖅᑕᐅᓇᓱᖕᓂᐊᖅᑐᑦ ᐱᔪᒪᔭᐅᓂᖅᓴᐅᕗᑦ ᐅᑯᐊ ᒪᒃᑯᒃᑐᖅ (18-30 ᐅᑭᐅᖃᕐᓗᓂ) ᐃᓐᓇᖅ, ᐊᕐᓇᕐᓗ.
  • ᓂᕈᐊᖅᑕᐅᓇᓱᖕᓂᐊᖅᑐᖅ ᐃᓱᒪᒃᓴᖅᓯᐅᕈᑕᐅᓂᐊᕐᒥᔪᑦ ᐊᑐᕐᓗᒋᑦ ᓄᓇᓕᖕᓂ, ᓄᓇᒥ, ᐃᒪᕐᓂ, ᐃᓄᐃᓪᓗ ᖃᐅᔨᒪᔭᑐᖃᖏᓐᓂ ᖃᐅᔨᒪᓂᖃᕐᓂᕐᒧᑦ ᐃᓄᐃᓪᓗ ᐃᓚᐅᓯᒪᓂᑰᔪᑦ ᓄᓇᕗᒻᒥ ᐊᕙᑎᓕᕆᔨᒃᑯᒃ ᑲᑎᒪᑎᑦᑎᑎᓪᓗᒋᑦ ᐹᕙᓐᓛᓐᑯᓪᓗ ᑐᒡᓕᕆᓕᖅᑕᖓᓂ ᑐᒃᓯᕋᐅᑎᒋᔭᖓᓂ.

ᕿᑭᖅᑕᓃᒃᑯᑦ ᕿᓂᖅᐳᖅ ᖃᐅᔨᒪᑦᑎᐊᖅᑐᓂᒃ ᐃᑲᔪᖅᑐᐃᔪᓐᓇᕐᓗᑎᒡᓗ ᐱᐅᓂᖅᓴᒧᑦ ᑐᕌᖓᔪᓂᒃ ᓄᓇᕗᑦ ᐊᕙᑎᓕᕆᔨᒃᑯᑦ ᐱᓕᕆᑎᑦᑎᑎᓪᓗᒋᑦ,  ᐃᑲᔪᖅᑐᐃᒐᓗᐊᖅᐸᑕ ᐃᑲᔪᖅᑐᐃᖏᒃᑲᓗᐊᖅᐸᑕ ᑐᒡᓕᕆᓕᖅᑕᖓᓂ ᑐᒃᓯᕋᐅᑎᐅᔪᒧᑦ. ᓄᓇᓕᖕᓂ ᑭᒡᒐᖅᑐᐃᓂᕐᒧᑦ ᓂᕈᐊᖅᑕᐅᔪᖅ ᓄᓇᓖᑦ ᐱᔪᒪᔭᖏᓐᓂᒃ ᑐᓴᖅᑎᑦᑎᑦᑎᐊᕈᓐᓇᕐᓂᖓᓄᑦ ᑐᓴᖅᑕᐅᖁᔭᐅᔪᓪᓗ ᐅᖃᐅᓯᕆᔭᐅᓯᒪᖏᑦᑐᑦ ᑐᓴᖅᑕᐅᑎᓪᓗᒋᑦ ᓄᓇᕗᑦ ᐊᕙᑎᓕᕆᔨᒃᑯᖏᓐᓄᑦ. ᓄᓇᓕᖕᓂ ᑭᒡᒐᖅᑐᐃᔨᐅᓂᕐᒧᑦ ᓂᕈᐊᖅᑕᐅᓇᓱᒃᑐᖅ ᕿᑭᖅᑕᓃᒃᑯᓐᓄᑦ, ᕼᐋᒪᓚᒃᑯᓐᓄᑦ, ᐆᒪᔪᕐᓂᐊᖅᑎᒃᑯᓐᓄᓪᓗ ᐃᓚᒋᔭᐅᔭᕆᐊᑐᖏᑦᑐᖅ- ᑖᒃᑯᐊᓕ ᐃᒻᒥᖕᓂᒃ ᓂᕈᐊᖅᓯᓂᐊᕐᒥᖕᒪᑕ ᑭᒡᒐᖅᑐᐃᔨᑖᕐᓗᑎᒃ ᓄᓇᕗᑦ ᐊᕙᑎᓕᕆᔨᒃᑯᓐᓄᑦ ᑲᑎᒪᔭᖅᑐᕐᓂᐊᖅᑐᒥᒃ.

ᓄᓇᕗᒻᒥ ᐊᕙᑎᓕᕆᔨᒃᑯᑦ ᐊᑭᓕᖅᓱᐃᓂᐊᖅᑐᑦ ᓄᒃᑕᕈᑕᐅᔪᓂᒃ, ᑐᔪᕐᒥᔾᔪᑎᓂᒃ ᓂᕆᔾᔪᑎᓂᒡᓗ. ᕿᑭᖅᑕᓃᒃᑯᑦ ᑲᑎᒪᔾᔪᓯᐊᖅᑖᖅᑎᑦᑎᔨᐅᓂᐊᖅᖢᑎᒃ ᓂᕈᐊᖅᑕᐅᔪᓄᑦ ᐃᓄᓕᒫᓂᒃ ᓈᓚᒃᑎᑦᑎᔭᖅᑐᖅᓯᒪᑎᓪᓗᒋᑦ.

ᓂᕈᐊᖅᑕᐅᔪᒪᒍᕕᑦ ᓄᓇᓕᖕᓄᑦ ᑭᒡᒐᖅᑐᐃᔨᐅᓂᕐᒧᑦ, ᑐᓴᕆᐊᕐᕕᒋᒍᑦ ᕿᑭᖅᑕᓂ ᓄᓇᓕᖕᓂ ᑭᒡᒐᖅᑐᐃᔨᐅᑉ ᑐᓂᓗᒍ ᐅᑯᓂᖓ. ᐊᑏᑦ, ᐊᕐᕌᒍᑎᑦ, ᖃᓄᐃᒪᓪᓗ ᓂᕈᐊᖅᑕᐅᔪᒪᓂᕆᔭᑦ ᓇᓕᐊᖕᓃᒃᑲᔭᕐᒪᖔᑦ ᓇᓗᓇᐃᔭᕐᓗᒍ ᖁᓛᓂ ᐅᖃᖅᑕᐅᓯᒪᔪᑦ. ᐅᔾᔨᕈᓱᖕᓂᐊᖅᐳᑎᑦ ᓂᕈᐊᖅᑕᐅᔪᒪᒍᕕᑦ ᒪᒃᑯᒃᑑᓂᕐᒧᒃ ᐅᑭᐅᖃᕆᐊᖃᖅᐳᑎᑦ 18ᒥ 30ᒧᑦ. ᑐᓵᔨᑕᖃᐃᓐᓇᕐᓂᐊᖅᑐᑦ ᓄᓇᕗᑦ ᐊᕙᑎᓕᕆᔨᒃᑯᑦ ᐃᓄᓕᒫᓂᒃ ᓈᓚᒃᑎᑦᑎᓂᓕᒫᖓᓂ.

ᑐᒃᓯᕋᐅᑎᑖᕈᒪᔪᓄᑦ ᐃᓱᓕᕝᕕᖃᖅᑐᖅ ᐅᓪᓗᖓ ᕿᑎᖅᑰᑦ, ᐊᐃᕐᕆᓕ 1, 2021

ᑐᑭᓯᒋᐊᑦᑎᐊᕈᒪᒍᕕᑦ, ᑐᓴᕆᐊᕐᕕᒋᔪᓐᓇᖅᑕᑦ:
ᕆᑦᓱᑦ ᐸᐃᑕᓐ
ᑐᑭᒧᐊᒃᑎᑦᑎᔨ: ᐃᓄᐃᑦ ᖃᐅᔨᒪᔭᑐᖃᓕᕆᓂᕐᒧᑦ ᐃᓚᐅᑎᑦᑎᓇᓱᖕᓂᕐᒧᓪᓗ
rpaton@qia.ca
867-975-8417

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ