ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐱᒋᐊᖅᑎᑦᑎᔪᒻᒪᑕ ᑲᓇᑕᒥ ᐊᔾᔪᒥᓇᖅᑐᒥᒃ
ᒫᑦᓯ 22, 2019ᖑᑎᓪᓗᒍ, ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐱᒋᐊᖅᑎᑦᑎᔪᒻᒪᑕ ᑲᓇᑕᒥ ᐊᔾᔪᒥᓇᖅᑐᒥᒃ ᓂᕈᐊᕋᔅᓴᓕᐅᖃᑦᑕᖁᔨᓪᓗᑎᒃ. ᑖᓐᓇ ᐱᓕᕆᐊᖓᑦ ᐱᔾᔪᑎᓕᒃ ᑲᔪᖏᕐᓴᐃᒋᐊᕐᓂᕐᒧᑦ ᑭᒃᑯᑐᐃᓐᓇᕐᓂᑦ ᓂᕈᐊᕋᔅᓴᓕᐅᖃᑦᑕᖁᓪᓗᒋᑦ ᐃᓄᓐᓂᑦ ᓄᓇᓕᓐᓂᑦ ᑕᑯᔅᓴᐅᑎᑦᑎᕙᑦᑐᓂᑦ ᐃᓅᖃᑎᖃᑦᑎᐊᕈᓐᓇᕐᓂᖏᓐᓂᒃ, ᐊᔾᔨᒌᑎᑦᑎᖃᑦᑕᕐᓂᖏᓐᓂᒃ ᐊᕐᓇᐅᒐᓗᐊᖅᑲᑦ ᐊᖑᑕᐅᒐᓗᐊᖅᑲᓪᓗ, ᐊᒻᒪᓗ ᐃᓅᓯᖃᕐᕕᔅᓴᐅᓂᖓᓂᒃ ᓂᙵᐅᔾᔨᖃᑦᑕᖏᓪᓗᓂ.
ᑕᐃᒪ ᐃᑲᔪᕈᓐᓇᖅᑯᓯ ᑕᒪᑐᒧᖓ ᐅᖃᖃᑎᖃᕐᐸᓪᓕᐊᓯᓗᓯ ᑖᒃᑯᐊ ᐊᑑᑎᖃᓗᐊᙳᐊᖅᑐᑦ ᐱᔾᔪᑕᐅᔪᑦ ᒥᔅᓵᓄᑦ, ᐊᒻᒪᓗ ᐊᔪᕐᓇᖏᑉᐸᑦ ᐱᕕᖃᖅᑎᑕᓚᐅᕐᓗᒋᑦ ᑎᑎᕋᕈᓐᓇᕐᕕᖃᖅᑎᓪᓗᒋᓪᓗ ᓇᒻᒥᓂᖅ ᓂᕈᐊᕋᔅᓴᐅᔾᔪᑎᒋᔪᓐᓇᖅᑕᒥᓂᒃ. ᐊᔪᕐᓇᖏᒻᒥᔪᖅ ᑎᒃᑯᐊᕐᓯᒍᒪᒍᔅᓯ ᑲᑐᔾᔨᓗᓯ ᐊᒻᒪᓗ ᑎᑎᕋᕐᓗᓯ ᑲᑐᔾᔨᓗᓯ ᓂᕈᐊᕋᔅᓴᓕᐅᕈᑎᔅᓯᓐᓂᒃ. ᓂᕈᐊᕋᔅᓴᓕᐅᕈᔅᓯ ᑭᓇᑐᐃᓐᓇᕐᒥᒃ, ᖃᐅᔨᑎᓐᓂᐊᖅᑕᓯ ᐃᓕᓐᓂᒃ ᐃᑲᔪᖃᑦᑕᕐᖓᑕ ᖃᐅᑕᒫᑦ ᐃᓅᓯᔅᓯᓐᓂ. ᐱᕕᖃᖅᑎᑦᑎᓕᕐᓂᐊᕐᒥᔪᓯ ᐊᓯᔅᓯᓐᓄᑦ ᐃᓕᕝᕕᖃᕐᓂᕐᒥᒃ ᑖᒃᑯᓇᙶᖅᑐᓂᑦ.
ᒪᑐᕕᔅᓴᓕᒃ ᓂᕈᐊᕋᔅᓴᓕᐅᕐᓂᕐᒧᑦ ᐄᐳᓗ 14, 2019ᖑᓕᖅᑲᑦ. ᓂᕈᐊᕋᔅᓴᓕᐅᕈᑏᑦ ᑐᔫᑕᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ ᐃᕐᖐᓈᖅᑕᐅᑎᒃᑯᓘᓐᓃᑦ, ᑎᑎᕋᖅᑕᐅᓯᒪᒍᓐᓇᖅᑐᑦ ᐊᒡᒐᒻᒧᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ, ᐊᔪᕐᓇᖏᑉᐸᑦ, ᐃᓕᓴᐃᔨ ᑐᖅᑲᑕᕐᕕᐅᓯᒍᓐᓇᕐᒥᔪᖅ ᓄᐊᑦᑎᔨᐅᓗᓂ ᑐᓂᔭᐅᕙᓪᓕᐊᔪᓂᑦ ᐅᕙᑦᑎᓄᓪᓗ ᑐᔫᑕᐅᖃᑦᑕᕐᓗᑎᒃ.
• ᐃᕐᖐᓈᖅᑕᐅᑎᒃᑯᑦ: rolemodel@pauktuutit.ca
• ᓱᒃᑲᔪᒃᑯᑦ: 1-613-238-1787
ᐱᖓᓲᔪᖅᑐᓄᑦ ᑎᑭᐅᒪᔪᑦ ᑭᒃᑯᑐᐃᓐᓇᐃᑦ ᓂᕈᐊᖅᑕᐅᓛᕐᖓᑕ (ᐊᕕᑦᑐᕐᓯᕕᑦᑎᒍᑦ ᐊᒻᒪᓗ ᑭᖑᓂᐊᒍᑦ ᑲᓇᑕᒥ ᑲᑎᒪᔨᕋᓛᖅᑎᒍᑦ) ᐊᐱᕐᓱᖅᑕᐅᒐᔭᖅᑐᑎᒃ ᓄᓇᖏᓐᓂ ᐊᒻᒪᓗ ᑕᑯᓐᓇᕋᔅᓴᓕᐊᖑᓗᑎᒃ ᐊᒻᒪᓗ ᐊᔾᔨᓕᐊᖑᓗᑎᒃ ᑕᑯᔭᔅᓴᕈᖅᑎᑕᐅᓗᑎᒃ ᐊᔾᔨᖏᑦ ᓴᖅᑭᖅᑕᐅᒐᔭᖅᑐᑦ ᖃᕋᓴᐅᔭᒃᑯᑦ.
ᐊᐱᖅᑯᑎᔅᓴᖃᕈᔅᓯ ᐊᑏ ᐃᓱᒪᕐᓱᑎᐊᕐᓗᓯ ᐅᖄᓚᖃᑦᑕᓂᐊᖅᑯᓯ ᐸᐅᒃᑑᑎᒃᑯᓐᓄᑦ ᐃᓄᐃᑦ ᐊᕐᓇᐃᑦ ᑲᓇᑕᒥ ᐅᕗᖓ:
1-613-238-3977 ᐅᐃᒍᖓ 251, 244 ᐅᕝᕙᓘᓐᓃᑦ 234.
ᖁᔭᓐᓇᒦᒃ ᐃᑲᔪᙳᐊᑕᕐᓯᓐᓇᕈᓐᓇᕋᔅᓯ ᐃᑲᔪᖅᑎᒌᒍᓐᓇᕋᔅᓯᓗ.
