ᐃᖅᑲᓇᐃᔭᖅᑎᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ
ᐃᓂ: ᑐᓴᐅᒪᖃᑦᑕᐅᑎᓕᕆᓂᕐᒧᑦ ᖃᐅᔨᒪᔨᑕᖅ
ᐋᖅᑭᒃᓯᒪᓂᖓ: ᖃᐅᑕᒫᖅᓯᐅᑎᐅᓂᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᖕᓄᑦ ᐊᑎᖃᖃᑕᐅᔪᓄᑦ ᓄᓇᕗᒥ ᐊᖏᕈᑎᒥᒃ ᑭᓯᒥ
ᓱᖕᒪᑦ ᐃᖅᑲᓇᐃᔭᖃᑕᐅᒋᐊᖃᖅᐱᑦ ᕿᑭᖅᑕᓃᒃᑯᓐᓂᑦ, ᐊᑐᓂ ᐃᓂᐅᔪᑦ ᑐᓂᓯᓲᖑᖕᒪᑕ ᖃᑭᒪᑎᑦᑎᓂᕐᒥᒃ, ᓴᐳᔾᔭᐅᓯᒪᓂᕐᒥᒃ ᐊᒻᒪᓗ ᓯᕗᒧᐊᖅᑎᑦᑎᓂᕐᒥᒃ ᐃᓄᐃᑦ ᐃᓕᖅᑯᓯᖓᓂᒃ, ᐱᔪᒪᔭᖏᑦ ᐊᒻᒪᓗ ᐅᖃᐅᓯᖓᓂᒃ. ᑐᓴᐅᒪᖃᑦᑕᐅᑎᓄᑦ ᖃᐅᔨᒪᔨᑕᐅᓗᑎᒃ, ᓇᓗᓇᐃᖅᓯᔨᐅᓂᐊᖅᑐᑎᑦ ᐃᓄᐃᑦ ᓂᐱᖏᑦ ᑐᓴᖅᑕᐅᓂᖏᓐᓂᒃ ᐊᒻᒪᓗ ᑐᑭᓯᒍᑎᒃᓴᓂᒃ ᑐᓂᓯᖃᑦᑕᕐᓗᓂ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᑐᓴᐅᒪᖃᑦᑕᐅᑎᓕᕆᔨᐅᓂᐊᖅᑐᒥᒃ, ᐱᔪᓐᓇᕐᓂᖃᑦᑎᐊᖅᑐᒥᒃ ᓴᖅᑭᑎᑦᑎᔪᓐᓇᕐᓂᕐᒥᒃ ᐊᒻᒪᓗ ᑐᓴᖅᑎᑦᑎᑦᑎᐊᕈᓐᓇᕐᓂᕐᒥᒃ ᐊᓯᓂᒃ ᐃᖅᑲᓇᐃᔭᖃᑎᖃᖃᑦᑕᕐᓗᓂ. ᕿᓂᖅᑐᒍᑦ ᐃᓄᖕᒥᒃ ᑐᓴᐅᒪᑎᑦᑎᑦᑎᐊᕈᓐᓇᖅᑐᒥᒃ, ᐃᖅᑲᓇᐃᔭᖃᑎᖃᕈᓐᓇᕐᓂᕐᒥᒃ ᐊᒻᒪᓗ ᑕᑯᒃᓴᐅᑎᑦᑎᓗᓂ ᐱᐅᔪᓂᒃ ᐃᖅᑲᓇᐃᔭᖃᑎᒋᔭᖏᓐᓂᑦ. ᑖᓐᓇ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᖃᐅᔨᒪᔨᑕᖅ ᓴᖅᑭᔮᖅᑎᑦᑎᑦᑎᐊᖃᑦᑕᕐᓂᐊᖅᑐᑦ ᕿᑭᖅᑕᓃᒃᑯᑦ ᓴᖅᑭᔮᖅᑎᑕᐅᓗᑎᒃ ᑐᓂᓯᖃᑦᑕᕐᓂᕐᒥᒃ ᑐᓴᐅᒪᔾᔪᑎᓂᒃ ᓄᓇᕗᒥ ᐃᓄᖕᓄᑦ ᓄᓇᓕᖕᓄᓪᓗ.
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᒥ ᑐᓴᐅᒪᖃᑦᑕᐅᑎᓄᑦ, ᑖᓐᓇ ᐃᓂ ᐃᑲᔪᖃᑦᑕᕐᓂᐊᖅᑐᑦ ᐊᓪᓚᕝᕕᖕᒥ ᓯᓚᑖil ᑐᓴᐅᒪᖃᑦᑕᐅᑎᔾᔪᑎᓂᒃ ᐊᒻᒪᓗ ᐊᐅᓚᑦᑎᓗᓂ ᕿᑭᖅᑕᓃᒃᑯᑦ ᖃᕆᓴᐅᔭᒃᑰᖅᑎᑕᖏᑦ. ᐃᖅᑲᓇᐃᔭᖃᑎᒋᓗᒋᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐃᖅᑲᓇᐃᔭᖅᑎᐅᔪᓂᒃ, ᑖᓐᓇ ᖃᐅᔨᒪᔨᑕᖅ ᓄᐊᓴᐃᖃᑦᑕᕐᓂᐊᖅᑐᑦ ᑐᑭᓯᒍᑎᒃᓴᓂᒃ ᐊᒻᒪᓗ ᖃᐅᔨᓴᖅᑎᑦᑎᓗᓂ ᐸᕐᓇᒃᐸᓪᓕᐊᑎᓪᓗᒍ ᓴᖅᑭᑎᑦᑎᓂᖓᓂᒃ ᐊᔾᔨᒌᙱᑦᑐᓂᒃ ᑐᓴᐅᒪᖃᑦᑕᐅᑎᔾᔪᑎᓂᒃ, ᐋᖅᑭᒃᓱᐃᓂᕐᒥᒃ ᑐᓴᒐᒃᓴᓂᒃ. ᑖᓐᓇ ᐃᓂ ᐋᖅᑭᒃᓱᐃᖃᑦᑕᕐᓂᐊᖅᑐᖅ ᐊᒻᒪᓗ ᓄᓇᓕᖕᓂᑦ ᑲᑎᒪᑎᑦᑎᖃᑦᑕᕐᓗᓂ, ᐱᓕᒻᒪᒃᓴᐃᖃᑦᑕᕐᓂᕐᒥᒃ, ᐱᕙᓪᓕᐊᔪᓕᕆᔨᑦ ᖃᓄᐃᓕᐅᕐᓂᖏᓐᓂᑦ, ᖁᕕᐊᓲᑕᐅᔪᓂ, ᐊᓯᖏᓪᓗ ᐃᓄᖕᓂᒃ ᑲᑎᒪᑎᑦᑎᓂᐅᔪᓂᒃ. ᑖᓐᓇ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᖃᐅᔨᒪᔨᑕ ᐃᒃᐱᒍᓱᑦᑎᐊᕐᓗᓂ ᐃᖅᑲᓇᐃᔭᖃᑎᖃᕐᓂᖓᓂᒃ ᑐᓴᐅᒪᔪᓕᕆᔨᐅᔪᓂ, ᒐᕙᒪᐅᔪᓂᒃ, ᐃᖅᑲᓇᐃᔭᖅᑎᓂᒃ ᐊᒻᒪᓗ ᐊᓯᖏᑦ.
ᐅᑯᓂᖓ ᐱᔪᓐᓇᕐᓂᖃᖅᑐᓂᒃ ᕿᓂᖅᑐᒍᑦ:
- ᐃᓄᓕᕆᔪᓐᓇᑦᑎᐊᕐᓗᓂ ᐃᖅᑲᓇᐃᔭᖃᑎᖃᕈᓐᓇᑦᑎᐊᕐᓗᓂᓗ;
- ᒪᕐᕈᓂᒃ ᐊᕐᕌᒍᓂ ᑐᓴᐅᒪᖃᑦᑕᐅᑎᓕᕆᔨᐅᓯᒪᓂᑰᓗᑎᑦ ᐃᖅᑲᓇᐃᔮᖃᕐᓂᒃᑯᑦ;;
- ᐋᖅᑭᐅᒪᑎᑦᑎᓂᕐᒥᒃ ᐊᐅᓚᑦᑎᓗᒋᓪᓗ ᖃᕆᓴᐅᔭᓃᑦᑐᑦ ᐊᒻᒪᓗ ᐃᓄᖕᓂᒃ ᐃᓚᐅᑎᑦᑎᒍᑕᐅᓂᐊᖅᑐᓂᒃ ᐃᓕᓯᖃᑦᑕᕐᓂᖅ;
- ᐅᖃᐅᓯᒃᑯᑦ ᑐᓴᐅᒪᑎᑦᑎᑦᑎᐊᕈᓐᓇᕐᓂᖅ, ᖃᓪᓗᓇᐅᔭᒃᑎᐊᕈᓪᓇᕐᓗᓂ ᐃᓄᒃᑎᑐᓪᓗ;
- ᑎᑎᕋᕈᓐᓇᑦᑎᐊᕐᓗᓂ ᑎᑎᖅᑲᓂᓪᓗ ᓇᑲᑎᕆᓗᓂ ᐅᔾᔨᖅᓱᑦᑎᐊᖃᑦᑕᕐᓗᓂ;
- ᐃᖅᑲᓇᐃᔮᖏᓐᓂᒃ ᐋᖅᑭᐅᒪᑎᑦᑎᖃᑦᑕᕐᓂᖅ ᐊᒻᒪ ᐊᒡᓚᕝᕕᓕᕆᔪᓐᓇᕐᓗᓂᓗ;
- ᖃᕆᓴᐅᔭᒃᑯᑦ ᑎᑎᖅᑭᕆᔾᔪᑎᓕᕆᔪᓐᓇᕐᓂᖅ Microsoft Office suite.
ᓇᓗᓇᐃᒃᑯᑕᖅᑖᖅᓯᒪᓗᓂ ᐃᓄᐃᑦ ᒥᒃᓵᓄᑦ ᐃᓕᓐᓂᐊᕐᓂᕐᒥᒃ, ᐱᕙᓪᓕᐊᔪᓕᕆᓂᕐᒥᒃ, ᐅᕝᕙᓘᓐᓃᑦ ᐃᓄᓕᕆᔪᓐᓇᕐᓂᖅ. ᑕᒪᐃᓐᓂᒃ ᐃᓕᓐᓂᐊᖅᓯᒪᓂᖅ ᐊᔪᙱᓐᓂᖃᕐᓂᕐᒥᓗ ᓈᒻᒪᒋᔭᐅᑐᐃᓪᓇᕆᐊᖃᖅᑐᑦ.ᐸᓖᓯᒃᑯᓐᓂᑦ ᖃᐅᔨᓴᖅᑕᐅᒋᐊᖃᕋᔭᖅᑐᖢᓂ ᐱᕋᔭᒃᓴᒪᙱᒃᑲᓗᐊᕐᒪᖔᑦ. ᐃᒡᓗᒃᓴᖃᖅᑎᑦᑎᙱᑦᑐᑦ.
ᑮᓇᐅᔭᓕᐊᖅ ᐃᖅᑲᓇᐃᔮᒧᑦ ᐱᒋᐊᖅᑐᖅ $86,295ᒥᑦ $126,565ᒧᑦ ᐊᕐᕌᒍᑕᒫᑦ ᐃᓚᒋᓗᒍ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᓯᐊᒥᒃ $27,600ᓂ ᐊᕐᕌᒍᑕᒫᑦ. ᕿᑲᕆᐊᕈᑎᒃᓴᖃᖅᑎᑦᑎᓪᓗᓂ.
ᑐᒃᓯᕋᐅᑎᑦ ᑐᓂᔭᐅᔪᓐᓇᖅᑐᑦ ᓇᒃᓯᐅᔾᔭᐅᓗᑎᓪᓘᓐᓃᑦ ᓱᑲᑦᑐᒃᑯᑦ, ᐃᕐᖐᓐᓈᕈᑎᒃᑯᑦ, ᐋᑦᑕᐅᓗᓂ, ᐅᕝᕙᓘᓐᓃᑦ ᓇᒃᓯᐅᑎᓗᒍ ᑎᑎᖅᑲᕐᓂᐊᕐᕕᒃᑯᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᑲᑦᑐᒃᑯᑦ: (867) 979-3238
200-922 ᓯᕗᒧᒋᐊᖅ ᐃᕐᖐᓐᓈᕈᑎᒃᑯᑦ: Resumes@qia.ca
ᐃᖃᓗᐃᑦ, ᓄᓇᕗᑦ X0A 3H0
ᒪᑐᕝᕕᖓ: ᒪᑐᐃᖓᓂᐊᖅᑐᖅ ᐃᓐᓄᒃᑕᐅᑉᐸᑦ ᑭᓯᐊᓂ