QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᐃᖅᑲᓇᐃᔮᒃᓴᖅ: ᐊᐅᓚᑦᑎᔨ ᒪᓕᒐᓕᕆᔾᔪᑎᓂᒃ ᕿᒥᕐᕈᓂᕐᒧᑦ

ᐃᖅᑲᓇᐃᔮᒃᓴᖅ: ᐊᐅᓚᑦᑎᔨ ᒪᓕᒐᓕᕆᔾᔪᑎᓂᒃ ᕿᒥᕐᕈᓂᕐᒧᑦ

 In jobs-inuk

ᐃᓄᓕᒫᓄᑦ ᒪᑐᐃᖓᔪᖅ
ᐃᖅᑲᓇᐃᔮᒃᓴᖅ: ᐊᐅᓚᑦᑎᔨ ᒪᓕᒐᓕᕆᔾᔪᑎᓂᒃ ᕿᒥᕐᕈᓂᕐᒧᑦ
ᐊᑯᓂᐅᓂᐊᕐᓂᖓ ᐃᖅᑲᓇᐃᔮᖅ:ᖃᐅᑕᒫᖅᓯᐅᑎᓂᐊᖅᑐᖅ
ᓇᓂ: ᐃᖃᓗᐃᑦ
ᒪᑐᐃᖓᔪᖅ ᐃᓄᓕᒫᓄᑦ; ᓯᕗᓕᐅᑎᑦᑎᓂᐊᖅᑐᑦ ᐃᓄᖕᓂ ᓄᓇᕗᒥᐅᓂ ᐱᓇᓱᖃᑕᐅᔪᓄᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑎᒃᑯᐊᖅᑕᐅᓯᒪᓪᓗᑎᒃ ᐃᓄᖕᓄᑦ ᑎᒥᖁᑎᒋᔭᐅᔪᑦ ᐊᐅᓚᑦᑎᓪᓗᑎᓪᓗ ᐃᓄᐃᑦ ᓄᓇᖁᑎᖏᓐᓂᒃ ᕿᑭᖅᑖᓗᖕᒥ. ᑖᓐᓇ ᓄᓇᓕᕆᔨᒃᑯᑦ ᐃᖅᑲᓇᐃᔭᕐᕕᖓ ᓇᓗᓇᐃᖅᓯᔨᐅᖕᒪᑕ ᐊᑐᕈᒪᔪᓂᒃ ᐃᓄᐃᑦ ᓄᓇᖁᑎᖏᓐᓂᒃ ᐊᒻᒪᓗ ᓇᓕᒨᖓᑎᑦᑎᓪᓗᑎᒃ ᒪᑭᒪᔾᔪᑎᒃᓴᓕᐅᕐᕕᐅᔪᓐᓇᕐᓂᖏᓐᓂᒃ, ᓴᐳᔾᔭᐅᓯᒪᓗᑎᒃ ᐊᒻᒪᓗ ᐃᒃᐱᒋᔭᐅᓪᓗᑎᒃ ᐃᓄᐃᑦ ᓄᓇᓂᒃ ᐊᑐᕈᓐᓇᕐᓂᖏᓐᓂᒃ ᓄᓇᑖᕈᑎᒋᔭᐅᓯᒪᔫᑉ ᐃᓗᐊᓂ. ᑖᓐᓇ ᐊᐅᓚᑦᑎᔨ ᒪᓕᒐᓕᕆᔾᔪᑎᓂ ᕿᒥᕐᕈᔨᒃᑯᓐᓂ ᐃᑲᔪᖃᑦᑕᕐᓂᐊᖅᑐᖅ ᓄᓇᓕᕆᔨᒃᑯᓐᓂ ᓯᕗᒃᑲᐃᔨᐅᓗᑎᒃ ᐊᒻᒪ ᐊᐅᓚᑦᑎᓗᑎᓪᓗ ᐃᓄᐃᑦ ᕿᒥᕐᕈᓂᖏᓐᓂᒃ ᐱᓕᕆᐊᖑᔪᓂᑦ ᐱᕙᓪᓕᐊᕝᕕᐅᔪᓄᑦ ᐊᒃᑐᐃᔪᓄᓪᓘᓐᓃᑦ ᐃᓄᐃᑦ ᓄᓇᖁᑎᖏᓐᓂᒃ ᕿᑭᖅᑖᓗᖕᒥ.
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᐅᑉ ᑐᖏᓕᖓᓂ, ᑖᓐᓇ ᐊᐅᓚᑦᑎᔨᐅᓂᐊᖅᑐᖅ ᒪᓕᒐᓕᕆᔾᔪᑎᓂᒃ ᕿᒥᕐᕈᓂᕐᒧᑦ ᓯᕗᒃᑲᖅᑎᒋᔭᐅᔪᑦ ᐊᐅᓚᑦᑎᒋᔭᐅᓪᓗᑎᓪᓗ ᐃᓄᓕᒫᕈᑎᒋᔭᐅᓂᐊᖅᑐᓄᑦ ᕿᒥᕐᕈᓂᐅᔪᓄᑦ ᖃᓄᐃᓕᐅᖅᐸᓪᓕᐊᒍᑎᒋᔭᐅᔪᓄᑦ ᐱᓕᕆᓄᑦ ᐱᕙᓪᓕᐊᕝᕕᐅᔪᓄᑦ ᐊᒃᑐᐃᔪᓄᓪᓘᓐᓃᑦ ᐃᓄᐃᑦ ᓄᓇᖁᑎᖏᓐᓂᒃ ᕿᑭᖅᑖᓗᖕᒥ. ᐊᐅᓚᑦᑎᔨᕿᒥᕈᓂᕐᒧᑦ ᖃᓄᐃᓕᐅᖅᐸᓪᓕᐊᔪᓂᒃ ᕿᒥᕐᕈᓂᕐᒥᒃ ᐱᓕᕆᐊᕐᒥ ᐋᖅᑭᒋᐊᕈᑎᒋᔭᐅᔪᒪᔪᓂᒃ ᐊᒻᒪᓗ ᐃᓱᒪᓕᐅᕈᑎᒋᔭᐅᒃᑲᓐᓂᕆᔭᖓᓂᑦ ᒫᓐᓇ ᐱᓕᕆᐊᖑᔪᒥ, ᐊᒻᒪᓗ ᕿᒥᕐᕈᓂᒃᓴᐅᓛᖅᑐᓂᒃ ᓯᕗᓂᕐᒥᒃ ᓄᑖᓄᑦ ᐱᓕᕆᐊᒃᓴᕆᔭᐅᔪᒪᔪᓄᑦ ᐊᒻᒪ ᖃᐅᔨᓴᕐᓗᒋᑦ ᒪᓕᑦᑎᐊᕐᒪᖔᑖᒃ ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐅᑎᓂᒃ, ᕿᑭᖅᑕᓃᒃᑯᑦ ᓄᓇᓂᒃ ᐊᑐᕐᓂᕐᒧᑦ ᐊᑐᐊᒐᖏᑦ, ᑲᑎᒪᔩᑦ ᑎᓕᐅᕈᑎᖏᑦ, ᓄᓇᕗᒥ ᐸᕐᓇᐃᓂᕐᒧᑦ ᐊᒻᒪ ᐱᓕᕆᐊᓄᑦ ᖃᐅᔨᓴᕐᓂᕐᒥᒃ ᐱᖁᔭᖓᓂᒃ (NuPPAA) ᐊᒻᒪᓗ ᐃᒃᐱᒋᔭᐅᓯᒪᑦᑎᐊᕋᓗᐊᕐᒪᖔᑖ ᐃᓄᐃᑦ ᐱᔪᓐᓇᐅᑎᖏᑦ ᐱᔪᒪᔭᖏᓪᓗ ᑎᑎᕋᖅᓯᒪᑎᓪᓗᒋᑦ ᓄᓇᕗᒥ ᐊᖏᕈᑎᓂ. ᑖᓐᓇ ᐃᖅᑲᓇᐃᔮᖅ ᐱᓕᕆᐊᒃᓴᖃᕐᓂᐊᖅᑐᖅ ᓯᕗᒧᐊᖅᑎᑦᑎᓂᕐᒥᒃ ᓯᕗᓪᓕᐅᑎᔭᐅᔪᒪᔪᓂᒃ ᐱᓕᕆᐊᓂᒃ ᐊᒻᒪᓗ ᐱᓕᕆᐊᒃᓂᒃ ᐊᔾᔨᖃᖅᑐᓂᒃ ᑕᐃᒪᓐᓇ ᐊᒻᒪᓗ ᕿᒥᕐᕈᓗᒋᑦ ᑐᒃᓯᕋᐅᑎᑦ ᓇᓗᓇᐃᔭᕋᓱᓪᓗᒋᑦ ᑐᒃᓯᕋᐅᑎᑦ ᒪᓕᑦᑎᐊᕋᓗᐊᕐᒪᖔᑖᒃ ᒪᓕᒐᓂ ᒪᓕᖁᔭᐅᔪᓂᒃ ᐊᒻᒪᓗ ᖃᓄᖅᑑᖅᑕᐅᔪᓐᓇᖅᓯᓗᑎᒃ. ᐊᐅᓚᑦᑎᔨ ᐊᖓᔪᖅᑳᖑᓗᓂ ᓯᕗᒃᑲᖅᑎᒋᔭᐅᓂᐊᖅᑐᖅ ᖃᐅᔨᒪᔨᑕᕐᓂᒃ ᖃᐅᔨᓴᖅᑎᓂᓪᓗ ᐊᑐᖅᑕᐅᔪᓂᒃ, ᑎᑎᕋᖃᑦᑕᕐᓗᓂ ᐱᓕᕆᐊᒃᓴᓄᑦ ᐸᕐᓇᐅᑎᓂᒃ ᐊᒻᒪ ᐱᓕᕆᐊᒃᓴᖃᖅᑎᑦᑎᕙᒃᖢᓂᓗ.
ᐃᖅᑲᓇᐃᔮᖃᕐᓂᐊᖅᑐᖅ ᐅᓂᒃᑳᖃᑦᑕᕆᐊᖃᕐᓂᐊᕐᒥᔪᖅ ᑭᒡᒐᖅᑐᕐᓗᓂ ᕿᑭᖅᑕᓃᒃᑯᓐᓂ ᐃᓄᓕᒫᓄᑦ ᖃᓄᐃᓕᐅᕐᕕᐅᔪᓂᒃ ᓱᕐᓗ ᐃᓄᓕᒫᓄᑦ ᓈᓚᖕᓂᕐᓂᒃ, ᐱᔭᕆᑐᓕᕆᓂᕐᒥᒃ ᑲᑎᒪᓂᕐᓂᒃ, ᐅᖃᐅᔾᔨᔩ ᑲᑎᒪᕋᓛᖏᓐᓄᑦ ᐊᒻᒪᓗ ᓄᓇᓕᖕᓂ ᑐᑭᓯᒋᐊᕆᐊᕈᑕᐅᔪᓂᓗ. ᑖᓐᓇ ᐃᖅᑲᓇᐃᔮᖅ ᐃᖅᑲᓇᐃᔭᖃᑎᖃᖃᑦᑕᕐᓂᐊᕐᒥᔪᖅ ᓄᓇᓕᖕᓂ ᑎᒥᐅᔪᓂᒃ, ᒐᕙᒪᒃᑯᓐᓂᙶᖅᓯᒪᔪᓂ, ᐊᒻᒪ ᓴᓇᔪᓕᕆᔨᓂ. ᐊᔪᙱᓐᓂᖃᕆᐊᖃᖅᐳᖅ ᑲᑎᒪᑎᑦᑎᔪᓐᓇᕐᓂᕐᒥᒃ ᐃᖅᑲᓇᐃᔭᖃᑎᖃᕈᓐᓇᕐᓂᕐᒥᒃ ᑲᑎᒪᔨᐅᕝᕕᐅᔪᓂᒃ, ᐊᒻᒪᓗ ᑐᑭᓯᐅᒪᓂᖃᕐᓗᓂ ᓄᓇᓂᒃ ᐊᑐᕐᓂᒨᖓᔪᓄᑦ ᐸᕐᓇᐃᓂᖅ ᐱᔾᔪᑎᒋᓪᓗᒍ ᓄᓇᑖᕈᑎᒋᔭᐅᓯᒪᔫᑉ ᐃᓗᐊᓂ. ᐱᖓᓱᓂᒃ ᐊᕐᕌᒍᓂᒃ ᐱᓕᕆᐊᒃᓴᓕᕆᔪᓐᓇᕐᓂᕐᒥᒃ ᐱᓕᕆᐊᕐᒥᓘᓐᓃᑦ ᐊᐅᓚᑦᑎᓚᐅᖅᓯᒪᒋᐊᖃᖅᖢᑎᒃ. ᐃᓄᒃᑎᑑᕈᓐᓇᑦᑎᐊᕆᐊᓕᒃ.
ᑕᐃᒪ, ᓇᓗᓇᐃᒃᑯᑕᖃᕐᓂ ᐊᕙᑎᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐅᕝᕙᓘᓐᓃᑦ ᐊᔾᔨᒋᐸᓗᒃᑕᖓᓂᒃ ᐊᔪᙱᓐᓂᖃᕈᕕᑦ. ᐱᓕᕆᐊᕐᒥ ᐊᐅᓚᑦᑎᔪᓐᓇᕐᓂᕐᒥᒃ ᓇᓗᓇᐃᒃᑯᑕᖃᕐᓂᖅ ᐱᒻᒪᕆᐅᕗᖅ ᐱᔪᓐᓇᕐᓂᕆᓗᒍ. ᐊᔾᔨᒌᙱᑦᑐᓂᒃ ᐊᑑᑎᖃᖅᑐᓂᒃ ᐃᓕᓐᓂᐊᖅᓯᒪᓂᖅ ᐊᒻᒪᓗ ᐊᔪᙱᓐᓂᖃᕐᓂᖅ ᐃᓱᒪᒋᔭᐅᑐᐃᓐᓇᕆᐊᖃᖅᐳᑦ ᓈᒻᒪᒋᔭᐅᓗᑎᒃ. ᐸᓖᓯᒃᑯᓐᓂᑦ ᐱᕋᔭᒃᓯᒪᙱᒃᑲᓗᐊᕐᒪᖔᖅᐲᑦ ᖃᐅᔨᓴᖅᑕᐅᒋᐊᖃᕋᔭᖅᑐᑦ.
ᑮᓇᐅᔭᓕᐊᖅ ᐃᖅᑲᓇᐃᔮᒃᓴᒧᑦ ᐱᒋᐊᕈᑎᖃᕐᓂᐊᖅᑐᖅ ᐊᑯᓐᓂᖓᓂ $87,433 ᐊᒻᒪ 122,406 ᐊᕐᕌᒍᑕᒫᑦ, ᐊᒻᒪᓗ ᖄᖓᒍᑦ ᓄᓇᕗᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᕐᒥᒃ $27,600ᓂ ᐊᕐᕌᒍᑕᒫᑦ. ᐃᖅᑲᓇᐃᔮᖅ ᐃᒡᓗᖃᖅᑎᑕᐅᙱᑦᑐᖅ.

ᐱᐱᓇᓱᐊᕈᑎᑎᑦ ᐃᖅᑲᓇᐃᔮᒃᓴᖅᑖᕋᓱᖕᓂᕐᒧᑦ ᑐᓂᒍᓐᓇᖅᑕᑎᑦ ᓇᒃᓯᐅᔾᔨᓗᑎᒃ ᓱᑲᑦᑐᒃᑯᓪᓘᓐᓃᑦ, ᐋᑦᑎᓗᑎᓪᓘᓐᓃᑦ ᐅᕝᕙᓘᓐᓃᑦ ᑎᑎᖅᑲᒃᑯᕕᒃᑯᑦ ᓇᒃᓯᐅᑎᓗᑎᓪᓘᓐᓃᑦ ᐅᕗᖓ:

ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑦ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
ᐃᒡᓗᕗᑦ ᐃᓪᓗᐊ, 2nd ᖁᓕᖓᓂ
ᑎᑎᖅᑲᒃᑯᕕᖓ 1340 ᐃᕐᖐᓐᓈᕈᑎᖓ: Resumes@qia.ca
ᐃᖃᓗᐃᑦ, ᓄᓇᕗᑦ X0A 0H0

ᒪᑐᕝᕕᖓ: ᐅᑑᕙ 27, 2022 5:00ᒧᐊᖅᐸᑦ ᑲᓇᖕᓇᐅᑉ ᓯᕿᖑᔭᖓ ᒪᓕᓪᓗᒍ

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ