ᐃᓄᖕᓄᑦ ᑐᓴᒐᒃᓴᖅ: ᓄᓇᓕᖕᓂᑦ ᑐᑭᓯᒋᐊᕆᐊᕐᓂᕐᒥᒃ ᐃᓄᐃᑦ ᓄᓇᖁᑎᖏᑦᑕ ᒥᒃᓵᓄᑦ, ᓴᓂᕋᔭᒃ

ᐃᓄᖕᓄᑦ ᑐᓴᒐᒃᓴᖅ: ᓄᓇᓕᖕᓂᑦ ᑐᑭᓯᒋᐊᕆᐊᕐᓂᕐᒥᒃ ᐃᓄᐃᑦ ᓄᓇᖁᑎᖏᑦᑕ ᒥᒃᓵᓄᑦ, ᓴᓂᕋᔭᒃ

 In media-releases-inuk

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓄᓇᓕᕆᔨᒃᑯᖏᑦ ᓄᓇᓕᖕᓂ ᑐᑭᓯᒋᐊᕆᐊᖃᑦᑕᕐᓂᐊᕐᒪᑕ ᐱᔾᔪᑎᒋᓪᓗᒋᑦ ᐃᓄᐃᑦ ᓄᓇᖁᑎᖏᑦ.  ᐱᔾᔪᑎᖓ ᑖᒃᑯᐊ ᑲᑎᒪᓃᑦ ᑐᑭᓯᕝᕕᐅᔪᒪᓪᓗᑎᒃ ᓴᓂᕋᔭᖕᒥᐅᑦ ᓱᖕᒪᑦ ᑖᒃᑯᐊ ᐃᓄᐃᑦ ᓄᓇᖁᑎᖏᑦ ᓂᕈᐊᖅᑕᐅᓚᐅᕐᒪᖔᑖᒃ, ᖃᓄᕐᓗ ᐅᓪᓗᒥ ᐊᑐᖅᑕᐅᓕᕐᓂᖏᑦ, ᐊᒻᒪᓗ ᑭᓱᓄᑦ ᓯᕗᓂᕐᒥᒃ ᐊᑐᖅᑕᐅᔪᓐᓇᕋᔭᕐᓂᖏᑦᓐᓂ.

ᕿᑭᖅᑕᓃᒃᑯᑦ ᑐᒃᓯᕋᖅᑐᑦ ᐃᓚᐅᒍᒪᔪᓂᒃ 6ᓂ ᐃᓄᖕᓂᑦ ᐊᐱᖅᓱᖅᑕᐅᔪᓐᓇᖅᑐᓂ, ᐃᓚᒋᓗᒋᑦ ᓄᓇᓕᖕᓂ ᓄᓇᓕᕆᓂᕐᒧᑦ ᑲᑎᒪᔨᕋᓛᖏᑦ, ᐃᓐᓇᐃᑦ ᐊᒻᒪᓗ ᓄᓇᓂᒃ ᐊᑐᖅᐸᒃᑐᓂᒃ ᖃᐅᔨᒪᔭᖃᖅᑐᓂᓪᓗ ᓄᓇᓕᖕᒥ ᐃᓄᐃᑦ ᓄᓇᖁᑎᖏᓐᓂᑦ.  ᑖᓐᓇ ᑲᑎᒪᓂᖅ ᐱᕕᖃᖅᑎᑦᓯᓂᐊᖅᑐᖅ ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᓐᓂ ᓄᑖᙳᖅᑎᕆᓂᕐᒥᒃ ᑐᑭᓯᒋᐊᕈᑎᓂᒃ ᐃᓄᐃᑦ ᓄᓇᖁᑎᖏᑦ ᐱᓪᓗᒋᑦ ᐊᒻᒪᓗ ᑐᑭᑖᖅᑎᑦᓯᑦᓯᐊᕈᓐᓇᖅᓯᓗᑎᒃ ᓄᓇᓂᒃ ᐊᑐᕐᓂᕐᒧᑦ ᐱᔪᓐᓇᐅᑎᑖᕋᓱᒃᑐᓄᑦ.

ᑖᓐᓇ ᑲᑎᒪᓂᖅ ᕼᐊᒻᓚᒃᑯᑦ ᑲᑎᒪᕕᐊᓃᓐᓂᐊᖅᑐᖅ ᓇᒡᒐᔾᔭᐅᔪᒥᒃ, ᑎᓯᐱᕆ 4, 2019ᒥ 9ᒥᑦ ᐅᓪᓛᒃᑯᑦ 5ᒧᑦ ᐅᓐᓄᒃᑯᑦ, ᐊᒻᒪᓗ ᐃᒻᒪᖄᓗ ᑲᑎᒪᑎᑦᓯᒃᑲᓐᓂᑐᐃᓐᓇᕆᐊᖃᖅᖢᑎᒃ ᑎᓯᐱᕆ 5ᒥ.

ᐃᓚᐅᔪᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᓕᓕ ᐊᕐᓇᕐᔪᐊᖅ

ᓄᓇᓕᖕᒥ ᑐᓴᐅᒪᑎᑦᓯᔨᖓ

867-928-8103

larnaqjuaq@qia.ca

 

ᐱᕙᓪᓕᐊᔪᑦ ᒥᒃᓵᓄᑦ ᑐᑭᓯᒍᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᓯᒪ ᓴᕼᐋᕐ ᓯᐊᕋᕼᐄ

ᑐᑭᒧᐊᒃᑎᑦᓯᔨ, ᑐᓴᐅᒪᖃᑦᑕᐅᑎᓄᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

(867) 975.8413

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ