ᐃᖅᑲᓇᐃᔭᖅᑎᓄᑦ / ᑕᖅᑲᒃᑯᓄᖓ ᐃᖅᑲᓇᐃᔮᔅᓴᖅ

ᐃᖅᑲᓇᐃᔮᖅ: ᐊᓪᓚᕝᕕᒻᒧᑦ ᑐᑭᒧᐊᕐᑎᑦᓯᔨ
ᖃᓄᑎᒋ: ᐃᖅᑲᓇᐃᔭᐃᓐᓇᓂᐊᕐᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᓄᓇᕗᒥ ᐃᓄᓐᓂᑦ ᑭᓯᐊᓂ ᐱᓇᓱᐊᖅᑐᖃᕈᓐᓇᕐᑐᖅ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) iᕿᓂᕐᖓᑕ ᐃᒻᒥᓂᖕ ᐱᓇᓱᐊᒃᑲᐅᔪᒥᑦ ᐊᐅᓚᑦᑎᔪᓐᓇᕐᑐᒥᓪᓗ ᐋᖅᑭᑦᓱᐃᓕᒻᒪᑦᓯᐊᕐᓗᓂ ᑲᑐᔾᔨᖃᑎᒌᓂᑦ ᐊᒻᒪ ᓯᕗᓕᕐᑎᐅᓂᖕᒧᑦ ᐱᓕᒻᒪᑦᓯᐊᕐᓗᓂ ᐊᓪᓚᕝᕕᒻᒧᑦ ᑐᑭᒧᐊᕐᑎᑦᓯᔨᐅᓂᐊᕐᑐᖅ.  ᐊᓪᓚᕝᕕᒻᒧᑦ ᑐᑭᒧᐊᕐᑎᑦᓯᔨᐅᓂᐊᕐᖓᑦ ᐱᒻᒪᕆᐊᓗᖕᓂᑦ ᐊᐅᓚᒋᐊᓕᓐᓂᑦ, ᐋᖅᑭᑦᓱᕆᐊᓕᓐᓂᑦ ᐊᒻᒪ ᐊᓪᓚᕝᕕᒻᒥᑦ ᖃᐅᔨᓴᕈᓐᓇᑦᓯᐊᕐᓗᓂ ᑲᑐᔾᔨᖃᑎᒌᖓᓂᑦ ᐊᒻᒪ ᐊᓪᓚᕝᕕᒻᒥᐅᓂᑦ ᐃᑲᔪᕈᓐᓇᕐᓗᓂ ᐱᐊᓚᑦᑎᐊᕐᓗᑎᑦ ᐊᑑᑎᖃᑦᓯᐊᕐᑐᓂᓪᓗ ᑲᔪᓯᑎᑦᓯᔪᓐᓇᖁᓪᓗᒋᑦ ᐃᖅᑲᓇᐃᔮᖏᓂ ᕿᑭᖅᑕᓃᒃᑯᓃᑦᑐᓕᒫᑦ ᑐᑭᒧᐊᕐᑎᑦᓯᔨᐅᓗᓂ ᐊᐅᓚᔾᔪᑎᓪᓗᐊᑕᐅᕙᑦᑐᓂᑦ ᐊᓪᓚᕝᕕᒻᒥ.

ᐅᓂᒃᑳᖃᑦᑕᕐᓗᓂ ᐊᐅᓚᑦᑎᔨᐅᑉ ᐃᑲᔪᖅᑎᖓᓄᑦ, ᐊᐅᓚᑦᑎᔩᑦ ᐊᓪᓚᕝᕕᖏᓄᑦ,  ᐊᓪᓚᕝᕕᒻᒧᑦ ᑐᑭᒧᐊᕐᑎᑦᓯᔨ ᓴᓐᖏᔫᒋᐊᓕᒃ ᓯᕗᓕᕐᑎᐅᓗᓂ ᑲᑎᒪᔩᑦ ᐊᐅᓚᑦᑕᕆᐊᓕᖏᓐᓂᑦ, ᐊᑦᑕᓇᕐᔭᐃᕆᐊᓕᓐᓂᑦ ᐅᓂᒃᑳᓂᓪᓗ ᐊᐅᓚᑦᑎᔨᐅᓗᓂ, ᓯᕐᓗᐊᒦᑦᑐᓂᑦ ᐊᒻᒪ ᐊᖅᑯᓯᐅᕆᐊᓕᓐᓂᑦ, ᐊᓪᓚᕝᕕᒻᒥ ᓱᓇᒃᑯᑎᖏᓂᑦ ᐱᖁᑎᖏᓂᓪᓗ, ᖃᕆᓴᐅᔭᓕᕆᓂᖕᒧᑦ ᐱᔨᑦᓯᕈᑎᓂᑦ, ᐊᓪᓚᕝᕕᒻᒧᑦ ᑭᐅᔨᓂᑦ, ᓄᓇᓕᓐᓂ ᑐᓴᐅᒪᖃᑦᑕᐅᑎᓕᕆᔨᓂᑦ ᐊᒻᒪ ᑕᒪᐃᓐᓂᑦ ᐊᓪᓚᕝᕕᒻᒥ ᐊᐅᓚᒋᐊᓕᓐᓂᑦ.  ᐃᓂᖓᓃᓐᓂᐊᖅᑐᖅ ᑐᑭᒧᐊᕐᑎᓯᔨᐅᓂᐊᕐᑐᖅ, ᓯᕗᓕᕐᑎᐅᓗᓂ ᐊᒻᒪ ᐊᔪᕆᕐᓯᐅᔾᔨᕙᓪᓗᓂ ᐊᐅᓚᔾᔪᑎᓪᓗᐊᑕᑦ ᐊᐅᓚᑦᑎᐊᕋᓗᐊᕐᒪᖔᑕ ᐊᑐᐃᓐᓇᐅᒋᐊᓖᑦ, ᐱᐊᓚᑦᑎᐊᕐᓗᑎᑦ ᐊᑑᑎᖃᑦᓯᐊᕈᓐᓇᖁᓪᓗᒋᓪᓗ.

ᐃᓂᖓᓄᑦ ᐃᖅᑲᓇᐃᔮᖅᑖᕐᓂᐊᕐᑐᖅ ᐊᔪᓐᖏᓪᓚᕆᒋᐊᓕᒃ ᐋᖅᑭᑦᓱᐃᔪᓐᓇᕐᓂᖕᒥᑦ ᐊᐅᓚᔾᔪᓯᓂᑦ, ᐅᔾᔨᕐᑐᑦᓯᐊᕈᓐᓇᕐᓗᓂ ᑭᓱᑐᐃᓐᓇᓂᑦ, ᐊᑲᐃᓪᓕᐅᕈᑎᓂᑦ ᖃᓄᖅᑑᕈᓐᓇᑦᓯᐊᕐᓗᓂ, ᐃᑲᔪᕐᑎᐅᖃᑎᒌᓐᓂᒃᑯᑦ ᐱᓕᒻᒪᓪᓗᓂ ᐅᖃᓕᒪᖃᑎᖃᕈᓐᓇᑦᓯᐊᕐᓗᓂ ᑐᑭᓯᓇᕐᓗᓂ, ᖃᓪᓗᓈᑎᑐᑦ ᐃᓄᑦᑎᑐᓪᓗ.  ᖃᐅᔨᒪᓂᖃᕐᓗᓂ ᑲᑎᒪᔩᑦ ᐊᐅᓚᑕᖏᓐᓂᑦ ᐊᓪᓚᕝᕕᓕᕆᓂᖕᒥᓪᓗ ᐱᐅᓯᕆᔭᐅᕙᑦᑐᓂᑦ ᐱᑦᑎᐊᕆᐊᖃᕐᓂᖕᒧᑦ ᑲᔪᓯᑎᑦᓯᓯᐊᕐᓂᐊᕈᓂ ᐃᓂᖓᓂ.  ᐊᐅᓚᑦᓯᓕᓂᐅᓗᓂ ᑲᑎᒪᓂᐊᕐᑐᓂᑦ ᐅᓂᒃᑳᕈᓐᓇᕐᓗᓂᓗ ᐊᖏᔪᖅᑲᐅᑎᓄᑦ ᐅᓂᒃᑳᕆᐊᖃᓕᕋᐃᑉᐸᑦ.  ᐃᖅᑲᓇᐃᔮᖅᑖᕋᓱᐊᕐᑐᑦ ᐊᕐᕌᒍᓂᑦ ᑕᓪᓕᒪᓂᑦ ᐱᕙᓪᓕᐊᓯᒪᓗᓂ ᐊᖏᔪᖅᑳᖑᓂᖕᒥᑦ, ᐱᖃᓯᐅᑎᓗᒋᑦ ᐃᖅᑲᓇᐃᔭᕐᑎᓂᑦ ᖃᐅᔨᓴᕈᓐᓇᕐᓗᓂ ᖃᐅᔨᓴᕐᑕᐅᒋᐊᖃᓕᕋᐃᑉᐸᑕ ᐃᖅᑲᓇᐃᔭᕈᓯᖏᑦ.  ᐃᓂᖓᓃᓐᓂᐊᕐᑐᖅ ᐊᑦᓱᕈᕐᓇᕐᑐᒃᑰᓕᕈᑎᖕ ᐱᔭᑦᓴᖏᓐᓂ ᐅᐃᒪᑦᑕᐃᓕᒪᔪᓐᓇᕆᐊᓕᒃ.

ᐃᓂᖓᓃᑦᑐᖅ ᐃᓕᓐᓂᐊᕐᓯᒪᒐᔪᒋᐊᓖᑦ ᓯᓚᑦᑐᖅᓴᕐᕕᒻᒥ ᐸᐃᑉᐹᖁᑎᑖᕐᓯᒪᓗᑎᑦ ᓇᖕᒥᓂᖃᕐᓂᖕᒧᑦ ᐊᐅᓚᑦᑎᓂᖕᒥᑦ, ᒐᕙᒪᓕᕆᓂᖕᒥᑦ ᐊᔾᔨᐸᓗᖏᓂᓪᓘᓐᓃᑦ ᐃᖅᑲᓇᐃᔮᖑᓲᓂᑦ.  ᐱᔭᑦᓴᓂᑦ ᐊᐅᓚᑦᓯᔨᐅᓂᖕᒧᑦ ᐸᐃᑉᐹᖁᑎᖃᕐᐸᑦ ᐃᑲᔪᕐᓂᖃᕋᔭᕐᑐᖅ.  ᑲᑎᓯᒪᔪᓂᑦ ᐃᓕᓐᓂᐊᖃᑦᑕᓕᓂᐅᓂᖓ ᐊᒻᒪ ᐊᑐᖅᓯᒪᔭᖏᓐᓂᑦ ᐃᖅᑲᓇᐃᔮᒥᒍᑦ ᓈᒻᒪᒋᔭᐅᒐᔭᕐᑐᑦ ᐃᓕᓐᓂᐊᕐᓯᒪᕐᔪᐊᕐᑐᑎᑐᑦ ᓇᓕᒧᒋᔭᐅᒋᐊᖏᑦ.  ᖃᐅᔨᓴᕐᑕᐅᒋᐊᖃᕋᔭᕐᑐᖅ ᐊᑎᖓ ᐱᓂᕐᓗᓚᐅᖅᓯᒪᓐᖏᑲᓗᐊᕐᒪᖔᑦ ᐊᒻᒪ ᖃᓄᐃᓕᐅᕆᓚᐅᕐᓯᒪᓐᖏᒃᑲᓗᐊᕐᒪᖔᑦ ᓇᓗᓇᐃᒃᑯᑎᑖᖅᑎᑕᐅᓗᓂ.

ᑮᓇᐅᔾᔭᑦᓵᖏᑦ ᐱᒋᐊᕐᕕᓖᑦ $128,844 ᐊᕐᕌᒍᓕᒫᒧᑦ, ᐃᓚᓪᓗᒋᑦ ᐅᑭᐅᖅᑕᖅᑐᒥᐅᑕᐅᓂᖕᒧᑦ ᐃᑲᔫᓯᐊᑦ $27,600 ᐊᕐᕌᒍᓕᒫᒧᑦ. ᐃᓪᓗᑦᓴᖃᕐᑎᑕᐅᓐᖏᑦᑐᖅ.

ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:

ᐃᖅᑲᓇᐃᔭᖅᑐᓕᕆᔩᑦ             ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ    ᓱᒃᑲᔪᒃᑰᕈᑖ: (867) 979-3238
ᐃᒡᓗᕗᑦ, 2 ᖄᖅᑎᖓ
ᑎᑎᖅᑲᒃᑯᕕᖓ 1340              ᐃᕐᖐᓈᖅᑕᐅᑖ: Resumes@ᕿᑭᖅᑕᓃᒃᑯᑦ.ca
ᐃᖃᓗᐃᑦ, ᓄᓇᕗᑦ X0A 0H0
Tuttarvik.ᕿᑭᖅᑕᓃᒃᑯᑦ.ca

ᐅᓪᓗᖓ ᒪᑐᕕᖓᑕ: ᕕᕝᕗᐊᕆ 3, 2023, 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ