ᐃᓄᓕᒫᓄᑦ ᑐᓴᕋᔅᓴᖅ: ᐃᓄᐃᑦ ᓄᓇᖁᑎᖓᓐᓂ ᐃᒪᐅᑉ ᓯᓈᓂ ᐊᑦᑕᓇᖅᑐᒦᑦᑕᐃᓕᓂᖅ

ᐃᓄᓕᒫᓄᑦ ᑐᓴᕋᔅᓴᖅ: ᐃᓄᐃᑦ ᓄᓇᖁᑎᖓᓐᓂ ᐃᒪᐅᑉ ᓯᓈᓂ ᐊᑦᑕᓇᖅᑐᒦᑦᑕᐃᓕᓂᖅ

 In media-releases-inuk

ᐅᓪᓗᖅ ᓴᖅᑭᖅᑕᐅᕕᖓ: ᔪᓚᐃ 08, 2021
ᐱᔾᔪᑖ: ᐃᓄᐃᑦ ᓄᓇᖁᑎᖓᓐᓂ ᐃᒪᐅᑉ ᓯᓈᓂ ᐅᐊᑦᑎᔨᖃᕐᔫᒥᔭᒐᓐᓂᕐᓴᐅᓂᐊᖅᑐᖅ ᐊᐅᔭᐅᓂᖓᓂ 
ᖃᖓᒃᑯᑦ ᐊᒻᒪᓗ ᑐᑭᓯᐅᒪᔾᔪᑎᔅᓴᐃᑦ: ᑕᓪᓕᕐᒥᐅᓕᕋᐃᑉᐸᑦ ᓯᕙᑖᕐᕕᐅᓕᕋᐃᑉᐸᓪᓗ ᐅᓐᓄᒃᑯᑦ ᑕᓪᓕᒪᓂᑦ (5) ᐱᓇᓱᐊᕈᓯᕐᓂᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᖃᐅᔨᒃᑲᐃᒍᒪᕗᑦ ᐃᖃᓗᒻᒥᐅᓂᑦ ᑕᑯᖃᑦᑕᓂᕐᓴᐅᓂᐊᕐᖓᑕ ᐅᐊᑦᑎᔨᓂᑦ ᐃᖃᓗᐃᑦ ᓯᓈᖓᓂ ᐃᓄᐃᑦ ᓄᓇᖁᑎᖓᓐᓂ ᐃᒪᐅᑉ ᓯᓈᓂ ᐊᐅᔭᐅᓂᖓᓂ.

ᐅᐊᑦᑎᔩᑦ ᐃᖅᑲᓇᐃᔭᖅᑐᑦ ᑕᒫᓃᖃᑦᑕᓂᐊᕐᖓᑕ ᑕᓪᓕᕐᒥᐅᓕᕋᐃᑉᐸᑦ ᓯᕙᑖᕐᕕᐅᓕᕋᐃᑉᐸᓪᓗ ᑕᓪᓕᒪᓂᑦ ᐱᓇᓱᐊᕈᓯᐅᓂᐊᖅᑐᓂᑦ. ᐅᐊᑦᑎᔩᑦ ᐃᖅᑲᓇᐃᔭᖅᑐᑦ ᐃᑲᔪᕐᓂᐊᕐᖓᑕ ᐃᖃᓗᐃᑦ ᓯᓈᖓ ᐊᑐᖅᑕᐅᖃᑦᑕᕆᐊᖃᖅᑎᓪᓗᒍ ᑕᐃᒫᒃ ᐊᑐᖅᑕᐅᖃᑦᑕᕈᒫᕐᓂᐊᕐᓯᒪᒻᒪᑦ ᐊᒻᒪᓗ ᐊᑦᑕᓇᙱᑦᑑᒋᐊᒃᑲᓐᓂᖁᓪᓗᒍ ᓯᓈᖓᓂ ᐊᑐᕐᐸᑦᑐᓄᑦ ᐊᒻᒪᓗ ᖃᓂᒋᔭᖓᓂ ᐃᓪᓗᓕᓐᓄᑦ.

ᑕᒫᓂ ᐅᐊᑦᑎᔫᒥᔭᒐᓐᓂᕐᓴᐅᖃᑦᑕᓂᐊᕐᖓᑕ ᐃᓚᒋᔭᐅᓪᓗᓂ ᕿᑭᖅᑕᓂᒃᑯᑦ ᐸᕐᓈᕆᓯᒪᔭᖏᓐᓄᑦ ᐃᖅᑲᓇᐃᔮᕇᓐᓇᖅᑕᖏᓐᓄᑦ ᑕᒪᓐᓇ ᐃᖃᓗᐃᑦ ᓯᓈ ᐊᑦᑕᓇᙱᑦᑑᖁᓪᓗᒍ ᐊᒻᒪᓗ ᐊᑐᕋᔅᓴᐅᖁᓪᓗᒍ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐊᒻᒪᓗ ᐃᑲᔪᕈᒪᓪᓗᑎᒃ ᐱᖅᑯᓯᖅᑎᒍᑦ ᓂᕿᔅᓴᕐᓯᐅᕆᐊᕐᐸᑦᑐᓄᑦ.

ᐃᖃᓗᐃᑦ ᓯᓈᖓᓂ ᐃᓄᐃᑦ ᓄᓇᖁᑎᖓᑦ ᑕᒪᓐᓇᐅᒻᒪᑦ ᐊᑯᓐᓂᖓᓃᑦᑐᖅ ᓯᑯᓯᐅᑎᒃᑯᑦ ᐅᐊᑦᑎᔩᑦ ᐊᓪᓚᕝᕕᐊᑕ ᖃᓂᒋᔭᖓᓂ ᑕᐅᓄᖓ ᑐᓚᑦᑕᕐᕕᒻᒨᖓᔪᖅ ᐅᖓᑖᓂ ᐃᖃᓗᐃᑦ ᐅᖃᓕᒫᒐᖃᕐᕕᐅᑉ.

ᑐᑭᓯᒋᐊᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᐅᐃᓪ Hᐊᑉᑭᓐᔅ,
ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᖓᓐᓄᑦ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
876.975.8413 or
1.800.667.2742

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ