ᐊᓪᓚᕝᕕᖕᒦᑦᑐᓄᑦ ᐃᖅᑲᓇᐃᔭᖅᑐᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ
ᐃᖅᑲᓇᐃᔮᖅ: ᐊᐅᓚᑦᑎᔨ, ᓄᓇᓕᖕᓂᑦ ᑐᓴᐅᒪᑎᑦᑎᔨᓂ
ᐋᖅᑭᒃᓱᖅᓯᒪᓂᖓ: ᖃᐅᑕᒫᖅᓯᐅᑎᐅᓂᖅ
ᓇᓂ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ ᐅᑯᓄᖓ: ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖓᓂᑦ
ᓱᖕᒪᑦ ᐃᖅᑲᓇᐃᔭᖃᑕᐅᒋᐊᖃᖅᐱᑦ ᕿᑭᖅᑕᓃᒃᑯᓐᓂ ᐱᒻᒪᕆᐅᔪᒥᒃ ᐱᓕᕆᐊᖃᕋᔭᖅᑐᑎᑦ ᐱᔨᑦᓯᕐᓗᒋᑦ ᐃᓄᐃᑦ, ᒪᑐᐃᖓᑎᑦᑎᓂᖅ ᑲᑐᔾᔨᖃᑎᒋᔭᐅᔪᓐᓇᖅᑐᓂᒃ ᐊᒻᒪᓗ ᐃᓚᐅᑎᑦᑎᓂᕐᒥᒃ ᓄᓇᓕᖕᓂ ᐱᓕᕆᐊᒃᓴᑦ ᑲᔪᓯᑎᑕᐅᔪᓐᓇᕐᓗᑎᒃ ᐊᓯᔾᔩᒍᓐᓇᖅᑐᓄᑦ ᐃᓄᖕᓂᒃ ᕿᑭᖅᑕᓂᒥᐅᓂᒃ..
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐱᓪᓗᕆᑦᑎᐊᖅᑐᓂᒃ ᐃᓄᖕᓂᒃ ᕿᓂᕐᒪᑕ ᐃᖅᑲᓇᐃᔭᕐᓂᐊᖅᑐᒥᒃ ᐊᐅᓚᑦᑎᔨᐅᓂᕐᒥᒃ ᓄᓇᓕᖕᓂ ᑐᓴᐅᒪᑎᑦᑎᔨᓂ. ᑖᓐᓇ ᐊᐅᓚᑦᑎᔨᐅᑉ ᐃᓂᖓ ᐱᒻᒪᕆᐊᓘᖕᒪᑦ ᐊᐅᓚᓂᕐᒧᑦ ᐊᒻᒪᓗ ᐊᐅᓚᑦᑎᔨᐅᓂᖓ ᐱᒻᒪᕆᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂ. ᑖᓐᓇ ᐊᐅᓚᑦᑎᔨ ᐊᐅᓚᑦᑎᔪᖅ ᐃᑲᔪᖅᑐᖅᖢᓂ 13ᓂᑦ ᓄᓇᓕᖕᓂᑦ ᑐᓴᐅᒪᑎᑦᑎᔨᓂᒃ ᕿᑭᖅᑕᓃ ᓄᓇᓕᖕᓂᑦ ᐊᒻᒪᓗ ᓇᓗᓇᐃᖅᓯᕙᓪᓗᓂ ᐱᓕᕆᐊᒃᓴᐃᑦ ᑐᓴᖅᑕᐅᔭᕆᐊᓖᓪᓗ ᒥᒃᓵᓄᑦ ᖃᐅᔨᒪᑎᑕᐅᓂᖏᓐᓂᑦ. ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᒥᒃ ᐊᓪᓚᕝᕕᓕᕆᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᓯᕗᓕᖅᑏᑦ ᐊᐅᓚᑦᑎᕕᐊᓂᑦ, ᑖᓐᓇ ᐊᐅᓚᑦᑎᔨ ᑐᖅᑲᖅᑕᕐᕕᓪᓗᐊᖑᓂᐊᖅᑐᖅ ᕿᑭᖅᑕᓃᒃᑯᑦ ᑐᓴᐅᒪᑎᑦᑎᔨᖏᓐᓂᑦ ᐊᒻᒪᓗ ᓄᓇᓕᖕᓂᑦ-ᑐᕌᖓᔪᓂᒃ ᑐᓴᖅᑎᑦᑎᔨᐅᓗᓂ, ᐱᓕᕆᐊᒃᓴᓄᑦ ᓴᖅᑭᑎᑦᑎᔨᐅᓗᓂ, ᐊᒻᒪᓗ ᐱᓕᕆᐊᕐᒥ ᐊᐅᓚᑦᑎᓗᓂ.
ᑖᓐᓇ ᐃᓂᒃᓴᖅ ᐱᒻᒪᕆᐅᖕᒪᑦ ᓇᓗᓇᐃᖅᓯᖃᑦᑕᕐᓂᐊᕐᒪᑦ ᕿᑭᖅᑕᓃᒃᑯᑦ ᐱᓕᕆᐊᖏᑦ ᐊᐅᓚᑕᐅᑦᑎᐊᕐᓂᖏᓐᓂᒃ ᐊᒻᒪᓗ ᓄᓇᓖᑦ ᑐᓴᐅᒪᑦᑎᐊᕐᓂᖏᓐᓂᒃ ᐊᒻᒪᓗ ᖃᐅᔨᒋᐊᕐᕕᐅᖃᑦᑕᕐᓂᖏᑦ. ᐱᓕᕆᐊᒃᓴᐃᑦ ᐱᖃᓯᐅᑎᓗᒋᑦ ᐱᓕᕆᑦᑎᐊᕋᓗᐊᕐᒪᖔᑖᒃ ᖃᐅᔨᓴᖃᑦᑕᕐᓂᖅ ᐊᒻᒪᓗ ᐊᐅᓚᑦᑎᔨᐅᓂᖅ ᓄᓇᓕᖕᓂᑦ ᑐᓴᐅᒪᑎᑦᑎᔨᓂᒃ 13ᓂᑦ ᓄᓇᓕᖕᓂᑦ , ᑐᓴᐅᒪᑎᑦᑎᖃᑦᑕᕐᓂᖅ ᓄᓇᖅᑲᑎᒋᔭᐅᔪᓂᒃ ᕿᑭᖅᑕᓃᒃᑯᑦ ᐱᓕᕆᐊᒃᓴᖏᑦᑕ ᐱᒋᐊᕈᑎᒋᔭᖏᑕ ᒥᒃᓵᓄᑦ, ᑲᑎᒪᓂᒃᓴᓂᒃ ᐋᖅᑭᒃᓱᐃᖃᑦᑕᕐᓂᖅ ᑎᑎᕋᖃᑦᑕᕐᓗᒋᑦ ᑲᑎᒪᔾᔪᑎᒃᓴᐅᓂᐊᖅᑐᑦ, ᑲᑎᒪᔾᔪᑎᕕᓂᕐᓂᒃ ᑎᑎᕋᖃᑦᑕᕐᓂᖅ ᐅᓂᒃᑳᓂᓗ ᓄᓇᓕᖕᓂᑦ ᑲᑎᒪᔨᕋᓛᑦ ᒥᒃᓵᓄᑦ ᑲᑎᒪᓂᕐᓂᓗ, ᐊᑕᐅᑦᓯᒃᑯᓪᓗ ᐊᑐᖅᑕᐅᖃᑦᑕᕐᓂᖏᑦ ᐃᓄᐃᑦ ᖃᐅᔨᒪᔭᑐᖃᖏᑕ ᑐᙵᕕᖏᑦ.
ᑭᓱᓂᒃ ᕿᓂᖅᐱᑕ:
• ᐃᖅᑲᓇᐃᔭᕆᐊᖏᓐᓇᖃᑦᑕᕐᓂᐊᖅᑐᒥᒃ, ᖃᐅᔨᒪᓂᖃᑦᑎᐊᖅᑐᒥᒃ ᐊᒻᒪᓗ ᐃᓱᒪᓕᐅᕆᔪᓐᓇᑦᑎᐊᕐᓗᓂ;
• ᓯᕗᓕᖅᑎᐅᑦᑎᐊᕈᓐᓇᕐᓂᖅ ᐊᒻᒪᓗ ᐃᓕᓐᓂᐊᖅᑎᑦᑎᔪᓐᓇᕐᓗᓂ, ᐊᔪᙱᓐᓂᖃᕐᓗᓂ ᐊᐅᓚᑦᑎᔪᓐᓇᕐᓗᓂ ᐃᖅᑲᓇᐃᔭᖃᑎᒌᓂᒃ;
• ᐱᔪᓐᓇᕐᓂᖃᕐᓗᓂ ᐱᐅᔪᒃᑯᑦ ᐃᖅᑲᓇᐃᔭᖃᑎᒌᑦᑎᐊᕈᓐᓇᕐᓂᕐᒥᒃ;
• ᐱᓕᕆᐊᒃᓴᖏᓐᓂᒃ ᐋᖅᑭᐅᒪᑎᑦᑎᔪᓐᓇᕐᓂᖅ ᐊᒻᒪᓗ ᐊᓪᓚᕝᕕᓕᕆᔪᓐᓇᕐᓂᖃᕐᓂᖅ;
• ᐅᖃᓕᒪᑦᑎᐊᕈᓐᓇᕐᓂᖅ ᐊᒻᒪᓗ ᑎᑎᕋᕈᓐᓇᑦᑎᐊᕐᓂᖅ;
• ᒪᕐᕉᖕᓂ ᐅᖃᐅᓯᖃᕐᓗᓂ ᐃᓄᒃᑎᑑᕈᓐᓇᑦᑎᐊᕐᓗᓂ ᖃᓪᓗᓇᐅᔭᕈᓐᓇᑦᑎᐊᕐᓗᓂᓗ;
• ᑎᑎᖅᑭᕆᔾᔪᑎᓕᕆᔪᓐᓇᕐᓂᖅ Microsoft Office suite.
ᓇᓗᓇᐃᒃᑯᑕᖅᑖᖅᓯᒪᓂᑰᒋᐊᓕᒃ ᐃᓄᐃᑦ ᒥᒃᓵᓄᑦ ᐃᓕᓐᓂᐊᕐᓂᕐᒥᒃ ᐅᕝᕙᓘᓐᓃᑦ ᐊᓪᓚᕝᕕᓕᕆᓂᕐᒥᒃ. ᑲᑎᓯᒪᔪᒥᒃ ᐃᓕᓐᓂᐊᖅᓯᒪᓂᖅ ᐊᔪᙱᓐᓂᖃᕐᓂᕐᒥᓗ ᓈᒻᒪᒋᔭᐅᑐᐃᓐᓇᕆᐊᖃᖅᑐᑦ. ᐸᓖᓯᒃᑯᓐᓂᑦ ᐱᕋᔭᒃᓯᒪᙱᒃᑲᓗᐊᕐᒪᖔᑦ ᖃᐅᔨᓴᖅᑕᐅᓂᖃᕆᐊᖃᖅᖢᓂ. ᐃᓪᓗᖃᖅᑎᑦᑎᙱᑦᑐᖅ ᐃᖅᑲᓇᐃᔮᒃᓴᖅ.
ᑮᓇᐅᔭᓕᐊᖓ ᐃᖅᑲᓇᐃᔮᑉ $81,221ᒥ ᐱᒋᐊᕈᑎᖃᖅᑐᖅ $ 119,124ᒧᑦ ᐊᕐᕌᒍᑕᒫᑦ, ᐊᒻᒪᓗ ᖄᖓᒍᑦ ᓄᓇᕗᒥ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᓯᐊᖅᑖᕐᓗᓂ $27,600ᓂ ᐊᕐᕌᒍᑕᒫᑦ. ᐊᕐᕌᒍᑕᒫᑦ ᕿᑲᕆᐊᕈᑎᑖᖅᐸᓪᓗᓂ. ᐃᒡᓗᖃᖅᑎᑦᑎᙱᑦᑐᖅ ᐃᖅᑲᓇᐃᔮᒃᓴᖅ
.
ᐱᓇᓱᐊᕈᑎᓯ ᑐᓂᔭᐅᔪᓐᓇᖅᑐᑦ ᓱᑲᑦᑐᒃᑯᑦ, ᐃᕐᖐᓐᓈᕈᑎᒃᑯᑦ, ᐋᑕᐅᓗᑎᒃ, ᐅᕝᕙᓘᓐᓃᑦ ᓇᒃᓯᐅᔾᔨᓗᒋᑦ ᑎᑎᖅᑲᒃᑯᕕᒃᑯᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
200-922 ᓯᕗᒧᒋᐊᖅ ᐊᖅᑯᑖᓂ ᐃᕐᖐᓐᓈᕈᕈᑎ: Resumes@qia.ca
ᐃᖃᓗᐃᑦ, ᓄᓇᕗᑦ X0A 3H0
ᒪᑐᕝᕕᖓ: ᓄᕖᕝᕙ 21, 2025