ᐃᓄᓕᒫᓄᑦ ᑐᓴᕋᔅᓴᖅ: ᕿᑭᖅᑕᓂᒃᑯᑦ ᓇᓗᓇᐃᕐᓯᕗᑦ ᐱᓕᕆᔾᔪᓯᐅᖃᑦᑕᓂᐊᖅᑐᓂᑦ ᐃᓄᑐᖃᐃᑦ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᑖᕈᑎᒋᖃᑦᑕᓂᐊᖅᑕᖏᓐᓂᒃ ᐃᖃᓗᓐᓂ ᑭᙵᕐᓂᓗ.

ᐃᓄᓕᒫᓄᑦ ᑐᓴᕋᔅᓴᖅ: ᕿᑭᖅᑕᓂᒃᑯᑦ ᓇᓗᓇᐃᕐᓯᕗᑦ ᐱᓕᕆᔾᔪᓯᐅᖃᑦᑕᓂᐊᖅᑐᓂᑦ ᐃᓄᑐᖃᐃᑦ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᑖᕈᑎᒋᖃᑦᑕᓂᐊᖅᑕᖏᓐᓂᒃ ᐃᖃᓗᓐᓂ ᑭᙵᕐᓂᓗ.

 In COVID19-inuk, media-releases-inuk

ᐅᓪᓗᖅ ᓴᖅᑭᖅᑕᐅᕕᖓ: ᒪᐃ 7, 2021
ᐱᔾᔪᑖ: ᕿᑭᖅᑕᓂᒃᑯᑦ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᓂᑦ ᓂᐅᕕᐅᑎᔅᓴᐃᑦ ᐃᑲᔫᑎᖏᑦ ᐃᓄᑐᖃᕐᓄᑦ 
ᐊᑐᖅᑕᐅᓂᕆᓂᐊᖅᑕᖏᑦ ᒪᐃ 10ᒥ − 14ᒧᑦ, 2021

ᐱᔾᔪᑎᒋᓪᓗᒋᑦ ᒫᓐᓇ ᐃᓱᒫᓗᓇᕐᓂᖓ ᖃᓂᒪᓇᖅᑐᒧᑦ ᐃᖃᓗᓐᓂ ᑭᙵᕐᓂᓗ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᔾᔨᓱᑦᑎᐊᕐᓗᑎᒃ ᑲᒪᒋᔭᖃᕐᓂᐊᕐᖓᑕ ᐃᓄᑐᖃᐃᑦ ᐊᑦᑕᓇᖅᑐᒦᖁᓇᒋᑦ ᑐᓂᐅᖅᑲᖅᑕᐅᓕᕋᐃᑉᐸᑕ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᑖᕈᑎᔅᓴᐃᑦ. ᐊᒥᓲᓂᕐᐹᕆᔪᓐᓇᖃᑦᑕᓂᐊᖅᑕᖏᑦ 25 ᑭᒃᑯᑐᐃᓐᓇᐃᑦ ᓂᐅᕕᕐᕕᒻᒧᑦ ᐃᓯᕐᓯᒪᖃᑦᑕᓂᐊᖅᑐᑦ ᓇᓪᓕᑭᑕᖃᑦᑕᕐᓗᑎᒃ.

ᐃᖃᓗᓐᓂ, ᑐᓂᐅᖅᑲᖅᑕᐅᓛᖅᑐᑦ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᑖᕈᑎᔅᓴᐃᑦ ᐱᒋᐊᕐᓗᑎᒃ ᓇᒡᒐᔾᔭᐅᒥ, ᒪᐃ 2021. ᓂᐅᕕᕋᓚᒡᕕᒃ ᒪᑐᐃᖓᓛᖅᑐᖅ ᐃᓄᑐᖃᐃᓐᓇᕐᓄᑦ ᑭᓯᐊᓂ 8ᒥ ᐅᓪᓛᒃᑯᑦ − 9ᒧᑦ ᐅᓪᓛᒃᑯᑦ. ᑐᓂᐅᖅᑲᖅᑕᐅᓛᖅᑐᑦ ᓂᕿᑖᕈᑎᔅᓴᐃᑦ ᓇᓪᓕᑭᑕᖅᑎᑕᐅᓗᑎᒃ ᒪᓕᓪᓗᒋᑦ ᐃᒫᒃ ᐋᖅᑭᓯᒪᓂᕆᓂᐊᖅᑕᖏᑦ ᑖᒃᑯᐊ:

ᓇᒡᒐᔾᔭᐅᒥ: ᐊᑎᕈᓯᖏᑦ ᐱᒋᐊᙵᕐᓂᓖᑦ ᐅᑯᓂᖓ A-E
ᐊᐃᑉᐱᕐᒥ: ᐊᑎᕈᓯᖏᑦ ᐱᒋᐊᙵᕐᓂᓖᑦ ᐅᑯᓂᖓ F-K
ᐱᖓᑦᑎᕐᒥ: ᐊᑎᕈᓯᖏᑦ ᐱᒋᐊᙵᕐᓂᓖᑦ ᐅᑯᓂᖓ L-N
ᑎᓴᒻᒥᕐᒥ: ᐊᑎᕈᓯᖏᑦ ᐱᒋᐊᙵᕐᓂᓖᑦ ᐅᑯᓂᖓ O-S
ᑕᓪᓕᒥᕐᒥ: ᐊᑎᕈᓯᖏᑦ ᐱᒋᐊᙵᕐᓂᓖᑦ ᐅᑯᓂᖓ T-Z

ᓵᒥᑦ ᐋᖅᑭᔅᓯᓯᒪᓛᖅᑐᑦ ᐅᑭᐅᖅᑕᖅᑐᒥ ᓂᐅᕕᕋᓚᒡᕕᒻᒥ, ᐊᒻᒪᓗ ᑕᐃᑯᙵᖅᑐᑦ ᒪᓕᖃᑦᑕᓛᖁᔭᐅᕗᑦ ᐅᖓᓯᒌᔾᔫᒥᒋᐊᖃᕐᓂᕐᒥᒃ ᐊᒻᒪᓗ ᒪᑐᐊᕐᓯᒪᔭᕆᐊᖃᕐᓂᕐᒥᒃ ᒪᓕᑦᑕᐅᖁᔭᐅᓯᒪᔪᓂᑦ ᐊᖏᔪᖅᑳᖓᓐᓄᑦ ᐃᓄᓕᒫᓄᑦ ᐋᓐᓂᐊᖅᑐᓕᕆᔨᒃᑯᑦ.

ᑭᙵᕐᓂᑦ, ᑐᓂᓯᐅᖅᑲᖅᑕᐅᓛᖅᑐᑦ ᐱᒋᐊᕐᓗᑎᒃ ᐊᐃᑉᐱᕐᒥ, ᒪᐃ 11, 2021. ᐃᓄᑐᖃᕐᓄᑦ ᐃᑲᕐᕋᖃᓛᖅᑐᑦ  8ᒥ ᐅᓪᓛᒃᑯᑦ − 10ᒧᑦ ᐅᓪᓛᒃᑯᑦ. ᓵᒥᑦ ᐋᖅᑭᔅᓯᓯᒪᓛᖅᑐᑦ ᐃᓄᑐᖃᕐᓄᑦ ᐊᐃᔅᓯᕐᕕᐅᖃᑦᑕᓛᖅᑐᒥᒃ ᓂᕿᑖᕈᑎᔅᓴᓂᑦ ᐊᒻᒪᓗ ᑕᐃᒫᔅᓴᐃᓐᓇᖅ ᒪᓕᒋᐊᓕᓐᓂᑦ ᒪᓕᒋᐊᖃᓛᕐᒥᔪᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑖᒃᑯᐊ ᐃᑲᔫᑏᑦ ᒥᔅᓵᓄᑦ, ᑎᑎᕋᕈᓐᓇᖅᑐᓯ ᖃᕋᓴᐅᔭᒃᑯᑦ: COVID-19@qia.ca ᐅᖄᓚᓗᓯᓘᓐᓃᑦ ᐅᕗᖓ: 1-867-975-8383.

ᐊᑏ ᑕᑯᓂᐊᖃᑦᑕᓂᐊᖅᑯᓯ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓄᑦ ᐅᕗᖓ qia.ca ᑐᑭᓯᒃᑲᓂᕐᓂᐊᕋᔅᓯ ᐊᒻᒪᓗ ᖃᐅᑕᒫᑦ ᑐᑭᓯᑎᑦᑎᒋᐊᕈᑕᐅᕙᑦᑐᓂᑦ.

ᐅᖃᓕᒫᖃᑦᑕᕈᓐᓇᕐᒥᔪᓯ ᒫᓐᓇᓕᓴᐅᓂᕐᐹᓂᑦ ᑐᓴᕋᔅᓴᓂᑦ ᑐᑭᓯᑎᑦᑎᒋᐊᕈᑕᐅᕙᑦᑐᓂᓪᓗ ᐅᑯᓇᙵᑦ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᖏᓐᓂᒃ Facebook, Twitter ᐊᒻᒪᓗ Instagram.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:
ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᖓᓐᓄᑦ ᑐᓴᐅᒪᖃᑦᑕᐅᑎᑎᑦᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.975.8413 or
1.800.667.2742

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ