ᐃᓄᓕᒫᓄᑦ ᑐᕌᖓᔪᖅ ᐃᖅᑲᓇᐃᔮᔅᓴᖅ – ᓴᖅᑭᖅᑕᐅᑲᓐᓂᖅᑐᖅ ᐃᖅᑲᓇᐃᔮᖅ: ᖃᐅᔨᓴᖅᑐᓕᕆᓂᕐᒧᑦ ᐊᐅᓚᑦᑎᔨ

ᐃᓄᓕᒫᓄᑦ ᑐᕌᖓᔪᖅ ᐃᖅᑲᓇᐃᔮᔅᓴᖅ – ᓴᖅᑭᖅᑕᐅᑲᓐᓂᖅᑐᖅ ᐃᖅᑲᓇᐃᔮᖅ: ᖃᐅᔨᓴᖅᑐᓕᕆᓂᕐᒧᑦ ᐊᐅᓚᑦᑎᔨ

 In jobs-inuk

ᐃᓄᓕᒫᓄᑦ ᑐᕌᖓᔪᖅ ᐃᖅᑲᓇᐃᔮᔅᓴᖅᓴᖅᑭᖅᑕᐅᑲᓐᓂᖅᑐᖅ

ᐃᖅᑲᓇᐃᔮᖅ: ᖃᐅᔨᓴᖅᑐᓕᕆᓂᕐᒧᑦ ᐊᐅᓚᑦᑎᔨ
ᐋᖅᑭᓯᒪᓂᖓ: ᑭᓪᓕᓕᒃ ᒫᑦᓯ 31, 2026 ᖑᕋᓱᓐᓂᖓᓂ
ᒪᑐᐃᖓᔪᖅ ᐃᓄᓐᓄᑦ ᐃᖅᑲᓇᐃᔮᖅᑖᕋᓱᒍᒪᔪᓄᑦ ᑭᓯᐊᓂ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐊᑐᐃᓐᓇᕈᐃᔪᑦ ᐱᓇᓱᐊᕋᔅᓴᑦᑎᐊᕚᓗᒻᒥᒃ ᑭᓇᑐᐃᓐᓇᕐᒧᑦ ᓯᕗᓕᕐᓯᔪᓐᓇᓂᐊᖅᑐᒧᑦ, ᓂᐱᒋᔭᐅᖃᑦᑕᕈᓐᓇᓂᐊᖅᑐᒧᑦ ᐊᒻᒪᓗ ᐃᑲᔪᖅᑎᒌᓐᓂᕐᒥᒃ ᐊᑐᖅᑎᑦᑎᓂᐊᖅᑐᒧᑦ ᐃᓄᓐᓄᑦ−ᑐᑭᒧᐊᑦᑎᑕᐅᔪᒥᒃ ᖃᐅᔨᓴᖅᑐᓕᕆᓂᕐᒥᒃ ᐱᓕᕆᐊᖑᖃᑦᑕᓂᐊᖅᑐᓂᑦ.

ᖃᐅᔨᓴᖅᑐᓕᕆᓂᕐᒧᑦ ᐊᐅᓚᑦᑎᔨᐅᓂᕐᒧᑦ ᐃᖅᑲᓇᐃᔮᖅ ᓯᕗᓕᕐᓯᒍᑕᐅᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ ᕿᑭᖅᑕᓂᒃᑯᓐᓂ ᑐᑭᒧᐊᑦᑎᑕᐅᔪᒥᒃ ᖃᐅᔨᓴᖅᑐᓕᕆᓂᕐᒨᖓᔪᓂᑦ ᐱᓇᓱᐊᕈᑕᐅᖃᑦᑕᓂᐊᖅᑐᓂᑦ ᕿᑭᖅᑕᓂ, ᓇᓗᓇᐃᕐᓯᒍᑎᖃᖃᑦᑕᓂᕐᒥᒃ ᕿᑭᖅᑕᓂ ᐃᓄᓐᓄᑦ ᐊᐅᓚᑦᑎᒍᑕᐅᔪᓂᑦ ᖃᐅᔨᓴᖅᑐᓕᕆᓂᕐᒥᒃ, ᓄᓇᓕᓐᓃᑦᑐᓂᑦ ᖃᐅᔨᓴᕈᑕᐅᔪᓂᑦ, ᓇᐅᑦᑎᕐᓱᕈᑕᐅᔪᓂᓪᓗ. ᑕᕝᕙᓂ ᐃᖅᑲᓇᐃᔮᕐᒥ ᐊᐅᓚᓂᖏᓐᓄᑦ ᐃᖅᑲᓇᐃᔮᖃᓪᓗᐊᑕᕐᓂᐊᖅᑐᖅ ᐃᑲᔪᖃᑦᑕᕐᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐃᓚᒋᔭᐅᑎᑦᑎᓂᕐᒧᓪᓗ ᐊᓪᓚᕝᕕᖓᓐᓂᒃ ᐊᒻᒪᓗ ᐃᑲᔪᕐᓱᐃᖃᑦᑕᓂᕐᒥᒃ ᐱᓇᓱᐊᕈᑎᖏᓐᓂᒃ ᐱᓕᕆᐊᖏᓐᓂᓪᓗ ᓯᕗᒧᐊᑦᑎᑦᑎᔪᓂᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓱᒪᒋᓯᒪᔭᖏᓐᓂᒃ ᑲᔪᓯᑎᒍᒪᒐᔭᕆᐊᔅᓴᖅ ᓯᕗᓪᓕᐅᑎᓯᒪᔭᖏᓐᓂᓪᓗ.

ᐊᖏᔪᖅᑳᖃᕐᓗᓂ ᑐᑭᒧᐊᑦᑎᑦᑎᔨᖓᓐᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓅᖓᔪᓂᑦ ᐃᓚᒋᔭᐅᑎᑦᑎᓂᕐᒨᖓᔪᓂᓪᓗ, ᑕᕝᕙᓂ ᐃᖅᑲᓇᐃᔮᕐᒥ ᐃᑲᔪᖃᑦᑕᓂᐊᖅᑐᖅ ᑲᑐᔾᔨᖃᑎᒌᒃᑯᓐᓂᑦ ᑲᒪᒋᔭᖃᖃᑦᑕᕐᓗᓂ ᐃᖅᑲᓇᐃᔮᖑᔪᓂᑦ ᓲᕐᓗ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᖃᐅᔨᓴᖅᑐᓕᕆᓂᕐᒨᖓᔪᓂᑦ ᑎᑎᕋᖅᑕᐅᓯᒪᔪᓂᑦ ᑕᓪᓗᕈᑎᐅᑉ ᐃᒪᖓᓄᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑎᓂᑦ (ᐊᖏᕈᑏᑦ), ᐊᑐᓕᖅᑎᑦᑎᕙᓪᓕᐊᓂᕐᒥᒃ ᑐᙵᕕᖏᓐᓂᒃ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑲᓇᑕᒥ ᐃᓄᓐᓄᑦ ᐸᕐᓇᐅᑎᓕᐊᖑᓯᒪᔪᓂᑦ ᖃᐅᔨᓴᖅᑐᓕᕆᓂᕐᒧᑦ ᕿᑭᖅᑕᓂ ᓄᓇᓕᓐᓂᑦ ᓄᓇᕗᒥ, ᐃᑲᔪᕐᓗᑎᒃ ᐱᕙᓪᓕᐊᑎᑕᐅᓂᖏᓐᓂᒃ ᑲᒪᒋᔭᐅᓂᖏᓐᓂᓪᓗ ᐃᓄᐃᑦ ᖃᐅᔨᓴᖅᑐᓕᕆᓂᕐᒧᑦ ᐊᐅᓚᔾᔪᑎᔅᓴᖏᑦ, ᐊᒻᒪᓗ ᑲᒪᒋᔭᖃᕐᓂᕐᒥᒃ ᐱᕙᓪᓕᐊᑎᑕᐅᓂᖏᓐᓂᒃ ᐊᑐᓕᖅᑎᑕᐅᕙᓪᓕᐊᓂᖏᓐᓂᓪᓗ ᕿᑭᖅᑕᓂᒃᑯᑦ ᐊᑐᐊᒐᖏᑕ ᐊᐅᓚᔾᔪᓯᖏᑕᓗ, ᐃᓚᒋᔭᐅᓪᓗᑎᒃ ᐱᕙᓪᓕᐊᑎᑦᑎᓂᖅ ᐊᑐᓕᖅᑎᑦᑎᕙᓪᓕᐊᓂᕐᓗ ‘ᕿᑭᖅᑕᓂ ᐃᓄᐃᑦ ᐊᑐᐊᒐᖏᑦ ᖃᐅᔨᓴᖅᑐᓕᕆᓂᕐᒧᑦ’.

ᑲᒪᒋᖃᑦᑕᓂᐊᖅᑕᖏᑦ ᐱᖃᓯᐅᔾᔨᔪᑦ ᕿᒥᕐᕈᓂᕐᒥᒃ ᖃᐅᔨᓴᖅᑐᓕᕆᓂᕐᒨᖓᔪᓂᑦ ᓚᐃᓴᑖᕈᑕᐅᒐᓱᐊᕐᐸᑦᑐᓂᑦ, ᑭᒡᒐᖅᑐᐃᖃᑦᑕᕐᓗᓂ ᕿᑭᖅᑕᓂᒃᑯᓐᓂᑦ ᐊᔾᔨᒌᙱᑦᑐᓂᑦ ᖃᐅᔨᓴᖅᑐᓕᕆᓂᕐᒧᑦ ᐊᒻᒪᓗ ᐱᓕᕆᐊᕐᒥ ᕿᒥᕐᕈᓂᕐᒧᑦ ᑲᑎᒪᔨᕋᓛᕐᓂᑦ, ᖃᐅᔨᓴᖃᑦᑕᓂᕐᒧᑦ ᑐᙵᕕᐅᔪᓄᑦ ᑲᑎᒪᔨᓄᑦ, ᐊᒻᒪᓗ ᐱᔭᕆᐊᑐᔪᓅᖓᔪᓂᑦ ᐃᑲᔪᖃᑦᑕᕐᓗᓂ ᐱᕙᓪᓕᐊᑎᑦᑎᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᓇᐅᑦᑎᕐᓱᖃᑦᑕᓂᕐᒥᓪᓗ ᐱᓕᕆᓂᐅᔪᓐᓇᖅᑐᓂᑦ ᕿᑭᖅᑕᓂᒃᑯᑦ ᐃᓄᓐᓂᑦ ᓇᐅᑦᑎᕐᓱᖅᑎᖃᕐᓂᕐᒧᑦ ᐱᓕᕆᐊᕐᒥ. ᐱᓕᕆᐊᑦ ᐊᑐᓕᖅᑎᑦᑎᕙᓪᓕᐊᓂᕐᒨᖓᔪᑦ ᑕᓪᓗᕈᑎᐅᑉ ᐃᒪᖓᓄᑦ ᐊᖏᕈᑎᓂᑦ IIBA ᒪᑯᓂᖓ ᐃᓚᖃᑐᐃᓐᓇᕆᐊᓖᑦ ᑲᒪᒋᔭᖃᕐᓂᕐᒥᒃ ᐱᕙᓪᓕᐊᑎᑦᑎᓂᕐᒥᒃ ᑕᓪᓗᕈᑎᐅᑉ ᐃᒪᖓᓂ ᖃᐅᔨᓴᖅᑐᓕᕆᓂᕐᒧᑦ ᓇᐅᑦᑎᕐᓱᖃᑦᑕᓂᕐᒧᓪᓗ ᐸᕐᓇᐅᑎᓂᑦ, ᐃᓄᓐᓄᑦ ᖃᐅᔨᓴᖃᑦᑕᓂᕐᒧᑦ ᓇᐅᑦᑎᕐᓱᖃᑦᑕᓂᕐᒧᓪᓗ ᑮᓇᐅᔭᖏᓐᓂᒃ, ᐊᒻᒪᓗ ᕿᒥᕐᕈᖃᑦᑕᓂᕐᒥᒃ ᖃᐅᔨᓴᖅᑐᓕᕆᓂᕐᒧᑦ ᑐᔅᓯᕋᐅᑎᓂᑦ ᒪᓕᓪᓗᒋᑦ ᐊᖏᕈᑏᑦ.

ᐅᔾᔨᕈᓱᓐᓂᖃᕆᐊᖃᕐᒥᔪᖅ ᑲᑎᒪᔨᐅᕕᒻᒥᑦ ᐃᓅᖃᑎᒌᓂᑦ, ᑮᓇᐅᔭᓕᐅᕋᓱᐊᕈᑎᖃᕐᕕᒻᒥᓗ/ᒪᑭᒪᓇᓱᐊᕈᑎᖃᕐᕕᒻᒥᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᐊᒻᒪᓗ ᓄᓇᕗᒥ ᐊᒻᒪᓗ ᐃᓄᐃᑦ ᓄᓇᖓᓐᓂ ᑕᒪᒃᑯᓂᖓᐅᒐᔪᑦᑐᖅ.

ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ ᐊᔪᙱᑕᖏᓐᓂᒃ ᐋᖅᑭᔅᓱᐃᖃᑦᑕᓂᕐᒥᒃ, ᐊᑐᓕᖅᑎᑦᑎᕙᓪᓕᐊᓂᕐᒥᒃ ᖃᐅᔨᓴᖃᑦᑕᓂᕐᒥᓪᓗ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᔾᔪᓯᐅᔭᕆᐊᓕᓐᓂᑦ, ᑲᒪᖃᑦᑕᓕᓂᐅᓂᖓᓂᒃ ᓈᒻᒪᑦᑐᓂᑦ ᐊᒻᒪᓗ ᐅᕝᕙᓘᓐᓃᑦ ᐊᒥᓱᓂᑦ ᖃᐅᔨᓴᖅᑐᓕᕆᒍᑎᓂᑦ ᐊᒻᒪᓗ ᖃᐅᔨᒪᑦᑎᐊᕐᓗᓂ ᐃᓄᓕᕆᓂᕐᒨᖓᔪᓂᑦ, ᐃᓅᓯᕐᒨᖓᔪᓂᑦ ᐅᕝᕙᓘᓐᓃᑦ ᖃᐅᔨᓴᖅᑐᓕᕆᔾᔪᑎᓂᑦ ᖃᐅᔨᓴᖅᑐᓕᕆᓂᕐᒥᒃ ᐱᓕᕆᔾᔪᓯᐅᓲᓂᑦ ᐊᒻᒪᓗ ᐱᓇᓱᐊᕈᑕᐅᓲᓂᑦ ᐊᑕᐅᓯᑐᐊᕐᒥᑦ ᓇᒻᒥᓂᕐᓱᖅᑐᓂᑦ ᑖᒃᑯᓂᖓᐃᓐᓇᑲᓪᓚᒃ ᐊᐅᓚᔾᔪᓯᖃᕈᓐᓃᖁᓪᓗᒍ ᖃᐅᔨᓴᖅᑐᓕᕆᖃᑦᑕᕐᓂᖅ. ᒪᕐᕉᓐᓂᒃ ᐊᕐᕌᒎᓐᓂᒃ ᐃᖅᑲᓇᐃᔮᖃᕐᓯᒪᔭᕆᐊᓕᒃ ᖃᐅᔨᓴᖅᑐᓕᕆᓂᕐᒥᒃ ᐸᐃᑉᐹᓕᕆᔾᔪᓯᕆᓂᕐᒥᒃ, ᑲᒪᒋᔭᖃᖃᑦᑕᓂᕐᒥᒃ ᐅᕝᕙᓘᓐᓃᑦ ᐱᔨᑦᑎᕋᐅᑎᖃᖃᑦᑕᓂᕐᒥᒃ. ᐃᖅᑲᓇᐃᔮᖃᓕᓂᐅᔭᕆᐊᓕᒃ ᑎᑎᖅᑲᖁᑎᖃᕐᕕᒻᒥᒃ ᑲᒪᒋᔭᖃᖃᑦᑕᓂᕐᒥᒃ, ᐊᒻᒪᓗ ᑮᓇᐅᔭᓕᕆᔾᔪᑎᓂᑦ ᐸᐃᑉᐹᓕᕆᔾᔪᑕᐅᓲᓂᑦ ᐱᓕᕆᐊᔅᓴᓄᑦ ᐱᓕᕆᐊᕐᓄᓘᓐᓃᑦ.

ᑕᕝᕙᓂ ᐃᖅᑲᓇᐃᔮᕐᒥ ᓯᕗᓕᕐᓯᒍᓐᓇᑦᑎᐊᕆᐊᓕᒃ, ᐊᒻᒪᓗ ᐃᓄᓕᒫᓄᑦ ᓂᓪᓕᐊᖃᑦᑕᓂᕐᒥᒃ ᐊᔪᙱᓐᓂᖃᕆᐊᓕᒃ ᐅᓂᒃᑳᖃᑦᑕᕐᓗᓂ, ᐅᕝᕙᓘᓐᓃᑦ ᑲᒪᒋᔭᖃᖃᑦᑕᕐᓗᓂ ᑲᑎᒻᒪᔪᓂᑦ ᑲᑎᒪᓂᕐᓂᑦ. ᑕᕝᕙᓂ ᐃᖅᑲᓇᐃᔮᕐᒥ ᑎᑎᖅᑲᑎᒍᑦ ᐅᖃᐅᓯᒃᑯᓪᓗ ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑦᑎᐊᕆᐊᓕᒃ ᐊᒻᒪᓗ ᖃᓪᓗᓇᐅᔭᕈᓐᓇᕐᓗᓂ ᐃᓄᒃᑎᑑᕈᓐᓇᕐᓗᓂ ᑖᒃᑯᐊ ᐊᑑᑎᖃᓗᐊᕋᔭᕐᒥᔪᑦ.

ᑖᓐᓇ ᐃᖅᑲᓇᐃᔮᔅᓴᖅ ᐱᔭᕇᕐᓯᓯᒪᒍᑕᐅᔭᕆᐊᓕᒃ ᓯᓚᑦᑐᓴᕐᕕᒻᒥ ᐸᐃᑉᐹᖅᑖᕈᑕᐅᓯᒪᓗᓂ ᖃᐅᔨᓴᖅᑐᓕᕆᓂᕐᒥᒃ, ᐃᓅᓯᓕᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ ᐅᕝᕙᓘᓐᓃᑦ ᐊᓯᖏᓐᓂᒃ ᑕᒪᑐᒧᖓ ᑐᕌᖓᔪᓂᑦ ᐃᓕᓐᓂᐊᕈᑕᐅᓲᓂᑦ. ᑲᑎᓯᒪᔪᓂᑦ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᐃᖅᑲᓇᐃᔮᖃᕐᓯᒪᑉᐸᓪᓗ ᑐᑭᓯᔭᐅᓯᒪᔪᓐᓇᕐᒥᔪᖅ ᓇᓕᒧᑦᑎᔭᕆᐊᔅᓴᖓᓂᒃ ᑕᒪᒃᑯᓂᖓ.

ᐱᒋᐊᕈᑎᒋᒐᔭᖅᑕᖏᑦ ᑮᓇᐅᔾᔭᔅᓵᖏᓐᓄᑦ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓲᓂᓖᑦ $89,433 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕋᔭᖅᑐᖅ ᐊᒥᓲᓂᓕᓐᓂᑦ $27,600 ᐊᕐᕌᒍᑕᒫᑦ.

ᐃᓪᓗᔅᓴᑕᖃᙱᑦᑐᖅ ᑖᓐᓇ ᐃᖅᑲᓇᐃᔮᕆᓂᐊᕐᓗᒍ.

ᐱᓇᓲᑕᐅᔪᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᑎᑎᖅᑲᓂᐊᕐᕕᒃᑯᓪᓘᓐᓃᑦ ᐅᕗᖓ ᑐᕌᖅᑎᓪᓗᒋᑦ:

ᐃᖅᑲᓇᐃᔭᖅᑐᓕᕆᓂᕐᒧᑦ            ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ    ᓱᒃᑲᔪᒃᑰᕈᑖ: (867) 979-3238
ᐃᒡᓗᕗᑦ, 2 ᖄᖅᑎᖓ
ᑎᑎᖅᑲᒃᑯᕕᖓ 1340              ᐃᕐᖐᓈᖅᑕᐅᑖ: Resumes@qia.ca
ᐃᖃᓗᐃᑦ, ᓄᓇᕗᑦ X0A 0H0

ᒪᑐᕕᔅᓴᓕᒃ: ᑕᓪᓕᒻᒥᖅ ᐊᒡᒌᓯ 12, 2022 5:00 ᒨᖅᑲᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ