ᐃᖅᑲᓇᐃᔭᑲᐃᓐᓇᑎᑦᓯᓂᖅ
ᐃᖅᑲᓇᐃᔮᒃᓴᖅ: ᓄᓇᓕᓐᓂᑦ ᑐᓴᐅᒪᖃᑦᑕᐅᑎᓂᕐᒧᑦ ᑐᖅᑲᑕᕐᕕᒃ
ᓇᒦᓐᓂᖓ: ᐃᓘᓐᓇᖏᓐᓂ ᕿᑭᖅᑕᓂ ᓄᓇᓕᐅᔪ
ᖃᓄᖅ ᐋᖅᑭᒃᓯᒪᓂᖓ: ᐃᖅᑲᓇᐃᔭᓚᐅᑲᒃᑎᑦᑎᓂᖅ−ᑭᙴᒪᒋᔭᐅᓕᕋᐃᒍᓂᓗ
ᒪᑐᐃᖓᔪᖅ ᒪᑯᓄᖓ: ᓯᕗᓪᓕᐅᔾᔭᐅᓯᒪᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖓᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᓄᓇᓕᖕᒥ ᖃᐅᔨᒪᓂᖃᑦᑎᐊᖅᑐᒥᒃ, ᐃᓚᐅᕙᒃᑐᒥᓪᓗ ᐊᒻᒪᓗ ᐱᓪᓗᕆᒃᑐᒥᒃ ᐃᖅᑲᓇᐃᔮᖃᕐᓂᐊᖅᑐᒥᒃ ᓄᓇᓕᖕᒥ ᑐᓴᐅᒪᑎᑦᑎᔨᐅᓂᕐᒧ, ᑖᓐᓇ ᐃᖅᑲᓇᐃᔮᖅ ᐃᑲᔪᖃᑦᑕᕐᓂᐊᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᒃ (ᕿᑭᖅᑕᓃᒃᑯᑦ), ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖁᑎᖓᓂᓪᓗ (ᑐᙵᕕᒃᑯᑦ), ᖃᐅᔨᒪᑎᑦᑎᔨᐅᓗᑎᒃ ᓄᓇᖅᑲᑎᒋᔭᖏᓐᓂᒃ ᐊᔾᔨᒌᙱᑦᑐᓂᒃ ᐊᒻᒪ ᐱᓕᕆᐊᒃᓴᕆᔭᖏᓐᓂᒃ.
ᑐᖅᑲᑕᕐᕕᒃ ᑐᕚᕆᔭᐅᖃᑦᑕᙳᓱᒻᒪᑦ ᓴᖅᑭᑎᑦᑎᖃᑦᑕᓂᐊᕐᓂᖓᓂᒃ ᐃᑲᔪᖅᓯᒋᐊᕈᑕᐅᓯᒪᔪᓂᑦ, ᐅᖃᐅᔾᔨᒋᐊᕈᑕᐅᔪᓂᑦ ᐊᒻᒪᓗ ᑐᑭᓯᐅᒪᔾᔪᑎᔅᓴᓂᑦ ᑐᓴᐅᒪᑎᑦᑎᔩᑦ ᑐᑭᒧᐊᑦᑎᑦᑎᔨᖓᓐᓄᑦ ᑕᐃᒫᒃ ᐃᑲᔪᖃᑦᑕᕈᓐᓇᓂᐊᕐᖓᑦ ᖃᐅᔨᒃᑲᖅᑕᐅᓯᒪᓗᑎᒃ, ᓈᒪᔪᓂᑦ ᐊᒻᒪᓗ ᐃᓱᒪᒋᔭᖃᕐᓗᑎᒃ ᑐᑭᑖᕈᑎᖃᖃᑦᑕᕈᓐᓇᓂᐊᕐᖓᑕ.
ᑖᓐᓇ ᐃᖅᑲᓇᐃᔮᔅᓴᖅ ᑕᒪᐃᓐᓅᖓᔪᓂᑦ ᐃᖅᑲᓇᐃᔮᖃᕈᑕᐅᕙᒻᒪᑦ ᖃᐅᔨᒪᒍᑕᐅᑦᑎᐊᕆᐊᖃᖅᑐᓂ ᖃᓄᐃᑦᑐᑐᐃᓐᓇᑦᑎᐊᓂᑦ ᑲᑐᔾᔨᖃᑎᒌᒃᑯᑦ ᑎᑎᖅᑲᖁᑎᖏᓐᓂᒃ, ᐊᑐᐊᒐᖏᓐᓂᒃ, ᐊᒻᒪᓗ ᐊᐅᓚᔾᔪᓯᖏᓐᓂᒃ ᑕᐃᒫᒃ ᐃᖅᑲᓇᐃᔮᓕᒃ ᑲᔪᓯᑎᑦᑎᑦᑎᐊᖃᑦᑕᓂᐊᕐᖓᑦ ᑲᒪᒋᔭᔅᓴᒫᖏᓐᓂᒃ ᐊᒻᒪᓗ ᐃᖅᑲᓇᐃᔮᖃᖃᑦᑕᓂᐊᕐᖓᑦ ᐃᖅᑲᓇᐃᔮᖓᓂᒃ. ᖃᐅᔨᒪᑦᑎᐊᕆᐊᓕᒃ ᑐᑭᓯᐅᒪᑦᑎᐊᕐᓗᓂᓗ ᑲᔪᓯᑎᒍᒪᓯᒪᔭᖓᓐᓂᒃ ᑐᙵᕕᖏᓐᓂᓪᓗ ᑐᑭᒧᐊᒍᑎᒋᕙᑦᑕᖏᓐᓂᒃ ᑲᑐᔾᔨᖃᑎᒌᒃᑯᑦ ᑲᔪᓯᑎᑦᑎᑎᐊᕐᓂᐊᕐᖓᑦ ᑕᕝᕙᓂ ᐃᖅᑲᓇᐃᔮᖓᓂ.
ᐃᖅᑲᓇᐃᔮᖃᕐᓂᐊᖅᑐᖅ ᑐᓴᐅᒪᑎᑦᑎᑦᔨᐅᑦᑎᐊᕈᓐᓇᕆᐊᓕᒃ ᐊᒻᒪᓗ ᐊᔪᙱᓐᓂᖃᕐᓗᓂ ᐊᔾᔨᒌᙱᑦᑐᓂᒃ, ᐊᐅᓚᑦᑎᔾᔪᑎᓕᕆᔪᓐᓇᕐᓗᓂ, ᐊᒻᒪᓗᑦᑕᐅᖅ ᐊᔾᔨᒌᙱᑦᑐᓂᒃ ᐱᔭᕆᑐᔪᓂᒃ ᐱᓕᕆᕙᓪᓗᓂ. ᐊᔪᙱᓐᓂᖃᕆᐊᖃᖅᑯᖅ ᖃᕆᑕᐅᔭᓕᕆᔾᔪᑎᓕᕆᔪᓐᓇᕐᓂᕐᒥᒃ, ᐊᒻᒪᓗ ᐃᓄᖕᓂ ᐱᔨᑦᓯᕋᑦᑎᐊᖃᑦᑕᕐᓗᓂ. ᑖᓐᓇ ᐃᖅᑲᓇᐃᔮᖅ ᐃᓄᒃᑎᑑᓕᕆᖃᑦᑕᕆᐊᖃᕋᔭᕐᒥᔪᖅ ᑕᐃᒪᐃᒻᒪᑦ ᐃᓄᒃᑎᑑᑦᑎᐊᕈᓐᓇᕆᐊᓕᒃ ᖃᓪᓗᓇᐅᔭᕈᓐᓇᕐᓗᓂᓗ.
ᓯᓚᑦᑐᖅᓴᕐᕕᖕᒥ ᓇᓗᓇᐃᒃᑯᑕᖅᑖᓯᒪᓗᓂ ᐅᕝᕙᓘᓐᓃᑦ ᐊᔾᔨᒋᔭᖓᓂᒃ ᐱᔪᓐᓇᕐᓂᖃᕐᓂᖅ. ᑲᑎᓪᓗᒋ ᐊᔾᔨᒌᙱᑦᑐᓂᒃ ᐃᓕᓐᓂᐊᕐᓂᕆᓯᒪᔭᑎᑦ ᐊᔪᙱᓐᓂᕆᔭᑎᓪᓗ ᐃᓱᒪᒋᔭᐅᑐᐃᓐᓇᕆᐊᖃᕐᒥᔪᑦ.
ᐃᖅᑲᓇᐃᔮᖅᑖᕋᓲᑕᐅᔪᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᕈᑎᒃᑯᑦ, ᓇᒻᒥᓂᖅ ᑐᓂᓗᒋᑦ, ᑎᑎᖅᑲᓂᐊᕐᕕᑯᓪᓘᓐᓃᑦ ᐅᕗᖓ:
ᐅᖄᓚᐅᑖ: (867) 975-8400
ᓱᒃᑲᔪᒃᑯᑦ: (867) 979-3238
ᐃᕐᖐᓈᖅᑕᐅᑖ: Resumes@qia.ca
ᒪᑐᕕᔅᓴᖓᑕ ᐅᓪᓗᖓ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ