ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA)
ᓴᒃᑯᑕᐅᓂᖓᑕ ᐅᓪᓗᖓ: ᓄᕖᕝᕙ 19, 2025
ᒪᑐᕕᒃᓴᖓᑕ ᐅᓪᓗᖓ: ᑎᓰᕝᕙ 12, 2025 at 4:00 PM ET
ᑐᓂᔭᐅᓗᓂ ᖃᕋᓴᐅᔭᒃᑯᑦ ᐅᕗᖓ: procurement@qia.ca
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᕿᓂᖅᑐᑦ ᐱᓕᕆᔪᓐᓇᖅᑐᒥᒃ ᑳᓐᑐᕌᒃᑦ−ᑎᓂᒃ ᐱᓕᕆᐊᖃᕐᓂᐊᕐᓗᑎᑦ I.T. ᐱᔨᑦᑎᕋᕐᓂᕐᒧᑦ ᐅᕙᙵᑦ ᕖᕝᕗᐊᕆ 9, 2026 ᑎᑭᓪᓗᒍ ᒫᑦᓯ 31, 2027. ᑳᓐᑐᕌᒃᑦ−ᑎᐅᔪᓐᓇᕋᔭᖅᑐᖅ ᐃᖅᑲᓇᐃᔭᖃᑎᖃᑦᓯᐊᕋᔭᖅᑐᖅ ᐊᐅᓚᑦᓯᔨᒥᒃ ᖃᕋᓴᐅᔭᓕᕆᓂᕐᒧᑦ ᓴᙵᑦᑎᑕᐅᖁᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᖃᕋᓴᐅᔭᓕᕆᔾᔪᓯᖏᑦ, ᓴᐳᒻᒥᐅᓯᖅᓯᓗᓂ, ᐊᐅᓚᓂᖃᖅᑎᑦᑎᓗᓂ ᐊᒻᒪᓗ ᐊᑯᓂᐅᔪᒧᑦ ᖃᕋᓴᐅᔭᓕᕆᔨᖏᑦ ᓴᙵᑦᑎᑕᐅᖁᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᖃᕋᓴᐅᔭᓕᕆᔾᔪᓯᖏᑦ, ᓴᐳᒻᒥᐅᓯᖅᑕᐅᓂᖏᑦ, ᐃᖏᕐᕋᓂᖏᑦ, ᐊᒻᒪᓗ ᐊᑯᓂᐅᔪᒧᑦ ᖃᕋᓴᐅᔭᓕᓂᕐᒧᑦ ᖃᓄᖅᑑᕈᑎᖏᑦ.
ᓯᕕᑐᓂᖏᑦ ᐃᖅᑲᓇᐃᔮᕆᔭᐅᒐᔭᕐᓂᖓᑕ ᐅᑯᖓᐅᕗᑦ:
- ᕿᒥᕐᕈᓇᓪᓗᑎᑦ ᖃᕋᓴᐅᔭᓕᕆᓂᕐᒧᑦ ᓴᐳᒻᒥᐅᓯᖅᓯᒪᓂᖏᑦ ᐊᒻᒪᓗ ᐊᐅᓚᔾᔪᓯᖏᑦᑕ ᐃᓕᖅᑯᓯᕆᔭᐅᔭᕆᓕᖏᑦ
- ᐱᐅᓯᑎᑕᐅᒋᐊᕐᓗᑎᑦ ᑐᖅᑯᖅᑕᐅᓯᒪᔪᑦ ᓇᓪᓕᐅᒃᑯᒫᕆᔭᐅᓯᒪᓂᖏᑦ, ᐱᓂᕐᓗᐊᕿᔪᖃᖅᑎᓪᓗᒍ ᐊᓐᓇᐃᒍᓐᓇᐅᑎᖏᑦ, ᐊᒻᒪᓗ ᐅᓗᕆᐊᓇᖅᑐᒨᖅᑕᐃᓕᒪᑎᑦᑎᓂᕐᒧᑦ ᐸᕐᓇᐅᑎᖏᑦ
- ᖃᐅᔨᓴᕐᓗᓂ ᐃᑲᔪᖅᑐᐃᓗᓂᓗ ᓴᐴᓗᑕᖏᓐᓂᒃ ᖃᕋᓴᐅᔭᒃᑯᑦ, ᖃᐅᔨᔪᓐᓇᐅᑎᖏᑦ/ᖃᓄᐃᓕᐅᕈᑎᖃᕆᐊᕐᓂᕐᒧᑦ ᐃᑲᔫᑎᖏᑦ, VPNs−ᒋᔭᐅᔪᖏᑦ, ᐊᒻᒪᓗ ᐊᓯᖏᑦ ᓴᐳᒻᒥᐅᓯᖅᓯᒪᒍᑎᖏᑦ
- ᖃᐅᔨᓴᕐᓗᓂ ᐊᒻᒪᓗ ᖃᕋᓴᐅᔭᕈᓘᔭᕐᓂᑦ ᖃᓄᐃᑦᑐᓂᒃ ᐱᑕᖃᕐᒪᖔᖅ ᑎᑎᕋᖃᑦᑕᕐᓗᓂ ᐊᐅᓚᑦᓯᓗᓂ
- ᐋᖅᑭᓱᐃᖃᑦᑕᕐᓗᓂ ᖃᕋᓴᐅᓴᔭᓕᕆᓂᕐᒧᑦ ᐅᓂᒃᑳᕐᓂᒃ
- ᐃᑲᔪᖅᑐᐃᓗᓂ ᒪᐃᑯᓵᑉᑦ ᐃᒻᒥᒎᖅᑐᑦ ᓇᕿᑦᑕᐃᔾᔪᓯᖏᑦ ᐃᑲᔪᖅᑐᐃᔾᔪᑎᖏᑦ ᐊᒻᒪᓗ ᖃᕋᓴᐅᔭᒃᑯᑦ ᐃᒻᒥᓂᒃ ᐋᖅᑭᒃᓱᐃᔪᓐᓇᕈᑎᖏᑦ ᐃᑲᔫᑏᑦ ᐅᔨᓴᐅᑎᖏᑦ
- ᐋᖅᑮᓗᓂ ᐱᓕᕆᐊᕐᓂᒃ ᐸᕐᓇᐅᑎᓂᒃ, ᑮᓇᐅᔭᖅᑐᕈᑎᒃᓴᓂᒃ, ᐊᑐᐊᒐᕐᓂᒃ, ᐊᒻᒪᓗ ᐊᐅᓚᑦᑎᒍᑎᒃᓴᖏᖕᓂᒃ
- ᐅᐊᑦᓯᓗᓂ ᐊᑐᓕᖅᑎᑕᐅᓂᖏᑦ ᓱᓇᒃᑯᑖᑦ ᐊᒻᒪᓗ ᖃᕋᓴᐅᔭᕐᓅᖓᔪᑦ, ᐱᖃᓯᐅᑎᓪᓗᒋᑦ ᑎᒥᐅᔪᑦ ᓯᓚᑖᓃᑦᑐᑦ ᖃᕋᓴᐅᔭᓕᕆᓂᕐᒧᑦ ᐱᓕᕆᐊᕆᔭᑦ
- ᐅᐸᓗᖓᐃᔭᐃᖃᑦᑕᕐᓗᓂ ᖃᕋᓴᐅᔭᖅᑎᒍᑦ ᐊᐅᓚᑦᑎᒍᓯᖏᑦᑕ ᑎᑎᖅᑲᖏᓐᓂᒃ ᐊᒻᒪᓗ ᐱᓕᒻᒪᒃᓴᐃᓂᕐᒧᑦ ᑎᑎᕋᖅᓯᒪᓂᖏᓐᓂᒃ
- ᖃᐅᔨᓴᖃᑦᑕᕐᓗᓂ, ᖃᐅᔨᓴᐃᓐᓇᖃᑦᑕᕐᓗᓂ, ᐊᒻᒪᓗ ᖃᕋᓴᐅᔭᓕᕆᓂᕐᒧᑦ ᐅᖃᐅᔾᔨᒋᐊᖏᓐᓇᕐᓗᓂ
- ᐃᓱᒪᖅᓱᕋᒃᓴᐅᒻᒥᔪᖅ ᐃᒪᐃᓕᐅᕐᓗᓂ: ᐊᑐᓕᖁᔭᐅᒃᑲᓐᓂᖅᑐᓂᒃ ᐱᐅᓯᕙᓪᓕᖅᑎᑦᑎᒍᑎᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᖕᓄᑦ ᖃᕋᓴᐅᔭᓕᕆᔨᖏᖕᓄᑦ ᐊᐅᓚᑦᑎᒍᓯᕐᓂᒃ ᐱᐅᓂᖅᐹᓂᒃ ᐊᑐᓕᖁᔨᖃᑦᑕᕐᓗᓂ, ᓴᐳᒻᒥᐅᓯᒍᓯᕐᓂᒃ, ᐊᒻᒪᓗ ᖃᓄᖅᑑᖅᓯᒪᐅᑦᑎᐊᖅᑐᓂᒃ ᐊᑐᖁᔭᕐᒥᓂᒃ ᐊᑐᖁᔨᖃᑦᑕᕐᓗᓂ
ᖃᐅᔨᓴᖅᑕᐅᓂᖏᑦ ᒪᓕᑦᑕᐅᔭᕆᐊᓖᑦ ᑳᓐᑐᕌᒃᑦ−ᑕᐅᖁᓪᓗᒍ
ᑐᒃᓯᕋᐅᑏᑦ ᖃᐅᔨᓵᖑᓂᐊᖅᑐᑦ ᐅᑯᐊ ᒪᓕᑦᑕᐅᓗᑎᑦ:
- ᑐᕌᖓᓂᖃᐅᑦᑎᐊᖅᑐᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᑦ ᐊᒻᒪᓗ ᐊᔪᙱᓐᓂᖏᑦ (45 ᓈᓴᐅᑏᑦ)
- ᐃᖅᑲᓇᐃᔮᖃᖃᑦᑕᕐᓂᑯᒥᓂᖏᓐᓂᒃ ᓇᓗᓇᐃᖅᓯᒍᓐᓇᖅᑐᑦ ᓱᓕᔫᓂᕋᐃᓗᑎᑦ (10 ᓈᓴᐅᑏᑦ)
- ᑲᒪᒋᔭᖃᕆᐊᕐᓂᖏᑦ ᐊᒻᒪᓗ ᐃᓕᖅᑯᓯᕆᕙᓐᓂᖏᑦ ᐱᓕᕆᐊᖃᕐᓂᖏᖕᓂ (35 ᓈᓴᐅᑏᑦ)
- ᐊᑭᖏᑦ ᐊᑭᑦᑐᕋᐅᑎᓂᖏᑎᒍᑦCost Competitiveness (10 ᓈᓴᐅᑏᑦ)
ᐃᓄᐃᑦ ᓇᖕᒥᓂᖁᑎᓖᑦ, ᕿᑭᖅᑖᓗᒻᒥ ᕕᔅᓂᔅᖃᕐᓂᖏᑦ, ᐊᒻᒪᓗ ᑐᕌᖓᓂᓖᑦ ᓇᒻᒥᓂᖁᑎᖃᕐᓂᕐᒧᑦ ᐱᓇᓱᐊᖅᑐᑦ ᐱᒐᔭᖅᑐᑦ ᐊᑭᖏᑕ ᐋᖅᑭᒋᐊᖅᑕᐅᓯᒪᓂᖏᖕᓂᒃ ᑳᓐᑐᕌᒃᑦ−ᑕᐅᓗᓂ.
ᓈᓴᐅᑎᑖᕆᔭᐅᒐᔭᖅᑐᑦ ᑐᖔᓂᐅᙱᑦᑐᖅ ᐃᓱᒪᒋᔭᐅᒐᔭᕐᓂᖏᑦ: 60 ᓈᓴᐅᑏᑦ
ᐱᖁᔭᖅᑎᒍᑦ ᒪᓕᑦᑕᐅᔭᕆᐊᓖᑦ
- ᐱᔭᕇᖅᓯᒪᔪᖅ ᑐᒃᓯᕋᐅᑎ ᑐᓂᔭᐅᓗᓂ ᐃᓱᓕᕝᕕᖓᑕ ᐅᓪᓗᖓ ᐊᓂᒍᓚᐅᙱᓐᓂᖓᓂ
- ᑐᒃᓯᕋᐅᑏᑦ ᖃᓪᓗᓈᑎᑑᖓᔪᑦ ᐃᓄᒃᑎᑐᓪᓘᓐᓃᑦ (ᖃᓪᓗᓈᑎᑑᕐᓂᖃᕐᓗᑎᑦ)
- ᑕᑯᒃᓴᐅᑎᑦᑎᓗᓂ ᐊᔪᙱᓐᓂᖓᓂᒃ, ᐃᖅᑲᓇᐃᔮᖃᖃᑦᑕᕐᓂᑰᓯᒪᓂᖏᓐᓂᒃ ᑕᒪᒃᑯᓂᖓ, ᐊᒻᒪᓗ/ᐅᕝᕙᓘᓐᓃᑦ ᓇᓗᓇᐃᒃᑯᑕᖃᕐᓗᓂ ᑐᕌᖓᔪᖅ ᖃᕋᓴᐅᔭᓕᕆᓂᕐᒧᑦ ᐱᔨᑦᑎᕋᖅᓯᒪᓂᖓᓂᒃ
ᖃᐅᔨᒋᐊᕐᕕᒃᓴᑦ
ᑕᒪᐃᓐᓂ ᐊᐱᖅᑯᑏᑦ ᖃᕋᓴᐅᔭᒃᑯᑦ ᑐᓂᔭᐅᔭᕆᐊᓖᑦ ᐊᐅᓪᓚᖅᑎᑕᐅᓗᑎᑦ ᐆᒧᖓ: procurement@qia.ca
ᐃᓱᓕᕝᕕᖓᑕ ᐅᓪᓗᖓ ᖃᐅᔨᒋᐊᕐᓗᓂ: ᑎᓰᕝᕙ 3, 2025 ᓯᕿᙳᔭᖅ 4:00 ᐅᓐᓄᓴᒃᑯᑦ ᓯᕿᙳᔭᖓ ᑲᓇᓐᓇᒥ ᒪᓕᓪᓗᒍ
ᑕᑯᓂᐊᕐᓗᒍ ᑕᒪᐃᓐᓂ ᑐᒃᓯᕋᐅᑎᓕᐅᖁᔨᔾᔪᑎᑉ ᓇᓗᓇᐃᔭᖅᓯᒪᓂᖏᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᑭᐊᖅᑭᕕᖓᓂ ᐅᕙᓂ https://www.qia.ca/wp-content/uploads/2025/11/251104-QIA-RFP-I.T-clean-1-1.pdf
