ᐃᖅᑲᓇᐃᔮᖅ: ᒪᓕᒐᓕᕆᔨ. ᓇᒥ: ᐃᖃᓗᐃᑦ, ᓄᓇᕗᑦ

ᐃᖅᑲᓇᐃᔮᖅ: ᒪᓕᒐᓕᕆᔨ. ᓇᒥ: ᐃᖃᓗᐃᑦ, ᓄᓇᕗᑦ

 In jobs-inuk

ᐊᓪᓚᕝᕕᖕᒦᑦᑐᓄᑦ ᓯᓚᑖᓂᓗ ᐃᖅᑲᓇᐃᔮᒃᓴᖅ

ᐃᖅᑲᓇᐃᔮᖅ: ᒪᓕᒐᓕᕆᔨ

ᐋᖅᑭᒃᓯᒪᓂᖓ: ᖃᐅᑕᒫᖅᓯᐅᑦ

ᓇᒥ: ᐃᖃᓗᐃᑦ, ᓄᓇᕗᑦ

ᒪᑐᐃᖓᔪᖅ: ᐃᓄᖕᓄᑦ ᓄᓇᕗᒥᐅᑦ ᐱᓇᓱᒃᑐᑦ ᓯᕗᓪᓕᐅᔾᔭᐅᓂᐊᖅᑐᑦ

 

ᒪᓕᒐᓕᕆᔨ ᐊᖓᔪᖅᑳᖃᕐᓂᐊᖅᑐᖅ ᓯᕗᓕᖅᑎᒧᑦ ᐃᖅᑲᓇᐃᔭᖅᑎᓄᑦ ᒪᓕᒐᓕᕆᓂᕐᒨᖓᔪᓂᒃ ᐅᖃᐅᔾᔪᕆᐊᖅᑎᐅᕙᓪᓗᓂ ᕿᑭᖅᑕᓃᒃᑯᑦ ᐊᐅᓚᑦᑎᔨᖏᓐᓄᑦ ᐊᒻᒪᓗ ᐊᐅᓚᑦᑎᔾᔪᑎᖏᓐᓂᓗ.  ᒪᓕᒐᓕᕆᔨ ᖃᓂᑦᑐᒃᑯᑦ ᐃᖅᑲᓇᐃᔭᖃᑎᖃᖃᑦᑕᕐᓂᐊᖅᑐᖅ ᐊᖓᔪᖅᑳᕐᒥᒃ, ᓯᕗᓕᖅᑎᒥᒃ ᐃᖅᑲᓇᐃᔭᖅᑎᓄᑦ ᐊᒻᒪᓗ ᕿᑭᖅᑕᓃᒃᑯᑦ ᐊᐅᓚᑦᑎᔨᖏᓐᓂᒃ ᕿᒥᕐᕈᖃᑦᑕᕐᓂᐊᖅᖢᑎᒃ ᒪᓕᒐᑎᒎᖅᑐᓂᒃ ᐊᒻᒪᓗ ᐊᑐᐊᒐᐃᑦ ᒥᒃᓵᓄᑦ.  ᐊᓪᓚᕝᕕᖕᒥᐅᑕᐅᓂᐊᖅᑎᓪᓗᒍ ᑖᓐᓇ ᒪᓕᒐᓕᕆᔨ ᐅᒃᐱᕆᔭᐅᓪᓗᓂ ᐅᖃᐅᔾᔨᔨᐅᓂᐊᖅᑐᖅ ᕿᑭᖅᑕᓃᒃᑯᑦ ᓯᕗᓕᖅᑎᖏᓐᓄᑦ, ᐃᑲᔪᖃᑦᑕᕐᓗᓂ ᐊᐅᓚᑦᑎᔨᓂᒃ ᒪᓕᒐᑎᒍᑦ ᐅᓗᕆᐊᓇᖅᑐᖅᑕᖃᙱᒃᑲᓗᐊᕐᒃᒪᖔᑦ.  ᐃᒪᓕᐅᖃᑦᑕᕐᓗᓂ ᖃᐅᔨᒪᓂᖃᑦᑎᐊᕐᓗᓂ ᐅᔾᔨᖅᓱᑦᑎᐊᕐᓂᒃᑯᑦ, ᐅᖃᐅᔾᔪᖅᑕᐅᓂᖅ ᓯᓚᑖᓃᑦᑐᓂᒃ ᒪᓕᒐᓕᕆᔨᓂᒃ, ᒪᓕᒐᓕᕆᓂᕐᒧᑦ ᖃᐅᔨᓴᖃᑦᑕᕐᓂᖅ, ᐊᒻᒪᓗ ᑐᑭᓕᐅᕆᖃᑦᑕᕐᓂᕐᒥᒃ ᐊᒻᒪ ᕿᒥᕐᕈᖃᑦᑕᕐᓂᕐᒥᓗ ᓄᓇᕗᒥ ᐊᖏᕈᑎᖓᓂᒃ, ᒐᕙᒪᑐᖃᒃᑯᑦ ᐊᒻᒪ ᓄᓇᕘᑉ ᒐᕙᒪᒃᑯᖏᑕ ᐱᖁᔭᖏᓐᓂᒃ, ᒪᓕᒐᖏᓐᓂᒃ ᐅᕝᕙᓘᓐᓃᑦ ᐃᖅᑲᖅᑐᐃᕝᕕᒃᑰᕈᑕᐅᓯᒪᔪᕕᓂᕐᒥᓗ ᒪᓕᒐᑎᒎᕈᑕᐅᓯᒪᔪᓂᒃ.

ᒪᓕᒐᓕᕆᔨ ᕿᑭᖅᑕᓃᒃᑯᓐᓄᑦ ᒪᓕᒐᓕᕆᔭᐅᔪᖅ ᒪᓕᒐᑎᒎᖅᑐᓂᒃ ᑐᑭᓯᐅᒪᑎᑦᑎᔨᐅᓪᓗᑎᒃ ᐱᔾᔪᑎᒋᓪᓗᒋᑦ ᑎᒥᐅᔫᑉ ᐊᐅᓚᑦᑎᔾᔪᑎᒋᔭᖏᓐᓂᒃ, ᐱᓕᕆᐊᖏᓐᓂᒃ, ᐃᖅᑲᓇᐃᔮᕆᔭᖏᓐᓂᒃ, ᐃᖅᑲᓇᐃᔭᖅᑎᖏᓐᓂᒃ, ᐊᒻᒪ ᑲᓐᑐᕌᓂᒃ ᐊᒻᒪᓗ ᐊᑐᖅᑐᐊᕐᓂᕐᒧᑦ ᐊᐅᓚᑦᑎᓂᕐᒥᒃ.  ᑖᓐᓇ ᐃᖅᑲᓇᐃᔮᖅ ᐱᔪᓐᓇᕐᓂᖃᑦᑎᐊᕆᐊᖃᖅᐳᑦ ᑎᑎᕋᕈᓐᓇᕐᓗᓂ ᐊᒻᒪ ᕿᒥᕐᕈᐃᓗᓂ ᑲᓐᑐᕌᓂᒃ, ᐊᖏᕈᑎᓂᒃ, ᐱᖁᔨᕗᖔᕈᑎᓂᒃ, ᒪᓕᒐᑎᖒᖅᓯᒪᔪᓂᒃ ᑎᑎᖅᑲᕐᓂᑦ, ᐊᑐᐊᒐᕐᓂᑦ, ᐊᒻᒪᓗ ᑎᑎᖅᑲᓂᒃ, ᒪᓕᒐᑎᒎᖅᓯᒪᔪᓂᒃ ᐃᓱᒪᓕᐅᕈᑎᖃᕐᓂᕐᒥᒃ ᐊᒻᒪᓗ ᒪᓕᒐᓂᒃ ᖃᐅᔨᓴᖃᑦᑕᕐᓂᕐᒥᒃ.  ᒪᓕᒐᓕᕆᔨ ᐃᑲᔪᖃᑦᑕᕐᓂᐊᖅᑐᖅ ᐱᓕᕆᐊᒃᓴᓂᒃ ᐊᐅᓚᑕᐅᔪᓄᑦ ᒪᓕᒐᑎᒎᖅᓯᒪᔪᖤᒃ ᐱᔾᔪᑎᓕᖕᓂᑦ ᐊᒻᒪᓗ ᐃᖅᑲᓇᐃᔭᖃᑎᖃᕐᓗᓂ ᓯᓚᑖᓃᑦᑐᒥᒃ ᒪᓕᒐᓕᕆᔨᒥᒃ.

ᑖᓐᓇ ᒪᓕᒐᓕᕆᔨ ᐅᖃᐅᔾᔨᒋᐊᖅᑎᒋᔭᐅᖃᑦᑕᕐᓂᐊᕐᒥᔪᖅ ᐱᔾᔪᑎᓕᖕᓂᑦ ᓄᓇᕗᒥ ᐊᖏᕈᑎᖓᓂᒃ, ᕿᑭᖅᑕᓃᒃᑯᑦ ᒪᓕᒐᕋᓛᖏᓐᓂᒃ, ᐱᖁᔨᕗᖔᕈᑎᓂᒃ ᐊᑐᐊᒐᕐᓂᓘᓐᓃᑦ ᐱᓕᕆᐊᖑᒋᐊᖃᓕᕌᖓᑕ. ᒪᓕᒐᓕᕆᔨ ᕿᑭᖅᑕᓃᒃᑯᓐᓄᑦ ᑐᑦᑕᕐᕕᐅᓂᐊᖅᑐᖅ ᒪᓕᒐᑎᒎᖅᑐᓂᒃ ᐊᒻᒪᓗ ᐊᓯᖏᓐᓂᒃ ᒪᓕᒐᓕᕆᔪᓂᒃ ᑲᑐᔾᔨᖃᑎᖃᕐᓗᓂ ᐃᖅᑲᓇᐃᔭᖅᑎᓂᒃ ᖃᐅᔨᒪᓂᖃᖅᑐᓄᑦ ᑕᒪᒃᑯᓂᖓ ᐊᒻᒪᓗ ᑎᓕᐅᖅᑕᐅᓯᒪᔪᓂᒃ ᓯᕗᓕᖅᑎᒥᒃ ᐃᖅᑲᓇᐃᔭᖅᑎᓄᑦ.  ᒪᓕᒐᓕᕆᔨ ᓇᐅᑦᑎᖅᓱᕐᓂᐊᖅᑐᖅ ᐅᖃᐅᔾᔪᕆᐊᖅᐸᓪᓗᓂ ᒪᓕᒃᑕᐅᔭᕆᐊᓖᑦ ᒥᒃᓵᓄᑦ ᑕᐃᒪᐃᓐᓇᐃᒋᐊᖃᓕᕌᖓᒥᒃ.

ᐱᓇᓱᖕᓂᐊᖅᑐᑦ ᐃᖅᑲᓇᐃᔮᒃᓴᒧᑦ ᒪᓕᒐᓕᕆᓂᕐᒧᑦ ᓇᓗᓇᐃᒃᑯᑕᖃᕆᐊᓖᑦ ᐃᓕᓴᕆᔭᐅᓯᒪᔪᒥᑦ ᑲᓇᑕᒥ ᓯᓚᑦᑐᖅᓴᕐᕕᖕᒥᑦ ᐃᓚᐅᔾᔪᑎᓕᖕᓂᑦ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂᒃ ᓄᓇᕘᒥ ᐊᒻᒪᓗ/ᐅᕝᕙᓘᓐᓃᑦ ᐃᓚᒋᔭᐅᓗᓂ ᑲᓇᑕᐅᑉ ᐊᕕᒃᑐᖅᓯᒪᔪᖁᑎᖏᓐᓂᒃ ᓄᓇᕗᒥᓘᓐᓃᑦ ᐃᓚᐅᑎᑕᐅᓯᒪᔪᓂᒃ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᓄᓇᕘᒥ.

ᐱᓇᓱᒃᑐᖅ ᑎᓴᒪᓂᒃ ᐊᕐᕌᒍᓂ ᐊᔪᙱᓐᓂᖃᕐᓗᓂ ᒪᓕᒐᓕᕆᔨᐅᓂᕐᒥᒃ ᑎᒥᐅᔪᒥᒃ.  ᖃᐅᔨᒪᓂᖃᕐᓗᓂ ᓄᓇᕘᑉ ᐊᖏᕈᑎᖓᓂᒃ, ᓄᓇᖃᖅᑳᖅᑐᑐᖃᐃᑦ ᐊᖏᕈᑎᖏᓐᓂᒃ, ᒪᓕᒐᓂᒃ, ᒪᓕᒐᑎᒎᖅᓯᒪᔪᓂᒃ ᑎᓕᐅᕈᑎᐅᔪᓂᒃ, ᐊᒻᒪᓗ ᐊᔾᔨᒌᙱᑦᑐᓂᒃ ᐊᔪᙱᓐᓂᖃᕐᓗᓂ ᐅᖃᐅᔾᔨᒋᐊᖅᑎᐅᓂᕐᒥᒃ ᑐᑭᓯᓇᑦᑎᐊᖅᑐᓂᒃ, ᐃᓘᓐᓇᖏᓐᓂᓗ ᑎᑎᕋᖅᓯᒪᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᐅᖃᐅᔾᔪᕆᐊᕈᑎᒋᔭᐅᓯᒪᔪᓂᒃ ᑎᑎᖅᑲᓂᒃ.  ᐊᔪᙱᓐᓂᖃᕐᓗᓂ ᐃᖅᑲᓇᐃᔭᖃᑎᖃᕐᓂᕐᒥᒃ ᒐᕙᒪᑐᖃᒃᑯᓐᓂᑦ, ᓄᓇᕗᑦ ᐅᕝᕙᓘᓐᓃᑦ ᐊᓯᖏᓐᓂᑦ ᐅᑭᐅᖅᑕᖅᑐᒥᒃ ᒐᕙᒪᐅᔪᓂᒃ, ᐊᒻᒪᓗ ᓄᓇᓕᖕᓂ ᑎᒥᐅᔪᓂᒃ.  ᐱᕋᔭᒃᓯᒪᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᒋᐊᖃᕐᓂᐊᖅᑐᖅ ᐸᓖᓯᒃᑯᓐᓂᑦ.

ᑮᓇᐅᔭᓕᐊᖓ ᐱᒋᐊᕈᑎᖃᕐᓂᐊᖅᑐᖅ ᐃᖅᑲᓇᐃᔮᖅ $135,291ᓂ ᐊᕐᕌᒍᑕᒫᑦ ᖄᖓᒍᓪᓗ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᓯᐊᖅᑖᕐᓗᓂ $27,000ᑖᓚᓂ ᐊᕐᕌᒍᑕᒫᑦ.

ᕿᑲᕆᐊᕈᑎᒃᓴᖃᖅᑎᑦᑎᔪᑦ, ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᖃᖅᑎᑦᑎᔪᑦ ᐊᒻᒪᓗ NEBSᑯᓐᓂᑦ ᐃᓚᐅᒋᔭᐅᓂᕐᒧᑦ ᐊᕙᒃᑯᑕᐅᓂᐊᖅᑐᑦ.  ᐃᓪᓗᒃᓴᖃᖅᑎᑦᑎᙱᑦᑐᑦ.

ᐱᓇᓲᑎᑎᑦ ᓇᒃᓯᐅᔾᔨᓗᒍ ᓱᑲᑦᑐᒃᑯᑦ, ᐃᕐᖐᓐᓈᕈᑎᒃᑯᑦ, ᐋᓪᓗᒍᓘᓐᓃᑦ ᐊᓪᓚᕝᕕᖕᒧᑦ, ᐅᕝᕙᓘᓐᓃᑦ ᓇᒃᓯᐅᑎᓗᒍ ᑎᑎᖅᑲᒃᑯᕕᒃᑯᑦ ᐅᕗᖓ:

 

ᐃᖅᑲᓇᐃᔭᖅᑐᓕᕆᔨᒃᑯᑦ                              ᐅᖄᓚᐅᑖ (867) 975-8400

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ                     ᐅᖄᓚᐅᑖ: (867) 975-8400

922 ᓂᐊᖁᙴᓯᐊᕆᐊᖅ ᐊᖅᑯᑖᓂ, ᖄᖅᑎᖓᓂ 2ᒥ       ᓱᒃᑲᔪᒃᑰᕈᑖ: (867) 979-3238

ᐃᖃᓗᐃᑦ, ᓄᓇᕗᑦ X0A 0H0                         ᐃᕐᖐᓈᖅᑕᐅᑖ: Resumes@qia.ca

 

ᒪᑐᕝᕕᒃ: ᒪᑐᐃᖓᓂᐊᖅᑐᖅ ᐃᓐᓄᒃᑕᐅᓂᖓᓄᑦ                 

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ