ᐃᓄᓕᒫᓄᑦ ᑐᓴᕋᔅᓴᖅ: ᕿᑭᖅᑕᓂᒃᑯᑦ ᐱᔭᕇᕐᓯᔪᑦ ᐃᓱᒫᓗᓇᕐᓯᓯᒪᑎᓪᓗᒍ ᐊᐅᓪᓚᕐᓯᒪᖃᑦᑕᓂᕐᒧᑦ ᐃᑲᔫᑎᐅᖃᑦᑕᓚᐅᖅᑐᓂᑦ ᐃᑲᔫᑎᖃᑦᑎᐊᓚᐅᖅᑎᓪᓗᒋᑦ.

ᐃᓄᓕᒫᓄᑦ ᑐᓴᕋᔅᓴᖅ: ᕿᑭᖅᑕᓂᒃᑯᑦ ᐱᔭᕇᕐᓯᔪᑦ ᐃᓱᒫᓗᓇᕐᓯᓯᒪᑎᓪᓗᒍ ᐊᐅᓪᓚᕐᓯᒪᖃᑦᑕᓂᕐᒧᑦ ᐃᑲᔫᑎᐅᖃᑦᑕᓚᐅᖅᑐᓂᑦ ᐃᑲᔫᑎᖃᑦᑎᐊᓚᐅᖅᑎᓪᓗᒋᑦ.

 In media-releases-inuk

ᐅᓪᓗᖅ ᑐᓴᖅᑎᑦᑎᕕᐅᔪᖅ: ᔫᓂ 18, 2021
ᐱᔾᔪᑕᐅᔪᖅ: ᕿᑭᖅᑕᓂᒃᑯᑦ ᐃᓱᒫᓗᓇᕐᓯᓯᒪᑎᓪᓗᒍ ᐊᐅᓪᓚᕐᓯᒪᖃᑦᑕᓂᕐᒧᑦ ᐃᑲᔫᑏᑦ ᐱᔭᕇᖅᑕᐅᓂᖏᑦ 

ᐃᖃᓗᐃᑦ, ᓄᓇᕗᑦ − ᐃᑲᔫᑎᖃᑦᑎᐊᓚᐅᖅᑎᓪᓗᒋᑦ $1,235,000ᓂᑦ ᑲᓇᑕᐅᑉ ᒐᕙᒪᒃᑯᖏᑦ ᓄᓇᖃᖅᑐᑐᖃᕐᓄᑦ ᓄᓇᓕᐅᔪᓄᑦ ᐃᑲᔫᑎᑎᒍᑦ ᑮᓇᐅᔭᓂᑦ, ᐊᐅᓪᓚᕐᓯᒪᖃᑦᑕᓂᕐᒧᑦ ᐃᑲᔫᑏᑦ ᒫᓐᓇ ᐱᔭᕇᖅᑐᑦ ᐊᑐᔾᔮᒍᓐᓃᕐᒥᔪᑦ.

ᐅᖓᑖᓃᑦᑐᑦ 800 ᕿᑭᖅᑕᓂ ᐃᓄᐃᑦ ᐃᑲᔫᓯᐊᖅᑖᔪᔪᑦ ᑮᓇᐅᔭᓂᑦ ᐃᑲᔫᓯᐊᖅᑖᕈᓐᓇᖅᑐᓂᑦ ᐃᓪᓗᒥᐅᖃᑎᒌᓂᑦ ᐊᑕᐅᓯᐊᖅᑐᑎᒃ ᐊᒥᓲᓂᓕᓐᓂᑦ $1,500 ᐃᑲᔫᓯᐊᓂᑦ ᐃᓄᓕᓐᓃᕋᔭᙱᑲᐃᓐᓇᓂᐊᕐᖓᑕ ᐊᐅᓪᓚᕐᓯᒪᓗᑎᒃ ᒫᓐᓇᕋᑖᖑᓯᒪᔪᖅ ᖃᓂᒪᓇᖅᑐᖅᑕᖃᑲᐃᓐᓇᕐᓯᒪᓚᐅᖅᑎᓪᓗᒍ ᑭᙵᕐᓂᑦ ᐃᖃᓗᓐᓂᓪᓗ.

ᑮᓇᐅᔭᖅᑖᖑᓯᒪᔪᑦ ᐃᓪᓗᒥᐅᖃᑎᒌᓂᑦ ᐊᑐᖅᑕᐅᔪᓐᓇᖅᑐᑦ ᓂᐅᕕᐅᑕᐅᓗᑎᒃ ᒪᑯᓂᖓ ᐅᖅᓱᖅ, ᓴᒃᑯᐃᑦ, ᓂᖀᑦ, ᐊᓯᖏᓐᓂᓪᓗ ᐊᑐᕆᐊᖃᓲᖏᓐᓂᒃ ᐊᐅᓪᓚᕐᓯᒪᓪᓗᑎᒃ. ᐅᐱᕐᖔᖅ ᐊᐅᑉᐸᓪᓕᐊᓕᕐᒥᑎᓪᓗᒍ ᐃᖃᓗᓐᓂ, ᐊᑐᖅᑕᐅᔪᓐᓇᕐᒥᔪᑦ ᐅᒥᐊᖅᑐᖃᑦᑕᕐᓇᐅᓛᓕᕐᒥᔪᒧᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᖃᓄᑐᐃᓐᓇᖅ ᕿᑭᖅᑕᓂᒃᑯᑦ ᖃᓂᒪᓇᖅᑐᖅᑕᖃᕐᓂᖓᓄᑦ ᐃᑲᔫᑏᑦ ᒥᔅᓵᓄᑦ, ᑎᑎᕋᖃᑦᑕᕈᓐᓇᖅᑐᓯ ᖃᕋᓴᐅᔭᒃᑯᑦ: COVID-19@qia.ca ᐅᖄᓚᓗᓯᓘᓐᓃᑦ: 1-867-975-8383.

ᑐᑭᓯᒋᐊᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:
ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᖓᓐᓄᑦ ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.975.8413 or
1.800.667.2742

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ