QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᐃᓕᓴᖅᓯᕕᒃ ᑲᑐᔾᔨᖃᑎᒌᑦ ᐃᑲᔪᕆᐊᖅᑎᑦᑎᔪᑦ ᐃᓱᒪᓕᕆᔨᓂᑦ ᐃᒃᐱᐊᕐᔪᒻᒧᑦ ᐱᔾᔪᑎᖃᖅᑐᑎᒃ ᕿᑭᖅᑕᓂᒃᑯᑦ ᐃᑲᔪᕆᐊᖁᔨᓂᕆᓚᐅᖅᑕᖓᓐᓂᒃ

ᐃᓕᓴᖅᓯᕕᒃ ᑲᑐᔾᔨᖃᑎᒌᑦ ᐃᑲᔪᕆᐊᖅᑎᑦᑎᔪᑦ ᐃᓱᒪᓕᕆᔨᓂᑦ ᐃᒃᐱᐊᕐᔪᒻᒧᑦ ᐱᔾᔪᑎᖃᖅᑐᑎᒃ ᕿᑭᖅᑕᓂᒃᑯᑦ ᐃᑲᔪᕆᐊᖁᔨᓂᕆᓚᐅᖅᑕᖓᓐᓂᒃ

 In media-releases-inuk, media-releases-inuk

ᑐᓴᕋᔅᓴᕈᖅᑎᑕᐅᕕᖓᑕ ᐅᓪᓗᖓ: ᒫᑦᓯ 28, 2019

ᖃᓄᐃᓕᐅᕈᑕᐅᔪᖅ: ᐃᓕᓴᖅᓯᕕᒃ ᑲᑐᔾᔨᖃᑎᒌᑦ ᐃᑲᔪᕆᐊᖅᑎᑦᑎᔪᑦ ᐃᓱᒪᓕᕆᔨᓂᑦ ᐃᒃᐱᐊᕐᔪᒻᒧᑦ ᐱᔾᔪᑎᖃᖅᑐᑎᒃ ᕿᑭᖅᑕᓂᒃᑯᑦ ᐃᑲᔪᕆᐊᖁᔨᓂᕆᓚᐅᖅᑕᖓᓐᓂᒃ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐃᑲᔪᖅᑕᐅᒍᒪᓚᐅᕐᖓᑕ ᐃᓕᓴᖅᓯᕕᒃ ᑲᑐᔾᔨᖃᑎᒌᖏᓐᓄᑦ, ᑐᐊᕕᕐᓇᖅᑐᒥᒃ ᐃᓅᓯᓕᕆᔨᓂᑦ ᐃᑲᔪᖅᑎᖃᖁᔨᓪᓗᑎᒃ ᐃᒃᐱᐊᕐᔪᒻᒥᐅᓄᑦ, ᐱᔾᔪᑎᒋᓪᓗᒋᑦ ᒫᓐᓇᕋᑖᖑᓚᐅᖅᑐᖅ ᐃᒻᒥᓃᖃᑦᑕᓚᐅᖅᑐᑦ ᐱᔾᔪᑎᒋᓪᓗᒋᑦ ᓄᓇᓕᓐᓂᑦ.

ᑎᓴᒪᑦ ᐃᓄᐃᑦ ᐃᓅᓯᓕᕆᔨᐅᖃᑎᒌᑦ ᐃᓕᓴᖅᓯᕕᒻᒦᙶᕐᓯᒪᔪᑦ, ᒪᕐᕉᒃ ᐊᕐᓈᒃ ᐊᒻᒪᓗ ᒪᕐᕉᒃ ᐊᖑᑏᒃ, ᐸᕐᓇᑦᑐᑦ ᐃᓱᒪᓕᕆᓂᕐᒧᑦ ᐃᑲᔪᕆᐊᕐᓂᐊᖅᑐᑎᒃ ᐃᒃᐱᐊᕐᔪᒻᒧᑦ ᐄᐳᓗ 1ᒥ ᐄᐳᓗ 7ᒧᑦ. ᐃᓱᒪᓕᕆᔨᐅᖃᑎᒌᑦ ᓄᓇᓕᓐᓂᑦ ᐃᓅᓯᓕᕆᖃᑦᑕᕈᓐᓇᓂᐊᖅᑐᑦ ᐃᑲᔪᖃᑦᑕᕈᓐᓇᓂᐊᖅᑐᑎᓪᓗ ᐃᓚᒌᓂᑦ ᐃᓚᙵᓚᐅᖅᑐᓂᑦ ᐊᓯᖏᓐᓂᓪᓗ ᐃᑉᐱᓐᓂᖃᑕᐅᓯᒪᔪᓂᑦ ᑕᒪᑐᒧᖓ ᐅᖁᒪᐃᑦᑐᒃᑰᕈᑕᐅᔪᒧᑦ.

ᐃᓕᓴᖅᓯᕕᒃ ᑲᑐᔾᔨᖃᑎᒌᑦ, ᓄᓇᓕᓐᓂᑦ ᐃᓅᓪᓗᑎᒃ ᑲᑐᔾᔨᖃᑎᒌᑦ ᑲᖏᖅᑐᒑᐱᒻᒥ ᐋᖅᑭᓯᒪᔪᑦ ᐊᑐᖅᑎᑦᑎᒋᐊᒃᑲᓐᓂᕈᒪᓯᒪᓪᓗᑎᒃ ᓄᓇᖅᑲᑎᒌᓂᑦ ᒪᑭᒪᑦᑎᐊᖅᑐᓂᑦ, ᑕᐃᒫᔅᓴᐃᓐᓇᒐᓚᒃ ᐃᑲᔪᖅᑕᐅᔭᕆᐊᖃᓪᓚᕆᑦᑐᓂᑦ ᐃᓅᓯᓕᕆᖃᑦᑕᕐᓯᒪᔪᑦ ᓇᒥᑐᐃᓐᓇᖅ ᓄᓇᓕᓐᓂᑦ ᕿᑭᖅᑕᓂ ᓄᓇᓕᓐᓂᑦ 2019ᖑᑎᓪᓗᒍ ᐅᑯᐊ ᓄᓇᓖᑦ ᐃᓚᒋᔭᐅᓪᓗᑎᒃ ᐃᒡᓗᓕᒃ, ᐃᖃᓗᐃᑦ, ᐊᒻᒪᓗ ᑭᒻᒥᕈᑦ.

ᐃᓕᓴᖅᓯᕕᒻᒥ ᐃᓅᓯᓕᕆᔩᑦ ᐱᓕᕆᖃᑎᖃᓲᑦ ᐃᓚᒌᓂᑦ ᑭᒃᑯᑐᐃᓐᓇᓂᓪᓗ ᒪᒥᓴᕐᐸᓪᓕᐊᒍᓐᓇᖁᓪᓗᒋᑦ ᐊᒻᒪᓗ ᒪᑭᑕᒋᐊᒃᑲᓐᓂᕈᓐᓇᖁᓪᓗᒋᑦ. ᓄᓇᓕᓐᓂᑦ ᐃᓅᓯᓕᕆᓂᕐᒧᑦ ᐃᑲᔫᑎᐅᕙᑦᑐᖅ ᐊᑑᑎᖃᓪᓚᕆᖃᑦᑕᖅᑐᖅ ᐃᑲᔪᖅᑕᐅᔾᔪᑎᒋᒋᐊᓕᖏᓐᓄᑦ ᐃᓅᓯᓕᕆᓂᕐᒧᑦ ᐃᓄᐃᑦ ᐃᓄᓐᓄᑦ ᐃᑲᔪᖅᑕᐅᓪᓗᑎᒃ.

ᕿᑭᖅᑕᓂᒃᑯᑦ ᓂᕆᐅᑦᑐᑦ ᐱᓕᕆᖃᑎᖃᑦᑎᐊᑲᓐᓂᖃᑦᑕᕐᓂᐊᕆᐊᔅᓴᖅ ᐃᓕᓴᖅᓯᕕᒃ ᑲᑐᔾᔨᖃᑎᒌᖏᓐᓂᑦ ᑲᒪᒋᔭᖃᕐᓗᑎᒃ ᐃᑲᔪᖅᑕᐅᔾᔪᑎᒋᒋᐊᓕᖏᓐᓂᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᐃᓅᓯᓕᕆᓂᕐᒧᑦ ᒪᒥᓴᖃᑦᑕᓂᕐᒧᓪᓗ. 

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᔨᐅᕋHᐃ,

ᑐᑭᒧᐊᑦᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ

szerehi@qia.ca

867.975.8413

1.800.667.2742

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ