ᐊᒡᓚᕝᕕᖕᒦᑦᑐᓄᑦ/ᓯᓚᑖᓃᑦᑐᓄᓪᓗ ᒪᑐᐃᖓᔪᖅ
ᐃᖅᑲᓇᐃᔮᒃᓴᖅ: ᐊᑐᓕᖅᑎᑕᐅᕙᓪᓕᐊᓂᕐᒧᑦ ᖃᐅᔨᒪᔨ
ᐊᓪᓚᕝᕕᖓ:: ᐃᒪᕐᒥᐅᑕᓕᕆᔨᒃᑯᑦ ᐆᒪᔪᓕᕆᔨᒃᑯᓪᓗ
ᐃᖅᑲᓇᐃᔮᒧᑦ ᐋᖅᑭᑦᓯᒪᓂᖓ: ᐃᖅᑲᓇᐃᔮᕆᓂᐊᓕᕐᓗᒍ ᐃᓂᖓ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ ᐅᑯᓄᖓ: ᓯᕗᓪᓕᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᒧᑦ ᐊᖏᖃᑎᒌᒍᑎᒥ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᕿᓂᖅᑐᑦ ᐊᔪᖏᑦᑎᐊᖅᑐᒥᒃ ᐊᒻᒪᓗ ᐱᓕᕆᔪᓐᓇᑦᑎᐊᖅᑐᒥᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᖃᐅᔨᒪᔨᒻᒪᕆᒋᓂᐊᖅᑕᖓᓂᒃ ᐃᑲᔪᖅᓯᒪᓂᐊᕐᓗᓂ ᐊᑐᓕᖅᑕᐅᑎᑕᐅᓂᖏᓐᓂᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᖏᓐᓄᓪᓗ ᐊᖏᕈᑎᑦ ᓴᐳᒻᒥᔾᔪᑎᓄᑦ ᓄᓇᓂᒃ ᑕᒪᐃᓐᓂ ᕿᑭᖅᑕᓂ. ᑖᓐᓇ ᐃᖅᑲᓇᐃᔮᒃᓴᖅ ᐊᑑᑎᖃᖅᑐᒥᒃ ᐱᕚᓪᓕᕐᑎᑦᑎᓗᓂ ᐃᓄᖕᓂᒃ ᐃᓚᐅᑎᑦᑎᓂᕐᒧᑦ, ᓯᕗᓕᐅᖅᑎᓂᒃ, ᐊᒻᒪᓗ ᐃᑲᔫᑎᒃᓴᓂᒃ ᓄᓇᒧᑦ ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᐊᒻᒪᓗ ᓴᐳᒻᒥᓐᓂᕐᒧᑦ ᓄᓇᓂᒃ. ᑖᓐᓇ ᐃᖅᑲᓇᐃᔭᖅᑖᖅᑐᖅ ᓴᓇᖃᑎᖃᕐᓂᐊᖅᑐᖅ ᐃᑲᔪᖅᑎᒋᓗᒋᑦ ᓄᓇᓖᑦ, ᐊᐅᓚᑦᓯᔨᑦ ᑲᑎᒪᔨᖏᑦ, ᐊᒻᒪᓗ ᒐᕙᒪᒃᑯᑦ ᐱᓕᕆᖃᑕᐅᔪᑦ ᐊᖏᖅᓯᒪᓂᖅᑎᒃ ᐱᓕᕆᐊᖑᓗᑎᒃ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᓯᕗᓪᓕᐅᑎᒋᐊᓕᑦ ᐃᓱᒪᓕᐊᕈᑕᐅᔭᐱᐊᓕᓐᓂᒃ ᑐᑭᑖᕈᑎᒋᓗᒋᑦ.
ᐅᓂᒃᑳᖃᑦᑕᕐᓗᓂ ᐊᑐᓕᖅᑕᐅᑎᑦᑎᓂᕐᒧᑦ ᐊᐅᓚᑦᓯᔨᖓᓄᑦ, ᐊᑐᓕᖅᑎᑕᐅᕙᓪᓕᐊᓂᕐᒧᑦ ᖃᐅᔨᒪᔨ ᐃᑲᔪᕐᓂᐊᖅᑐᖅ ᑲᒪᓗᓂ, ᐊᑐᓕᖅᑕᐅᑎᑦᑎᓗᓂ, ᐊᒻᒪᓗ ᒥᐊᓂᕆᓗᓂ ᐊᖏᕈᑎᓂᒃ ᐱᓯᒪᔪᑦ ᓴᐳᒻᒥᔭᐅᔪᓂᒃ ᓄᓇᓂᒃ ᐃᓚᒋᔭᐅᔪᑦ ᑲᓇᑕᒥ ᒥᕐᖑᐃᖅᓯᕐᕕᑦ, ᓂᕐᔪᑎᖃᕐᕕᑦ, ᐊᒻᒪᓗ ᐊᓯᖏᑦ ᓴᐳᓐᓂᐊᖅᑕᐅᔪᑦ ᐃᓂᒋᔭᐅᔪᑦ. ᐅᓇ ᐃᓂ ᐃᓚᖃᖅᑐᖅ ᓴᓇᖃᑎᒋᓪᓗᒋᑦ ᖃᓂᒋᓪᓗᒋᑦ ᓄᓇᓖᑦ, ᐃᓄᐃᑦ ᐊᐅᓚᑦᓯᔨᖏᑦ, ᐊᒻᒪᓗ ᒐᕙᒪᒃᑯᑦ ᐊᐅᓚᑦᓯᕕᖏᑦ ᐃᑲᔪᕐᓗᒋᑦ ᐊᐅᓚᑦᑎᖃᑎᒌᒍᑎᖏᑦᑕ ᐱᕙᓪᓕᐊᓂᖏᑦ, ᑲᒪᒋᓗᒋᑦ ᑐᑭᓯᓇᓱᖃᑎᒌᒍᑕᐅᔪᑦ, ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᑐᓴᐅᒪᖃᑎᒌᒃᑎᑦᑎᓂᖅ ᐊᕙᑖᓂᑦ ᑎᒍᒥᐊᖅᑎᑦ. ᐊᑐᓕᖅᑎᑕᐅᕙᓪᓕᐊᓂᕐᒧᑦ ᖃᐅᔨᒪᔨ ᐃᑲᔪᕐᓂᐊᖅᑐᖅ ᑐᓂᓯᓯᒪᓗᓂ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᖏᓐᓄᓪᓗ ᐊᖏᕈᑎᑦ ᓴᐳᒻᒥᔭᐅᔪᓄᑦ ᓴᓇᖃᑎᒋᓗᒋᑦ ᐊᐅᓚᑦᑎᖃᑎᒌᑦ ᑲᑎᒪᔨᕋᓛᑦ, ᓄᓇᓖᑦ, ᐊᒻᒪᓗ ᐱᓕᕆᖃᑕᐅᔪᑦ. ᑖᓐᓇ ᐃᖅᑲᓇᐃᔮᒃᓴᖅ ᐋᕿᒃᓱᐃᕙᓪᓗᓂ ᑲᑎᒪᕕᒃᓴᓂᒃ ᐊᒻᒪᓗ ᓄᓇᓕᖕᓂ ᑐᑭᓯᓇᓱᖃᑎᒌᖕᓂᖅ, ᐃᑲᔪᖅᑐᖅ ᑐᓴᐅᒪᔾᔪᑎᓕᕆᓂᕐᒧᑦ ᐊᕙᑖᓂᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᑎᒍᒥᐊᖅᑎᑦ, ᐊᒻᒪᓗ ᐃᑲᔪᖅᑐᖅ ᒥᐊᓂᕆᓪᓗᒋᑦ ᐱᕙᓪᓕᐊᔭᐅᔪᑦ ᐊᒻᒪᓗ ᐅᓂᒃᑳᓕᐅᖃᑦᑕᕐᓗᑎᒃ ᖃᓄᐃᓕᐅᖅᑎᑦᑎᔪᓂᒃ. ᐅᓇ ᖃᐅᔨᒪᔨ ᐅᖃᐅᔾᔨᖃᑦᑕᕐᓂᐊᖅᑐᖅ ᒪᓕᒃᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᓄᓇᓖᑦ ᖃᐅᔨᒪᔭᖏᑦ, ᐃᑲᔪᓲᖅ ᐱᔭᕆᐅᖅᓴᑎᑦᑎᔪᓂ ᐊᒻᒪᓗ ᐃᓕᓐᓂᐊᖅᑐᓂ ᑲᑎᒪᔪᓂ, ᐃᑲᔪᓲᖅ ᐱᓕᕆᑎᑦᑎᔾᔪᑕᐅᔪᑦ ᐊᐅᓚᑕᐅᔪᓄᑦ ᐊᒻᒪᓗ ᑮᓇᐅᔭᖅᑑᑎᒃᓴᐃᑦ, ᐊᒻᒪᓗ ᐃᑲᔫᑎᓲᖅ ᐅᓂᒃᑳᓕᐊᕆᓪᓗᒋᑦ ᐊᒻᒪᓗ ᐸᕐᓇᐃᓪᓗᑎᒃ ᐃᖏᕐᕋᓯᑎᑕᐅᓯᒪᔪᓂᒃ.
ᕿᓂᖅᑐᒍᑦ ᐅᑯᓂᖓ ᐱᔪᓐᓇᕐᓂᖃᖅᑐᓂᒃ:
- ᐸᐃᑉᕌᖁᑎᖃᖅᑐᒥᒃ ᐊᕙᑎᓕᕆᓂᕐᒧᑦ ᖃᐅᔨᓴᖃᑦᑕᖅᓯᒪᓂᕐᒥᒃ ᐃᓕᓐᓂᐊᖅᓯᒪᓂᒃᑯᑦ ᐅᕝᕙᓘᓐᓃᑦ ᑕᒪᒃᑯᓂᖓ ᐱᓕᕆᔪᓂᒃ (ᐅᕝᕙᓘᓐᓃᑦ ᓇᓕᒧᑕᖓᓂᒃ ᑲᑎᖓᔪᑦ ᐃᓕᓐᓂᐊᖅᓯᒪᔭᑎᑦ ᐊᒻᒪᓗ ᐊᑐᖅᓯᒪᔭᑎᑦ)
- ᐊᑦᑎᓛᖅ ᒪᕐᕉᒃ (2) ᐊᕐᕌᒍᑦ ᐱᓕᕆᓯᒪᔭᑎᑦ ᐱᓕᕆᑎᑦᑎᔾᔪᑕᐅᔪᓂᒃ ᐊᐅᓚᑦᑎᓪᓗᑎᑦ
- ᐱᓕᕆᓯᒪᔪᑎᑦ ᓄᓇᓕᖕᓂ ᑲᑎᒪᔪᓂ, ᐅᓂᒃᑳᓕᐅᖃᑦᑕᖅᓗᓂ, ᐊᒻᒪᓗ ᐱᓕᕆᑎᑦᑎᔾᔪᑕᐅᔪᓂᒃ ᑲᒪᓗᑎᑦ
- ᐊᔪᖏᑦᑎᐊᕐᓗᓂ ᖃᕆᓴᐅᔭᓕᕆᔭᕆᐊᒃᓴᖅ (ᑎᑎᕋᓕᕆᔾᔪᑎᖏᑦ, ᓈᓴᐅᓯᕆᔾᔪᑎᑦ, ᐊᒻᒪᓗ ᑲᑎᒪᔪᓂ ᓴᖅᑭᔮᖅᑐᒃᓴᓂᒃ ᑎᑎᖃᓂᒃ)
- ᐅᖃᓪᓚᒍᓐᓇᕐᓗᑎᑦ, ᐅᖃᓕᒫᕈᓐᓇᕐᓗᑎᑦ, ᑎᑎᕋᕈᓐᓇᕐᓗᑎᑦ ᐃᓄᒃᑎᑐᑦ ᑕᐃᒪᓐᓇᐅᔭᕆᐊᖃᖅᑐᖅ.
ᐱᓕᕆᐊᖑᔪᒧᑦ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᖃᕈᕕᑦ ᐃᑲᔫᑎᔪᖅ. ᖃᐅᔨᓴᖅᑕᐅᓂᐊᖅᑐᑎᑦ ᐱᔭᕋᒃᓯᒪᖕᒪᖔᖅᐱᑦ ᐊᒻᒪᓗ ᐊᑦᑕᕐᓇᖅᑐᒦᑎᑦᑎᓂᐊᓐᖏᒻᒪᖔᖅᐱᑦ ᑕᐃᒪᓐᓇᐅᔭᕆᐊᖃᖅᑐᑦ. ᐃᒡᓗᒃᓴᖃᓐᖏᑦᑐᖅ.
ᖃᓂᒋᔮᓂ ᑮᓇᐅᔭᒃᓴᖏᑦ ᐃᖅᑲᓇᐃᔮᒃᓴᒧᑦ $103,628 ᑎᑭᓪᓗᒍ $124,313 ᐊᕌᒍᒧᑦ, ᐃᓚᖃᖅᑐᖅ ᓄᓇᕗᒻᒥ ᐅᑭᐅᖅᑕᖅᑐᒥ ᐱᓇᓱᐊᖅᑐᓄᑦ ᐃᑲᔫᓯᐊᖅ $27,600 ᐊᕌᒍᒥ. ᐊᕐᕌᒍᒥ ᕿᖃᕈᓐᓇᐅᑎᑦ ᑐᓂᔭᐅᖃᑦᑕᕐᒥᔪᖅ. ᐃᒡᓗᒃᓴᖃᓐᖏᑦᑐᖅ.
ᐱᓇᔪᒍᑎᑦ ᑐᓂᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᖃᕆᓴᐅᔭᒃᑯᑦ, ᐅᕝᕙᓘᓐᓃᑦ ᑎᑎᖃᒃᑯᕕᒃᑯᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖃᓘᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓱᒃᑲᔪᒃᑯᑦ: (867) 979-3238
200-922 ᓯᕗᒻᒧᒋᐊᖅ ᐊᑐᕆᐊᖅ ᖃᕆᓴᐅᔭᒃᑯᑦ: Resumes@qia.ca
ᐃᖃᓗᐃᑦ, ᓄᓇᕗᑦ X0A 3H0
ᒪᑐᕕᒃᓴᖓ ᐅᓪᓗᖅ: ᒪᑐᐃᖓᓂᐊᖅᑐᖅ ᑭᓯᐊᓂ ᐃᓐᓄᒃᑯᓂ