ᐃᖅᑲᓇᐃᔭᖅᑎᓴᕐᓯᐅᖅᑐᒍᑦ
ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨᐅᓂᕐᒧᑦ
ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ, ᐃᖃᓗᓐᓂ ᓄᓇᕗᒻᒥ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᓇᐃᔭᖅᑎᓴᕐᓯᐅᖅᑐᑦ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨᐅᓂᕐᒧᑦ ᐃᖅᑲᓇᐃᔭᖅᑎᐅᒐᔭᖅᑐᒥᒃ. ᑕᕝᕙᓂ ᐃᖅᑲᓇᐃᔮᕐᒥ ᖃᐅᔨᒪᒋᐊᑦᑎᐊᖃᑦᑕᕋᔭᖅᑐᖅ ᕿᑭᖅᑕᓂᒃᑯᑦ ᑲᑎᒪᔨᖏᑕ ᓯᕗᓕᖅᑏᓪᓗ ᑲᑎᒪᔩᑦ ᑲᑎᒪᓂᖏᑦ ᐃᖏᕐᕋᑦᑎᐊᖃᑦᑕᕋᓗᐊᕐᒪᖔᑕ ᐊᒻᒪᓗ ᒪᓕᖃᑦᑕᕋᓗᐊᕐᒪᖔᑕ ᕿᑭᖅᑕᓂᒃᑯᑦ ᒪᓕᒐᕋᓛᖏᓐᓂᑦ, ᐊᑐᐊᒐᖏᓐᓂᑦ, ᐊᒻᒪᓗ ᓈᒻᒪᑦᑐᓂᑦ ᐊᐅᓚᑦᑎᓂᕐᒧᑦ ᐱᐅᓯᖃᖃᑦᑕᕋᓗᐊᕐᒪᖔᑕ.
ᑐᑭᒧᐊᑦᑎᑦᑎᔨᖃᕐᓗᓂ ᐊᖏᔪᖅᑳᕐᒥᒃ ᐊᐅᓚᑦᑎᔾᔪᑎᓄᑦ, ᐊᖏᔪᖅᑲᐅᑏᑦ ᐊᓪᓚᕝᕕᐊᓂ, ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨ ᑲᒪᒋᔭᖃᖃᑦᑕᕋᔭᖅᑐᖅ ᑲᙳᓇᖅᑐᓂᑦ ᑎᑎᖅᑲᓂᑦ, ᐋᖅᑭᔅᓱᐃᖃᑦᑕᕋᔭᖅᑐᖅ ᑲᑎᒪᓂᐅᓂᐊᖅᑐᓂᑦ ᐊᒻᒪᓗ ᐋᖅᑭᓯᒪᓂᐅᔭᕆᐊᓕᓐᓂᑦ, ᐅᐸᓗᖓᐃᔭᐃᖃᑦᑕᕋᔭᖅᑐᖅ ᑲᑎᒪᔾᔪᑎᔅᓴᓂᑦ, ᑲᑎᒪᔾᔪᑎᓂᑦ ᑎᑎᕋᖃᑦᑕᕐᓗᓂ, ᑲᒪᒋᔭᖃᖃᑦᑕᕋᔭᖅᑐᖅ ᑎᒥᐅᑉ ᑎᑎᖅᑲᖁᑎᖏᓐᓂᒃ, ᐊᒻᒪᓗ ᐃᑲᔪᖃᑦᑕᕋᔭᖅᑐᖅ ᓂᑲᒋᖃᑦᑕᐅᑎᓗᑎᒃ ᑐᓴᐅᒪᖃᑦᑕᐅᑎᓂᕆᕙᑦᑕᖏᓐᓂᒃ ᑎᒥᐅᔪᒥ ᓇᒥᓕᒫᖅ. ᑕᕝᕙᓂ ᐃᖅᑲᓇᐃᔮᕐᒥ ᐃᖅᑲᓇᐃᔭᖃᑎᖃᓪᓚᑦᑖᖃᑦᑕᕋᔭᖅᑐᖅ ᐊᖏᔪᖅᑲᐅᑎᓂᑦ ᐊᒻᒪᓗ ᐃᑲᔪᖃᑦᑕᕐᓗᓂ ᐃᓄᓐᓄᑦ ᐊᐅᓚᑦᑎᔾᔪᑎᓅᖓᔪᓂᑦ.
ᑕᕝᕙᓂ ᐃᖅᑲᓇᐃᔮᕐᒥ ᐋᖅᑭᐅᒪᑎᑦᑎᖃᑦᑕᕋᔭᖅᑐᖅ ᑎᑎᖅᑲᓂᑦ ᐊᒻᒪᓗ ᖃᕋᓴᐅᔭᒃᑯᑦ ᑎᑎᖅᑲᓂᑦ, ᐃᑲᔪᖃᑦᑕᕋᔭᖅᑐᖅ ᑐᑭᒧᐊᒍᑎᔅᓴᓂᑦ ᐸᕐᓇᐃᓂᕐᒥᒃ ᐊᒻᒪᓗ ᐊᑐᓕᖁᔨᔾᔪᑎᓕᐅᖃᑦᑕᕐᓗᓂ ᐋᖅᑭᒋᐊᕈᑕᐅᓂᐊᖅᑐᓂᑦ ᐊᑑᑎᓕᓐᓂᑦ ᐊᒻᒪᓗ ᐃᖅᑲᓇᐃᔮᖑᕙᑦᑐᓂᑦ, ᑕᐃᒫᒃ ᖃᐅᔨᒪᑦᑎᐊᖃᑦᑕᓂᐊᕐᖓᑕ ᐊᑯᓂ−ᐊᑐᖅᑐᒥᒃ ᐱᔪᓐᓇᕐᓂᖃᕐᓂᖏᓐᓂᒃ ᒪᑭᑕᑦᑎᐊᕐᓂᖏᓐᓂᓪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᐅᓚᑦᑎᔾᔪᑎᒋᕙᑦᑕᖏᑦ. ᐃᖅᑲᓇᐃᔮᖃᕈᓐᓇᑎᐊᕐᓂᐊᕐᖓᑦ ᐃᖅᑲᓇᐃᔮᓕᒃ ᑕᕝᕙᓂ, ᐃᖅᑲᓇᐃᔮᖅᑖᖅᑐᖅ ᐃᖅᑲᓇᐃᔭᕈᓐᓇᕆᐊᓕᒃ ᐊᔅᓱᕈᕐᓇᖅᑐᒥ, ᓈᒻᒪᓈᕐᓯᒪᑎᑦᑎᖃᑦᑕᕐᓗᓂ ᐱᔭᕇᕐᓯᒪᕕᒋᒋᐊᓕᖏᓐᓂᒃ ᐊᒻᒪᓗ ᐋᖅᑭᔅᓱᐃᔪᓐᓇᑎᐊᕐᓗᓂ. ᐃᖅᑲᓇᐃᔮᖃᖃᑦᑕᓕᓂᐅᔭᕆᐊᓕᒃ ᐱᔨᑦᑎᕋᕐᐸᑦᑕᖏᓐᓄᑦ ᐃᑲᔪᖅᑎᐅᓂᕐᒥᒃ ᐊᒻᒪᓗ ᑲᒪᒋᔭᖃᖃᑦᑕᓂᕐᒥᒃ ᑲᙳᓇᖅᑐᓂᑦ ᑐᓴᐅᒪᖃᑦᑕᐅᑎᔾᔪᑎᐅᕙᑦᑐᓂᑦ ᓴᐃᒪᓗᓂ ᐋᔩᖃᑎᖃᕈᓐᓇᕐᓗᓂ ᐃᑉᐱᓇᖅᑐᖃᓗᐊᖅᑎᓪᓗᒍ ᑕᕝᕙᓂ ᐃᖅᑲᓇᐃᔮᕐᒥ.
ᐃᖅᑲᓇᐃᔮᖅᑖᕋᓱᑦᑐᑦ ᒪᕐᕉᓐᓂᒃ (2) ᐊᕐᕌᒎᓐᓂᒃ ᐊᐅᓚᑦᑎᔾᔪᑎᓂᑦ ᐃᖅᑲᓇᐃᔮᖃᖃᑦᑕᕐᓯᒪᔭᕆᐊᓕᒃ ᒪᑯᓂᖓ ᐅᐸᓗᖓᐃᔭᐃᖃᑦᑕᓂᕐᒥᒃ ᑲᑎᒪᓂᕐᒥ ᐊᑐᖅᑕᐅᔪᔅᓴᓂᑦ, ᑲᒪᒋᔭᖃᕐᓂᕐᒥᒃ ᐋᖅᑭᓯᒪᓂᕆᓂᐊᖅᑕᖏᓐᓂᒃ, ᑲᒪᒋᔭᖃᖃᑦᑕᓂᕐᒥᒃ ᓱᓇᒃᑯᑖᓂᑦ ᐋᖅᑭᓯᒪᓂᐅᔭᕆᐊᓕᓐᓂᑦ, ᐱᔭᕇᕐᓯᖃᑦᑕᓂᕐᒥᒃ ᐅᓂᒃᑳᓂᑦ ᐊᒻᒪᓗ ᑲᑎᒪᔾᔪᑎᓂᑦ ᑎᑎᕋᖃᑦᑕᓂᕐᒥᒃ. ᐃᖅᑲᓇᐃᔮᖃᖃᑦᑕᕐᓯᒪᑉᐸᑦ ᖃᕋᓴᐅᔭᒃᑯᑦ ᑲᑎᒪᓂᕐᒥ ᐊᐅᓚᑦᑎᔾᔪᑕᐅᓲᓂᑦ ᐊᒻᒪᓗ ᑎᑎᖅᑲᓄᑦ ᑐᖅᑲᑕᕐᕕᐅᕙᑦᑐᒥ ᐊᑑᑎᖃᑦᑎᐊᕋᔭᕐᒥᔪᖅ. ᐱᓕᕆᐊᕐᒥ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᖃᖅᑲᑦ ᐱᐅᒐᔭᖅᑐᖅ. ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ:
- ᖃᐅᔨᒪᓂᖏᓐᓂᒃ ᑲᑎᒪᔩᑦ ᐊᐅᓚᑦᑎᔾᔪᓯᖏᓐᓂᒃ, ᒪᓕᒐᕋᓛᖏᓐᓂᒃ, ᐊᒻᒪᓗ ᓈᒻᒪᑦᑐᓂᑦ ᐊᐅᓚᑦᑎᓂᕐᒧᑦ ᐱᐅᓯᕆᔭᐅᓲᓂᑦ
- ᑲᒪᒋᔭᖃᕈᓐᓇᕐᓂᖏᓐᓂᒃ ᑲᙳᓇᖅᑐᓂᑦ ᐃᖅᑲᓇᐃᔭᖅᑎᓪᓚᕆᑦᑎᑐᑦ ᐱᐅᓯᖃᕐᓗᓂ ᐊᒻᒪᓗ ᐃᑉᐱᒍᓱᑦᑎᐊᕐᓂᖓᓂᒃ
- ᖃᕋᓴᐅᔭᓕᕆᔪᓐᓇᑦᑎᐊᕐᓂᖓᓂᒃ (ᑎᑎᖅᑭᕆᔾᔪᑕᐅᓲᓂᑦ Microsoft Office ᐊᒻᒪᓗ ᖃᕋᓴᐅᔭᒃᑯᑦ ᑲᑎᒪᓂᕐᒥ ᐊᑐᖅᑕᐅᓲᓂᑦ)
- ᑐᓴᐅᒪᖃᑦᑕᐅᑎᖃᑎᖃᕈᓐᓇᑎᐊᕐᓂᖓᓂᒃ, ᐃᓄᒃᑎᑑᕈᓐᓇᑎᐊᕐᓗᓂ ᐊᑑᑎᖃᓪᓚᕆᒃᑲᔭᖅᑐᖅ
ᑕᐃᒫᒃ ᐱᐅᓯᖃᕋᔪᒻᒪᑕ, ᐃᓕᓐᓂᐊᓂᕐᒧᑦ ᐱᔭᕇᕐᓯᓯᒪᓂᖓᓂᒃ ᓇᓗᓇᐃᒃᑯᑕᖃᕆᐊᓕᒃ ᐃᓄᓕᒫᓄᑦ ᐊᐅᓚᑦᑎᔾᔪᑎᓕᕆᓂᕐᒥᒃ ᐅᕝᕙᓘᓐᓃᑦ ᓄᓇᖃᖅᑳᖅᑐᓂᑦ ᐊᐅᓚᑦᑎᓂᕐᒨᖓᔪᓂᑦ. ᑕᒪᒃᑮᓐᓂᒃ ᐃᖅᑲᓇᐃᔮᖃᕐᓯᒪᑉᐸᑦ ᐃᓕᓐᓂᐊᕐᓯᒪᑉᐸᓪᓗ ᐃᓱᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᓂᖓᓂᒃ ᑖᒃᑯᓂᖓ. ᐱᕋᔭᓚᐅᕐᓯᒪᓂᑰᒻᒪᖔᖅ ᖃᐅᔨᓴᖅᑕᐅᔭᕆᐊᖃᕋᔭᖅᑐᖅ.
ᑮᓇᐅᔾᔭᔅᓵᕆᖃᑦᑕᕋᔭᖅᑕᖏᑦ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓲᓂᓖᑦ $114,995 – $137,932. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
Human Resources ᐃᕐᖐᕐᓈᑦᑕᐅᑎᒃᑯᑦ: Resumes@qia.ca
Qikiqtani Inuit Association ᐅᖄᓚᐅᑎᒃᑯᑦ: (867) 975-8400
200-922 Sivumigiaq Street ᓱᑲᔪᒃᑯᑦ: (867) 979-3238
Igluvut building, 2nd floor ᑕᑯᓂᐊᕐᓗᒍ: Tuttarvik.qia.ca
Iqaluit, NU X0A 3H0
ᒪᑐᕕᔅᓴᖓᑕ ᐅᓪᓗᖓ: ᒪᐃ 22, 2026