ᐃᖅᑲᓇᐃᔭᖅᑎᓄᑦ/ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᔅᓴᖅ ᐃᖅᑲᓇᐃᔮᖅ: ᑐᑭᒧᐊᑦᑎᑦᑎᔨᐅᑉ ᐃᑲᔪᖅᑎᖓ, ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ

ᐃᖅᑲᓇᐃᔭᖅᑎᓄᑦ/ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᔅᓴᖅ ᐃᖅᑲᓇᐃᔮᖅ: ᑐᑭᒧᐊᑦᑎᑦᑎᔨᐅᑉ ᐃᑲᔪᖅᑎᖓ, ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ

 In jobs-inuk

ᐃᖅᑲᓇᐃᔭᖅᑎᓄᑦ/ᑭᒃᑯᑐᐃᓐᓇᕐᓄᑦ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᑐᑭᒧᐊᑦᑎᑦᑎᔨᐅᑉ ᐃᑲᔪᖅᑎᖓ, ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ
ᓇᒥ: ᐃᖃᓗᓐᓂ, ᓄᓇᕗᒥ
ᒪᑐᐃᖓᔪᖅ: ᓯᕗᓪᓕᐅᔾᔭᐅᓂᐊᖅᑐᑦ ᓄᓇᕗᒻᒥᐅᑦ ᐃᓄᐃᑦ ᐃᖅᑲᓇᐃᔮᖅᑖᕋᓱᑦᑐᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐃᖅᑲᓇᐃᔭᖅᑎᓴᕐᓯᐅᕐᖓᑕ ᐊᔪᙱᑎᐊᖅᑐᒥᒃ ᐊᒻᒪᓗ ᖃᓄᖅᑑᖃᑦᑕᕈᓐᓇᖅᑐᒥᒃ ᓯᕗᓕᖅᑎᔅᓴᒥᒃ ᐃᖅᑲᓇᐃᔮᖃᕐᓂᐊᖅᑐᒥᒃ ᑐᑭᒧᐊᑦᑎᑦᑎᔨᒧᑦ ᐃᑲᔪᖅᑎᐅᓗᓂ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ.

ᑐᑭᒧᐊᑦᑎᑦᑎᔨᐅᑉ ᐃᑲᔪᖅᑎᖓ ᐃᖅᑲᓇᐃᔮᖃᖃᑦᑕᓂᐊᖅᑐᖅ ᑲᒪᒋᔭᖃᖃᑦᑕᕐᓗᓂ ᐃᑲᔪᖃᑦᑕᕐᓗᓂᓗ ᐊᐅᓚᓂᓪᓗᐊᑕᕆᕙᑦᑕᖏᓐᓂᒃ ᐊᔾᔨᒌᙱᑐᒡᒍᑎᓂᑦ ᐊᐅᓚᑦᑎᕕᖏᓐᓂᒃ ᐃᑲᔪᕐᓗᓂ ᐱᓇᓱᐊᒐᖏᓐᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᖐᖏᓐᓂ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᐊᓪᓚᕕᒻᒥ. ᑐᑭᒧᐊᑦᑎᑦᑎᔨᐅᑉ ᐃᑲᔪᖅᑎᖓ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᑲᒪᒋᔭᖃᖃᑦᑕᓂᐊᖅᑐᖅ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᕿᑭᖅᑕᓂ ᓴᐳᔾᔨᕕᒻᒧᑦ ᐱᓇᓱᐊᕈᑕᐅᔪᓂᑦ ᕿᑭᖅᑕᓂ ᐊᒻᒪᓗ ᑕᒪᑐᒧᖓ ᑐᕌᖓᔪᓂᑦ ᐊᐅᓚᓂᖏᓐᓂᒃ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᐊᓪᓚᕕᒻᒥ.

ᑐᑭᒧᐊᑦᑎᑦᑎᔨᖃᕐᓗᓂ ᑐᑭᒧᐊᑦᑎᑦᑎᔨᖓᓐᓂᒃ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᐊᓪᓚᕕᒻᒥ, ᑐᑭᒧᐊᑦᑎᑦᑎᔨᒧᑦ ᐃᑲᔪᖅᑎ ᑲᒪᒋᔭᖃᖃᑦᑕᓂᐊᖅᑐᖅ ᑎᓴᒪᓂᑦ ᐊᐅᓚᑦᑎᕕᐅᔪᓂᑦ: ᓇᐅᑦᑎᕐᓱᖅᑏᑦ, ᐊᑐᓕᖅᑎᑦᑎᕙᓪᓕᐊᔪᑦ, ᐱᓕᕆᐊᑦ, ᐊᒻᒪᓗ ᐊᐅᓚᓂᐅᔪᑦ. ᑐᑭᒧᐊᑦᑎᑦᑎᔨᒧᑦ ᐃᑲᔪᖅᑎ ᖃᐅᔨᒪᒋᐊᖃᑦᑕᓂᐊᖅᑐᖅ ᐊᓪᓚᕝᕕᖓᓐᓂ ᐊᐅᓚᑦᑎᕕᐅᔪᑦ ᒪᓕᖃᑦᑕᕋᓗᐊᕐᒪᖔᑕ ᑕᒪᕐᒥᒃ ᕿᑭᖅᑕᓂᒃᑯᓐᓂ ᐊᖏᖃᑎᒌᒍᑎᓄᑦ ᑲᒪᒋᔭᔅᓴᒫᓪᓗᐊᑕᖏᓐᓂᒃ.

ᕿᑭᖅᑕᓂ ᓴᐳᔾᔨᕕᒻᒧᑦ ᐱᓇᓱᐊᕈᑕᐅᔪᑦ ᐱᔾᔪᑎᖃᓗᐊᕐᖓᑕ ᓄᓇᒥᐅᑕᕐᓂᑦ (ᐆᒪᔪᓂᑦ, ᓄᓇᒦᑦᑐᓂᑦ, ᐊᒻᒪᓗ ᐃᒪᕕᒻᒦᑦᑐᓂᑦ), ᐊᒻᒪᓗ ᐃᑲᔪᕐᓰᖃᑦᑕᓂᐊᖅᑐᑦ ᓄᓇᓕᓐᓄᑦ−ᒪᑭᒪᓇᓱᐊᕈᑎᓂᑦ ᐱᕙᓪᓕᐊᑎᑦᑎᓂᕐᒥᒃ ᓄᓇᓕᓐᓄᑦ ᐊᖅᑯᑎᒋᓗᒋᑦ ᒪᑯᐊ ᐊᑐᐃᓐᓇᖃᕐᓂᕐᓴᐅᖁᓪᓗᒋᑦ ᐃᓄᔅᓯᐅᑎᓂᑦ ᓂᕿᓂᑦ, ᓄᓇᓕᓐᓃᑦᑐᑦ ᐃᖅᑲᓇᐃᔮᔅᓴᐅᕙᑦᑐᑦ ᑲᓲᒪᔪᑦ ᒪᑯᓄᖓ ᐃᓄᐃᑦ ᓇᐅᑦᑎᕐᓱᖅᑏᑦ ᓄᓇᒥ ᐃᖅᑲᓇᐃᔮᖏᑦ, ᐊᕙᑎᒥᒃ ᓇᐅᑦᑎᕐᓱᖃᑦᑕᕐᓂᖅ ᐊᒻᒪᓗ ᐱᕈᕐᐸᓪᓕᐊᑎᑦᑎᓂᖅ ᓄᓇᓕᓐᓂᑦ ᐃᒪᕕᒻᒥᓪᓗ ᐊᐅᓚᔾᔪᑎᔅᓴᓂᑦ ᐱᖁᑎᓂᑦ.

ᐅᔾᔨᕈᓱᑦᑎᐊᕆᐊᓕᒃ ᐊᒻᒪᓗ ᐊᖏᕐᓯᒪᑦᑎᐊᕐᓗᓂ ᐱᒻᒪᕆᐅᓂᖏᓐᓂᒃ ᐊᒻᒪᓗ ᐅᑉᐱᕆᔭᖃᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓᓐᓂᒃ, ᐅᖃᐅᓯᖓᓐᓂᒃ, ᐱᖅᑯᓯᖅᑎᒍᑦ ᖃᐅᔨᒪᔭᖏᓐᓂᒃ, ᐊᒻᒪᓗᑦᑕᐅᖅ ᖃᐅᔨᒪᓂᖃᑦᑎᐊᕐᓗᓂ ᓴᐳᔾᔨᕕᖃᕐᓂᕐᒧᑦ, ᐆᒪᔪᓄᑦ ᐃᒪᕕᒻᒧᓪᓗ ᐱᓇᓱᐊᒐᐅᔪᓂᑦ ᓄᓇᕗᒻᒥ. ᑕᑯᑎᑦᑎᓯᒪᓗᓂ ᖃᐅᔨᒪᓂᖓᓂᒃ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᑦ (IIBA), ᓴᐳᔾᔨᕕᒻᒧᑦ ᒪᓕᒐᓕᐊᖑᓯᒪᔪᓂᑦ ᐊᑐᐊᒐᕐᓂᓪᓗ ᓄᓇᒥᐅᑕᕐᓅᖓᔪᓂᑦ ᐊᒻᒪᓗ ᐊᕙᑎᓕᕆᓂᕐᒨᖓᔪᓂᑦ ᐃᓚᒋᔭᐅᓪᓗᑎᒃ ᒪᑯᐊ ᓄᓇᕗᒻᒥ ᐆᒪᔪᓕᕆᓂᕐᒧᑦ ᒪᓕᒐᖅ, ᐃᒪᖃᕐᕕᐅᕙᑦᑐᓄᑦ ᒪᓕᒐᖅ ᑕᒪᒃᑯᓂᖓ ᖃᐅᔨᒪᓂᖃᕆᐊᓕᒃ.

ᐱᖓᓱᓂᑦ (3) ᐊᕐᕌᒍᓂᑦ ᐱᕙᓪᓕᐊᓯᒪᓗᓂ ᐊᐅᓚᑦᑎᓂᕐᒥᒃ ᐃᖅᑲᓇᐃᔮᖃᕐᓯᒪᔭᕆᐊᓕᒃ, ᐃᓚᒋᔭᐅᓗᓂ ᐱᓕᕆᐊᕐᒥ ᐊᐅᓚᑦᑎᓂᖅ. ᓯᕗᓕᕐᓯᔪᓐᓇᑎᐊᕐᓗᓂ ᐊᒻᒪᓗ ᐱᕙᓪᓕᐊᓯᒪᓗᓂ ᐃᖅᑲᓇᐃᔮᖃᕐᓯᒪᔭᕆᐊᓕᒃ ᓴᐳᔾᔨᕕᓕᕆᓂᕐᒥᒃ ᐅᕝᕙᓘᓐᓃᑦ ᐱᓇᓱᐊᕈᑕᐅᔪᓂᑦ ᐊᑑᑎᖃᓗᐊᕋᔭᖅᑐᑦ ᑕᕝᕙᓂ ᐃᖅᑲᓇᐃᔮᔅᓴᒥ. ᐃᖅᑲᓇᐃᔮᖅᑖᕋᓱᑦᑐᑦ ᖃᐅᔨᒪᔭᕆᐊᓖᑦ ᐃᖅᑲᓇᐃᔮᖃᖃᑦᑕᓂᕐᒥᒃ ᑮᓇᐅᔭᖅᑑᑎᔅᓴᓂᑦ, ᐅᓂᒃᑳᓕᐅᖃᑦᑕᓂᕐᒥᒃ ᐊᒻᒪᓗ ᑮᓇᐅᔭᓕᕆᔾᔪᑎᓂᑦ ᐅᖃᓕᒫᕈᓐᓇᑎᐊᕐᓗᑎᒃ. ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑦᑎᐊᕆᐊᓕᒃ ᐊᒻᒪᓗ ᐃᓄᒃᑎᑑᕈᓐᓇᑎᐊᕐᓗᓂ ᑖᒃᑯᐊ ᐊᑑᑎᖃᑦᑎᐊᕋᔭᕐᒥᔪᑦ ᑕᕝᕙᓂ ᐃᖅᑲᓇᐃᔮᔅᓴᒥ.

ᑕᐃᒫᒃ ᐱᐅᓯᖃᕋᔪᑉᐸᒻᒪᑕ, ᓯᓚᑦᑐᓴᕐᕕᒻᒥ ᐱᔭᕇᕈᑎᑖᕐᓯᒪᔭᕆᐊᓕᒃ ᐊᕙᑎᓕᕆᓂᕐᒥᒃ ᐅᕝᕙᓘᓐᓃᑦ ᐊᕙᑎᓕᕆᓂᕐᒥᒃ, ᓄᓇᓕᓐᓂᑦ ᐱᕙᓪᓕᐊᔪᓕᕆᓂᕐᒥᒃ, ᑮᓇᐅᔭᓕᐅᕋᓱᐊᕈᑎᓂᑦ, ᐅᕝᕙᓘᓐᓃᑦ ᑕᒪᑐᒧᖓ ᑐᕌᖓᔪᓂᑦ ᐃᓕᓐᓂᐊᕐᓯᒪᓗᓂ. ᑲᑎᓯᒪᑉᐸᑕ ᑕᒪᑐᒧᖓ ᑐᕌᔪᑦ ᐃᓕᓐᓂᐊᕐᓯᒪᔭᖏᑦ ᐊᒻᒪᓗ ᐊᑐᓚᐅᕐᓯᒪᓂᑰᑉᐸᑦ ᓈᒻᒪᒋᔭᐅᔪᓐᓇᕐᒥᔪᑦ ᓇᓕᒧᑦᑎᒋᐊᔅᓴᖓᓂᒃ ᐃᓱᒪᒋᔭᐅᓗᑎᒃ.

ᐱᒋᐊᕈᑎᒋᒐᔭᖅᑕᖏᑦ ᑮᓇᐅᔾᔭᔅᓵᓄᑦ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓲᓂᓖᑦ $111,132 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ ᐊᒥᓲᓂᓕᓐᓂᑦ $27,600 ᐊᕐᕌᒍᑕᒫᑦ. ᕿᑲᕈᑎᔅᓴᓂᑦ ᐃᑲᔫᓯᐊᖅᑖᕋᑦᑕᕋᔭᖅᑐᖅ, ᑲᑐᔾᔨᖃᑎᒌᒃᑯᑎᒍᑦ ᓇᓪᓕᐅᒃᑯᒫᖃᕐᓗᓂ ᐊᒻᒪᓗ NEBS ᐲᔭᐃᒍᑕᐅᓲᓂᑦ ᓈᕆᑉᐸᑦ ᐃᖅᑲᓇᐃᔮᖓᓂᒃ ᐃᑲᔫᓯᐊᔅᓴᓄᑦ ᐊᑭᓕᕐᓱᖅᑕᐅᒍᑎᔅᓴᖏᓐᓂᒃ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.

ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:

ᐃᖅᑲᓇᐃᔭᖅᑐᓕᕆᔩᑦ                   ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ         ᓱᒃᑲᔪᒃᑰᕈᑖ: (867) 979-3238
922 ᓂᐊᖁᙴᓯᐊᕆᐊᖅ ᐊᖅᑯᑖᓂ        ᐃᕐᖐᓈᖅᑕᐅᑖ: Resumes@qia.ca
ᐃᒡᓗᕗᑦ, ᖄᖅᑎᖓᓂ 2ᒥ                ᑕᑯᓂᐊᕋᔅᓴᖅ: Tuttarvik.qia.ca
ᐃᖃᓗᐃᑦ, ᓄᓇᕗᑦ X0A 2H0

ᒪᑐᕕᔅᓴᓕᒃ: ᒪᑐᐃᖓᔪᖅ ᐃᓐᓄᒐᓱᓐᓂᖓᓂ.

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ