ᐃᖅᑲᓇᐃᔮᒃᓴᖅ: ᑐᓵᔩ/ᑐᑭᓕᐅᕆᔨ – ᐃᓕᓐᓂᐊᕋᔭᖅᑐᖅ. ᓇᒥ: ᐃᖃᓗᐃᑦ, ᓄᓇᕗᑦ

ᐃᖅᑲᓇᐃᔮᒃᓴᖅ: ᑐᓵᔩ/ᑐᑭᓕᐅᕆᔨ – ᐃᓕᓐᓂᐊᕋᔭᖅᑐᖅ. ᓇᒥ: ᐃᖃᓗᐃᑦ, ᓄᓇᕗᑦ

 In jobs-inuk

ᐊᓪᓚᕝᕕᖕᒥᐅᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ
ᐃᖅᑲᓇᐃᔮᒃᓴᖅ: ᑐᓵᔩ/ᑐᑭᓕᐅᕆᔨ – ᐃᓕᓐᓂᐊᕋᔭᖅᑐᖅ
ᐋᖅᑭᒃᓱᖅᓯᒪᓂᖓ:ᐊᑕᐅᓯᕐᒥ ᐊᕐᕌᒍᒥ ᐃᖅᑲᓇᐃᔮᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᖕᓄᑦ ᓄᓇᕗᒥᐅᖏᓐᓇᕐᓄᑦ ᑭᓯᒥ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᓇᓗᓇᐃᖅᓯᓯᒪᖕᒪᑕ ᖃᑭᒪᑎᑦᑎᓂᐊᖅᖢᑎᒃ ᐊᒻᒪᓗ
ᐊᑐᕐᓗᑎᑦ ᐃᓄᐃᑦ ᐅᖃᐅᓯᖓᓂᒃ ᐃᖅᑲᓇᐃᔭᕐᕕᖕᒥ, ᑲᑎᒪᓂᕐᓂᒃ ᐊᒻᒪᓗ ᐃᓄᖕᓂᑦ ᑐᓴᕋᓱᒃᑎᓪᓗᒋᓪᓗ,
ᑐᓴᒐᒃᓴᖁᑎᖏᓐᓂᒃ ᐊᒻᒪᓗ ᖃᕆᓴᐅᔭ ᒃᑯᑦ. ᕿᓂᖅᑐᒍᑦ ᐱᓪᓗᕆᒃᑐᒥᒃ ᐃᓄᖕᓂᑦ ᐱᔪᓐᓇᕐᓂᖃᑦᑎᐊᖅᑐᒥᒃ
ᐃᓄᒃᑎᑐᑦᑎᐊᕈᓐᓇᖅᑐᒥᒃ ᐊᒃᓱᕉᑎᖃᖅᐸᒃᑐᒥᒃ ᐃᓄᒃᑎᑐᑦ ᐅᖃᐅᓯᖓᓂᒃ ᒪᑭᒪᑎᑦᑎᓂᕐᒥᒃ, ᓴᐳᔾᔨᓂᕐᒥᒃ ᐊᒻᒪ
ᐊᑐᖅᑕᐅᖏᓐᓇᖃᑦᑕᕐᓗᓂ.
ᑐᓵᔨ/ᑐᑭᓕᐅᕆᔩᑦ ᕿᑭᖅᑕᓃᒃᑯᓐᓂᑦ ᐱᒻᒪᕆᐋᓗᒋᔭᐅᔪᑦ ᐊᐅᓚᓂᕐᒥᒃ ᑐᓴᐅᒪᖃᑦᑕᐅᑎ
ᓕᕆᔨᒃᑯᓐᓂᑦ

ᐃᓚᒋᔭᐅᑎᓪᓗᒋ ᓯᕗᓕᖅᑏᑦ ᐊᐅᓚᑦᑎᕕᐊᓂᑦ. ᑖᒃᑯᐊ ᐃᖅᓇᐃᔮᑦ ᑐᑭᓕᐅᕆᔨᐅᔪᑦ ᑐᓵᔨᐅᓪᓗᑎᓪᓗ
ᕿᑭᖅᑕᓃᒃᑯᑦ ᐊᐅᓚᑦᑎᓂᖏᓐᓂᒃ ᐱᓕᕆᐊᒃᓴᓂ, ᓴᖅᑭᑎᑕᒥᓂᒃ ᐊᒻᒪᓗ ᑲᔪᓯᑎᑦᑎᓪᓗᑎᒃ ᑐᕌᒐᕆᔭᐅᔪᓂᒃ.
ᑖᓐᓇ ᑐᓵᔩ/ᑐᑭᓕᐅᕆᔨ ᐃᓕᓐᓂᐊᖅᑎ ᐊᑑᑎᖃᕐᓂᐊᖅᑐᖅ ᐱᕕᒃᓴᐅᓗᓂᓗ ᐃᓄᒃᑎᑐᑦ ᐅᖃᐅᓯᐊᓂ
ᐃᓕᒃᑲᓐᓂᕈᓐᓇᕐᓂᕐᒥᒃ, ᐊᑕᐅᑦᑎᒃᑯᓪᓗ ᐱᔪᓐᓇᕐᓂᖅᑖᒃᑲᓐᓂᕐᓗᓂ ᑐᓵᔨᐅᓂᕐᒧᑦ/ᑐᑭᓕᐅᕆᔨᐅᓂᕐᒥᓗ
ᐃᓕᓐᓂᐊᕐᓂᖓ ᐱᔭᕇᖅᓯᒪᓕᖅᑎᓪᓗᒍ.

ᐊᖓᔪᖅᑳᖃᕐᓗᓂ ᐊᒻᒪ ᐃᓕᓐᓂᐊᖅᑎᑕᐅᓂᐊᖅᖢᓂᓗ ᐃᖅᑲᓇᐃᔭᕐᕕᐅᑉ ᐃᖅᑲᓇᐃᔭᖅᑎᖏᓐᓂᒃ, ᑖᓐᓇ
ᐃᓕᓐᓂᐊᖅᑎ ᑐᑭᓕᐅᕆᖃᑦᑕᕐᓂᐊᖅᑐᖅ ᐸᐃᑉᐹᓂᒃ ᑎᑎᕋᖅᑕᐅᓯᒪᔪᓂᒃ, ᑲᑎᒪᔾᔪᑎᕕᓂᕐᓂᒃ, ᐅᓂᒃᑳᓕᐊᓂᒃ,
ᑲᔪᖏᖅᓴᐅᑎᓂᒃ, ᐊᓯᖏᓐᓂᒃ ᑎᑎᕋᖅᑕᐅᓯᒪᔪᓂᒃ. ᑖᓐᓇ ᑐᓵᔨ/ᑐᑭᓕᐅᕆᔨ ᑭᐅᖃᑦᑕᕐᓗᓂ
ᐊᐱᖅᑯᑎᒋᔭᐅᔪᓂᒃ, ᖃᑭᒪᑎᑦᑎᓂᕐᒥᒃ ᐃᓄᐃᑦ ᐅᖃᐅᓯᖓᓂᒃ ᐊᑐᖅᑕᐅᓗᓂ ᐃᖅᑲ ᓇᐃᔭᕐᕕᖕᒥ, ᓄᐊᓴᐃᓂᕐᒥᒃ
ᐅᖃᐅᓯᕐᓂᒃ ᐊᒻᒪᓗ ᑐᓵᔨᐅᖃᑦᑕᕐᓂᕐᒥᒃ ᑐᓵᔾᔪᑎᕋᓛᓂ ᐊᑐᕐᓗᑎᒃ ᐅᕝᕙᓘᓐᓃᑦ ᑐᓵᔾᔪᑎᓪᓚᑖᓂᒃ, ᑲᑎᒪᑎᓪᓗᒋᑦᐊᒻᒪᓗ ᖃᓄᐃᓕᐅᖅᑎᓪᓗᒋᓪᓗ ᐃᓄᒃᑎᑐᑦ ᖃᓪᓗᓈᑎᑐᓪᓗ. ᑖᓐᓇ ᐃᓕᓐᓂᐊᖅᑐᖅ ᐃᓕᑉᐸᓕᐊᓂᐊᖅᑐᖅ
ᐋᖅᑭᒃᓱᐃᓂᕐᒥᒃ ᐊᒻᒪ ᐅᖃᓕᒫᖃᑦᑕᕐᓂᕐᒥᒃ ᑕᒻᒪᖅᓯᒪᔪᖃᙱᒃᑲᓗᐊᕐᒪᖔᖅ ᐊᒻᒪᓗ ᖃᕆᓴᐅᔭᒃᑯᑦ ᐸᐃᑉᐹᖏᑦ
ᐳᖅᑕᕐᓂᐊᕐᓗᒋᑦ ᐊᒻᒪᓗ ᑐᑭᓕᐅᖅᑕᓕᒫᑦ ᐋᖅᑭᐅᒪᑎᓪᓗᒋᑦ ᐊᒻ ᒪ ᐊᑐᐃᓐᓇᐅᑎᕙᓪᓗᒋᓪᓗ.

ᐃᖅᑲᓇᐃᔭᕐᓂᐊᖅᑐᖅ ᐱᔪᓐᓇᕐᓂᖃᑦᑎᐊᕆᐊᖃᖅᑐᖅ ᐱᓕᕆᑦᑎᐊᕐᓗᓂ ᐊᒻᒪᓗ ᐊᑐᖃᑦᑕᕐᓗᒋᑦ
ᒪᓕᖃᑦᑕᕐᓗᒋᓪᓗ ᕿᑭᖅᑕᓃᒃᑯᑦ ᐊᑐᐊᒐᖏᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᑲᙳᓇᖅᑑᑎᑦᑎᖃᑦᑕᕐᓗᑎᑦ
ᐱᓕᕆᐊᕆᔭᕐᓂᑦ. ᑖᓐᓇ ᐃᓕᓐᓂᐊᖅᑐᖅ ᐃᖅᑲᓇᐃᔭᖃᑎᖃᑦᑎᐊᕆᐊᖃᖅᑐᖅ ᐃᖅᑲᓇᐃᔭᖃᑎᒥᓂᒃ. ᑖᓐᓇ
ᐃᖅᑲᓇᐃᔮᖅ ᐃᖅᑲᓇᐃᔭᖅᑎᖃᕆᐊᓕᒃ ᐅᖃᕈᓐᓇᑦᑎᐊᖅᑐᒥᒃ, ᑎᑎᕋᕈᓐᓇᑦᑎᐊᖅᑐᒥᒃ ᐃᓄᒃᑎᑐᑦ,
ᖃᓪᓗᓈᑎᑐᓪᓗ ᐊᒻᒪᓗ ᖃᓕᐅᔮᖅᐸᐃᑎᑐᑦ, ᐊᒻᒪᓗ ᐃᓄᖕᓄᑦ ᑕᖅᑲᐅᖓ ᑲᙳᓱᙱᓪᓗᓂ
ᐅᖃᕈᓐᓇᑦᑎᐊᕆᐊᓕᒃ. ᐱᓕᕆᕕᖓᓂᒃ ᐋᖅᑭᐅᒪᑎᑦᑎᓗᓂ ᐊᒻᒪᓗ ᐊᔾᔨᒌᙱᑦᑐᓂᒃ ᐅᔾᔨᖅᓱᑦᑎᐊᖃᑦᑕᕐᓂᕐᒥᒃ
ᐊᒻᒪᓗ ᐅᐃᒪᔮᙱᓪᓗᑎᑦ.

ᓇᓗᓇᐃᒃᑯᑕᖃᕆᐊᓕᒃ ᑐᓵᔨᐅᓂᕐᒧᑦ/ᑐᑭᓕᐅᕆᔨᐅᓂᕐᒧᑦ . ᑐᓵᔨᐅᓂᕐᒥᒃ ᑐᑭᓕᐅᕆᔨᐅᓂᕐᒥᓗ
ᐃᓕᓐᓂᐊᕐᓂᖏᑦ ᐊᔾᔨᒋᔭᖏᓐᓂᒃ ᐃᓕᓐᓂᐊᖅᓯᒪᔪᑦ ᐃᓱᒪᒋᔭᐅᓂᐊᖅᑐᖅ ᑕᐃᒫᒃ ᐱᔪᓐᓇᖅᑎᒋᑎ ᒋᔪᓄᑦ.
ᖃᐅᔨᓴᖅᑕᐅᒋᐊᖃᕐᓂᐊᖅᑐᖅ ᐱᔭᕋᒃᓯᒪᙱᒃᑲᓗᐊᕐᒪᖔᑦ ᐸᓖᓯᒃᑯᓐᓄᑦ.

ᑮᓇᐅᔭᓕᐊᖓ ᐃᓕᓐᓂᐊᕐᓂᐊᖅᑐᖅ ᑐᓵᔩᐅᓂᕐᒧᑦ/ᑐᑭᓕᐅᕆᔨᐅᓂᕐᒧᑦ
$70,995ᖑᔪᖅ/ᐊᕐᕌᒍᑕᒫᑦ ᖄᖓᒍᓪᓗ
ᓄᓇᕗᒥ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᓯᐊᒥᒃ $27,600ᑖᓚᓂ/ᐊᕐᕌᒍᑕᒫᑦ ᐊᕐᕌᒍᑕᒫᑦ. ᑖᓐᓇ ᓂᕈᐊᖅᑕᐅᔪᖅ ᐃᖅᑲᓇᐃᔮᒧᑦ ᐃᖅᑲᓇᐃᔮᖅᑎᑕᐅᒐᔭᖅᑐᖅ ᐃᓕᓐᓂᐊᕇᕈᓂ. ᑮᓇᐅᔭᓕᐊᖅ ᐱᒋᐊᕈᑎᖃᕐᓂᐊᖅᑐᖅ ᐃᖅᑲᓇᐃᔮᒧᑦ $77,309ᖑ ᔪᖅᔪᖅ/ᐊᕐᕌᒍᑕᒫᑦ, ᐊᒻᒪᓗ ᓄᓇᕗᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᒥᒃ $27,600ᑖᓚᓂᑖᓚᓂ/ᐊᕐᕌᒍᑕᒫᑦ. ᐃᒡᓗᖃᖅᑎᑦᑎᙱᑦᑐᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖃᑭᒪᒍᑎᒃᓴᓕᐅᕋᓱᐊᖅᑎᐅᒐᑎᒃ ᑎᒥᐅᖕᒪᑕ
ᐱᓇᓱᐊᒐᒃᓴᖃᖅᖢᑎᒃ ᓴᐳᔾᔨᓂᕐᒥᒃ ᓴᖅᑭᔮᖅᑎᑦᑎᒋᐊᒃᑲᓂᕐᓂᒥᓪᓗ ᐃᓄᐃᑦ
ᐱᔪᓐᓇᐅᑎᖏᓐᓂᒃ ᐅᒃᐱᕆᔭᖏᓐᓂᓪᓗ, ᑲᒪᒋᔭᒃᓴᖃᓪᓗᐊᑕᖅᖢᑎᒃ ᓄᓇᕗᑦ
ᐊᖏᖃᑎᒌᒍᑎᖏᓐᓃᑦᑐᓂᑦ.
ᐱᓇᓱᐊᕈᑎᑎᑦ ᐃᖅᑲᓇᐃᔮᒃᓴᖅᑖᕋᓱᖕᓂᕐᒧᑦ ᑐᓂᒍᓐᓇᖅᑕᑎᑦ ᓇᒃᓯᐅᔾᔨᓗᑎᒃ ᓱᑲᑦᑐᒃᑯᓪᓘᓐᓃᑦ, ᐋᑦᑎᓗᑎᓪᓘᓐᓃᑦ ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ ᓇᒃᓯᐅᑎᓗᑎᓪᓘᓐᓃᑦ ᐅᕗᖓ:

ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
ᐃᒡᓗᕗᑦ, 2nd ᖁᓕᖓ
ᑎᑎᖅᑲᒃᑯᕕᖓ 1340 ᐃᕐᖐᓐᓈᕈᑎᖓ: Resumes@qia.ca
ᐃᖃᓄᐃᑦ ᓄᓇᕗᑦ X0A 0H0

ᒪᑐᕝᕕᒃ: ᒪᑐᐃᖓᓂᐊᖅᑐᖅ ᐃᓐᓄᒃᑕᐅᓂᖓᓄᑦ                 

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ