ᐃᓄᖕᓄᑦ ᑐᓴᒐᒃᓴᖅ: ᓄᓇᓕᖕᓂᑦ ᑐᑭᓯᒋᐊᕆᐊᕐᓂᕐᒥᒃ ᐃᓄᐃᑦ ᓄᓇᖁᑎᖏᑦᑕ ᒥᒃᓵᓄᑦ, ᐃᒡᓗᓕᒃ

ᐃᓄᖕᓄᑦ ᑐᓴᒐᒃᓴᖅ: ᓄᓇᓕᖕᓂᑦ ᑐᑭᓯᒋᐊᕆᐊᕐᓂᕐᒥᒃ ᐃᓄᐃᑦ ᓄᓇᖁᑎᖏᑦᑕ ᒥᒃᓵᓄᑦ, ᐃᒡᓗᓕᒃ

 In media-releases-inuk

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓄᓇᓕᕆᔨᒃᑯᖏᑦ ᓄᓇᓕᖕᓂ ᑐᑭᓯᒋᐊᕆᐊᖃᑦᑕᕐᓂᐊᕐᒪᑕ ᐱᔾᔪᑎᒋᓪᓗᒋᑦ ᐃᓄᐃᑦ ᓄᓇᖁᑎᖏᑦ.  ᐱᔾᔪᑎᖓ ᑖᒃᑯᐊ ᑲᑎᒪᓃᑦ ᑐᑭᓯᕝᕕᐅᔪᒪᓪᓗᑎᒃ ᐃᒡᓗᓕᖕᒥᐅᑦ ᖃᓄᐃᒻᒪᑦ ᑖᒃᑯᐊ ᐃᓄᐃᑦ ᓄᓇᖁᑎᖏᑦ ᓂᕈᐊᖅᑕᐅᓚᐅᕐᒪᖔᑖᒃ, ᖃᓄᕐᓗ ᐅᓪᓗᒥ ᐊᑐᖅᑕᐅᓕᕐᓂᖏᑦ, ᐊᒻᒪᓗ ᑭᓱᓄᑦ ᓯᕗᓂᕐᒥᒃ ᐊᑐᖅᑕᐅᔪᓐᓇᕋᔭᕐᓂᖏᑦᓐᓂ.

ᕿᑭᖅᑕᓃᒃᑯᑦ ᑐᒃᓯᕋᖅᑐᑦ ᐃᓚᐅᒍᒪᔪᓂᒃ 6ᓂ ᐃᓄᖕᓂᑦ ᐊᐱᖅᓱᖅᑕᐅᔪᓐᓇᖅᑐᓂ, ᐃᓚᒋᓗᒋᑦ ᓄᓇᓕᖕᓂ ᓄᓇᓕᕆᓂᕐᒧᑦ ᑲᑎᒪᔨᕋᓛᖏᑦ, ᐃᓐᓇᐃᑦ ᐊᒻᒪᓗ ᓄᓇᓂᒃ ᐊᑐᖅᐸᒃᑐᓂᒃ ᖃᐅᔨᒪᔭᖃᖅᑐᓂᓪᓗ ᓄᓇᓕᖕᒥ ᐃᓄᐃᑦ ᓄᓇᖁᑎᖏᓐᓂᑦ.  ᑖᓐᓇ ᑲᑎᒪᓂᖅ ᐱᕕᖃᖅᑎᑦᓯᓂᐊᖅᑐᖅ ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᓐᓂ ᓄᑖᙳᖅᑎᕆᓂᕐᒥᒃ ᑐᑭᓯᒋᐊᕈᑎᓂᒃ ᐃᓄᐃᑦ ᓄᓇᖁᑎᖏᑦ ᐱᓪᓗᒋᑦ ᐊᒻᒪᓗ ᑐᑭᑖᖅᑎᑦᓯᑦᓯᐊᕈᓐᓇᖅᓯᓗᑎᒃ ᓄᓇᓂᒃ ᐊᑐᕐᓂᕐᒧᑦ ᐱᔪᓐᓇᐅᑎᑖᕋᓱᒃᑐᓄᑦ.

ᑖᓐᓇ ᑲᑎᒪᓂᖅ ᕼᐊᒻᓚᒃᑯᑦ ᑲᑎᒪᕕᐊᓃᓐᓂᐊᖅᑐᖅ ᓇᒡᒐᔾᔭᐅᔪᒥᒃ, ᑎᓯᐱᕆ 2, 2019ᒥ 9ᒥᑦ ᐅᓪᓛᒃᑯᑦ 5ᒧᑦ ᐅᓐᓄᒃᑯᑦ, ᐊᒻᒪᓗ ᐃᒻᒪᖄᓗ ᑲᑎᒪᑎᑦᓯᒃᑲᓐᓂᑐᐃᓐᓇᕆᐊᖃᖅᖢᑎᒃ ᑎᓯᐱᕆ 3ᒥ.

ᐃᓚᐅᔪᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᓯᑐᓂ ᐅᖔᓛᖅ

ᓄᓇᓕᖕᒥ ᑐᓴᐅᒪᑎᑦᓯᔨᖓ

867-934-8760

sungalaq@qia.ca

 

ᐱᕙᓪᓕᐊᔪᑦ ᒥᒃᓵᓄᑦ ᑐᑭᓯᒍᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᓯᒪ ᓴᕼᐋᕐ ᓯᐊᕋᕼᐄ

ᑐᑭᒧᐊᒃᑎᑦᓯᔨ, ᑐᓴᐅᒪᖃᑦᑕᐅᑎᓄᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

(867) 975.8413

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ