QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᐃᓄᖕᓄᑦ ᑐᓴᒐᒃᓴᖅ – ᕿᑭᖅᑕᓃᒃᑯᑦ ᐊᔮᔮᒃᑯᓪᓗ ᑲᑐᔾᔨᓪᓗᑎᒃ ᑐᓂᓯᓂᐊᖅᑐᑦ ᓂᕿᑖᕈᑎᓂ ᐃᓄᖕᓄᑦ ᐃᖃᓗᖕᒥᐅᓄᑦ

ᐃᓄᖕᓄᑦ ᑐᓴᒐᒃᓴᖅ – ᕿᑭᖅᑕᓃᒃᑯᑦ ᐊᔮᔮᒃᑯᓪᓗ ᑲᑐᔾᔨᓪᓗᑎᒃ ᑐᓂᓯᓂᐊᖅᑐᑦ ᓂᕿᑖᕈᑎᓂ ᐃᓄᖕᓄᑦ ᐃᖃᓗᖕᒥᐅᓄᑦ

 In COVID19-inuk, media-releases-inuk

ᐅᓪᓗᖓ ᓴᖅᑭᑕᖅ: ᒪᐃ 26, 2021
ᐱᔾᔪᑦ: ᓂᕿᑖᕈᑎᑦ ᑐᓂᔭᐅᖃᑦᑕᕐᓂᐊᕐᓂᖏᑦ

ᕿᑭᖅᑕᓃᒃᑯᑦ ᐊᔮᔮᒃᑯᓪᓗ ᑲᑐᔾᔨᔪᑦ ᑐᓂᐅᖅᑲᐃᓂᐊᖅᖢᑎᒃ ᓂᕿᑖᕈᑎᓂ ᐃᑲᔪᖃᑕᐅᓗᑎᒃ ᓂᕿᒃᓴᖃᑦᑎᐊᕆᐊᖃᕐᓂᕐᒥᒃ ᓄᕙᓐᓇᕐᔪᐊᖅ-19 ᐊᑐᖅᑎᓪᓗᒍ ᐃᖃᓗᓐᓂ.  ᓂᐅᕕᕈᑎᑦ ᑐᓂᐅᖅᑲᖅᑕᐅᓛᖅᑐᑦ ᐃᓄᓕᒫᓄᑦ ᐃᖃᓗᓐᓂ ᐊᕐᕌᒍᓕᖕᓄ 16ᓂᑦ ᐅᖓᑖᓂᓗ ᔫᓐ 30ᑎᐅᓕᖅᐸᑦ 2021ᒥ. ᐃᓄᐃᑦ ᓂᕿᑖᕈᑎᑖᕐᓂᐊᖅᑐᑦ ᐊᑭᓕᖕᒥᑦ  $275.00ᓂ, ᓂᕿᑖᕈᑎᐅᓗᓂ, , $137.50ᑕᓚᓇᓂ ᐊᑐᕐᓗᒋᑦ ᓴᓪᓗᕕᓂᕐᒥ (ᐋᑎᒃ ᕕᐊᓐᓱᔅ) ᐊᒻᒪ $137.50ᑖᓚᓂ ᓂᐅᕕᕐᕕᖕᒥ.  ᓯᕗᓕᖅᐹᒥᒃ ᓂᕿᑖᕈᑎᑖᓛᖅᑐᑦ ᒪᐃ 31 ᐊᒻᒪ ᔫᓐ 4ᓗ ᐊᑯᓐᓂᖓᓂᑦ ᐊᒻᒪᓗ ᐊᐃᑉᐸᖏᑦ ᑭᖑᓂᐊᓂᑦ ᐊᑐᐃᓐᓇᕈᖅᑕᐅᒃᑲᓐᓂᕐᓗᑎᒃ ᐱᓇᓱᐊᕈᓯᐅᓂᐊᖅᑐᓂᑦ.  ᑐᑭᓯᒍᑎᒃᓴᓂᒃ ᓴᖅᑭᑦᑐᖃᓛᖅᑐᑦ ᐊᐃᑉᐸᕆᔭᖓᓂᑦ ᓂᕿᑖᕈᑏᑦ ᒥᒃᓵᓄᑦ ᓯᕗᓂᑦᑎᓐᓂ.  ᓂᐅᕕᕈᑎᖃᕈᓐᓇᖅᓯᓯᒪᔪᑦ ᑮᓇᐅᔭᖅᑖᖅᓯᒪᓪᓗᑎᒃ ᓄᓇᖃᖅᑐᑐᖃᓕᕆᔨᒃᑯᓐᓂᑦ ᐊᒻᒪᓗ ᐃᓄᓕᕆᔨᑐᖃᒃᑯᓐᓂᑦ ᐅᐸᓗᖕᓇᖅᑐᓂᒃ ᐃᑲᔫᑕᐅᔪᓂᑦ ᖃᓂᒪᕝᕕᐅᔪᓄᑦ ᓄᓇᓕᖕᓄᑦ ᐊᒻᒪ ᐃᓚᔭᐅᓪᓗᑎᒃ ᑯᐊᐸᒃᑯᓐᓂᑦ ᓂᐅᕕᕐᕕᒃᑯᓐᓂᓗ.

ᐊᑐᐃᓐᓇᕐᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᑎᓕᐅᕈᑎᖏᑦ ᐊᑦᑕᕐᓇᖅᑐᒦᑦᑕᐃᓕᓂᕐᒧᑦ, ᒪᕐᕈᐃᓕᖓᔪᒃᑯᑦ ᓂᕿᑖᕈᑎᑦ ᐱᔭᐅᔪᓐᓇᓛᖅᑐᑦ.  ᐊᔭᐃᓗᑎᒃ ᑰᓕᕝᕕᖕᒥᑦ ᐊᒻᒪ ᐊᐃᑉ ᐅᒃᐱ ᑲᑎᕝᕕᖓᓂᑦ, ᐊᒻᒪᓗ ᐊᔾᔭᖅᑐᐃᔪᓐᓇᓛᕆᓪᓗᑎᒃ.

ᐊᐃᔭᐅᖃᑦᑕᕐᓂᐊᕐᓂᖏᑦ ᐱᔾᔪᑎᒋᓪᓗᒋᑦ ᓄᓇᓕᐸᐅᔭᖅ ᓯᑕᒪᐃᓕᖓᔪᒃᑯᑦ ᐊᕕᓯᒪᓂᐊᕐᒪᑦ ᒪᓕᒡᓗᒋᑦ ᑭᒡᒐᖅᑐᐃᕝᕕᐅᔪᑦ ᒪᓕᒐᓕᐅᖅᑎᓄᑦ; ᒪᓂᕋᔭᒃ, ᑕᓯᓗᒃ, ᓯᓈ, ᓂᐊᖁᖒᓗ. ᑕᐃᒫᒃ ᐋᖅᑭᒃᓯᒪᑉᐸᑕ ᐊᑕᐅᑦᑎᒃᑯᑦ ᐃᑎᖅᑐᖃᓗᐊᖃᖃᑦᑕᕐᓂᐊᙱᒻᒪᑦ. ᑕᐃᑲᓂ ᑲᑎᕝᕕᖕᒥ, ᖃᓂᒌᑦᑕᐃᓕᑦᑎᐊᕆᐊᖃᕐᓂᐊᖅᑐᑦ, ᐅᐊᑦᑎᔨᖃᕐᓂᐊᖅᖢᓂ ᖃᓂᒌᒃᑐᖃᖅᑐᖃᓕᙱᒃᑲᓗᐊᕐᒪᖔᑦ, ᓇᓗᓇᐃᔭᖅᓯᒪᑦᑎᐊᕐᓂᐊᖅᖢᑎᒃ ᓇᐅᒃᑰᕆᐊᖃᕐᓂᕐᒥᒃ ᒪᑐᐊᖅᓯᒪᓗᑎᓪᓗ.  ᐊᐃᒃᖠᖅᑐᖃᖅᐸᑦ ᐃᓚᒋᔭᖓᑕ ᓂᐅᕕᕈᑎᖓᓂᑦ ᑕᐃᔅᓱᒪᐅᑉ ᐃᓚᒋᔭᕕᑦ ᐱᓂᐊᖅᑕᖓ ᓇᓗᓇᐃᒃᑯᑕᖓᓂᑦᑕᐅᖅ ᐱᓯᒪᒋᐊᖃᖅᐳᑎᑦ. ᐃᓄᐃᑦ ᓇᓗᓇᐃᒃᑯᑕᓕᔭᕆᐊᓖᑦ ᐊᐃᒃᖠᖅᐸᑕ.  ᓇᓗᓇᐃᒃᑯᑕᖃᖅᑐᖃᙱᑉᐸᑦ ᖃᐅᔨᒋᐊᕆᐊᖃᖅᑐᑦ ᐅᖄᓚᓗᑎᓪᓘᓐᓃᑦ.

ᐊᔾᔭᖅᓯᖁᔨᒍᕕᑦ, ᐅᖄᓚᒍᓐᓇᖅᑐᑎᑦ ᐅᕗᖓ 867.979.1484 ᐃᒡᓗᕕᑦ ᓈᓴᐅᑖ ᑐᓂᓗᒍ ᐊᒻᒪᓗ ᑭᒃᑯᑦ ᓂᐅᕕᕈᑎᑖᕈᓐᓇᕐᓂᖏᑦ ᐃᒡᓗᒥᐅᖃᑎᒌᓂᑦ ᐋᑕᐅᓂᐊᖅᑐᓂᒃ.  ᕿᓄᐃᓵᖁᔨᕗᒍᑦ ᐊᒥᓲᖕᒪᑕ ᑐᓴᕋᓱᒃᑐᑦ, ᐃᒻᒪᖄ ᒪᕐᕉᓂ ᐅᓪᓗᓅᑐᐃᓐᓇᕆᐊᓕᒃ ᐋᑦᓯᑎᓪᓗᒋᑦ ᓂᐅᕕᕈᑎᓂ.  ᑭᓇᑐᐃᓐᓇᖅ ᐃᓄᑑᑎᑕᐅᓯᒪᔪᖅ ᓄᕙᓐᓇᕐᔪᐊᖅ-19ᖃᕐᓂᖓᓄᑦ ᐅᖄᓚᒍᓐᓇᖅᑐᑦ  ᐅᖄᓚᕕᒃᓴᒧᑦ ᐋᑦᓯᕕᐅᔪᓐᓇᕐᓂᐊᕐᒪᑦ.

ᖃᖓ ᑐᓂᐅᖅᑲᐃᓛᕐᓂᖏᑦ (9:00am-5:00pm ᒪᑐᓯᒪᔪᖅ 12-1)

ᑰᓕᕝᕕᖕᒥ

ᓇᒡᒐᔾᔭᐅ ᒪᐃ 31st – ᓯᓈ
ᐊᐃᑉᐱᖅ, ᔫᓐ 1st – ᒪᓂᕋᔭᒃ
ᐱᖓᑦᑎᖅ ᔫᓐ 2nd– ᑕᓯᓗᒃ
ᓯᑕᒻᒥᖅ ᔫᓐ 3rd – ᓂᐊᖁᖒ
ᑕᓪᓕᒻᒥᖅ ᔫᓐ 4th – ᑖᒃᑯᐊᓕᒫᑦ 

ᐊᐃᑉ ᐅᒃᐱᒃ ᑲᑎᕝᕕᖕᒥ
ᐊᐃᑉᐱᕐᒥ ᔫᓐ 1st – ᓂᐊᖁᖒᒥ

ᑐᑭᓯᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒃᓴᖅ:
ᓈᑎᐊ ᓯᑰᓂ, ᐊᐅᓚᑦᑎᔨ
ᐊᔮᔮᒃᑯᓐᓂᑦ
nadiac@ayaya.ca
867.222.1484

 

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ